PBKS vs LSG Highlights IPL 2023: 56 ರನ್​​ಗಳಿಂದ ಪಂಜಾಬ್ ಮಣಿಸಿದ ಲಕ್ನೋ ತಂಡ

ಲಕ್ನೋ ಸೂಪರ್ ಜೈಂಟ್ಸ್ ಪಂಜಾಬ್ ಕಿಂಗ್ಸ್ ತಂಡವನ್ನು 56 ರನ್‌ಗಳಿಂದ ಸೋಲಿಸಿದೆ. ಮೊದಲು ಬ್ಯಾಟಿಂಗ್ ಮಾಡಿದ ಲಕ್ನೋ 257 ರನ್ ಗಳಿಸಿತು. ಪಂಜಾಬ್ ತಂಡ 201 ರನ್‌ಗಳಿಗೆ ಆಲೌಟ್ ಆಗುವುದರೊಂದಿಗೆ ಹೀನಾಯ ಸೋಲು ಅನುಭವಿಸಿತು.

ಪಂಜಾಬ್ ನ ಒಂಬತ್ತನೇ ವಿಕೆಟ್ ಕೂಡ ಪತನವಾಯಿತು. ನವೀನ್-ಉಲ್-ಹಕ್ ಕಗಿಸೊ ರಬಾಡ ಅವರನ್ನು ಬೌಲ್ಡ್ ಮಾಡಿದರು. ರಬಾಡಗೆ ಖಾತೆ ತೆರೆಯಲೂ ಸಾಧ್ಯವಾಗಲಿಲ್ಲ.

18ನೇ ಓವರ್‌ನಲ್ಲಿ ಯಶ್ ಠಾಕೂರ್ ಅದ್ಭುತವಾಗಿ ಬೌಲಿಂಗ್ ಮಾಡಿ ಎರಡು ವಿಕೆಟ್ ಪಡೆದರು. ಜಿತೇಶ್ ಶರ್ಮಾ ಓವರ್‌ನ ಐದನೇ ಎಸೆತದಲ್ಲಿ ಔಟಾದರೆ ಕೊನೆಯ ಎಸೆತದಲ್ಲಿ ರಾಹುಲ್ ಚಹಾರ್ ಗೋಲ್ಡನ್ ಡಕ್ ಆದರು.

18ನೇ ಓವರ್‌ನ ಮೊದಲ ಎರಡು ಎಸೆತಗಳಲ್ಲಿ ಜಿತೇಶ್ ಶರ್ಮಾ ಸತತ ಎರಡು ಸಿಕ್ಸರ್‌ಗಳನ್ನು ಬಾರಿಸಿದರು. ಮೊದಲ ಸಿಕ್ಸರ್ ಅನ್ನು ಡೀಪ್ ಬ್ಯಾಕ್‌ವರ್ಡ್ ಸ್ಕ್ವೇರ್ ಲೆಗ್‌ನ ಮೇಲೆ ಮತ್ತು ಎರಡನೆಯದನ್ನು ಲಾಂಗ್ ಆನ್ ಕಡೆ ಬಾರಿಸಿದರು.

17ನೇ ಓವರ್​ನ ಕೊನೆಯ ಎಸೆತದಲ್ಲಿ ನವೀನ್ ಉಲ್ ಹಕ್ ಸ್ಯಾಮ್ ಕರನ್ ವಿಕೆಟ್ ಪಡೆದರು.

16ನೇ ಓವರ್‌ನ ಮೂರನೇ ಎಸೆತದಲ್ಲಿ ಜಿತೇಶ್ ಶರ್ಮಾ ಮಿಡ್ ವಿಕೆಟ್ ಮೇಲೆ ಸಿಕ್ಸರ್ ಬಾರಿಸಿದರು. ಓವರ್‌ನ ಅಂತಿಮ ಎಸೆತದಲ್ಲಿ, ಡೀಪ್ ಮಿಡ್-ವಿಕೆಟ್ ಮತ್ತು ಡೀಪ್ ಸ್ಕ್ವೇರ್ ಲೆಗ್ ನಡುವೆ ಬೌಂಡರಿ ಬಂತು.

ರವಿ ಬಿಷ್ಣೋಯ್ ಅವರು ಲಿವಿಂಗ್‌ಸ್ಟನ್ ಅವರನ್ನು ಬೇಟೆಯಾಡಿದ್ದಾರೆ. ಹೀಗಾಗಿ ಪಂಜಾಬ್ 5ನೇ ವಿಕೆಟ್ ಕಳೆದುಕೊಂಡಿತು.

