Virat Kohli: ಟ್ವಿಟರ್​ನಲ್ಲಿ ಅರ್ಧಶತಕ ಭಾರಿಸಿದ ಕೊಹ್ಲಿ; ಸೋಶಿಯಲ್ ಮೀಡಿಯಾದಲ್ಲಿ ಈ ದಾಖಲೆ ಬರೆದ ಮೊದಲ ಕ್ರಿಕೆಟರ್..!

ಟೀಂ ಇಂಡಿಯಾ ಮಾಜಿ ನಾಯಕ ಕಿಂಗ್ ಕೊಹ್ಲಿಗೆ (Virat Kohli) ಒಳ್ಳೆಯ ದಿನಗಳು ಆರಂಭವಾಗಿವೆ. ಕೆಲವು ದಿನಗಳ ಹಿಂದೆ ಕಳಪೆ ಫಾರ್ಮ್​ನಿಂದ ಬಳಲುತ್ತಿದ್ದ ಕೊಹ್ಲಿ, ಏಷ್ಯಾಕಪ್​ನಲ್ಲಿ ( Asia Cup 2022) ತಮ್ಮ ಹಳೆಯ ಛಾರ್ಮ್​ಗೆ ಮರಳಿದ್ದಾರೆ. ಬರೋಬ್ಬರಿ 1021 ದಿನಗಳ ಬಳಿಕ ಅದರಲ್ಲೂ ಟಿ20 ಕ್ರಿಕೆಟ್​ನಲ್ಲಿ ಮೊದಲ ಶತಕ ಸಿಡಿಸಿದ ಕೊಹ್ಲಿ ಟೀಕಕಾರರಿಗೆ ತನ್ನದೆ ಶೈಲಿಯಲ್ಲಿ ಉತ್ತರ ನೀಡಿದ್ದರು. ಈ ಮೂಲಕ ನಾನು ಟಿ20 ವಿಶ್ವಕಪ್​ಗೆ ರೆಡಿ ಎಂಬ ಸಂದೇಶ ನೀಡಿದ್ದರು. ಅಲ್ಲದೆ ಸೋಶಿಯಲ್ ಮೀಡಿಯಾದಲ್ಲಿ (social media ) ಸದಾ ಆಕ್ಟೀವ್ ಆಗಿರುವ ಕೊಹ್ಲಿ, ಈ ಹಿಂದೆ ಇನ್ಸ್​ಟಾಗ್ರಾಂನಲ್ಲಿ 200 ಮಿಲಿಯನ್ ಅನುಯಾಯಿಗಳನ್ನು ಗಳಿಸಿದ್ದ ದಾಖಲೆ ಮಾಡಿದ್ದರು. ಈಗ ಟ್ವಿಟರ್​ನಲ್ಲೂ (Twitter) ತಮ್ಮ ಅಭಿಮಾನಿಗಳ ಬಳಗವನ್ನು ಹೆಚ್ಚಿಸಿಕೊಂಡಿರುವ ವಿರಾಟ್, ಟ್ವಿಟರ್​ನಲ್ಲಿ ಅನುಯಾಯಿಗಳ ಅರ್ಧಶತಕ ಬಾರಿಸಿದ ಮೊದಲ ಕ್ರಿಕೆಟರ್ ಎನಿಸಿಕೊಂಡಿದ್ದಾರೆ.

ಈಗಾಗಲೇ ಇನ್ಸ್​ಟಾದಲ್ಲಿ 200 ಮಿಲಿಯನ್ ಫಾಲೋವರ್ಸ್​ ಹೊಂದಿರುವ ಕಿಂಗ್, ಟ್ವಿಟರ್​ನಲ್ಲಿ 50 ಮಿಲಿಯನ್ ಅಭಿಮಾನಿಗಳನ್ನು ಸಂಪಾಧಿಸಿದ ಮೊದಲ ಕ್ರಿಕೆಟಿಗ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ. 50 ಮಿಲಿಯನ್ ಅನುಯಾಯಿಗಳನ್ನು ಹೊಂದುವ ಮೂಲಕ ಅತ್ಯಧಿಕ ಅನುಯಾಯಿಗಳನ್ನು ಪಡೆದವರ ಪಟ್ಟಿಯಲ್ಲಿ ಕೊಹ್ಲಿ, ಫುಟ್ಬಾಲ್ ಲೆಜೆಂಡ್ ರೊನಾಲ್ಡೊ ಹಾಗೂ ಎನ್​ಬಿಎ ಆಟಗಾರ ಲೆಬ್ರನ್ ಜೇಮ್ಸ್ ಕ್ಲಬ್​ಗೆ ಸೇರಿಕೊಂಡಿದ್ದಾರೆ.

