Vijay Hazare Trophy: ದೇಸಿ ಟೂರ್ನಿಯಲ್ಲಿ ಅಬ್ಬರ; ಟೀಂ ಇಂಡಿಯಾಕ್ಕೆ ಸಿಕ್ಕಿದ್ರು ಹಾರ್ದಿಕ್ ಪಾಂಡ್ಯ ಬದಲಿ ಆಟಗಾರ!
Vijay Hazare Trophy: ಉತ್ತರಾಖಂಡ್ ವಿರುದ್ಧ ತಮ್ಮ ಕೋಟಾದ 10 ಓವರ್ಗಳನ್ನು ಬೌಲ್ ಮಾಡಿ 58 ರನ್ಗಳಿಗೆ ಎರಡು ವಿಕೆಟ್ ಪಡೆದರು. ಇದಕ್ಕೂ ಮುನ್ನ ಕೇರಳ ವಿರುದ್ಧ ನಡೆದ ಪಂದ್ಯದಲ್ಲಿ ಅಯ್ಯರ್ 4ನೇ ಕ್ರಮಾಂಕದಲ್ಲಿ ಬ್ಯಾಟಿಂಗ್ ಮಾಡಿ 112 ರನ್ ಗಳಿಸಿದ್ದರು.
Updated on: Dec 11, 2021 | 8:25 PM
ಹಾರ್ದಿಕ್ ಪಾಂಡ್ಯ ಒಂದು ಕಾಲದಲ್ಲಿ ಭಾರತ ತಂಡದ ಪ್ರಮುಖ ಸದಸ್ಯರಾಗಿದ್ದರು. ಆದರೆ ಕಳೆದ ಕೆಲವು ತಿಂಗಳುಗಳಿಂದ, ಈ ಆಟಗಾರ ಗಾಯ ಮತ್ತು ಕಳಪೆ ಫಾರ್ಮ್ನಿಂದ ಬಳಲುತ್ತಿದ್ದಾರೆ. ಪಾಂಡ್ಯ ಬಹಳ ಸಮಯದಿಂದ ಬೆನ್ನುನೋವಿನ ಸಮಸ್ಯೆಯಿಂದ ಬೌಲಿಂಗ್ನಲ್ಲಿ ಸಮಸ್ಯೆಗಳನ್ನು ಎದುರಿಸುತ್ತಿದ್ದಾರೆ ಮತ್ತು ಬ್ಯಾಟ್ನೊಂದಿಗೆ ಅವರ ಫಾರ್ಮ್ ಕೂಡ ಕಳಪೆಯಾಗಿದೆ. ಅವರು T20 ವಿಶ್ವಕಪ್-2021 ಗೆ ಆಯ್ಕೆಯಾದರು ಆದರೆ ಉತ್ತಮ ಪ್ರದರ್ಶನ ನೀಡಲು ಅವರಿಗೆ ಸಾಧ್ಯವಾಗಲಿಲ್ಲ. ಇದಾದ ಬಳಿಕ ನ್ಯೂಜಿಲೆಂಡ್ ಸರಣಿಗೆ ಟೀಂ ಇಂಡಿಯಾದಲ್ಲಿ ಆಯ್ಕೆಯಾಗಿರಲಿಲ್ಲ. ಈಗ ಅವರ ಬದಲಿಗಾಗಿ ಆಯ್ಕೆಗಾರರು ಹುಡುಕುತ್ತಿದ್ದಾರೆ. ಐಪಿಎಲ್-2021 ರಲ್ಲಿ ಕೋಲ್ಕತ್ತಾ ನೈಟ್ ರೈಡರ್ಸ್ಗೆ ಆರಂಭಿಕರಾಗಿ ದೊಡ್ಡ ಸ್ಪ್ಲಾಶ್ ಮಾಡಿದ ವೆಂಕಟೇಶ್ ಅಯ್ಯರ್ ಅವರನ್ನು ಅವರ ಬದಲಿ ಆಟಗಾರನಾಗಿ ನೋಡಲಾಗುತ್ತಿದೆ. ಅಯ್ಯರ್ ಕೂಡ ಈಗ ಇದಕ್ಕಾಗಿ ಸ್ವತಃ ತಯಾರಿ ನಡೆಸುತ್ತಿದ್ದಾರೆ.
