IPL 2023 RCB vs KKR Highlights: ಕೆಕೆಆರ್ ವಿರುದ್ಧ ಮತ್ತೆ ಎಡವಿದ ಆರ್​ಸಿಬಿಗೆ 22 ರನ್ ಸೋಲು

ಕೋಲ್ಕತ್ತಾ ನೀಡಿದ 201 ರನ್‌ಗಳ ಗುರಿಯನ್ನು ಬೆಂಗಳೂರು ತಂಡ 20 ಓವರ್‌ಗಳಲ್ಲಿ ಸಾಧಿಸಲು ಸಾಧ್ಯವಾಗಲಿಲ್ಲ. ಬೆಂಗಳೂರು 8 ವಿಕೆಟ್‌ಗೆ 179 ರನ್ ಗಳಿಸಲಷ್ಟೇ ಶಕ್ತವಾಯಿತು. ಇದರೊಂದಿಗೆ ಪಂದ್ಯವನ್ನು 21 ರನ್‌ಗಳಿಂದ ಕಳೆದುಕೊಂಡಿತು. ಇದು ಬೆಂಗಳೂರಿಗೆ ನಾಲ್ಕನೇ ಸೋಲಾದರೆ, ಕೋಲ್ಕತ್ತಾಗೆ ಮೂರನೇ ಗೆಲುವು

ವಿಜಯ್ ಕುಮಾರ್ 19ನೇ ಓವರ್​ನ ಐದನೇ ಎಸೆತದಲ್ಲಿ ಸಿಕ್ಸರ್ ಬಾರಿಸಿದರು.ವಿಜಯ್ ಡೀಪ್ ಮಿಡ್ ವಿಕೆಟ್ ಮೇಲೆ ಸಿಕ್ಸರ್ ಬಾರಿಸಿದರು. ಬೆಂಗಳೂರಿಗೆ ಗುರಿ ಮುಟ್ಟುವುದು ಕಷ್ಟವಾಗಿರುವಾಗ ಈ ನಡುವೆ ಈ ಸಿಕ್ಸ್ ಬಂದಿದೆ

ವರುಣ್ ಬೌಲಿಂಗ್​ನಲ್ಲಿ ಕಾರ್ತಿಕ್​ ಕ್ಯಾಚಿತ್ತು ಔಟಾದರು. 18ನೇ ಓವರ್​ನಲ್ಲಿ ಬಿಗ್ ಶಾಟ್ ಆಡಲು ಯತ್ನಿಸಿದ ಕಾರ್ತಿಕ್ ಡೀಪ್ ಮಿಡ್ ವಿಕೆಟ್​ನಲ್ಲಿ ಕ್ಯಾಚಿತ್ತು ಔಟಾದರು.

17ನೇ ಓವರ್​ನ 5ನೇ ಎಸೆತದಲ್ಲಿ ಹಸರಂಗ ಡೀಪ್​ನಲ್ಲಿ ಕ್ಯಾಚಿತ್ತು ಔಟಾದರು.

ರಸೆಲ್ ಓವರ್​ನಲ್ಲಿ ಸಿಕ್ಸರ್ ಬಾರಿಸಿದ ಕಾರ್ತಿಕ್, ಆರ್​ಸಿಬಿ ಮೊತ್ತವನ್ನು 150ರ ಗಡಿ ದಾಟಿಸಿದರು.

ಕೊಹ್ಲಿ ವಿಕೆಟ್ ಬಳಿಕ ಬಂದ ಸುಯೇಶ್ ರಸೆಲ್​ ಓವರ್​ನ ಕೊನೆಯ ಎಸೆತದಲ್ಲಿ ಬೌಂಡರಿ ಬಾರಿಸಿದರೆ, ಆ ಬಳಿಕ ಅಂದರೆ 14ನೇ ಓವರ್​ನಲ್ಲಿ ಕಾರ್ತಿಕ್ 1 ಬೌಂಡರಿ ಹೊಡೆದರು. ಇನ್ನುಳಿದಂತೆ 15ನೇ ಓವರ್​ನಲ್ಲಿ ಯಾವುದೇ ಬೌಂಡರಿ ಬರಲಿಲ್ಲ

ರಸೆಲ್ ಓವರ್​ನಲ್ಲಿ ಕೊಹ್ಲಿ, ಅಯ್ಯರ್​ಗೆ ಕ್ಯಾಚಿತ್ತು ಔಟಾದರು. ಇದರೊಂದಿಗೆ ಆರ್​ಸಿಬಿ 5ನೇ ವಿಕೆಟ್ ಕಳೆದುಕೊಂಡಿದೆ.