ಪಂಜಾಬ್ ಕಿಂಗ್ಸ್ ಬ್ಯಾಟ್ಸ್‌ಮನ್‌ಗಳು ಕೂಡ ದೊಡ್ಡ ಹೊಡೆತಗಳ ಮೂಲಕ ದೊಡ್ಡ ಸ್ಕೋರ್‌ ವಿರುದ್ಧ ರನ್ ಗಳಿಸುತ್ತಿದ್ದಾರೆ. ಆದರೆ, ಗುರಿ ತಲುಪುವುದು ಕಷ್ಟ. 14ನೇ ಓವರ್‌ನ ಎರಡನೇ ಎಸೆತದಲ್ಲಿ ಲಿವಿಂಗ್‌ಸ್ಟನ್ ಬೌಂಡರಿ ಬಾರಿಸಿದರು. ಸ್ಯಾಮ್ ಕರನ್ ನಾಲ್ಕನೇ ಎಸೆತದಲ್ಲಿ ಫುಲ್ಲರ್ ಬಾಲ್ ಅನ್ನು ವೈಡ್ ಲಾಂಗ್ ಆನ್‌ನಲ್ಲಿ ಸಿಕ್ಸರ್‌ಗೆ ಹೊಡೆದರು.

13ನೇ ಓವರ್‌ನಲ್ಲಿ ರವಿ ಬಿಷ್ಣೋಯ್ ಅಥರ್ವ ಟೈಡೆ ಅವರನ್ನು ಬೇಟೆಯಾಡಿದ್ದಾರೆ. ಟೈಡ್ ಸ್ವೀಪ್ ಮಾಡಲು ಪ್ರಯತ್ನಿಸುತ್ತಿದ್ದರು. ಆದರೆ ಚೆಂಡು ಬ್ಯಾಟ್‌ನ ಮೇಲ್ಭಾಗದ ಅಂಚನ್ನು ತಾಗಿ ಗಾಳಿಯಲ್ಲಿ ಎತ್ತರಕ್ಕೆ ಹೋಯಿತು. ಬಿಷ್ಣೋಯ್ ಅದ್ಭುತ ಕ್ಯಾಚ್ ಹಿಡಿದರು.

ಯಶ್ ಠಾಕೂರ್ ಓವರ್​ನಲ್ಲಿ ರಜಾ ನೇರವಾಗಿ ಫೀಲ್ಡರ್ ಕೃನಾಲ್ ಪಾಂಡ್ಯ ಅವರತ್ತ ಹೋಯಿತು. ಡೀಪ್ ಪಾಯಿಂಟ್​ನಲ್ಲಿ ನಿಂತಿದ್ದ ಪಾಂಡ್ಯ ಮಿಸ್ ಮಾಡದೆ ಕ್ಯಾಚ್ ತೆಗೆದುಕೊಂಡರು.

11ನೇ ಓವರ್‌ನ ಐದನೇ ಎಸೆತದಲ್ಲಿ ಬ್ಯಾಕ್‌ವರ್ಡ್ ಸ್ಕ್ವೇರ್ ಲೆಗ್ ಕಡೆ ರಜಾ ಫೋರ್ ಹೊಡೆದರು. ನಂತರ ಕೊನೆಯ ಚೆಂಡನ್ನು ಮಿಡ್-ವಿಕೆಟ್ ಕಡೆಗೆ ಬೃಹತ್ ಸಿಕ್ಸರ್‌ಗೆ ಎಳೆದರು. ಆ ಓವರ್‌ನಲ್ಲಿ 13 ರನ್ ಬಂದವು.

ಟೈಡೆ 7ನೇ ಓವರ್​ನ ನಾಲ್ಕನೇ ಎಸೆತನನ್ನು ಸಿಕ್ಸರ್​ಗೆ ಅಟ್ಟಿದರು. ಸಿಕಂದರ್ ರಜಾ ಓವರ್‌ನ ಕೊನೆಯ ಎಸೆತದಲ್ಲಿ ಬೌಂಡರಿ ಬಾರಿಸಿದರು.

