IPL 2025: ಆರ್ಸಿಬಿ ಬೌಲರ್ಗಳ ಪರಾಕ್ರಮ; ಒಮ್ಮೆಯೂ 50 ರನ್ ಗಡಿ ದಾಟದ 8 ಎದುರಾಳಿ ತಂಡಗಳು
RCB's Bowling Prowess: ಐಪಿಎಲ್ 2025 ರ 37ನೇ ಪಂದ್ಯದಲ್ಲಿ ಪಂಜಾಬ್ ಕಿಂಗ್ಸ್ ತಂಡ ಆರ್ಸಿಬಿ ಬೌಲರ್ಗಳ ಮುಂದೆ ಬೃಹತ್ ಮೊತ್ತ ಕಲೆಹಾಕಲು ಎಡವಿತು. ಆರ್ಸಿಬಿ ತನ್ನ ಬೌಲಿಂಗ್ ದಾಳಿಯಿಂದ ಈ ಸೀಸನ್‌ನಲ್ಲಿ ಎಲ್ಲಾ ಎದುರಾಳಿ ತಂಡಗಳಿಗೂ ಮೊದಲ ವಿಕೆಟ್ಗೆ 50 ರನ್‌ಗಳಿಗಿಂತ ಹೆಚ್ಚು ಪಾಲುದಾರಿಕೆ ಮಾಡಲು ಅವಕಾಶ ನೀಡಿಲ್ಲ.
Updated on: Apr 20, 2025 | 6:35 PM
ಐಪಿಎಲ್ 2025 (IPL 2025) ರ 37 ನೇ ಪಂದ್ಯ ಪಂಜಾಬ್ ಕಿಂಗ್ಸ್ ಮತ್ತು ರಾಯಲ್ ಚಾಲೆಂಜರ್ಸ್ ಬೆಂಗಳೂರು (PBKS vs RCB) ನಡುವೆ ನಡೆಯಿತು. ಈ ಪಂದ್ಯದಲ್ಲಿ ಟಾಸ್ ಗೆದ್ದ ಆರ್ಸಿಬಿ (RCB) ಮೊದಲು ಬೌಲಿಂಗ್ ಮಾಡಲು ನಿರ್ಧರಿಸಿದ್ದರಿಂದ ಮೊದಲು ಬ್ಯಾಟಿಂಗ್ ಮಾಡಿದ ಪಂಜಾಬ್ ಕಿಂಗ್ಸ್ 157 ರನ್ ಕಲೆಹಾಕಿತು. ಪಂಜಾಬ್ ಪರ ಆರಂಭಿಕರಾದ ಪ್ರಭ್ಸಿಮ್ರಾನ್ ಸಿಂಗ್ ಮತ್ತು ಪ್ರಿಯಾಂಶ್ ಆರ್ಯ ಉತ್ತಮ ಆರಂಭ ನೀಡಿದರು. ಇಬ್ಬರೂ ಮೊದಲ ವಿಕೆಟ್ಗೆ 26 ಎಸೆತಗಳಲ್ಲಿ 42 ರನ್‌ಗಳ ಜೊತೆಯಾಟವನ್ನಾಡಿದರು. ಈ ಜೊತೆಯಾಟ ಮುರಿದ ಕೃನಾಲ್ ಪಾಂಡ್ಯ, ಸ್ಫೋಟಕ ಬ್ಯಾಟಿಂಗ್ನ ಸುಳಿವು ನೀಡಿದ್ದ ಪ್ರಿಯಾಂಶ್ ಅವರನ್ನು ಪೆವಿಲಿಯನ್ಗಟ್ಟಿದರು. ಇದರೊಂದಿಗೆ, ಈ ಸೀಸನ್‌ನಲ್ಲಿ ಸತತ 8 ನೇ ಪಂದ್ಯದಲ್ಲೂ ಆರ್ಸಿಬಿ ಬೌಲರ್ಗಳು ಯಾವುದೇ ತಂಡಕ್ಕೆ ಮೊದಲ ವಿಕೆಟ್ಗೆ 50 ರನ್‌ಗಳ ಪಾಲುದಾರಿಕೆ ನಡೆಸಲು ಅವಕಾಶ ಮಾಡಿಕೊಡದ ಸಾಧನೆ ಮಾಡಿದರು.
