Shikhar Dhawan, IPL 2022 Auction: ಬೃಹತ್ ಮೊತ್ತಕ್ಕೆ ಪಂಜಾಬ್ ಕಿಂಗ್ಸ್ ತಂಡ ಸೇರಿದ ಶಿಖರ್ ಧವನ್!
Shikhar Dhawan Auction Price: ಐಪಿಎಲ್ 2022 ಹರಾಜಿನಲ್ಲಿ ಪಂಜಾಬ್ ಕಿಂಗ್ಸ್ ದಿನದ ಮೊದಲ ಆಟಗಾರರನ್ನು ಖರೀದಿಸಿದೆ. 8.25 ಕೋಟಿ ರೂ. ನೀಡುವ ಮೂಲಕ ಶಿಖರ್ ಧವನ್ ಅವರನ್ನು ಪಂಜಾಬ್ ತನ್ನ ಬತ್ತಳಿಕೆಗೆ ಹಾಕಿಕೊಂಡಿದೆ.
ಐಪಿಎಲ್ 2022 ಹರಾಜಿನಲ್ಲಿ ಪಂಜಾಬ್ ಕಿಂಗ್ಸ್ ದಿನದ ಮೊದಲ ಆಟಗಾರರನ್ನು ಖರೀದಿಸಿದೆ. 8.25 ಕೋಟಿ ರೂ. ನೀಡುವ ಮೂಲಕ ಶಿಖರ್ ಧವನ್ (Shikhar Dhawan ) ಅವರನ್ನು ಪಂಜಾಬ್ ತನ್ನ ಬತ್ತಳಿಕೆಗೆ ಹಾಕಿಕೊಂಡಿದೆ.ಆರಂಭದಲ್ಲಿ ಧವನ್ ಖರೀದಿಸಲು ಡೆಲ್ಲಿ ಹಾಗೂ ಪಂಜಾಬ್ ನಡುವೆ ಪೈಪೋಟಿ ಏರ್ಪಟ್ಟಿತ್ತು. ಆದರೆ ಅಂತಿಮವಾಗಿ ಧವನ್ ಖರೀದಿಸುವಲ್ಲಿ ಪಂಜಾಬ್ ಯಶಸ್ವಿಯಾಗಿದೆ. ಈ ಮೂಲಕ ಈ ಹರಾಜಿನ ಮೊದಲ ಆಟಗಾರನಾಗಿ ಧವನ್ ಹರಾಜಾಗಿದ್ದಾರೆ. ಈ ಬಾರಿ 10 ಫ್ರಾಂಚೈಸಿಗಳು ಹರಾಜಿನಲ್ಲಿ ಭಾಗವಹಿಸುತ್ತಿದ್ದು, ಇದರಲ್ಲಿ ಪಂಜಾಬ್ ಕಿಂಗ್ಸ್ ಹೆಚ್ಚು ಪರ್ಸ್ ಹೊಂದಿದೆ. ಈ ತಂಡದ ಬ್ಯಾಗ್‌ನಲ್ಲಿ 72 ಕೋಟಿ ರೂ. ಆದಾಗ್ಯೂ, ಇತರ ತಂಡಗಳಿಗೆ ಹೋಲಿಸಿದರೆ ಪಂಜಾಬ್ ಕಡಿಮೆ ಸಂಖ್ಯೆಯ ಆಟಗಾರರನ್ನು ಉಳಿಸಿಕೊಂಡಿದೆ.
ಐಪಿಎಲ್ 2021 ರಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್‌ ಪರ ಆಡಿದ್ದ ಧವನ್
ರೈಟ್ ಟು ಮ್ಯಾಚ್ ಕಾರ್ಡ್ ಬಳಸಿ ಸನ್ ರೈಸರ್ಸ್ ಹೈದರಾಬಾದ್ ಸ್ವತಃ 5.2 ಕೋಟಿ ರೂ.ಗೆ ಶಿಖರ್ ಧವನ್ ಅವರನ್ನು ಐಪಿಎಲ್ 2018ರ ಹರಾಜಿಗೆ ಸೇರಿಸಿತ್ತು. ಆದರೆ, ಅವರು 2019 ರ ಹರಾಜಿನಲ್ಲಿ ವ್ಯಾಪಾರದ ಮೂಲಕ ದೆಹಲಿ ಕ್ಯಾಪಿಟಲ್ಸ್‌ ತಂಡ ಸೇರಿದರು. ಅಂದಿನಿಂದ ಅವರು 2021 ರವರೆಗೆ ದೆಹಲಿಗಾಗಿ ಆಡಿದ್ದರು.
ಕಳೆದ ಎರಡು ಐಪಿಎಲ್ ಸೀಸನ್‌ಗಳಲ್ಲಿ ಧವನ್ ಪ್ರಾಬಲ್ಯ
ಪ್ರದರ್ಶನದ ಪ್ರಕಾರ, ಐಪಿಎಲ್‌ನ ಕಳೆದ ಎರಡು ಸೀಸನ್‌ಗಳು ಶಿಖರ್ ಧವನ್‌ಗೆ ಅದ್ಭುತವಾಗಿದೆ. ಅವರು ಐಪಿಎಲ್ 2020 ಮತ್ತು ಐಪಿಎಲ್ 2021 ಎರಡರಲ್ಲೂ 500 ಕ್ಕೂ ಹೆಚ್ಚು ರನ್ ಗಳಿಸಿದ್ದಾರೆ. 2020 ರ ಋತುವಿನಲ್ಲಿ, ಅವರು ಐಪಿಎಲ್ ಇತಿಹಾಸದಲ್ಲಿ ಎರಡು ಬ್ಯಾಕ್ ಟು ಬ್ಯಾಕ್ ಶತಕಗಳನ್ನು ಗಳಿಸಿದ ಮೊದಲ ಆಟಗಾರರಾದರು. ಅದೇ ಸಮಯದಲ್ಲಿ ಅವರು ಲೀಗ್‌ನಲ್ಲಿ ತಮ್ಮ 5000 ರನ್‌ಗಳನ್ನು ಪೂರೈಸಿದರು. ಶಿಖರ್ ಧವನ್ IPL 2020 ರಲ್ಲಿ ಮೂರನೇ ಅತ್ಯಂತ ಯಶಸ್ವಿ ಬ್ಯಾಟ್ಸ್‌ಮನ್ ಆಗಿದ್ದಾರೆ. ಅದೇ ಸಮಯದಲ್ಲಿ, IPL 2021 ರಲ್ಲಿ 587 ರನ್ ಗಳಿಸಿದರು, ಅವರು ಋತುವಿನ ನಾಲ್ಕನೇ ಟಾಪ್ ಸ್ಕೋರರ್ ಆಗಿ ಉಳಿದರು.
ಇದನ್ನೂ ಓದಿ:IPL Auction 2022: ಮೊದಲ ಸುತ್ತಿನಲ್ಲಿ 10 ಆಟಗಾರರ ಹರಾಜು..!
Published On - 12:22 pm, Sat, 12 February 22