ಅನುಷ್ಕಾ ಶರ್ಮಾ ಜೊತೆ ಕಾಣಿಸಿಕೊಳ್ಳುವ ಈ ಮಹಿಳೆ ಯಾರು ಗೊತ್ತೇ?

ರಾಯಲ್ ಚಾಲೆಂಜರ್ಸ್ ಬೆಂಗಳೂರು (RCB) ತಂಡದ ಪಂದ್ಯಗಳ ವೇಳೆ ವಿರಾಟ್ ಕೊಹ್ಲಿ ಪತ್ನಿ ಅನುಷ್ಕಾ ಶರ್ಮಾ (Anushka Sharma) ಕಾಣಿಸಿಕೊಳ್ಳುವುದು ಮಾಮೂಲು. ಈ ಪರಿಪಾಠವು ಕಳೆದ ಕೆಲ ವರ್ಷಗಳಿಂದ ಮುಂದುವರೆದಿದೆ. ಆದರೆ ಇದರ ನಡುವೆ ಅನುಷ್ಕಾ ಶರ್ಮಾ ಜೊತೆ ಮತ್ತೋರ್ವ ಮಹಿಳೆ ಕೂಡ ಕಾಣಿಸಿಕೊಳ್ಳುತ್ತಿದ್ದಾರೆ. ಮುಲ್ಲನ್​ಪುರ್​ನಲ್ಲಿ ನಡೆದ ಐಪಿಎಲ್​ 2025ರ ಮೊದಲ ಕ್ವಾಲಿಫೈಯರ್ ಪಂದ್ಯದಲ್ಲಿ ಪಂಜಾಬ್ ಕಿಂಗ್ಸ್​ ವಿರುದ್ಧ ಆರ್​ಸಿಬಿ ಬೌಲರ್​ಗಳು ಬ್ಯಾಕ್ ಟು ಬ್ಯಾಕ್ ವಿಕೆಟ್ ಕಬಳಿಸುತ್ತಿದ್ದರೆ, ಅತ್ತ ಗ್ಯಾಲರಿಯಲ್ಲಿದ್ದ ಅನುಷ್ಕಾ ಶರ್ಮಾ ತಮ್ಮ ಗೆಳೆತಿಯ ಜೊತೆ ಸಂಭ್ರಮಿಸುತ್ತಿದ್ದರು.

ಈ ಸಂಭ್ರಮದ ಬೆನ್ನಲ್ಲೇ ಅನುಷ್ಕಾ ಶರ್ಮಾ ಜೊತೆ ಕಾಣಿಸಿಕೊಳ್ಳುತ್ತಿರುವ ಮಹಿಳೆ ಯಾರೆಂಬ ಪ್ರಶ್ನೆ ಅನೇಕರಲ್ಲಿ ಹುಟ್ಟಿಕೊಂಡಿದೆ. ಈ ಪ್ರಶ್ನೆಗೆ ಉತ್ತರ ಮಾಳವಿಕಾ ನಾಯಕ್.

ಹೌದು, ಅನುಷ್ಕಾ ಶರ್ಮಾ ಜೊತೆ ಕಾಣಿಸಿಕೊಳ್ಳುವ ಮಹಿಳೆಯ ಹೆಸರು ಮಾಳವಿಕಾ. ಇವರು ನಿಖಿಲ್ ಸೋಸಲೆ ಅವರ ಪತ್ನಿ. ಈಗ ನಿಖಿಲ್ ಸೋಸಲೆ ಯಾರು ಎಂಬ ಪ್ರಶ್ನೆ ನಿಮ್ಮಲ್ಲಿ ಮೂಡಿರಬಹುದು.