18 ಎಸೆತದಲ್ಲಿ 34 ರನ್ ಬಾರಿಸಿದ್ದ ಮಹಿಪಾಲ್ ವರುಣ್ ಬೌಲ್ ಮಾಡಿದ 12ನೇ ಓವರ್​ನ ಮೊದಲ ಎಸೆತದಲ್ಲಿ ಸಿಕ್ಸರ್ ಬಾರಿಸಿದರೆ, ಅದರ ನಂತರದ ಎಸೆತದಲ್ಲೇ ಕ್ಯಾಚಿತ್ತು ಔಟಾದರು.

ಸುಯೆಶ್ ಬೌಲ್ ಮಾಡಿದ 11ನೇ ಓವರ್​ನಲ್ಲಿ ಬೌಂಡರಿ ಬಾರಿಸಿದ ಕೊಹ್ಲಿ ಆರ್​ಸಿಬಿಯನ್ನು 100ರ ಗಡಿ ದಾಟಿಸಿದರು. ಆ ಬಳಿಕ ಸಿಂಗಲ್ ಕದ್ದು ತಮ್ಮ ಅರ್ಧಶತಕವನ್ನು ಪೂರೈಸಿದರು.

10ನೇ ಓವರ್ ಬೌಲ್ ಮಾಡಿದ ನರೈನ್ ಓವರ್​ನ ಮೊದಲ ಎಸೆತದಲ್ಲೇ ಮಹಿಪಾಲ್ ಸ್ಕ್ವೇರ್​ ಲೆಗ್​ ಮೇಲೆ ಸಿಕ್ಸರ್ ಬಾರಿಸಿದರು. ಹಾಗೆಯೇ ಕೊನೆಯ ಎಸೆತದಲ್ಲೂ ಸಿಕ್ಸರ್ ಬಂತು

ಮ್ಯಾಕ್ಸಿ ವಿಕೆಟ್ ಬಳಿಕ ಬಂದ 2 ಓವರ್​ಗಳಲ್ಲಿ ಯಾವುದೇ ಬೌಂಡರಿ ಬರಲಿಲ್ಲ. ಆದರೆ 9ನೇ ಓವರ್​ನಲ್ಲಿ ಮಹಿಪಾಲ್, ರಾಣಾ ಮೇಲೆ ಬೌಂಡರಿ ಹೊಡೆದರು.

ಪವರ್ ಪ್ಲೇ ಕೊನೆಯ ಓವರ್​ನಲ್ಲಿ ಮ್ಯಾಕ್ಸ್​ವೆಲ್ ಕೂಡ ಔಟಾದರು. ವರುಣ್ ಓವರ್​ನಲ್ಲಿ 1 ಬೌಂಡರಿ ಹೊಡೆದ ಮ್ಯಾಕ್ಸಿ, ಆ ಬಳಿಕ ಮಿಡ್ ಆಫ್ನಲ್ಲಿ ಕ್ಯಾಚಿತ್ತು ಔಟಾದರು.

5ನೇ ಓವರ್ ಬೌಲ್ ಮಾಡಲು ಬಂದ ಸುಯೆಶ್ ಇನ್ನೊಂದು ವಿಕೆಟ್ ಉರುಳಿಸಿದ್ದಾರೆ. ಇಡೀ ಟೂರ್ನಿಯಲ್ಲಿ ರನ್​ಗಳ ಬರ ಎದುರಿಸುತ್ತಿರುವ ಶಹಬಾಜ್ ಎಲ್​ಬಿ ಬಲೆಗೆ ಬಿದ್ದರು.