ಅವೇಶ್ ಖಾನ್ ಎಸೆದ ಐದನೇ ಓವರ್‌ನ ಆರಂಭದಲ್ಲಿ ಟೈಡೆ ಎರಡನೇ ಎಸೆತದಲ್ಲಿ ಬೌಂಡರಿ ಬಾರಿಸಿದರು. ಟೈಡೆ ಓವರ್‌ನ ಕೊನೆಯ ಎರಡು ಎಸೆತಗಳಲ್ಲಿ ಸತತ ಎರಡು ಬೌಂಡರಿಗಳನ್ನು ಬಾರಿಸಿದರು.

ಪ್ರಭ್​ಸಿಮ್ರಾನ್ ಸಿಂಗ್ ಔಟಾಗಿದ್ದಾರೆ. ನಾಲ್ಕನೇ ಓವರ್‌ನ ನಾಲ್ಕನೇ ಎಸೆತದಲ್ಲಿ ನವೀನ್-ಉಲ್-ಹಕ್ ಬೌಲಿಂಗ್​​ನಲ್ಲಿ ಡೇನಿಯಲ್ ಸೈಮ್ಸ್​ಗೆ ಕ್ಯಾಚ್ ನೀಡಿ ಔಟಾದರು.

ಸ್ಟೊಯಿನಿಸ್ ಅವರ ಓವರ್​ನಲ್ಲಿ ಅಥರ್ವ ಬ್ಯಾಕ್‌ವರ್ಡ್ ಸ್ಕ್ವೇರ್ ಲೆಗ್ ಮೇಲೆ ಸಿಕ್ಸರ್ ಬಾರಿಸಿದರು. ಓವರ್‌ನ ಮೂರು ಮತ್ತು ನಾಲ್ಕನೇ ಎಸೆತಗಳಲ್ಲಿ ಬೌಂಡರಿ ಬಂತು.

ಕೈಲ್ ಮೇಯರ್ಸ್ ಓವರ್‌ನ ಎರಡನೇ ಎಸೆತದಲ್ಲಿ ಪ್ರಭಾಸಿಮ್ರಾನ್ ಅಮೋಘ ಬೌಂಡರಿ ಬಾರಿಸಿದರು.

ಪಂಜಾಬ್ ಕಿಂಗ್ಸ್‌ಗೆ ಮೊದಲ ಓವರ್‌ನಲ್ಲಿಯೇ ದೊಡ್ಡ ಪೆಟ್ಟು ಬಿದ್ದಿತು. ತಂಡದ ಆರಂಭಿಕ ಹಾಗೂ ನಾಯಕ ಶಿಖರ್ ಧವನ್ ವಿಕೆಟ್ ಕಳೆದುಕೊಂಡಿದ್ದಾರೆ. ಕೇವಲ 1 ರನ್ ಗಳಿಸಿ ಧವನ್ ಮರಳಿದ್ದಾರೆ

ಲಕ್ನೋ ಇನ್ನಿಂಗ್ಸ್ ಮುಗಿದಿದೆ. ಮೊದಲು ಬ್ಯಾಟ್ ಮಾಡಿದ ಈ ತಂಡ 257 ರನ್ ಗಳಿಸಿತ್ತು. ಇದು ಈ ಸೀಸನ್​ನ ಗರಿಷ್ಠ ಸ್ಕೋರ್ ಆಗಿದ್ದು, ಐಪಿಎಲ್‌ನ ಎರಡನೇ ಗರಿಷ್ಠ ಸ್ಕೋರ್ ಆಗಿದೆ. ಐಪಿಎಲ್‌ನಲ್ಲಿ ಎರಡನೇ ಬಾರಿಗೆ ಸ್ಕೋರ್ 250 ದಾಟಿದೆ.

16ನೇ ಓವರ್ನ ನಾಲ್ಕನೇ ಎಸೆತದಲ್ಲಿ ಸ್ಟೊಯಿನಿಸ್ ಲಾಂಗ್ ಆಫ್ ಕಡೆಗೆ ಸುಲಭವಾಗಿ ಸಿಕ್ಸರ್ ಬಾರಿಸಿದರು. ಈ ಓವರ್‌ನಲ್ಲಿ ಲಕ್ನೋ 200 ರನ್ ಪೂರೈಸಿತು.

