ಮೂರು ಡೀಲ್​​ಗಳು ರಿಜೆಕ್ಟ್​: ತಲೆ ಕೆಳಗಾದ ಕೆಕೆಆರ್-ಕೆಎಲ್ ರಾಹುಲ್ ಲೆಕ್ಕಾಚಾರ

IPL 2026: ಇಂಡಿಯನ್ ಪ್ರೀಮಿಯರ್ ಲೀಗ್ ಸೀಸನ್-19ರ ಮಿನಿ ಹರಾಜಿಗೂ ಮುನ್ನ ಕೆಎಲ್ ರಾಹುಲ್ ಕೊಲ್ಕತ್ತಾ ನೈಟ್ ರೈಡರ್ಸ್ ತಂಡಕ್ಕೆ ಸೇರ್ಪಡೆಯಾಗಲಿದ್ದಾರೆ ಎಂಬ ಸುದ್ದಿಗೆ ತಾತ್ಕಾಲಿಕ ಬ್ರೇಕ್ ಬಿದ್ದಿದೆ. ಇದಕ್ಕೆ ಮುಖ್ಯ ಕಾರಣ ಮೂರು ಡೀಲ್​ಗಳು ತಿರಸ್ಕೃತವಾಗಿರುವುದು. ಅಂದರೆ ಡೆಲ್ಲಿ ಕ್ಯಾಪಿಟಲ್ಸ್ ಫ್ರಾಂಚೈಸಿಯು ಕೆಎಲ್ ರಾಹುಲ್ ಅವರನ್ನು ಮಾರಾಟ ಮಾಡಲು ಮೂರು ಸ್ವಾಪ್​ ಡೀಲ್​ಗಳನ್ನು ಮುಂದಿಟ್ಟಿದ್ದರು. ಆದರೆ ಈ ಡೀಲ್​ಗಳನ್ನು ಕೆಕೆಆರ್ ಫ್ರಾಂಚೈಸಿ ತಿರಸ್ಕರಿಸಿದೆ ಎಂದು ವರದಿಯಾಗಿದೆ.

ಇದಕ್ಕೂ ಮುನ್ನ ಕೊಲ್ಕತ್ತಾ ನೈಟ್ ರೈಡರ್ಸ್ ಫ್ರಾಂಚೈಸಿಯು ಕೆಎಲ್ ರಾಹುಲ್ ಖರೀದಿಗಾಗಿ ಕ್ಯಾಶ್ ಡೀಲ್​ಗೆ ಮುಂದಾಗಿದ್ದರು. ಆದರೆ ಈ ಡೀಲ್​ಗೆ ಡೆಲ್ಲಿ ಕ್ಯಾಪಿಟಲ್ಸ್ ಒಪ್ಪಿರಲಿಲ್ಲ. ಬದಲಾಗಿ ಸ್ಟಾರ್ ಆಟಗಾರರ ಸ್ವಾಪ್ ಡೀಲ್​ಗೆ ಬೇಡಿಕೆಯಿಟ್ಟಿದ್ದರು. ಆ ಬೇಡಿಕೆಗಳೆಂದರೆ…

1. ಸುನಿಲ್ ನರೈನ್​ನನ್ನು ನೀಡಿದರೆ ಕೆಎಲ್ ರಾಹುಲ್ ಅವರನ್ನು ನೀಡುವುದಾಗಿ ಡೆಲ್ಲಿ ಕ್ಯಾಪಿಟಲ್ಸ್ ತಂಡ ತಿಳಿಸಿತ್ತು. ಆದರೆ ಈ ಡೀಲ್ ಅನ್ನು ಕೆಕೆಆರ್ ಫ್ರಾಂಚೈಸಿ ಒಪ್ಪಿಕೊಂಡಿರಲಿಲ್ಲ.
2. ಕೆಎಲ್ ರಾಹುಲ್ ಬದಲಿಗೆ ರಿಂಕು ಸಿಂಗ್ ಹಾಗೂ ಅಂಗ್​ಕ್ರಿಶ್ ರಘವಂಶಿಯನ್ನು ನೀಡಬೇಕೆಂಬ ಬೇಡಿಕೆ ಡೆಲ್ಲಿ ಕ್ಯಾಪಿಟಲ್ಸ್ ಮುಂದಿಟ್ಟಿದೆ. ಆದರೆ ಇಬ್ಬರು ಯುವ ಆಟಗಾರರನ್ನು ಬಿಟ್ಟು ಕೊಡಲು ಕೊಲ್ಕತ್ತಾ ನೈಟ್ ರೈಡರ್ಸ್ ಫ್ರಾಂಚೈಸಿ ಒಪ್ಪಿಲ್ಲ.
3. ಹರ್ಷಿತ್ ರಾಣಾ ಹಾಗೂ ಅಂಗ್​ಕ್ರಿಶ್ ರಘುವಂಶಿಯ ಬದಲಿಗೆ ಕೆಎಲ್ ರಾಹುಲ್ ಅವರನ್ನು ಸ್ವಾಪ್ ಡೀಲ್ ಮಾಡಿಕೊಳ್ಳಲು ಡೆಲ್ಲಿ ಕ್ಯಾಪಿಟಲ್ಸ್ ಮುಂದಾಗಿದೆ. ಆದರೆ ಈ ಡೀಲ್ ಕೂಡ ಕುದುರಿಕೊಂಡಿಲ್ಲ.

