Domino’s Data Breach: ಡಾಮಿನೋಸ್​ 18 ಕೋಟಿ ಆರ್ಡರ್​, 13TBಯಷ್ಟು ಸಿಬ್ಬಂದಿ, ಗ್ರಾಹಕರ ಮಾಹಿತಿ ಸೋರಿಕೆ

ಏರ್​ ಇಂಡಿಯಾ ಪ್ರಯಾಣಿಕರ ಮಾಹಿತಿ ಸೋರಿಕೆ ಸುದ್ದಿ ಬಂದು ಹೆಚ್ಚೇನೂ ಸಮಯ ಆಗಿಲ್ಲ. ಇದೀಗ ಮತ್ತೊಂದು ಮಾಹಿತಿ ಸೋರಿಕೆ ಭಾಂಡಾರ ಬಯಲಿಗೆ ಬಿದ್ದಿದೆ. ಡಾಮಿನೋಸ್ ಪಿಜ್ಜಾದ 18 ಕೋಟಿ ಆರ್ಡರ್​ಗಳಿಗೆ ಸಂಬಂಧಪಟ್ಟ ದತ್ತಾಂಶ ಮತ್ತು ಹತ್ತಿರಹತ್ತಿರ 13ಟೆರಾಬೈಟ್ (ಟಿಬಿ)ನಷ್ಟು ಸಿಬ್ಬಂದಿ ಹಾಗೂ ಗ್ರಾಹಕರಿಗೆ ಸಂಬಂಧಿಸಿದ ದಾಖಲೆಗಳು ಆನ್​ಲೈನ್​ನಲ್ಲಿ ಕಾಣಿಸಿಕೊಂಡಿದೆ. ಈ ಹ್ಯಾಕ್ ಹಿಂದೆ ಇರುವ ಗುಂಪು ಮಾಹಿತಿಯನ್ನು ಸಾರ್ವಜನಿಕವಾಗಿ ತಿಳಿಸಿದೆ. ಸದ್ಯದಲ್ಲೇ ಪಾವತಿ ಮಾಹಿತಿ ಮತ್ತು ಸಿಬ್ಬಂದಿಯ ಫೈಲ್​ಗಳನ್ನು ಬಿಡುಗಡೆ ಮಾಡುವುದಾಗಿ ಹೇಳಲಾಗಿದೆ. ಈ ಡೇಟಾಬೇಸ್​ನಲ್ಲಿ ಇರುವ ಮಾಹಿತಿ ಏನು ಎಂದು ಗೊತ್ತಾಗಬೇಕಾದರೆ Tor Browser ಡೌನ್​ಲೋಡ್ ಮಾಡಿಕೊಳ್ಳಬೇಕು.

ಒಂದು ಸಲ ಅದು ಪೂರ್ಣವಾದ ಮೇಲೆ ಇಲ್ಲಿ ಕ್ಲಿಕ್  ಮಾಡಬೇಕು. ಈ ಲೇಖನ ಬರೆಯುವ ಹೊತ್ತಿಗೆ ಲಿಂಕ್ ಕಾರ್ಯ ನಿರ್ವಹಿಸುತ್ತಿತ್ತು. ಆದರೆ 13TB ಡೇಟಾ ಹುಡುಕಾಟ ನಡೆಸಬೇಕಾದ್ದರಿಂದ ಸ್ವಲ್ಪ ನಿಧಾನ ಆಗಿತ್ತು. ಆಗಾಗ ಲಿಂಕ್ ಕ್ರಾಶ್ ಕೂಡ ಆಗಿದೆ. ಒಂದು ವೇಳೆ ಹಾಗಾಗಿದ್ದಲ್ಲಿ ಸ್ವಲ್ಪ ಸಮಯದ ನಂತರ ಪ್ರಯತ್ನಿಸಿ. ಈ ಲೇಖನವನ್ನು ಬರೆಯುವ ಹೊತ್ತಿಗೆ ಸರ್ಚ್​ಗೆ ಬಹಳ ಸಮಯ ತೆಗೆದುಕೊಳ್ಳುತ್ತಿತ್ತು. ಆದರೆ ತಾಳ್ಮೆ ಕಳೆದುಕೊಳ್ಳದೆ ಕಾಯಬೇಕು. ಡೇಟಾಬೇಸ್​ನಲ್ಲಿ ಇರುವ ಭಾರೀ ದತ್ತಾಂಶ ಇರುವುದರಿಂದ ಜನರಿಗೆ ಹುಡುಕುವುದಕ್ಕೆ ಸಮಯ ಆಗುತ್ತಿದೆ.

ನೀವು ಒಂದು ವೇಳೆ ಆನ್​ಲೈನ್​ನಲ್ಲಿ ಡಾಮಿನೋಸ್ ಪಿಜ್ಜಾ ಆರ್ಡರ್ ಮಾಡಿದ್ದಲ್ಲಿ ಈ ಡೇಟಾಬೇಸ್​ನಲ್ಲಿ ನಿಮ್ಮ ಹೆಸರು ಇರುವ ಸಾಧ್ಯತೆ ಶೇ 100ರಷ್ಟು ಇರುತ್ತದೆ. ಇನ್ನು ಈಗಿನ ಮಾಹಿತಿ ಸೋರಿಕೆ ಬಗ್ಗೆ ಇನ್ನಷ್ಟು ವಿವರಗಳನ್ನು ಪಡೆಯುವುದಕ್ಕೆ ಡಾಮಿನೋಸ್​ ಮಾತೃಸಂಸ್ಥೆಯಾದ ಜುಬಿಲಿಯಂಟ್ ಫುಡ್​ವರ್ಕ್ಸ್​ನ ಸಂಪರ್ಕ ಮಾಡಿದಾಗ ಪ್ರತಿಕ್ರಿಯೆ ನೀಡಿದ್ದಾರೆ. ಇದೊಂದು ಮಾಹಿತಿ ಭದ್ರತೆ ಘಟನೆ ಎಂದಿದ್ದು, ಹಣಕಾಸಿಗೆ ಸಂಬಂಧಿಸಿದ ಮಾಹಿತಿಯನ್ನು ಹ್ಯಾಕರ್​ಗಳು ಪಡೆದುಕೊಂಡಿದ್ದಾರೆ ಎಂಬುದನ್ನು ನಿರಾಕರಿಸಿದೆ.

ಇದನ್ನೂ ಓದಿ: Air India data breach: ಏರ್​ಇಂಡಿಯಾದ 45 ಲಕ್ಷ ಪ್ರಯಾಣಿಕರ ಮಾಹಿತಿ ಸೋರಿಕೆ ಆಗಿದ್ದು ಹೇಗೆ?

(Dominos 18 crore order data breached and 13TB data related to staff and customers leaked by hackers in online)