ಟ್ವಿಟರ್​ನಲ್ಲಿ 50 ಮಿಲಿಯನ್ ಅಭಿಮಾನಿಗಳು

ಟ್ವಿಟರ್​ನಲ್ಲಿ 50 ಮಿಲಿಯನ್ ಅಭಿಮಾನಿಗಳನ್ನು ಸಂಪಾದಿಸಿದ ಕೆಲವೇ ಕೆಲವು ಕ್ರೀಡಾಪಟುಗಳಲ್ಲಿ ಕೊಹ್ಲಿ ಕೂಡ ಒಬ್ಬರಾಗಿದ್ದಾರೆ. ಅತ್ಯಧಿಕ ಅನುಯಾಯಿಗಳನ್ನು ಹೊಂದಿರುವ ಪಟ್ಟಿಯಲ್ಲಿ ಮ್ಯಾಂಚೆಸ್ಟರ್ ಯುನೈಟೆಡ್ ತಂಡದ ಪ್ರಮುಖ ಆಟಗಾರನಾಗಿರುವ ಕ್ರಿಸ್ಟಿಯಾನೊ ರೊನಾಲ್ಡೊ ಮುಂದಿದ್ದಾರೆ, ಇದುವರೆಗೆ ಟ್ವಿಟರ್​ನಲ್ಲಿ ಈ ಫುಟ್ಬಾಲ್ ಲೆಜೆಂಡ್ 103 ಮಿಲಿಯನ್ ಫಾಲೋವರ್ಸ್​ ಹೊಂದಿದ್ದಾರೆ. ಇವರ ನಂತರ ಸ್ಟಾರ್ ಎನ್​ಬಿಎ ಆಟಗಾರ ಜೇಮ್ಸ್ 52 ಮಿಲಿಯನ್ ಫಾಲೋವರ್ಸ್​ ಹೊಂದಿದ್ದು 2ನೇ ಸ್ಥಾನದಲ್ಲಿದ್ದಾರೆ.

ಕೊಹ್ಲಿ ಬಳಿಕ ಈ ಪಟ್ಟಿಯಲ್ಲಿರುವ ಟೀಂ ಇಂಡಿಯಾ ಆಟಗಾರರು

ಸಚಿನ್ ತೆಂಡೂಲ್ಕರ್; ವಿಶ್ವ ಕ್ರಿಕೆಟ್​ನ ಕ್ರಿಕೆಟ್ ದೇವರು ಸಚಿನ್ ತೆಂಡಲ್ಕೂರ್, ಕೊಹ್ಲಿ ಬಳಿಕ ಈ ಪಟ್ಟಿಯಲ್ಲಿ 2ನೇ ಸ್ಥಾನದಲ್ಲಿದ್ದಾರೆ. ಲೆಜೆಂಡ್ಸ್ ಲೀಗ್​ನಲ್ಲಿ ಅಬ್ಬರಿಸುತ್ತಿರುವ ಸಚಿನ್, ಇನ್ಸ್​ಟಾಗ್ರಾಂನಲ್ಲಿ 31.5 ಮಿಲಿಯನ್ ಅನುಯಾಯಿಗಳನ್ನು ಹೊಂದಿದ್ದಾರೆ, ಟ್ವಿಟರ್​ನಲ್ಲಿ 35.9 ಮಿಲಿಯನ್ ಫಾಲೋವರ್ಸ್​ ಹೊಂದಿದ್ದಾರೆ. ಜೊತೆಗೆ ಫೇಸ್​ಬುಕ್​ನಲ್ಲಿ 37 ಮಿಲಿಯನ್ ಅನುಯಾಯಿಗಳನ್ನು ಸಚಿನ್ ಹೊಂದಿದ್ದು, ಅತಿ ಹೆಚ್ಚು ಅನುಯಾಯಿಗಳ ಪಟ್ಟಿಯಲ್ಲಿ 2ನೇ ಸ್ಥಾನದಲ್ಲಿದ್ದಾರೆ.