ವರುಣ್ ಬೌಲ್ ಮಾಡಿದ 4ನೇ ಓವರ್​ನ ಮೊದಲ ಎಸೆತದಲ್ಲೇ ಸ್ಕ್ವೈರ್ ಲೆಗ್ ಮೇಲೆ ಕೊಹ್ಲಿ ಬೌಂಡರಿ ಹೊಡೆದರು.

ಸುಯೆಶ್ 3ನೇ ಓವರ್​ನ 2ನೇ ಎಸೆತದಲ್ಲಿ ಆರ್​ಸಿಬಿ ಆರಂಭಿಕ ಫಾಫ್ ಡು ಪ್ಲೆಸಿಸ್ ವಿಕೆಟ್ ಉರುಳಿಸಿದರು.

2ನೇ ಓವರ್​ನ ಮೊದಲ ಎಸೆತದಲ್ಲಿ ಕೊಹ್ಲಿ ಬೌಂಡರಿ ಹೊಡೆದರೆ, ಆ ಬಳಿಕ 5 ಮತ್ತು 6ನೇ ಎಸೆತದಲ್ಲಿ ಫಾಫ್ ಭರ್ಜರಿ ಸಿಕ್ಸರ್ ಹೊಡೆದರು.

ಅರೋರಾ ಬೌಲ್ ಮಾಡಿದ ಮೊದಲ ಓವರ್​ನ ಮೊದಲ ಎಸೆತದಲ್ಲೇ ಬೌಂಡರಿ ಬಾರಿಸಿದ ಕೊಹ್ಲಿ, 5ನೇ ಎಸೆತದಲ್ಲೂ ಮತ್ತೊಂದು ಬೌಂಡರಿ ಹೊಡೆದರು.

20 ನೇ ಓವರ್​ನಲ್ಲಿ 15 ರನ್ ಬಂದವು. ಈ ಓವರ್​ನಲ್ಲಿ ವೀಸಾ 1 ಸಿಕ್ಸರ್ ಹೊಡೆದರೆ, ಅಂತಿಮ ಎಸೆತದಲ್ಲಿ ರಿಂಕು ಕೂಡ ಸಿಕ್ಸರ್ ಬಾರಿಸಿದರು. ಇದರೊಂದಿಗೆ ಕೆಕೆಆರ್ 201 ರನ್​ಗಳ ಟಾರ್ಗೆಟ್ ಸೆಟ್ ಮಾಡಿದೆ.

19ನೇ ಓವರ್​ನ ಕೊನೆಯ ಎಸೆತದಲ್ಲಿ ಸಿರಾಜ್, ರಸೆಲ್ ವಿಕೆಟ್ ಉರುಳಿಸಿದರು.

19ನೇ ಓವರ್ ಬೌಲ್ ಮಾಡಿದ ಸಿರಾಜ್ ತುಂಬಾ ದುಬಾರಿಯಾದರು. ಈ ಓವರ್​ನ ಮೊದಲ ಎಸೆತವನ್ನು ಸಿಕ್ಸರ್​ಗಟ್ಟಿದ ರಿಂಕು, ಆ ನಂತರ ಎರಡು ಎಸೆತಗಳನ್ನು ಬೌಂಡರಿ ಬಾರಿಸಿದರು.

ಹಸರಂಗ ಬೌಲ್ ಮಾಡಿದ ಅದೇ ಓವರ್​ನಲ್ಲಿ ಅಯ್ಯರ್ ಕೂಡ ವಿಕೆಟ್ ಒಪ್ಪಿಸಿದ್ದಾರೆ.

48 ರನ್ ಬಾರಿಸಿದ ರಾಣಾ 18ನೇ ಓವರ್​ನ ಮೊದಲ ಎಸೆತದಲ್ಲೇ ಔಟಾಗಿದ್ದಾರೆ. ಹಸರಂಗ ಎಸೆದ ಮೊದಲ ಎಸೆತವನ್ನು ರಾಣಾ ಶಾರ್ಟ್​ ಥರ್ಡ್​ಮ್ಯಾನ್​ನಲ್ಲಿ ಆಡಿದರು. ಆದರೆ ಅಲ್ಲೆ ನಿಂತಿದ್ದ ವೈಶಾಕ್ ಅದ್ಭುತ ಕ್ಯಾಚ್ ಪಡೆದರು.

