THE 6IXTY: 60 ಎಸೆತ, 2+1 ಪವರ್ಪ್ಲೇ, 6 ಬ್ಯಾಟ್ಸ್ಮನ್: ಕ್ರಿಕೆಟ್ ಅಂಗಳಕ್ಕೆ ಹೊಸ ಲೀಗ್ ಎಂಟ್ರಿ..!
'THE 6IXTY': ವೆಸ್ಟ್ ಇಂಡೀಸ್ ಕ್ರಿಕೆಟ್ ಮಂಡಳಿ-ಕೆರಿಬಿಯನ್ ಪ್ರೀಮಿಯರ್ ಲೀಗ್ ಜಂಟಿಯಾಗಿ ಆಯೋಜಿಸಲಿರುವ ಈ ಟೂರ್ನಿಯನ್ನು ವರ್ಷಕ್ಕೆ 4 ಬಾರಿ ನಡೆಯಲಿದೆ
Updated on:Jun 23, 2022 | 3:59 PM
ಏಕದಿನ ಕ್ರಿಕೆಟ್ ಆಯ್ತು, ಟಿ20 ಕ್ರಿಕೆಟ್ ಕೂಡ ಬಂದಾಯ್ತು, ಇನ್ನು ಟಿ10 ಸಹ ಪರಿಚಯವಾಯಿತು…ಮುಂದೇನು ಎಂಬ ಪ್ರಶ್ನೆಗೆ ಇದೀಗ ಉತ್ತರ ನೀಡಲು ಮುಂದಾಗಿದ್ದಾರೆ ವೆಸ್ಟ್ ಇಂಡೀಸ್ ಕ್ರಿಕೆಟ್ ಬೋರ್ಡ್. ಹೌದು, ವೆಸ್ಟ್ ಇಂಡೀಸ್ ಕ್ರಿಕೆಟ್ ಮಂಡಳಿ ಹೊಸ ಮಾದರಿಯ ಕ್ರಿಕೆಟ್ ಅನ್ನು ಪರಿಚಯಿಸಲು ಮುಂದಾಗುತ್ತಿದೆ. ಅದು ಕೂಡ 60 ಬಾಲ್ ಕ್ರಿಕೆಟ್. ಆದರೆ ಇದು ಟಿ10 ಕ್ರಿಕೆಟ್ ಅಲ್ಲ ಎಂಬುದು ವಿಶೇಷ. ದಿ ಸಿಕ್ಸ್ಟಿ (‘THE 6IXTY’) ಹೆಸರಿನಲ್ಲಿ ಮೂಡಿಬರಲಿರುವ ಈ ಟೂರ್ನಿಗಾಗಿ ಈಗಾಗಲೇ ಸಿದ್ದತೆಗಳು ಶುರುವಾಗಿದೆ. ಅದರಂತೆ ಆಗಸ್ಟ್ ತಿಂಗಳಿಂದ ದಿ ಸಿಕ್ಸ್ಟಿಗೆ ಚಾಲನೆ ನೀಡಲು ವೆಸ್ಟ್ ಇಂಡೀಸ್ ಕ್ರಿಕೆಟ್ ಮಂಡಳಿ ಹಾಗೂ ಕೆರಿಬಿಯನ್ ಪ್ರೀಮಿಯರ್ ಲೀಗ್ ಆಯೋಜಕರು ಯೋಜನೆ ರೂಪಿಸಿದ್ದಾರೆ. ಕೆರಿಬಿಯನ್ ಪ್ರೀಮಿಯರ್ ಲೀಗ್ನಲ್ಲಿರುವ ತಂಡಗಳೇ ಈ ಲೀಗ್ನಲ್ಲೂ ಕಾಣಿಸಿಕೊಳ್ಳುವ ಸಾಧ್ಯತೆಯಿದೆ. ಇನ್ನು ಈ ಲೀಗ್ನಲ್ಲಿ ಹಲವು ಹೊಸ ನಿಯಮಗಳನ್ನು ಪರಿಚಯಿಸಲಾಗಿದ್ದು, ಅದರಂತೆ ಟೂರ್ನಿ ನಡೆಯಲಿದೆ. ಆಗಿದ್ರೆ ದಿ ಸಿಕ್ಸ್ಟಿ ಲೀಗ್ನಲ್ಲಿರುವ ನಿಯಮಗಳೇನು ನೋಡೋಣ…
- ಈ ಟೂರ್ನಿಯಲ್ಲಿ ಒಟ್ಟು 6 ತಂಡಗಳು ಕಣಕ್ಕಿಳಿಯಲಿದೆ. ಆದರೆ ಇಲ್ಲಿ 6 ಬ್ಯಾಟ್ಸ್ಮನ್ಗಳಿಗೆ ಮಾತ್ರ ಅವಕಾಶ ಇರಲಿದೆ ಎಂಬುದು ವಿಶೇಷ. ಅಂದರೆ ಪ್ರತಿ ಬ್ಯಾಟಿಂಗ್ ತಂಡವು ಆರು ವಿಕೆಟ್‌ಗಳನ್ನು ಹೊಂದಿರುತ್ತದೆ. 6ನೇ ವಿಕೆಟ್‌ ಪತನದೊಂದಿಗೆ ಆಲ್ಔಟ್ ಎಂದು ಪರಿಗಣಿಸಲಾಗುತ್ತದೆ.