ಮಾರ್ಕಸ್ ಸ್ಟೊಯಿನಿಸ್ ಅರ್ಧಶತಕ ಪೂರೈಸಿದ್ದಾರೆ. ಅವರು 16ನೇ ಓವರ್‌ನ ಎರಡನೇ ಎಸೆತದಲ್ಲಿ ಸಿಂಗಲ್ ಕದ್ದು ಅರ್ಧಶತಕ ಪೂರೈಸಿದರು. ಈ ವೇಳೆ ಅವರು 3 ಸಿಕ್ಸರ್‌ಗಳನ್ನು ಬಾರಿಸಿದ್ದಾರೆ.

ಲಕ್ನೋ ಮೂರನೇ ವಿಕೆಟ್ ಪತನಗೊಂಡಿದೆ.14ನೇ ಓವರ್‌ನ ಮೂರನೇ ಎಸೆತದಲ್ಲಿ ಬಡೋನಿ ರಾಹುಲ್ ಚಾಹರ್‌ಗೆ ಕ್ಯಾಚ್ ನೀಡಿದರು.

ಲಿವಿಂಗ್​​ಸ್ಟನ್ ಓವರ್​ನ ಎರಡನೇ ಎಸೆತದಲ್ಲಿ ಬಡೋನಿ ಸ್ವೀಪ್ ಮಾಡಿ ಸಿಕ್ಸರ್ ಬಾರಿಸಿದರು.

13ನೇ ಓವರ್‌ನ ಎರಡನೇ ಎಸೆತದಲ್ಲಿ ಮಾರ್ಕಸ್ ಸ್ಟೊಯಿನಿಸ್ ವಿಕೆಟ್ ನೀಡಿದ್ದರು. ಆದರೆ ಇಲ್ಲಿ ಲಿಯಾಮ್ ಲಿವಿಂಗ್ಸ್ಟನ್ ತಪ್ಪು ಮಾಡಿದರು.ಸ್ಟೊಯಿನಿಸ್ ಅವರ ಕ್ಯಾಚ್ ತೆಗೆದುಕೊಳ್ಳುವಾಗ ಲಿವಿಂಗ್​ಸ್ಟನ್ ಬೌಂಡರಿ ಗೆರೆ ತುಳಿದರು.ಇದರಿಂದ ಸ್ಟೊಯಿನಿಸ್ ಬದುಕುಳಿದರು. ಇದರೊಂದಿಗೆ ಲಕ್ನೋದ 150 ರನ್‌ಗಳು ಪೂರ್ಣಗೊಂಡಿವೆ.

ಲಕ್ನೋದ 100 ರನ್‌ಗಳು ಪೂರ್ಣಗೊಂಡಿವೆ. ಎಂಟು ಓವರ್‌ಗಳ ನಂತರ ಲಕ್ನೋ ಸ್ಕೋರ್ ಎರಡು ವಿಕೆಟ್ ಕಳೆದುಕೊಂಡು 107 ರನ್ ಆಗಿದೆ. ಆಯುಷ್ ಮತ್ತು ಮಾರ್ಕಸ್ ಸ್ಟೊಯಿನಿಸ್ ಮೈದಾನದಲ್ಲಿದ್ದಾರೆ.

ಅರ್ಧಶತಕ ಸಿಡಿಸಿದ ಮೇಯರ್ಸ್​ ರಬಾಡ ಓವರ್​ನಲ್ಲೇ ವಿಕೆಟ್ ಒಪ್ಪಿಸಿದರು.

ಆರಂಭಿಕರಾಗಿ ಕಣಕ್ಕಿಳಿದಿದ್ದ ಮೇಯರ್ಸ್​ ಕೇವಲ 21 ಎಸೆತಗಳಲ್ಲಿ ತಮ್ಮ ಅರ್ಧಶತಕ ಪೂರೈಸಿದರು. ರಬಾಡ ಬೌಲ್ ಮಾಡಿದ 6ನೇ ಓವರ್​ನಲ್ಲಿ ಭರ್ಜರಿ ಸಿಕ್ಸರ್ ಹೊಡೆದ ಮೇಯರ್ಸ್​ ತಮ್ಮ ಅರ್ಧಶತಕ ಪೂರೈಸಿದರು.

ರಜಾ ಬೌಲ್ ಮಾಡಿದ 5ನೇ ಓವರ್​ನಲ್ಲಿ ಮೇಯರ್ಸ್​ 2 ಸಿಕ್ಸರ್ ಹಾಗೂ 1 ಬೌಂಡರಿ ಹೊಡೆದರು. ಈ ಓವರ್​ನಲ್ಲಿ 17 ರನ್ ಬಂದವು.