ವೈಶಾಕ್ ಬೌಲ್ ಮಾಡಿದ 17ನೇ ಓವರ್​ನ ಕೊನೆಯ 3 ಎಸೆತಗಳು ಬೌಂಡರಿ ಸೇರಿದವು. 4 ಮತ್ತು 5ನೇ ಎಸೆತವನ್ನು ರಾಣಾ ಬೌಂಡರಿಗಟ್ಟಿದರೆ, 6ನೇ ಎಸೆತದಲ್ಲಿ ಸಿಕ್ಸರ್ ಹೊಡೆದರು.

16ನೇ ಓವರ್ ಬೌಲ್ ಮಾಡಿದ ಹರ್ಷಲ್ ಬರೋಬ್ಬರಿ 19 ರನ್ ಬಿಟ್ಟುಕೊಟ್ಟರು. ಈ ಓವರ್​ನಲ್ಲಿ ರಾಣಾ 2 ಸಿಕ್ಸರ್ ಹೊಡೆದರೆ, ಅಯ್ಯರ್ 1 ಬೌಂಡರಿ ಹೊಡೆದರು.

15ನೇ ಓವರ್​ನಕಲ್ಲಿ ಸಿರಾಜ್ ಕೇವಲ 5 ರನ್ ನೀಡಿದರು. ಕೆಕೆಆರ್ ಪರ ರಾಣಾ 20, ಅಯ್ಯರ್ 23 ರನ್ ಬಾರಿಸಿ ಆಡುತ್ತಿದ್ದಾರೆ. 15 ಓವರ್ ಅಂತ್ಯಕ್ಕೆ 131/2

14ನೇ ಓವರ್​ನ ಕೊನೆಯ ಎಸೆತದಲ್ಲಿ ನಾಯಕ ರಾಣಾ ಬೌಲರ್​ನ ತಲೆಯ ಮೇಲೆ ನೇರ ಸಿಕ್ಸರ್ ಬಾರಿಸಿದರು.

ಪಕ್ಷದ ಬೆನ್ನಿಗೆ ಚೂರಿ ಹಾಕಿರುವ ಜಗದೀಶ ಶೆಟ್ಟರ್​ಗೆ ಜೀವನದಲ್ಲೇ ಮರೆಯಲಾಗದ ಸೋಲು ಕಾದಿದೆ ಎಂದು ಬಿಜೆಪಿ ಸಂಸದೀಯ ಮಂಡಳಿ ಸದಸ್ಯ ಬಿಎಸ್ ಯಡಿಯೂರಪ್ಪ ಹೇಳಿದ್ದಾರೆ. ಬೆಳಗಾವಿ, ಅಥಣಿ, ಕುಡಚಿ ಪ್ರವಾಸ ಮುಗಿಸಿ ಬಂದಿದ್ದೇನೆ. ನಾಳೆ ಕಲಬುರಗಿ ಕಡೆ ಪ್ರವಾಸ ಹೊರಟಿದ್ದೇನೆ. ನಿನ್ನೆ ವೀರಶೈವ ಮುಖಂಡರ ಸಭೆ ಮಾಡಿದ್ದೆ. ಆ ಸಭೆಯಲ್ಲಿ ಜಗದೀಶ್ ಶೆಟ್ಟರ್ ನಂಬಿಕೆ ದ್ರೋಹ, ವಿಶ್ವಾಸ ದ್ರೋಹ ಮಾಡಿರುವ ಬಗ್ಗೆ ಮನವರಿಕೆ ಮಾಡಿಕೊಟ್ಟಿದ್ದೇನೆ ಎಂದು ಹೇಳಿದರು.

ಹಸರಂಗ ಬೌಲ್ ಮಾಡಿದ 12ನೇ ಓವರ್​ನಲ್ಲಿ 2ಬೌಂಡರಿ ಬಂದವು. ಇದರೊಂದಿಗೆ ಕೆಕೆಆರ್ ಸ್ಕೋರ್ 100ರ ಗಡಿ ದಾಟಿದೆ.