- ಹಾಗೆಯೇ ಬೌಲಿಂಗ್ಗೂ ಹೊಸ ನಿಯಮ ಪರಿಚಯಿಸಲಾಗಿದೆ. ಇಲ್ಲಿ ಒಟ್ಟು 10 ಓವರ್ಗಳನ್ನು ಎರಡು ತುದಿಯಿಂದ ಎಸೆಯುವಂತಹ ನಿಯಮ ರೂಪಿಸಲಾಗಿದೆ. ಅಂದರೆ 5 ಓವರ್ ಪಿಚ್ನ ಒಂದು ತುದಿಯಿಂದ ಎಸೆದರೆ, ಮತ್ತೆ ಐದು ಓವರ್ಗಳನ್ನು ಇನ್ನೊಂದು ತುದಿಯಿಂದ ಎಸೆಯಬೇಕಾಗುತ್ತದೆ. ಇದರಿಂದ ಪಿಚ್ ಮೇಲ್ಮೈ ಕೂಡ ಬದಲಾಗಲಿದೆ. ಹೀಗಾಗಿ ಪಂದ್ಯವು ಯಾವುದೇ ತಿರುವನ್ನು ಕೂಡ ಪಡೆಯಬಹುದು.
- ಇನ್ನು ಪ್ರತಿ ತಂಡವು 45 ನಿಮಿಷಗಳಲ್ಲಿ 10 ಓವರ್ಗಳನ್ನು ಪೂರ್ಣಗೊಳಿಸಬೇಕು. ಈ ಸಮಯದೊಳಗೆ 10 ಓವರ್ ಪೂರ್ಣಗೊಳಿಸಲು ವಿಫಲವಾದರೆ ಕೊನೆಯ 6 ಎಸೆತಗಳಿಗೆ ಫೀಲ್ಡರ್ ಕಡಿತ ಮಾಡಲಾಗುತ್ತದೆ.
- ಹಾಗೆಯೇ ಒಬ್ಬ ಬೌಲರ್ಗೆ ಕೇವಲ 2 ಓವರ್ ಮಾತ್ರ ಇರಲಿದೆ. ಅದರಂತೆ ಒಂದು ತಂಡದಲ್ಲಿ ಐವರು ಬೌಲರ್ಗಳು ಇರಲೇಬೇಕಾಗುತ್ತದೆ.
- ಈ ಪಂದ್ಯದಲ್ಲಿ ಎರಡು ಪವರ್ ಪ್ಲೇ ಓವರ್‌ಗಳು ಇರಲಿದೆ. ಇಲ್ಲಿ ಮೊದಲ ಎರಡು ಪವರ್ಪ್ಲೇನಲ್ಲಿ ಬ್ಯಾಟ್ಸ್ಮನ್ಗಳು ಎರಡು ಸಿಕ್ಸರ್‌ಗಳನ್ನು ಬಾರಿಸಿದರೆ, ಮೂರನೆ ಪವರ್ಪ್ಲೇ ಅನ್ಲಾಕ್ ಆಗುತ್ತದೆ. ಅಂದರೆ ಮೊದಲೆರಡು ಓವರ್ಗಳಲ್ಲಿ 2 ಸಿಕ್ಸ್ ಬಾರಿಸಿದ ಮತ್ತೊಂದು ಪವರ್ಪ್ಲೇ ಸಿಗಲಿದೆ. ಈ ಪವರ್ಪ್ಲೇ ಅನ್ನು 3 ರಿಂದ 9 ಓವರ್ಗಳ ನಡುವೆ ತೆಗೆದುಕೊಳ್ಳಬಹುದು.
ವೆಸ್ಟ್ ಇಂಡೀಸ್ ಕ್ರಿಕೆಟ್ ಮಂಡಳಿ-ಕೆರಿಬಿಯನ್ ಪ್ರೀಮಿಯರ್ ಲೀಗ್ ಜಂಟಿಯಾಗಿ ಆಯೋಜಿಸಲಿರುವ ಈ ಟೂರ್ನಿಯನ್ನು ವರ್ಷಕ್ಕೆ 4 ಬಾರಿ ನಡೆಯಲಿದೆ. ಅಂದರೆ ಪ್ರತಿ 3 ತಿಂಗಳಿಗೊಮ್ಮೆ ಟೂರ್ನಿ ನಡೆಯಲಿದೆ. ಮೊದಲ ಸೀಸನ್ ಅನ್ನು ಸೇಂಟ್ ಕಿಟ್ಸ್‌ನಲ್ಲಿ ಆಗಸ್ಟ್ 24 ರಿಂದ 28 ರವರೆಗೆ ಆಯೋಜಿಸಲಾಗುವುದು ಎಂದು ತಿಳಿಸಲಾಗಿದೆ.
ಕ್ರಿಕೆಟ್ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ.
ಪ್ರಮುಖ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ.
Published On - 11:53 am, Thu, 23 June 22