ಕೊಲ್ಕತ್ತಾ ನೈಟ್ ರೈಡರ್ಸ್ ಫ್ರಾಂಚೈಸಿಯು ತನ್ನ ಖಾಯಂ ಸದಸ್ಯರುಗಳನ್ನು ಬಿಟ್ಟು ಕೊಡಲು ಮುಂದಾಗುತ್ತಿಲ್ಲ. ಇದಾಗ್ಯೂ ಕೆಎಲ್ ರಾಹುಲ್ ಅವರನ್ನು ಕ್ಯಾಶ್ ಡೀಲ್​ನೊಂದಿಗೆ ಖರೀದಿಸಲು ಆಸಕ್ತಿ ತೋರಿಸುತ್ತಿದೆ. ಆದರೆ ಡೆಲ್ಲಿ ಕ್ಯಾಪಿಟಲ್ಸ್ ಫ್ರಾಂಚೈಸಿಯು ನಗದು ಟ್ರೇಡ್​​ಗೆ ಒಪ್ಪುತ್ತಿಲ್ಲ.

ಸ್ಟಾರ್ ಆಟಗಾರನ ಬದಲಿಗೆ ಸ್ಟಾರ್ ಆಟಗಾರರನ್ನು ನೀಡಿದರೆ ಮಾತ್ರ ಸ್ವಾಪ್ ಡೀಲ್ ಮಾಡಿಕೊಳ್ಳಬಹುದು ಎಂಬ ಡಿಮ್ಯಾಂಡ್ ಅನ್ನು ಡೆಲ್ಲಿ ಕ್ಯಾಪಿಟಲ್ಸ್ ಮುಂದಿಡುತ್ತಿದೆ. ಆದರೆ ಕೊಲ್ಕತ್ತಾ ನೈಟ್ ರೈಡರ್ಸ್ ಫ್ರಾಂಚೈಸಿಯು ತನ್ನ ಪ್ರಮುಖ ಆಟಗಾರರನ್ನು ಸ್ವಾಪ್ ಮಾಡಿಕೊಳ್ಳಲು ಹಿಂದೇಟು ಹಾಕುತ್ತಿದೆ.

ಇದನ್ನೂ ಓದಿ: ಮಿಲಿಂದ್ ಆರ್ಭಟಕ್ಕೆ ವಿರಾಟ್ ಕೊಹ್ಲಿಯ ವಿಶ್ವ ದಾಖಲೆ ಉಡೀಸ್

ಇದರಿಂದಾಗಿ ಕೊಲ್ಕತ್ತಾ ನೈಟ್ ರೈಡರ್ಸ್ ಹಾಗೂ ಡೆಲ್ಲಿ ಕ್ಯಾಪಿಟಲ್ಸ್ ನಡುವಣ ಕೆಎಲ್ ರಾಹುಲ್ ಟ್ರೇಡಿಂಗ್ ಡೀಲ್​ಗೆ ಸದ್ಯ ಬ್ರೇಕ್ ಬಿದ್ದಿದೆ. ಇದಾಗ್ಯೂ ಡಿಸಿ ಫ್ರಾಂಚೈಸಿ ಜೊತೆ ಅಂತಿಮ ಸುತ್ತಿನ ಮಾತುಕತೆಗೆ ಕೆಕೆಆರ್ ಫ್ರಾಂಚೈಸಿ ಪ್ಲ್ಯಾನ್ ರೂಪಿಸುತ್ತಿದೆ. ಈ ಮಾತುಕತೆ ಯಶಸ್ವಿಯಾದರೆ ಮಾತ್ರ ಕೆಎಲ್ ರಾಹುಲ್ ಕೆಕೆಆರ್ ತಂಡದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಇಲ್ಲದಿದ್ದರೆ ಮುಂಬರುವ ಐಪಿಎಲ್​ ಸೀಸನ್​ನಲ್ಲೂ ಕೆಎಲ್​ಆರ್​ ಡೆಲ್ಲಿ ಕ್ಯಾಪಿಟಲ್ಸ್ ಪರವೇ ಕಣಕ್ಕಿಳಿಯಲಿದ್ದಾರೆ.

ಐಪಿಎಲ್ ಟ್ರೇಡ್ ವಿಂಡೋ ಎಂದರೇನು?

ಟ್ರೇಡ್ ವಿಂಡೋ ಎಂದರೆ ತಮ್ಮ ತಂಡಗಳಲ್ಲಿರುವ ಆಟಗಾರರನ್ನು ಮಾರಾಟ ಮಾಡಲು ಅಥವಾ ವಿನಿಮಯ ಮಾಡಿಕೊಳ್ಳಲು ಫ್ರಾಂಚೈಸಿಗಳಿಗೆ ಇರುವ ಆಯ್ಕೆ. ಈ ಆಯ್ಕೆಯ ಮೂಲಕ ಫ್ರಾಂಚೈಸಿಗಳು ಹರಾಜಿಗೂ ಮುನ್ನ ಆಟಗಾರರನ್ನು ಪರಸ್ಪರ ವರ್ಗಾಯಿಸಿಕೊಳ್ಳಲು ಅಥವಾ ಮಾರಾಟ ಮಾಡಬಹುದು. ಆದರೆ ಹೀಗೆ ಆಟಗಾರರನ್ನು ಮಾರಾಟ ಮಾಡಲು ಅಥವಾ ವರ್ಗಾಯಿಸಿಕೊಳ್ಳಲು ಕೆಲ ನಿಯಮಗಳಿವೆ. ಆ ನಿಯಮಗಳೆಂದರೆ…