10ನೇ ಓವರ್​ನ 2ನೇ ಎಸೆತದಲ್ಲಿ ಜಗದೀಸನ್ ವಿಕೆಟ್ ಉರುಳಿಸಿದ್ದ ವೈಶಾಕ್ ಕೊನೆಯ ಎಸೆತದಲ್ಲಿ ಅರ್ಧಶತಕ ಸಿಡಿಸಿದ್ದ ರಾಯ್ ವಿಕೆಟ್ ಪಡೆದರು.

29 ಎಸೆತಗಳಲ್ಲಿ 27 ರನ್ ಬಾರಿಸಿದ್ದ ಜಗದಿಸನ್ 10ನೇ ಓವರ್​ನ 2ನೇ ಎಸೆತದಲ್ಲಿ ಡೀಪ್ ಮಿಡ್ ವಿಕೆಟ್ ಕಡೆ ನಿಂತಿದ್ದ ವಿಲ್ಲಿಗೆ ಕ್ಯಾಚಿತ್ತು ಔಟಾದರು. ವೈಶಾಕ್​ ಈ ವಿಕೆಟ್ ಉರುಳಿಸಿದರು.

ಹರ್ಷಲ್ ಬೌಲ್ ಮಾಡಿದ 9ನೇ ಓವರ್​ನ 3ನೇ ಎಸೆತದಲ್ಲಿ ಜಗದೀಸನ್ ವೈಡ್ ಥರ್ಡ್​ಮ್ಯಾನ್ ಕಡೆ ಬೌಂಡರಿ ಹೊಡೆದರು.

ಆರಂಭದಿಂದಲೂ ಅಬ್ಬರಿಸುತ್ತಿರುವ ರಾಯ್ ಕೇವಲ 22 ಎಸೆತಗಳಲ್ಲಿ ತಮ್ಮ ಅರ್ಧಶತಕ ಪೂರೈಸಿದರು.

ಶಹಬಾಜ್ ಬೌಲ್ ಮಾಡಿದ ಪವರ್ ಪ್ಲೇ ಕೊನೆಯ ಓವರ್​ನಲ್ಲಿ ರಾಯ್ ಬರೋಬ್ಬರಿ 4 ಸಿಕ್ಸರ್ ಬಾರಿಸಿದರು. ಇದರೊಂದಿಗೆ ಕೆಕೆಆರ್ ಅರ್ಧಶತಕ ಕೂಡ ಪೂರ್ಣಗೊಂಡಿದೆ.

ಹಸರಂಗ ಬೌಲ್ ಮಾಡಿದ 5ನೇ ಓವರ್​​ನ ಕೊನೆಯ ಎಸೆತದಲ್ಲಿ ರಾಯ್ ಬೌಂಡರಿ ಹೊಡೆದರು. ಈ ಓವರ್​ನಲ್ಲಿ ಆರ್​ಸಿಬಿ ರಿವ್ಯೂ ತೆಗೆದುಕೊಂಡಿತ್ತಾದರೂ ಯಶಸ್ವಿಯಾಗಲಿಲ್ಲ.

4ನೇ ಓವರ್​ನಲ್ಲಿ ವಿಲ್ಲಿ ಕೊಂಚ ದುಬಾರಿಯಾದರು. ಈ ಓವರ್​ನಲ್ಲಿ ಜಗದೀಸನ್ 2 ಬೌಂಡರಿ ಹೊಡೆದರೆ, ರಾಯ್ 1 ಸಿಕ್ಸರ್ ಬಾರಿಸಿದರು.

ಸಿರಾಜ್ ಬೌಲ್ ಮಾಡಿದ 3ನೇ ಓವರ್​ನ 4ನೇ ಎಸೆತದಲ್ಲಿ ರಾಯ್ ಕವರ್ಸ್ ದಿಕ್ಕಿನ ಕಡೆಗೆ ಬೌಂಡರಿ ಬಾರಿಸಿದರು.

