Dinesh Karthik: 8 ಬಾಲ್, 30 ರನ್ ಚಚ್ಚಿ ಕಾರ್ತಿಕ್ ಪೆವಿಲಿಯನ್ಗೆ ಬಂದಾಗ ಕೊಹ್ಲಿ ಮಾಡಿದ್ದೇನು ನೋಡಿ
Virat Kohli: ಐಪಿಎಲ್ 2022ರ ಸನ್ರೈಸರ್ಸ್ ಹೈದರಾಬಾದ್ ವಿರುದ್ಧದ ದಿನೇಶ್ ಕಾರ್ತಿಕ್ ಕೇವಲ 8 ಎಸೆತಗಳಲ್ಲಿ 1 ಫೋರ್, 4 ಅಮೋಘ ಸಿಕ್ಸರ್ ಸಿಡಿಸಿ ಅಜೇಯ 30 ರನ್ ಚಚ್ಚಿದರು. ಕಾರ್ತಿಕ್ ಅವರ ಈ ಸ್ಫೋಟಕ ಆಟ ಕಂಡು ವಿರಾಟ್ ಕೊಹ್ಲಿ ಏನು ಮಾಡಿದರು ನೋಡಿ.
Updated on:May 09, 2022 | 12:36 PM
15ನೇ ಆವೃತ್ತಿಯ ಇಂಡಿಯನ್ ಪ್ರೀಮಿಯರ್ ಲೀಗ್ನಲ್ಲಿ ವಿಕೆಟ್ ಕೀಪರ್- ಬ್ಯಾಟರ್ ದಿನೇಶ್ ಕಾರ್ತಿಕ್ (Dinesh Karthik) ಅವರ ಸ್ಫೋಟಕ ಬ್ಯಾಟಿಂಗ್ ಎಗ್ಗಿಲ್ಲದೆ ನಡಯುತ್ತಿದೆ. ರಾಯಲ್ ಚಾಲೆಂಜರ್ಸ್ ಬೆಂಗಳೂರು (Royal Challengers Bangalore) ತಂಡಕ್ಕೆ ಬಹುತೇಕ ಎಲ್ಲ ಪಂದ್ಯಗಳಲ್ಲಿ ಇವರ ಕೊಡುಗೆ ಇದ್ದೇ ಇದೆ. ಭಾನುವಾರ ನಡೆದ ಸನ್ರೈಸರ್ಸ್ ಹೈದರಾಬಾದ್ ವಿರುದ್ಧದ ಪಂದ್ಯದಲ್ಲೂ ಕಾರ್ತಿಕ್ ತಮ್ಮ ಬಿರುಸಿನ ಆಟ ಪ್ರದರ್ಶಿಸಿದರು. ಇದರಿಂದಲೇ ಆರ್ಸಿಬಿ 20 ಓವರ್ಗೆ 192 ರನ್ ಸಿಡಿಸಲು ಕಾರಣವಾಯಿತು. ಇವರಿಂದ ದೊಡ್ಡ ಮೊತ್ತ ಕಲೆಹಾಕಿದ ಫಾಫ್ ಪಡೆ ಅದಾಗಲೆ 40% ಗೆಲುವು ತನ್ನದಾಗಿಸಿತ್ತು. ಅಂದುಕೊಂಡಂತೆ ಕಠಿಣ ಪಿಚ್ನಲ್ಲಿ ಎಸ್ಆರ್ಹೆಚ್ (SRH) 125 ರನ್ಗೆ ಸರ್ವಪತನ ಕಂಡಿತು. ಕಾರ್ತಿಕ್ ಕೇವಲ 8 ಎಸೆತಗಳಲ್ಲಿ 1 ಫೋರ್, 4 ಅಮೋಘ ಸಿಕ್ಸರ್ ಸಿಡಿಸಿ ಅಜೇಯ 30 ರನ್ ಚಚ್ಚಿದರು. ಅದರಲ್ಲೂ ಕೊನೆಯ ಓವರ್ನಲ್ಲಿ ರನ್ ಮಳೆಯ ಸುರಿಸಿದರು. ಕಾರ್ತಿಕ್ ಅವರ ಈ ಸ್ಫೋಟಕ ಆಟ ಕಂಡು ವಿರಾಟ್ ಕೊಹ್ಲಿ ಏನು ಮಾಡಿದರು ನೋಡಿ.
18ನೇ ಓವರ್ನ ಎರಡನೇ ಎಸೆತದಲ್ಲಿ ಗ್ಲೆನ್ ಮ್ಯಾಕ್ಸ್ವೆಲ್ ಔಟಾದ ಬಳಿಕ ದಿನೇಶ್ ಕಾರ್ತಿಕ್ ಕ್ರೀಸ್ಗೆ ಬಂದರು. ಈ ಸಂದರ್ಭ ಆರ್ಸಿಬಿ 3 ವಿಕೆಟ್ ನಷ್ಟಕ್ಕೆ 159 ರನ್ ಗಳಿಸಿತ್ತು. ಬಾಕಿ ಉಳಿದಿದ್ದು ಕೇವಲ 10 ಬಾಲ್ ಅಷ್ಟೆ. ಅದರಲ್ಲಿ 8 ಬಾಲ್ಗಳನ್ನು ಇವರೇ ಆಡಿ 30 ರನ್ ಚಚ್ಚಿದರು. ಪರಿಣಾಮ ಒಟ್ಟಾರೆಯಾಗಿ ಕೊನೆಯ 10 ಬಾಲ್ಗಳಲ್ಲಿ 33 ಮೂಡಿಬಂದವು. ಈ ಸ್ಫೋಟಕ ಆಟವಾಡಿ ಡ್ರೆಸ್ಸಿಂಗ್ ರೂಮ್ಗೆ ಬರುತ್ತಿದ್ದಂತೆ ವಿರಾಟ್ ಕೊಹ್ಲಿ ಅವರು ಕಾರ್ತಿಕ್ ಎದುರು ನಿಂತು ತಲೆಯನ್ನು ಬಾಗಿಸಿ ನಮಸ್ಕರಿಸಿದ್ದಾರೆ. ಇದರ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಸಖತ್ ವೈರಲ್ ಆಗುತ್ತಿದೆ.