ಮೊದಲ ಪಂದ್ಯದಿಂದಲೇ ಶುರು
ಈ ಆವೃತ್ತಿಯಲ್ಲಿ ಆರ್ಸಿಬಿ ಇದುವರೆಗೆ 8 ಪಂದ್ಯಗಳನ್ನು ಆಡಿದೆ. ಈ ಎಲ್ಲಾ ಪಂದ್ಯಗಳಲ್ಲಿ, ತಂಡದ ಬೌಲರ್ಗಳು ಆರಂಭದಲ್ಲಿ ವಿಕೆಟ್ ಪಡೆದಿದ್ದಾರೆ. ಮಾರ್ಚ್ 22 ರಂದು ನಡೆದ ಕೆಕೆಆರ್ ವಿರುದ್ಧದ ತನ್ನ ಮೊದಲ ಪಂದ್ಯದಲ್ಲಿ ಆರ್ಸಿಬಿ ಬೌಲರ್ಗಳು 4 ರನ್ಗಳಿಗೆ ಮೊದಲ ವಿಕೆಟ್ ಕಬಳಿಸಿದ್ದರು. ಎರಡನೇ ಪಂದ್ಯದಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ತಂಡ ಕೂಡ 8 ರನ್ಗಳಿಗೆ ಮೊದಲ ವಿಕೆಟ್ ಕಳೆದುಕೊಂಡಿತ್ತು. ಮೂರನೇ ಪಂದ್ಯದಲ್ಲಿ ಗುಜರಾತ್ ಟೈಟಾನ್ಸ್ ತಂಡ ಆರ್ಸಿಬಿ ವಿರುದ್ಧ ಉತ್ತಮ ಆರಂಭ ಪಡೆದರೂ 50 ರನ್‌ಗಳ ಪಾಲುದಾರಿಕೆಯನ್ನು ಮಾಡಲು ಸಾಧ್ಯವಾಗದೆ ಮೊದಲ ವಿಕೆಟ್ಗೆ 32 ರನ್ ಕಲೆಹಾಕಿತ್ತು. ಆರ್ಸಿಬಿ ವಿರುದ್ಧದ ನಾಲ್ಕನೇ ಪಂದ್ಯದಲ್ಲಿ ಮುಂಬೈ ಇಂಡಿಯನ್ಸ್‌ನ ಮೊದಲ ವಿಕೆಟ್ 21 ರನ್ಗಳಿಗೆ ಪತನವಾಗಿತ್ತು.
IPL 2025: ನಿರೀಕ್ಷೆಯಂತೆ ಆರ್ಸಿಬಿ ತಂಡದಲ್ಲಿ 1 ಬದಲಾವಣೆ; ವಿಂಡೀಸ್ ದೈತ್ಯನಿಗೆ ಅವಕಾಶ
ರಾಜಸ್ಥಾನ್ ಹೋರಾಟ
ಐದನೇ ಪಂದ್ಯದಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್ ತಂಡದ ಮೊದಲ ವಿಕೆಟ್ 9 ರನ್ಗಳಿಗೆ ಪತನವಾಯಿತು. ಆರ್ಸಿಬಿ ವಿರುದ್ಧದ ಆರನೇ ಪಂದ್ಯದಲ್ಲಿ ರಾಜಸ್ಥಾನ್ ರಾಯಲ್ಸ್ ತಂಡದ ಆರಂಭಿಕರು ಸ್ವಲ್ಪ ಕಷ್ಟಪಟ್ಟು ಮೊದಲ ವಿಕೆಟ್ಗೆ 49 ರನ್‌ಗಳ ಜೊತೆಯಾಟವಾಡಿದರು, ಆದರೆ ಅವರಿಗೂ ಅರ್ಧಶತಕದ ಜೊತೆಯಾಟ ನೀಡಲು ಸಾಧ್ಯವಾಗಲಿಲ್ಲ. ಆರ್ಸಿಬಿ ತನ್ನ ಏಳನೇ ಪಂದ್ಯವನ್ನು ಪಂಜಾಬ್ ಕಿಂಗ್ಸ್ ವಿರುದ್ಧ ಆಡಿತು. ಈ ಪಂದ್ಯದಲ್ಲಿ ಪಂಜಾಬ್ ಕಿಂಗ್ಸ್ ತಂಡದ ಮೊದಲ ವಿಕೆಟ್ 22 ರನ್ಗಳಿಗೆ ಪತನವಾಯಿತು. ಇದೀಗ ಪಂಜಾಬ್ ಕಿಂಗ್ಸ್ ವಿರುದ್ಧ ತನ್ನಎಂಟನೇ ಪಂದ್ಯವನ್ನಾಡಿರುವ ಆರ್ಸಿಬಿ ಈ ಪಂದ್ಯದಲ್ಲೂ 42 ರನ್ಗಳಿಗೆ ಪಂಜಾಬ್ ತಂಡದ ಮೊದಲ ವಿಕೆಟ್ ಉರುಳಿಸಿದರು. ಈ ರೀತಿಯಾಗಿ, ಈ ಸೀಸನ್‌ನಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ವಿರುದ್ಧದ ಪಂದ್ಯದಲ್ಲಿ ಯಾವುದೇ ತಂಡವು ಮೊದಲ ವಿಕೆಟ್ಗೆ ಅರ್ಧಶತಕದ ಪಾಲುದಾರಿಕೆಯನ್ನು ಗಳಿಸಲು ಸಾಧ್ಯವಾಗಿಲ್ಲ.
ಮತ್ತಷ್ಟು ಕ್ರೀಡಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ
