RCB vs DC, IPL 2025: ಆರ್ಸಿಬಿ ನಾಯಕನಿಂದಲೇ ಕೈ ಜಾರಿತು ಪಂದ್ಯ: ರಜತ್ ಮಾಡಿದ್ರು ದೊಡ್ಡ ಎಡವಟ್ಟು
Rajat Patidar Catch Drop: ಡೆಲ್ಲಿ ತಂಡದ 3 ವಿಕೆಟ್ಗಳ ಬದಲು 4ನೇ ವಿಕೆಟ್ ಕೂಡ ಆರ್ಸಿಬಿಗೆ ಪವರ್ ಪ್ಪೇನಲ್ಲೇ ಸಿಗುತ್ತಿತ್ತು, ಆದರೆ ಆರ್ಸಿಬಿ ನಾಯಕ ರಜತ್ ಪಾಟಿದಾರ್ ಮಾಡಿದ ಎಡವಟ್ಟು ಇಡೀ ಪಂದ್ಯವನ್ನೇ ಕಳೆದುಕೊಳ್ಳುವಂತಾಯಿತು. ಪಾಟಿದಾರ್ ಅವರು ಕೆಎಲ್ ರಾಹುಲ್ ಅವರ ಕ್ಯಾಚ್ ಡ್ರಾಪ್ ಮಾಡಿದ್ದು ಪಂದ್ಯದ ಗತಿಯನ್ನೇ ಬದಲಾಯಿಸಿತು.
ಬೆಂಗಳೂರು (ಏ. 11): ಐಪಿಎಲ್ 2025 ರಲ್ಲಿ ಬೆಂಗಳೂರಿನ ಚಿನ್ನಸ್ವಾಮಿ ಸ್ಟೇಡಿಯಂನಲ್ಲಿ ನಡೆದ ರೋಚಕ ಪಂದ್ಯದಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್ ತಂಡವು ಆರ್ಸಿಬಿ (Royal Challengers Bengaluru vs Delhi Capitals) ತಂಡವನ್ನು ಎದುರಿಸಿತು. ಈ ಪಂದ್ಯದಲ್ಲಿ, ಟಾಸ್ ಸೋತು ಮೊದಲು ಬ್ಯಾಟಿಂಗ್ ಮಾಡಿದ ಆರ್ಸಿಬಿ ತಂಡವು ಹೇಗೋ ಬೋರ್ಡ್ನಲ್ಲಿ 163 ರನ್ಗಳನ್ನು ಗಳಿಸುವಲ್ಲಿ ಯಶಸ್ವಿಯಾಯಿತು. ಒಂದು ಕಾಲದಲ್ಲಿ 250 ರನ್ ಗಳಿಸುತ್ತಿದ್ದ ಆರ್ಸಿಬಿ ತಂಡ ಈ ಪಂದ್ಯದಲ್ಲಿ ಕೆಟ್ಟದಾಗಿ ಹಿಂದುಳಿದಿತು. ದೆಹಲಿಯ ಬಲಿಷ್ಠ ಬ್ಯಾಟಿಂಗ್ ಮುಂದೆ ಬೆಂಗಳೂರು ಪಡೆಯ ಈ ಸ್ಕೋರ್ ತುಂಬಾ ಚಿಕ್ಕದಾಗಿ ಕಾಣುತ್ತಿತ್ತು.
ಆದರೆ ಆರ್ಸಿಬಿಯ ತೀಕ್ಷ್ಣ ಬೌಲಿಂಗ್ ಮುಂದೆ ಡೆಲ್ಲಿ ಒಂದು ಹಂತದಲ್ಲಿ ಸಿಲುಕಿಕೊಂಡಿದ್ದು ಸುಳ್ಳಲ್ಲ. ಸಣ್ಣ ಮೊತ್ತವನ್ನು ರಕ್ಷಿಸಿಕೊಂಡ ಆರ್ಸಿಬಿ, ಡೆಲ್ಲಿ ವಿರುದ್ಧ ಉತ್ತಮ ಆರಂಭವನ್ನು ನೀಡಿತು. ಡೆಲ್ಲಿ ತಂಡ ಕೇವಲ 30 ರನ್ಗಳಿಗೆ ಮೂರು ಪ್ರಮುಖ ವಿಕೆಟ್ಗಳನ್ನು ಕಳೆದುಕೊಂಡಿತು. ಫಾಫ್ ಡು ಪ್ಲೆಸಿಸ್, ಜೇಕ್ ಫ್ರೇಸರ್ ಮೆಕ್ಗುರ್ಕ್ ಮತ್ತು ಅಭಿಷೇಕ್ ಪೊರೆಲ್ ಅವರನ್ನು ಬೇಗನೆ ಪೆವಿಲಿಯನ್ಗೆ ಅಟ್ಟಿತು. ಒಂದು ವಿಕೆಟ್ ಯಶ್ ದಯಾಳ್ ಪಾಲಾದರೆ, ಇಬ್ಬರು ಬ್ಯಾಟ್ಸ್ಮನ್ಗಳನ್ನು ಭುವನೇಶ್ವರ್ ಕುಮಾರ್ ಔಟ್ ಮಾಡಿದರು.
ಈ 3 ವಿಕೆಟ್ಗಳ ಬದಲು 4ನೇ ವಿಕೆಟ್ ಕೂಡ ಆರ್ಸಿಬಿಗೆ ಪವರ್ ಪ್ಪೇನಲ್ಲೇ ಸಿಗುತ್ತಿತ್ತು, ಆದರೆ ಆರ್ಸಿಬಿ ನಾಯಕ ರಜತ್ ಪಾಟಿದಾರ್ ಮಾಡಿದ ಎಡವಟ್ಟು ಇಡೀ ಪಂದ್ಯವನ್ನೇ ಕಳೆದುಕೊಳ್ಳುವಂತಾಯಿತು. ಪಾಟಿದಾರ್ ಅವರು ಕೆಎಲ್ ರಾಹುಲ್ ಅವರ ಕ್ಯಾಚ್ ಡ್ರಾಪ್ ಮಾಡಿದ್ದು ಪಂದ್ಯದ ಗತಿಯನ್ನೇ ಬದಲಾಯಿಸಿತು. ಈ ಘಟನೆ ನಾಲ್ಕನೇ ಓವರ್ನಲ್ಲಿ ಸಂಭವಿಸಿತು. ಯಶ್ ದಯಾಳ್ ಬೌಲಿಂಗ್ ಮಾಡುತ್ತಿದ್ದರು.
‘ಬೆಂಗಳೂರು ನನ್ನ ಟೆರಿಟರಿ’; ಗೆದ್ದ ಬಳಿಕ ಬ್ಯಾಟ್ನಲ್ಲೇ ವೃತ್ತ ಎಳೆದು ತೋರಿಸಿದ ರಾಹುಲ್
ಈ ಓವರ್ನ ಎರಡನೇ ಎಸೆತದಲ್ಲಿ, ರಾಹುಲ್ ಅವರ ಬ್ಯಾಟ್ನ ಅಂಚಿಗೆ ತಗುಲಿ ಚೆಂಡು ನೇರವಾಗಿ ಗಾಳಿಯಲ್ಲಿ ಪುಟಿಯಿತು. ಕವರ್ಸ್ನಲ್ಲಿ ನಿಂತಿದ್ದ ಕ್ಯಾಪ್ಟನ್ ಪಾಟಿದಾರ್ ಕ್ಯಾಚ್ಗೆಂದು ಓಡಿ ಹೋದರು. ಆದರೆ ಕ್ಯಾಚ್ ಅವರ ಕೈಯಿಂದ ಚೆಂಡು ಜಾರಿತು. ಆ ಸಮಯದಲ್ಲಿ ರಾಹುಲ್ ವಿಕೆಟ್ ಪಡೆದಿದ್ದರೆ, ಪಂದ್ಯ ಆರ್ಸಿಬಿ ಕೈಯಲ್ಲಿರುತ್ತಿತ್ತು. ಆದರೆ ಆ ಕ್ಯಾಚ್ ತಪ್ಪಿದ ನಂತರ, ರಾಹುಲ್ ಅದ್ಭುತ ಬ್ಯಾಟಿಂಗ್ ಮಾಡಿ ಅರ್ಧಶತಕ ಸಿಡಿಸಿ ತಂಡಕ್ಕೆ ಗೆಲುವು ತಂದುಕೊಟ್ಟರು. ಬೆಂಗಳೂರು ತಂಡದ ಸೋಲಿಗೆ ಈ ಕ್ಯಾಚ್ ಡ್ರಾಪ್ ಪ್ರಮುಖ ಕಾರಣವಾಯಿತು.
Rajat Patidar Dropped the Catch of KL Rahul on 5 Runs. pic.twitter.com/4CIeykgNwd
— VIKAS (@VikasYadav69014) April 10, 2025
ಆರ್ಸಿಬಿ ಹೇಗೋ 163 ರನ್ ಗಳಿಸುವಲ್ಲಿ ಯಶಸ್ವಿಯಾಯಿತು
ಪಂದ್ಯದ ಬಗ್ಗೆ ಹೇಳುವುದಾದರೆ, ಆರ್ಸಿಬಿ ತನ್ನ ಇನ್ನಿಂಗ್ಸ್ಗೆ ಉತ್ತಮ ಆರಂಭವನ್ನು ನೀಡಿತು. ಕೇವಲ 5 ಓವರ್ಗಳಲ್ಲಿ 60 ಕ್ಕೂ ಹೆಚ್ಚು ರನ್ ಗಳಿಸಿತು. ಆದರೆ ಇದಾದ ನಂತರ ತಂಡವು ತೀರಾ ಕಳಪೆ ಪ್ರದರ್ಶನ ತೋರಿತು. ಆರ್ಸಿಬಿ ನಿರಂತರವಾಗಿ ವಿಕೆಟ್ಗಳನ್ನು ಕಳೆದುಕೊಂಡಿತು ಮತ್ತು ತಂಡವು ಕೇವಲ 163 ರನ್ಗಳನ್ನು ಗಳಿಸಲು ಸಾಧ್ಯವಾಯಿತು. ಆರ್ಸಿಬಿ ಪರ ಫಿಲ್ ಸಾಲ್ಟ್ ಮತ್ತು ಟಿಮ್ ಡೇವಿಡ್ 37 ರನ್ ಗಳಿಸಿದರು. ಡೆಲ್ಲಿ ಪರ ಮ್ಯಾಚ್ ವಿನ್ನಿಂಗ್ ಪ್ರದರ್ಶನ ತೋರಿದ ರಾಹುಲ್ ಕೇವಲ 53 ಎಸೆತಗಳಲ್ಲಿ 7 ಫೋರ್, 6 ಸಿಕ್ಸರ್ನೊಂದಿಗೆ ಅಜೇಯ 93 ರನ್ ಚಚ್ಚಿದರು.
ಮತ್ತಷ್ಟು ಕ್ರೀಡಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