— Diving Slip (@SlipDiving) May 8, 2022
ಇನ್ನು ಪಂದ್ಯ ಮುಗಿದ ಬಳಿಕ ಆರ್ಸಿಬಿ ನಾಯಕ ಫಾಫ್ ಡುಪ್ಲೆಸಿಸ್ ಕೂಡ ಕಾರ್ತಿಕ್ ಬಗ್ಗೆ ಹಾಡಿಹೊಗಳಿದ್ದಾರೆ. ದಿನೇಶ್ ಕಾರ್ತಿಕ್ ಆರೀತಿಯಾಗಿ ಸಿಕ್ಸ್ ಸಿಡಿಸುವಾಗ ಅವರನ್ನು ಇನ್ನೂ ಬೇಗ ಕಳುಹಿಸಿ ಇನ್ನಷ್ಟು ಸಮಯ ಬ್ಯಾಟಿಂಗ್ ಮಾಡಬೇಕಿತ್ತು ಅನಿಸುತ್ತಿತ್ತು. ಅವರ ಹೊಡೆತದಲ್ಲಿ ಕ್ಲೀಯರ್ ಇದೆ. ನಿಜ ಹೇಳಬೇಕೆಂದರೆ ನಾನು ದಣಿದಿದ್ದುದರಿಂದ ಔಟಾಗಲು ಪ್ರಯತ್ನಿಸುತ್ತಿದ್ದೆ, ಆಗ ಕಾರ್ತಿಕ್ ಕ್ರೀಸ್ಗೆ ಬರುತ್ತಾರೆ. ಅಥವಾ ನಾನೇ ನಿವೃತ್ತಿ ಪಡೆಯುವ ಬಗ್ಗೆ ಯೋಚಿಸುತ್ತಿದ್ದೆ. ಆದರೆ, ದಿಢೀರ್ ಆಗಿ ವಿಕೆಟ್ ಕಳೆದುಕೊಂಡೆವು. ಕಾರ್ತಿಕ್ ಅದ್ಭುತ ಫಾರ್ಮ್ನಲ್ಲಿದ್ದಾರೆ. ಹೆಚ್ಚು ಬ್ಯಾಟರ್ಗಳು ರನ್ ಗಳಿಸಲು ಕಷ್ಟ ಪಟ್ಟರು. ಕಾರ್ತಿಕ್ ಕ್ಯಾಚ್ ಬಿಟ್ಟಿದ್ದು ನಮಗೆ ವರವಾಯಿತು ಎಂದು ಹೇಳಿದ್ದಾರೆ.
ಈ ಪಂದ್ಯದಲ್ಲಿ ಮೊದಲು ಬ್ಯಾಟ್ ಮಾಡಿದ ಆರ್ಸಿಬಿಗೆ ಉತ್ತಮ ಆರಂಭ ಸಿಕ್ಕಿಲ್ಲವಾದರೂ ಎರಡನೇ ವಿಕೆಟ್ಗೆ ಫಾಫ್ ಡುಪ್ಲೆಸಿಸ್ ಹಾಗೂ ರಜತ್ ಪಟಿದಾರ್ ಅತ್ಯುತ್ತಮ ಜೊತೆಯಾಟ ಆಡಿದರು. ಇಬ್ಬರೂ 105 ರನ್‌ಗಳನ್ನು ಸೇರಿಸಿದರು. ಮೋಹಕ ಅರ್ಧಶತಕ ಸಿಡಿಸಿದ ಡುಪ್ಲೆಸಿಸ್ ಔಟಾಗದೇ ಉಳಿದರು. ಅರ್ಧಶತಕದತ್ತ ಹೆಜ್ಜೆ ಹಾಕಿದ್ದ ರಜತ್ 38 ಎಸೆತಗಳಲ್ಲಿ 48 ರನ್ ಗಳಿಸಿದರು. ಗ್ಲೆನ್ ಮ್ಯಾಕ್ಸ್ವೆಲ್ ಎರಡು ಸಿಕ್ಸರ್ ಮತ್ತು ಮೂರು ಬೌಂಡರಿ ಸಿಡಿಸಿದರು. ಅಂತಿಮ ಓವರ್‌ಗಳಲ್ಲಿ ದಿನೇಶ್ ಕಾರ್ತಿಕ್ ಸ್ಫೋಟಕ ಬ್ಯಾಟಿಂಗ್ ಮಾಡಿದರು. ಆರ್ಸಿಬಿ 20 ಓವರ್ನಲ್ಲಿ 3 ವಿಕೆಟ್ ನಷ್ಟಕ್ಕೆ 192 ರನ್ ಗಳಿಸಿತು. ಸನ್ರೈಸರ್ಸ್ ಹೈದರಾಬಾದ್ ತಂಡ 19.2 ಓವರ್‌ಗಳಲ್ಲಿ 125 ರನ್‌ಗಳಿಗೆ ಸರ್ವಪತನ ಕಂಡಿತು.
ಹೆಚ್ಚಿನ IPL 2022 ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ. ಪ್ರಮುಖ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ.
Published On - 12:35 pm, Mon, 9 May 22