ಅಯ್ಯರ್ ಓಪನರ್ ಆದರೆ ಪಾಂಡ್ಯ ಕೆಳ ಕ್ರಮಾಂಕದಲ್ಲಿ ಆಡುತ್ತಾರೆ. ಅಂತಹ ಪರಿಸ್ಥಿತಿಯಲ್ಲಿ, ಅಯ್ಯರ್ ನ್ಯೂಜಿಲೆಂಡ್ ವಿರುದ್ಧ ಐದನೇ ಮತ್ತು ಆರನೇ ಕ್ರಮಾಂಕದಲ್ಲಿ ಬ್ಯಾಟಿಂಗ್ ಮಾಡಿದ್ದರು. ರಾಹುಲ್ ದ್ರಾವಿಡ್ ಮತ್ತು ರೋಹಿತ್ ಶರ್ಮಾ ಜೋಡಿಯು ಅಯ್ಯರ್ ಅವರನ್ನು ಪಾಂಡ್ಯಗೆ ಬದಲಿಯಾಗಿ ತಯಾರು ಮಾಡಲು ಪ್ರಯತ್ನಿಸಿದೆ. ಇದೀಗ ಅಯ್ಯರ್ ದೇಶೀಯ ಕ್ರಿಕೆಟ್ನಲ್ಲಿಯೂ ಬ್ಯಾಟಿಂಗ್ನಲ್ಲಿ ಅಬ್ಬರಿಸಿದ್ದಾರೆ. ಅಯ್ಯರ್ ಅವರ ತವರು ತಂಡ ಮಧ್ಯಪ್ರದೇಶ ಶನಿವಾರ ಸೌರಾಷ್ಟ್ರ ಕ್ರಿಕೆಟ್ ಅಸೋಸಿಯೇಷನ್ ಸ್ಟೇಡಿಯಂನಲ್ಲಿ ಉತ್ತರಾಖಂಡವನ್ನು ಎದುರಿಸಿತು. ಈ ಪಂದ್ಯದಲ್ಲಿ, ಐದನೇ ಕ್ರಮಾಂಕದಲ್ಲಿ ಬ್ಯಾಟಿಂಗ್ ಮಾಡಿದ ಅಯ್ಯರ್ ಸಾಕಷ್ಟು ಸದ್ದು ಮಾಡಿದರು ಮತ್ತು ನಂತರ ಬೌಲಿಂಗ್ನಲ್ಲೂ ಅದ್ಭುತಗಳನ್ನು ಮಾಡಿದರು.
ಬಿರುಸಿನ ಇನಿಂಗ್ಸ್ ಅಯ್ಯರ್ ಐದನೇ ಕ್ರಮಾಂಕದಲ್ಲಿ ಬ್ಯಾಟಿಂಗ್ ಮಾಡಿ ಬಿರುಸಿನ ರೀತಿಯಲ್ಲಿ ರನ್ ಗಳಿಸಿದರು. ಅವರು 49 ಎಸೆತಗಳಲ್ಲಿ 144.89 ಸ್ಟ್ರೈಕ್ ರೇಟ್ನಲ್ಲಿ ಮೂರು ಬೌಂಡರಿ ಮತ್ತು ನಾಲ್ಕು ಸಿಕ್ಸರ್ಗಳನ್ನು ಒಳಗೊಂಡಂತೆ 71 ರನ್ ಗಳಿಸಿದರು. ಟೀಮ್ ಇಂಡಿಯಾಗೆ ಓಪನರ್ಗಳ ಕೊರತೆ ಇಲ್ಲ. ಹೀಗಾಗಿ ಅಯ್ಯರ್ ಟೀಂ ಇಂಡಿಯಾದಲ್ಲಿ ಆಡಬೇಕೆಂದರೆ ನಂಬರ್-5,6ಕ್ಕೆ ತನ್ನನ್ನು ತಾನು ಸಿದ್ಧಗೊಳಿಸಿಕೊಳ್ಳಬೇಕು ಮತ್ತು ಇದು ಅಯ್ಯರ್ಗೂ ಗೊತ್ತಿದ್ದಂತಿದೆ. ಮತ್ತೊಂದೆಡೆ, ಅಯ್ಯರ್ ಅವರ ಬೌಲಿಂಗ್ಗೆ ಬಂದಾಗ, ಅವರು ಉತ್ತರಾಖಂಡ್ ವಿರುದ್ಧ ತಮ್ಮ ಕೋಟಾದ 10 ಓವರ್ಗಳನ್ನು ಬೌಲ್ ಮಾಡಿ 58 ರನ್ಗಳಿಗೆ ಎರಡು ವಿಕೆಟ್ ಪಡೆದರು. ಇದಕ್ಕೂ ಮುನ್ನ ಕೇರಳ ವಿರುದ್ಧ ನಡೆದ ಪಂದ್ಯದಲ್ಲಿ ಅಯ್ಯರ್ 4ನೇ ಕ್ರಮಾಂಕದಲ್ಲಿ ಬ್ಯಾಟಿಂಗ್ ಮಾಡಿ 112 ರನ್ ಗಳಿಸಿದ್ದರು.
