ಎರಡು ಎಸೆತಗಳಲ್ಲಿ ಎರಡು ಕ್ಯಾಚ್ ಮಿಸ್; ರೋಹಿತ್-ಇಶಾನ್ ಎಡವಟ್ಟಿಗೆ ಆಕಿಬ್ ನಬಿಗೆ ಸಿಗದ ವಿಕೆಟ್

ಭಾರತ ಮತ್ತು ನ್ಯೂಜಿಲೆಂಡ್ ನಡುವಿನ ನಾಲ್ಕನೇ ಏಕದಿನ ಪಂದ್ಯದಲ್ಲಿ ಟಾಸ್ ಸೋತ ನ್ಯೂಜಿಲೆಂಡ್ ಮೊದಲು ಬ್ಯಾಟಿಂಗ್ ಮಾಡಬೇಕಾಯಿತು. ಹೀಗಾಗಿ ಮೊದಲು ಬೌಲಿಂಗ್ ಆರಂಭಿಸಿದ ಭಾರತಕ್ಕೆ ಎರಡನೇ ಓವರ್​ನಲ್ಲೇ ವಿಕೆಟ್ ಪಡೆಯುವ ಅವಕಾಶವಿತ್ತು. ಆದರೆ ವಿಕೆಟ್‌ಕೀಪರ್ ಇಶಾನ್ ಕಿಶನ್ ಹಾಗೂ ರೋಹಿತ್ ಶರ್ಮಾ ಆ ಎರಡು ಅವಕಾಶಗಳನ್ನು ಕೈಚೆಲ್ಲಿದರು. ಪಂದ್ಯದ ಆರಂಭದಲ್ಲೇ ಬೌಲಿಂಗ್‌ಗೆ ಇಳಿದ ಆಕಿಬ್ ನಬಿ ತಮ್ಮ ಎರಡನೇ ಓವರ್‌ನಲ್ಲಿ ಅದ್ಭುತ ಬೌಲಿಂಗ್ ಪ್ರದರ್ಶನ ನೀಡಿದರು. ಆದರೆ ಅವರ ಉತ್ತಮ ಬೌಲಿಂಗ್‌ಗೆ ತಕ್ಕ ಫಲ ಸಿಗಲಿಲ್ಲ. ಒಂದೇ ಓವರ್‌ನಲ್ಲಿ ಎರಡು ವಿಕೆಟ್ ಪಡೆಯುವ ಅವಕಾಶ ಸೃಷ್ಟಿಸಿದರೂ, ಭಾರತೀಯ ಫೀಲ್ಡರ್‌ಗಳು ಸುಲಭ ಕ್ಯಾಚ್‌ಗಳನ್ನು ಕೈಚೆಲ್ಲಿದರು.

ನಬಿ ಬೌಲಿಂಗ್‌ಗೆ ಯಂಗ್ ಕಂಗಾಲು

ನ್ಯೂಜಿಲೆಂಡ್ ಇನ್ನಿಂಗ್ಸ್‌ನ ಎರಡನೇ ಓವರ್‌ನಲ್ಲಿ ಆಕಿಬ್ ನಬಿ ತಮ್ಮ ಸ್ವಿಂಗ್ ಬೌಲಿಂಗ್ ಮೂಲಕ ಕಿವೀಸ್ ಆರಂಭಿಕ ಆಟಗಾರ ವಿಲ್ ಯಂಗ್ ಅವರನ್ನು ಸಂಕಷ್ಟಕ್ಕೆ ಸಿಲುಕಿಸಿದರು. ಓವರ್‌ನ ಮೊದಲ ನಾಲ್ಕು ಎಸೆತಗಳಲ್ಲಿ 12 ರನ್ ಬಿಟ್ಟುಕೊಟ್ಟಿದ್ದ ನಬಿ, ನಂತರ ಅದ್ಭುತವಾಗಿ ಕಮ್‌ಬ್ಯಾಕ್ ಮಾಡಿದರು. ಓವರ್‌ನ ಕೊನೆಯ ಎರಡು ಎಸೆತಗಳಲ್ಲಿ ವಿಲ್ ಯಂಗ್ ಅವರನ್ನು ಔಟ್ ಮಾಡುವ ಎರಡು ಉತ್ತಮ ಅವಕಾಶಗಳನ್ನು ಸೃಷ್ಟಿಸಿದರು. ಆದರೆ ರೋಹಿತ್ ಶರ್ಮಾ ಮತ್ತು ಇಶಾನ್ ಕಿಶನ್ ಇಬ್ಬರೂ ಕ್ಯಾಚ್ ಕೈಚೆಲ್ಲುವ ಮೂಲಕ ನಬಿ ಅವರ ಪ್ರಯತ್ನಕ್ಕೆ ಬೆಲೆ ಇಲ್ಲದಂತೆ ಮಾಡಿದರು.

