ಐಪಿಎಲ್​​ನಲ್ಲಿ ಇಂಜೂರಿ, ಎಂಎಲ್​ಸಿಯಲ್ಲಿ ಅಬ್ಬರದ ಆಟ; ಎರಡು ಸಿಕ್ಸ್ ಹೊಡೆದು ಪಂದ್ಯ ಗೆಲ್ಲಿಸಿದ ಫಿಲಿಪ್ಸ್

ಅಮೆರಿಕದಲ್ಲಿ ನಡೆಯುತ್ತಿರುವ ಮೇಜರ್ ಲೀಗ್ ಕ್ರಿಕೆಟ್ 2025ರ 17ನೇ ಪಂದ್ಯ ರೋಚಕತೆಯ ಹಂತ ತಲುಪಿತ್ತು. ಲಾಸ್ ಏಂಜಲೀಸ್ ನೈಟ್​ ರೈಡರ್ಸ್ ಹಾಗೂ ವಾಷಿಂಗ್ಟನ್ ಫ್ರೀಡಂ ಮಧ್ಯೆ ನಡೆದ ಪಂದ್ಯದಲ್ಲಿ ವಾಷಿಂಗ್ಟನ್ ಫ್ರೀಡಂ ಗೆದ್ದು ಬೀಗಿತು. ಈ ಪಂದ್ಯವನ್ನು ಬದಲಿಸಿದ ಖ್ಯಾತಿ ಗ್ಲೆನ್ ಫಿಲಿಪ್ಸ್​ಗೆ ಸಲ್ಲುತ್ತದೆ. ಎರಡು ಸಿಕ್ಸ್ ಹೊಡೆದು ಅವರು ಪಂದ್ಯದ ಗತಿ ಬದಲಿಸಿದರು.

ಗ್ಲೆನ್ ಮ್ಯಾಕ್ಸ್​ವೆಲ್ ನಾಯಕತ್ವದ್ವ ವಾಷಿಂಗ್ಟನ್ ತಂಡ ಟಾಸ್ ಗೆದ್ದು ಫಿಲ್ಡಿಂಗ್ ಆಯ್ಕೆ ಮಾಡಿಕೊಂಡಿತು. ಆ್ಯಂಡ್ರೆ ಫ್ಲೆಚರ್ ಅವರು 60 ಬಾಲ್​ಗೆ 7 ಫೋರ್ ಹಾಗೂ 6 ಸಿಕ್ಸರ್​ಗಳೊಂದಿಗೆ 104 ರನ್ ಕಲೆ ಹಾಕಿ ತಂಡಕ್ಕೆ ಆಸರೆ ಆದರು. ರಸೆಲ್ 13 ಬಾಲ್​ಗೆ 30 ರನ್ ಕಲೆ ಹಾಕಿದರು. ಅಂತಿಮವಾಗಿ 20 ಓವರ್​ನಲ್ಲಿ ತಂಡ 213 ರನ್ ಕಲೆ ಹಾಕಿತು.

ಈ ಬೃಹತ್ ಮೊತ್ತ ಬೆನ್ನು ಹತ್ತಿದ ವಾಷಿಂಗ್ಟನ್ ಟೀಂ ಉತ್ತಮ ಆರಂಭವನ್ನೇ ಪಡೆಯಿತು. ಓಪನರ್ ಮಿಚೆಲ್ ಒವೆನ್ ಅವರು 16 ಬಾಲ್​ಗೆ 43 ರನ್ ಸಿಡಿಸಿ ಔಟ್ ಆದರು. ರಚಿನ್ ರವೀಂದ್ರ ಅವರಿಂದ ಉತ್ತಮ ಆಟ (18 ರನ್) ಬರಲಿಲ್ಲ. ತಂಡದ ನಾಯಕ ಗ್ಲೆನ್ ಮ್ಯಾಕ್ಸ್​ವೆಲ್ ಅವರು 23 ಬಾಲ್​ಗೆ 41 ರನ್ ಸಿಡಿಸಿ ತಂಡಕ್ಕೆ ಆಸರೆ ಆದರು. ಅವರು ಕ್ಲೀನ್ ಬೌಲ್ಡ್ ಆದ ಬಳಿಕ ಮ್ಯಾಚ್ ನೈಟ್ ರೈಡರ್ಸ್​ನತ್ತ ತಿರುಗಿತು.