ಪಂದ್ಯ ಹೀಗಿತ್ತು ಈ ಪಂದ್ಯದಲ್ಲಿ ಮಧ್ಯಪ್ರದೇಶ ತನ್ನ ಆಲ್ರೌಂಡರ್ ಆಟದಿಂದ ಉತ್ತರಾಖಂಡವನ್ನು 77 ರನ್ಗಳಿಂದ ಸೋಲಿಸಿತು. ಮೊದಲು ಬ್ಯಾಟ್ ಮಾಡಿದ ಮಧ್ಯಪ್ರದೇಶ ಏಳು ವಿಕೆಟ್ ನಷ್ಟಕ್ಕೆ 330 ರನ್ ಗಳಿಸಿತು. ಮತ್ತೊಮ್ಮೆ ಆರಂಭಿಕ ಆಟಗಾರ ಅಭಿಷೇಕ್ ಭಂಡಾರಿ ಅದ್ಭುತ ಇನ್ನಿಂಗ್ಸ್ ಆಡಿ ಶತಕ ಬಾರಿಸಿದರು. 113 ಎಸೆತಗಳಲ್ಲಿ 13 ಬೌಂಡರಿ ಹಾಗೂ ಮೂರು ಸಿಕ್ಸರ್ಗಳನ್ನು ಸಿಡಿಸಿದರು. ಈ ಪಂದ್ಯದಲ್ಲಿ ಅವರು ಮತ್ತು ಅಯ್ಯರ್ ಅವರಲ್ಲದೆ, ಶುಭಂ ಶರ್ಮಾ ಅವರ ಬ್ಯಾಟ್ ಕೂಡ ಆಡಿತು. ಶುಭಂ 75 ಎಸೆತಗಳಲ್ಲಿ 70 ರನ್ ಗಳಿಸಿದರು. ಅವರ ಇನ್ನಿಂಗ್ಸ್ನಲ್ಲಿ ಆರು ಬೌಂಡರಿಗಳು ಸೇರಿದ್ದವು. ಉತ್ತರಾಖಂಡ ತಂಡ 50 ಓವರ್ಗಳಲ್ಲಿ 9 ವಿಕೆಟ್ಗೆ 253 ರನ್ ಗಳಿಸಲಷ್ಟೇ ಶಕ್ತವಾಯಿತು. ನೇಗಿ 58 ಎಸೆತಗಳಲ್ಲಿ ಏಳು ಬೌಂಡರಿ ಹಾಗೂ ಎರಡು ಸಿಕ್ಸರ್ಗಳ ನೆರವಿನಿಂದ 75 ರನ್ ಗಳಿಸಿದರು. ನಾಯಕ ಜೈ ಬಿಶ್ತ್ 57 ಎಸೆತಗಳನ್ನು ಎದುರಿಸಿ ನಾಲ್ಕು ಬೌಂಡರಿಗಳ ನೆರವಿನಿಂದ 53 ರನ್ ಗಳಿಸುವಲ್ಲಿ ಯಶಸ್ವಿಯಾದರು.