ನಿಖಿಲ್ ಸೋಸಲೆ ಆರ್​ಸಿಬಿ ತಂಡದ ಫ್ರಾಂಚೈಸಿ ಸಂಸ್ಥೆ ಡಯಾಜಿಯೊ ಇಂಡಿಯಾದ ಮಾರ್ಕೆಟಿಂಗ್ ಮತ್ತು  ರೆವೆನ್ಯೂ ವಿಭಾಗದ ಮುಖ್ಯಸ್ಥ. ಹೀಗಾಗಿಯೇ ಮಾಳವಿಕಾ ನಾಯಕ್ ಆರ್​ಸಿಬಿ ತಂಡದ ಪಂದ್ಯಗಳ ವೇಳೆ ವಿಐಪಿ ಸೀಟ್​ನಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ.

ಇನ್ನು ಮಾಳವಿಕಾ ನಾಯಕ್ ಬಗ್ಗೆ ಹೇಳುವುದಾದರೆ, ಅವರು ಮಣಿಪಾಲ್ ಅಕಾಡೆಮಿ ಆಫ್ ಹೈಯರ್ ಎಜುಕೇಶನ್‌ನಿಂದ ಎಂಬಿಎ ಪದವೀಧರೆ. ಪ್ರಸ್ತುತ ಇನ್ನೋಝ್ ಟೆಕ್ನಾಲಜೀಸ್ ಪ್ರೈವೇಟ್ ಲಿಮಿಟೆಡ್‌ನಲ್ಲಿ ಬಿಸಿನೆಸ್ ಡೆವೆಲೆಪ್​​ಮೆಂಟ್ ಅ್ಯಂಡ್ ಪಾರ್ಟನರ್​​ಶಿಪ್​ ವಿಭಾಗದಲ್ಲಿ ಕಾರ್ಯ ನಿರ್ವಹಿಸುತ್ತಿದ್ದಾರೆ.

ಇತ್ತ ಕ್ರಿಕೆಟ್ ಮೇಲೂ ಒಲವು ಹೊಂದಿರುವ ಮಾಳವಿಕಾ ಆರ್​ಸಿಬಿ ತಂಡದ ಪ್ರತಿ ಪಂದ್ಯಗಳನ್ನು ವೀಕ್ಷಿಸಲು ಆಗಮಿಸುತ್ತಿದ್ದಾರೆ. ಇದರಿಂದಾಗಿ ಅನುಷ್ಕಾ ಶರ್ಮಾ ಹಾಗೂ ಮಾಳವಿಕಾ ನಡುವೆ ಕೂಡ ಉತ್ತಮ  ಒಡನಾಟ ಬೆಳೆದಿದೆ. ಇದೇ ಕಾರಣದಿಂದಾಗಿ ಎಲ್ಲಾ ಪಂದ್ಯಗಳ ವೇಳೆ ಇಬ್ಬರು ಜೊತೆಯಾಗಿ ಕಾಣಿಸಿಕೊಳ್ಳುತ್ತಿದ್ದಾರೆ.

ಇದನ್ನೂ ಓದಿ: IPL 2025: ಫೈನಲ್ ಪಂದ್ಯಕ್ಕೂ ಮುನ್ನ RCB ಅಭಿಮಾನಿಗಳಿಗೆ ಗುಡ್ ನ್ಯೂಸ್

ಸದ್ಯ ಆರ್​ಸಿಬಿ ತಂಡವು ಐಪಿಎಲ್​ನ ಫೈನಲ್​ಗೆ ಪ್ರವೇಶಿಸಿದೆ. ಅದರಂತೆ ಜೂನ್ 3 ರಂದು ಅಹಮದಾಬಾದ್​ನ ನರೇಂದ್ರ ಮೋದಿ ಸ್ಟೇಡಿಯಂನಲ್ಲಿ ನಡೆಯಲಿರುವ ಅಂತಿಮ ಪಂದ್ಯದಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ ಕಣಕ್ಕಿಳಿಯಲಿದೆ. ಈ ವೇಳೆಯೂ ಅನುಷ್ಕಾ ಶರ್ಮಾ ಜೊತೆ ಮಾಳವಿಕಾ ನಾಯಕ್ ಅವರನ್ನು ಎದುರು ನೋಡಬಹುದು.

Published On - 1:54 pm, Fri, 30 May 25