View this post on Instagram

A post shared by Cognizant Major League Cricket (@mlc)

ಆಗ ಗ್ಲೆನ್ ಫಿಲಿಪ್ಸ್ ಹಾಗೂ ಓಬಸ್ ಪಿಯೆನಾರ್ ಜೊತೆಯಾಟ ತಂಡಕ್ಕೆ ಸಹಕಾರಿ ಆಯಿತು. ಓಬಸ್ ಅವರು 16 ಬಾಲ್​ಗೆ 23 ರನ್ ಸಿಡಿಸಿದರು. ಫಿಲಿಪ್ಸ್ 23 ಬಾಲ್​ಗೆ 33 ರನ್ ಚಚ್ಚಿದರು. ಇದರಲ್ಲಿ ಎರಡು ಬೌಂಡರಿ ಹಾಗೂ ಎರಡು ಸಿಕ್ಸರ್​ ಸೇರಿದೆ. ಅಂತಿಮಹಂತದಲ್ಲಿ ಫಿಲಿಪ್ಸ್ ಹೊಡೆದ ಎರಡು ಸಿಕ್ಸ್ ತಂಡಕ್ಕೆ ಆಸರೆ ಆಯಿತು.

ಕೊನೆಯ ಓವರ್ ರೋಚಕತೆ..

ಕೊನೆಯ ಓವರ್​ಗೆ ಬೇಕಿದ್ದಿದ್ದು ಕೇವಲ 7 ರನ್. ರಸೆಲ್ ಅವರು ದಾಳಿಗೆ ಇಳಿದರೆ, ಓಬಸ್ ಬ್ಯಾಟಿಂಗ್​ನಲ್ಲಿದ್ದರು. ರಸೆಲ್ ಮೊದಲ ಬಾಲ್ ವೈಡ್ ಹಾಕಿದರು. ಆ ಬಳಿಕ ಓಬಸ್ ಬಾಲ್​ನ ಫೋರ್​ಗೆ ಅಟ್ಟಿದರು. ಐದು ಬಾಲ್​ಗೆ ಬೇಕಿದ್ದಿದ್ದು ಕೇವಲ ಎರಡು ರನ್ ಮಾತ್ರ. ನಂತರದ ಮೂರು ಬಾಲ್​ಗಳನ್ನು ಹೊಡೆಯಲು ಓಬಸ್​ಗೆ ಸಾಧ್ಯವಾಗಲೇ ಇಲ್ಲ. ಐದನೇ ಬಾಲ್​ಗೆ ಸಿಂಗಲ್ ತೆಗೆದರು. ಕೊನೆಯ ಬಾಲ್​ನಲ್ಲಿ ಫಿಲಿಪ್ಸ್ ಹೊಡೆದ ಬಾಲ್ ಕ್ಯಾಚ್ ಆಯಿತು. ಆದರೆ, ಹೋಲ್ಡರ್ ಕ್ಯಾಚ್​ನ ಬಿಟ್ಟರು. ಈ ಮೂಲಕ ಒಂದು ರನ್ ತೆಗೆದು ವಾಷಿಂಗ್ಟನ್ ತಂಡ ಗೆಲುವಿನ ದಡ ಸೇರಿತು.

ಗಾಯ..

ಫಿಲಿಪ್ಸ್ ಅವರು ಗುಜರಾತ್ ಪರ ಆಡುತ್ತಿದ್ದರು. ಆದರೆ, ಫೀಲ್ಡಿಂಗ್ ಮಾಡುವಾಗ ಉಂಟಾದ ತೊಡೆಸಂದು ಗಾಯದಿಂದ ಅವರು ಐಪಿಎಲ್​ನಿಂದಲೇ ಹೊರಕ್ಕೆ ಉಳಿಯಬೇಕಾಯಿತು.

Published On - 12:45 pm, Fri, 27 June 25