ರಬಾಡ ಬೌಲ್ ಮಾಡಿದ 4ನೇ ಓವರ್​ನ ಮೊದಲ ಎಸೆತದಲ್ಲಿ ಸಿಕ್ಸರ್ ಹೊಡೆದ ರಾಹುಲ್, ಆ ನಂತರದ ಎಸೆತದಲ್ಲಿ ಥರ್ಡ್​ ಮ್ಯಾನ್​​ನಲ್ಲಿ ಕ್ಯಾಚಿತ್ತು ಔಟಾದರು.

3ನೇ ಓವರ್​ನಲ್ಲೂ ಮೇಯರ್ಸ್​ ಅಬ್ಬರಿಸಿದರು. ಈ ಓವರ್​ನಲ್ಲಿ ಭರ್ಜರಿ ಸಿಕ್ಸರ್ ಹೊಡೆದ ಮೇಯರ್ಸ್​, 2 ಬೌಂಡರಿ ಕೂಡ ಹೊಡೆದರು.

ಅರ್ಷದೀಪ್ ಬೌಲ್ ಮಾಡಿದ 2ನೇ ಓವರ್​ನಲ್ಲಿ ಮೇಯರ್ಸ್​ 4 ಬೌಂಡರಿ ಹೊಡೆದರು. ಈ ಓವರ್​ನಲ್ಲಿ 17 ರನ್ ಬಂದವು.

ಲಕ್ನೋ ಬ್ಯಾಟಿಂಗ್ ಆರಂಭಿಸಿದೆ. ಮೊದಲ ಓವರ್​ನ ಮೊದಲ ಎಸೆತದಲ್ಲೇ ರಾಹುಲ್​​ಗೆ ಜೀವದಾನ ಸಿಕ್ಕಿತು. ಅಥರ್ವ್​ ಸುಲಭ ಕ್ಯಾಚ್ ಕೈಚೆಲ್ಲಿದರು.

ಶಿಖರ್ ಧವನ್ (ನಾಯಕ), ಅಥರ್ವ್​ ಟೈಡೆ, ಸಿಕಂದರ್ ರಜಾ, ಲಿಯಾಮ್ ಲಿವಿಂಗ್ಸ್ಟನ್, ಸ್ಯಾಮ್ ಕರನ್, ಜಿತೇಶ್ ಶರ್ಮಾ (ವಿಕೆಟ್ ಕೀಪರ್), ಶಾರುಖ್ ಖಾನ್, ಕಗಿಸೊ ರಬಾಡ, ರಾಹುಲ್ ಚಾಹರ್, ಗುರ್ನೂರ್ ಬ್ರಾರ್, ಅರ್ಶ್ದೀಪ್ ಸಿಂಗ್.

ಕೆಎಲ್ ರಾಹುಲ್ (ನಾಯಕ), ಕೈಲ್ ಮೇಯರ್ಸ್, ನಿಕೋಲಸ್ ಪೂರನ್, ದೀಪಕ್ ಹೂಡಾ, ಮಾರ್ಕಸ್ ಸ್ಟೋನಿಸ್, ಕೃನಾಲ್ ಪಾಂಡ್ಯ, ಆಯುಷ್ ಬಧೋನಿ, ನವೀನ್-ಉಲ್-ಹಕ್, ರವಿ ಬಿಷ್ಣೋಯ್, ಅವೇಶ್ ಖಾನ್, ಯಶ್ ಠಾಕೂರ್

ಟಾಸ್ ಗೆದ್ದ ಪಂಜಾಬ್ ನಾಯಕ ಶಿಖರ್ ಧವನ್ ಮೊದಲು ಬೌಲಿಂಗ್ ಮಾಡಲು ನಿರ್ಧರಿಸಿದ್ದಾರೆ. ಪಂಜಾಬ್​​ಗೆ ನೆಮ್ಮದಿಯ ಸಂಗತಿಯೆಂದರೆ ಇಂಜುರಿಗೊಳಗಾಗಿದ್ದ ಧವನ್ ಇಂದಿನ ಪಂದ್ಯದಿಂದ ತಂಡಕ್ಕೆ ಮರಳಿದ್ದಾರೆ.