ರೋಹಿತ್ ಶರ್ಮಾ: ಟೀಂ ಇಂಡಿಯಾ ನಾಯಕ ರೋಹಿತ್ ಈ ಪಟ್ಟಿಯಲ್ಲಿ 3ನೇ ಸ್ಥಾನ ಪಡೆದಿದ್ದು, ಇನ್ಸ್​ಟಾದಲ್ಲಿ 20.4 ಮಿಲಿಯನ್ ಅನುಯಾಯಿಗಳನ್ನು ಸಂಪಾದಿಸಿದ್ದಾರೆ. ಹಾಗೆಯೇ ಟ್ವಿಟರ್​ನಲ್ಲಿ 19.3 ಮಿಲಿಯನ್ ಅನುಯಾಯಿಗಳನ್ನು ರೋಹಿತ್ ಹೊಂದಿದ್ದರೆ, ಫೇಸ್​ಬುಕ್​ನಲ್ಲಿ 20 ಮಿಲಿಯನ್ ಫಾಲೋವರ್ಸ್​ಗಳನ್ನು ಸಂಪಾಧಿಸಿದ್ದಾರೆ.

ಹಾರ್ದಿಕ್ ಪಾಂಡ್ಯ: ಟೀ ಇಂಡಿಯಾ ಪ್ರಮುಖ ಆಲ್​ರೌಂಡರ್ ಹಾರ್ದಿಕ್​ಗೆ ಈ ವರ್ಷ ಉತ್ತಮವಾಗಿದೆ. ಮೊದಲ ಬಾರಿ ಐಪಿಎಲ್​ಗೆ ಕಾಲಿಟ್ಟ ಗುಜರಾತ್ ತಂಡವನ್ನು ಚಾಂಪಿಯನ್ ಮಾಡಿದ ಹಾರ್ದಿಕ್ ತಂಡಕ್ಕೆ ಭರ್ಜರಿಯಾಗಿ ಎಂಟ್ರಿಕೊಟ್ಟಿದ್ದರು. ಈಗ ವಿಶ್ವಕಪ್​ಗೆ ಭರ್ಜರಿ ತಯಾರಿ ಮಾಡುತ್ತಿರುವ ಪಾಂಡ್ಯ,ಇನ್ಸ್​ಟಾಗ್ರಾಂನಲ್ಲಿ 19.3 ಮಿಲಿಯನ್ ಹಾಗೂ ಟ್ವಿಟರ್​ನಲ್ಲಿ 7 ಮಿಲಿಯನ್ ಮತ್ತು ಫೇಸ್​ಬುಕ್​ನಲ್ಲಿ 10 ಮಿಲಿಯನ್ ಅನುಯಾಯಿಗಳನ್ನು ಸಂಪಾಧಿಸಿದ್ದಾರೆ. ಈ ಮೂಲಕ ಅತಿ ಹೆಚ್ಚು ಅಭಿಮಾನಿಗಳನ್ನು ಸಂಪಾದಿಸಿದ ಭಾರತೀಯ ಆಟಗಾರರ ಪಟ್ಟಿಯಲ್ಲಿ ಹಾರ್ದಿಕ್ 4ನೇ ಸ್ಥಾನದಲ್ಲಿದ್ದಾರೆ.

ಯುವರಾಜ್ ಸಿಂಗ್: ಟೀಂ ಇಂಡಿಯಾದ ಮಾಜಿ ಕ್ರಿಕೆಟಿಗ ಯುವರಾಜ್ ಸಿಂಗ್ ಈ ಪಟ್ಟಿಯಲ್ಲಿ 5ನೇ ಸ್ಥಾನ ಪಡೆದಿದ್ದಾರೆ. ಟ್ವಿಟರ್​ನಲ್ಲಿ 5.4 ಮಿಲಿಯನ್ ಅನುಯಾಯಿಗಳನ್ನು ಹೊಂದಿರುವ ಯುವಿ, ಫೇಸ್​ಬುಕ್​ನಲ್ಲಿ 10.8 ಮಿಲಿಯನ್ ಅಭಿಮಾನಿಗಳನ್ನು ಹೊಂದಿದ್ದಾರೆ. ಜೊತೆಗೆ ಈ ಸಿಕ್ಸರ್ ಕಿಂಗ್ ಇನ್ಸ್​ಟಾದಲ್ಲಿ 11.8 ಮಿಲಿಯನ್ ಫಾಲೋವರ್ಸ್ ಬಳಗವನ್ನು ಹೊಂದಿದ್ದಾರೆ.

Published On - 2:39 pm, Wed, 14 September 22