ವಿಲ್ಲಿ ಬೌಲ್ ಮಾಡಿದ 2ನೇ ಓವರ್​ನ 2ನೇ ಎಸೆತವನ್ನು ಜಗದೀಸನ್ ಶಾರ್ಟ್​ ಥರ್ಡ್​ಮ್ಯಾನ್ ಕಡೆ ಬೌಂಡರಿಗಟ್ಟಿದರು.

ಕೆಕೆಆರ್ ಪರ ಜಗದೀಸನ್ ಹಾಗೂ ರಾಯ್ ಬ್ಯಾಟಿಂಗ್ ಆರಂಭಿಸಿದ್ದಾರೆ. ಮೊದಲ ಓವರ್​ನಲ್ಲಿ ರಾಯ್ 2 ಬೌಂಡರಿ ಬಾರಿಸಿದರು.

ನಿತೀಶ್ ರಾಣಾ (ನಾಯಕ), ವೆಂಕಟೇಶ್ ಅಯ್ಯರ್, ನಾರಾಯಣ್ ಜಗದೀಶನ್, ಜೇಸನ್ ರಾಯ್, ಸುನಿಲ್ ನರೈನ್, ಆಂಡ್ರೆ ರಸೆಲ್, ರಿಂಕು ಸಿಂಗ್, ಡೇವಿಡ್ ವೀಸಾ, ಉಮೇಶ್ ಯಾದವ್, ವರುಣ್ ಚಕ್ರವರ್ತಿ ಮತ್ತು ವೈಭವ್ ಅರೋರಾ

ಫಾಫ್ ಡುಪ್ಲೆಸಿಸ್ ವಿರಾಟ್ ಕೊಹ್ಲಿ (ನಾಯಕ), ಶಹಬಾಜ್ ಅಹ್ಮದ್, ಗ್ಲೆನ್ ಮ್ಯಾಕ್ಸ್‌ವೆಲ್, ದಿನೇಶ್ ಕಾರ್ತಿಕ್, ಸುಯಶ್ ಪ್ರಭುದೇಸಾಯಿ, ವನಿಂದು ಹಸರಂಗ, ಡೇವಿಡ್ ವಿಲ್ಲಿ, ವೈಶಾಕ್ ವಿಜಯಕುಮಾರ್, ಹರ್ಷಲ್ ಪಟೇಲ್, ಮೊಹಮ್ಮದ್ ಸಿರಾಜ್

ಟಾಸ್ ಗೆದ್ದ ಆರ್​ಸಿಬಿ ನಾಯಕ ವಿರಾಟ್ ಕೊಹ್ಲಿ ಬೌಲಿಂಗ್ ಆಯ್ಕೆ ಮಾಡಿದ್ದಾರೆ. ಆರ್​ಸಿಬಿ ತಂಡದಲ್ಲಿ ನಿರೀಕ್ಷೆಯಂತೆ ಯಾವುದೇ ಬದಲಾವಣೆ ಮಾಡಲಾಗಿಲ್ಲ.

ಈ ಸೀಸನ್​ನಲ್ಲಿ ಎರಡನೇ ಬಾರಿಗೆ ಬೆಂಗಳೂರು ಮತ್ತು ಕೋಲ್ಕತ್ತಾ ನಡುವೆ ಹಣಾಹಣಿ ಇದೆ. ಕಳೆದ ಪಂದ್ಯದಲ್ಲಿ ಕೋಲ್ಕತ್ತಾ, ಆರ್​ಸಿಬಿ ತಂಡವನ್ನು ಈಡನ್ ಗಾರ್ಡನ್‌ನಲ್ಲಿ ಏಕಪಕ್ಷೀಯವಾಗಿ 81 ರನ್‌ಗಳಿಂದ ಸೋಲಿಸಿತ್ತು. ಇದೀಗ ಆ ಸೋಲಿನ ಖಾತೆಯನ್ನು ತವರಿನಲ್ಲೇ ಇತ್ಯರ್ಥಪಡಿಸುವ ಅವಕಾಶ ಬೆಂಗಳೂರಿಗಿದೆ.