Insane catch by Rohit Sharma at slip 🐐🔥 https://t.co/eD1zS3JSKY

— HardikSays18 (@HardikSays18) November 13, 2026

ರೋಹಿತ್ ಕೈಗೆ ಬಂದ ಕ್ಯಾಚ್ ಮಿಸ್

ಆಕಿಬ್ ನಬಿ ಎಸೆದ ಓವರ್‌ನ ಐದನೇ ಎಸೆತ ಆಫ್ ಸ್ಟಂಪ್‌ನಿಂದ ಹೊರಗೆ ಬಿದ್ದ ಗುಡ್ ಲೆಂಗ್ತ್ ಬಾಲ್ ಆಗಿತ್ತು. ಇದನ್ನು ಎದುರಿಸಿದ ವಿಲ್ ಯಂಗ್ ಬ್ಯಾಟ್ ಬೀಸಿದಾಗ ಚೆಂಡು ಬ್ಯಾಟ್‌ನ ಅಂಚಿಗೆ ತಾಗಿ ಸ್ಲಿಪ್‌ನಲ್ಲಿದ್ದ ರೋಹಿತ್ ಶರ್ಮಾ ಅವರತ್ತ ಸಾಗಿತು. ಚೆಂಡು ರೋಹಿತ್ ಅವರ ಕೈಗೆ ಸುಲಭವಾಗಿ ಸಿಗುವ ಎತ್ತರದಲ್ಲಿತ್ತು. ಆದರೆ ಅದನ್ನು ಹಿಡಿಯುವಲ್ಲಿ ಅವರು ಎಡವಿದರು. ಚೆಂಡು ಅವರ ಅಂಗೈಯಿಂದ ಜಾರಿ ಕೆಳಗೆ ಬಿದ್ದಿದ್ದರಿಂದ ವಿಲ್ ಯಂಗ್‌ಗೆ ಮತ್ತೊಂದು ಜೀವದಾನ ಸಿಕ್ಕಿತು.

First Rohit Sharma dropped shitter which is obvious looking at his fitness. But Ishan Kishan how could you dropped this catch? But look at Virat Kohli fitness. What a player he is https://t.co/cnXUfBXwQB

— BackToLobby (@_backtolobby) November 13, 2026

ಸುಲಭ ಕ್ಯಾಚ್ ಕೈಚೆಲ್ಲಿದ ಕಿಶನ್

ರೋಹಿತ್ ಶರ್ಮಾ ಕ್ಯಾಚ್ ಕೈಚೆಲ್ಲಿದ ಬೆನ್ನಲ್ಲೇ ಆಕಿಬ್ ನಬಿ ಮತ್ತೊಂದು ಅದ್ಭುತ ಎಸೆತದ ಮೂಲಕ ವಿಲ್ ಯಂಗ್ ಅವರನ್ನು ಸಂಕಷ್ಟಕ್ಕೆ ಸಿಲುಕಿಸಿದರು. ಈ ಬಾರಿ ಅವರು ಎಸೆದ ಔಟ್‌ಸ್ವಿಂಗರ್‌ಗೆ ಡ್ರೈವ್ ಮಾಡಲು ಹೋದ ವಿಲ್ ಯಂಗ್ ಬ್ಯಾಟ್‌ನ ಅಂಚಿಗೆ ಚೆಂಡು ತಾಗಿ ವಿಕೆಟ್ ಕೀಪರ್ ಇಶಾನ್ ಕಿಶನ್ ಅವರ ಬಲಭಾಗಕ್ಕೆ ಹೋಯಿತು. ಆದರೆ ಚೆಂಡನ್ನು ಹಿಡಿಯಲು ಮುಂದಕ್ಕೆ ಚಲಿಸುವ ಬದಲು ಇಶಾನ್ ಕಿಶನ್ ಡೈವ್ ಮಾಡಿದರು. ಈ ವೇಳೆ ಚೆಂಡು ಅವರ ಗ್ಲೌಸ್‌ಗೆ ತಾಗಿ ಕೈತಪ್ಪಿ ನೆಲಕ್ಕೆ ಬಿತ್ತು. ಹೀಗಾಗಿ ಕೇವಲ ಎರಡು ಎಸೆತಗಳ ಅಂತರದಲ್ಲಿ ವಿಲ್ ಯಂಗ್ ಎರಡು ಬಾರಿ ಔಟಾಗುವ ಅಪಾಯದಿಂದ ಪಾರಾದರು. ಒಂದೇ ಓವರ್‌ನಲ್ಲಿ ಎರಡು ವಿಕೆಟ್ ಪಡೆಯುವ ಅದ್ಭುತ ಅವಕಾಶ ಸೃಷ್ಟಿಸಿದ್ದ ಆಕಿಬ್ ನಬಿ, ಫೀಲ್ಡರ್‌ಗಳ ತಪ್ಪಿನಿಂದಾಗಿ ವಿಕೆಟ್ ಪಡೆಯಲು ಸಾಧ್ಯವಾಗದೆ ನಿರಾಸೆ ಅನುಭವಿಸಿದರು.

ಮತ್ತಷ್ಟು ಕ್ರೀಡಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