ಟೆಕ್ ಮಾರುಕಟ್ಟೆಯಲ್ಲಿ ಸಂಚಲನ: ಬರುತ್ತಿದೆ ವಾಚ್​ನಂತೆ ಧರಿಸಬಹುದಾದ ಸ್ಮಾರ್ಟ್​ಫೋನ್

ತಂತ್ರಜ್ಞಾನ (Technology) ದಿನದಿಂದ ದಿನಕ್ಕೆ ಹೊಸ ನೆಲೆಯಲ್ಲಿ ಮುಂದುವರೆಯುತ್ತಿದೆ. ನೂತನ ಆವಿಷ್ಕಾರಗಳಿಂದ ಹೊಸ ಉತ್ಪನ್ನಗಳು ಮಾರುಕಟ್ಟೆಗೆ ಬರುತ್ತಿವೆ. ಅದರಲ್ಲೂ ಸ್ಮಾರ್ಟ್​ಫೋನ್ ಕ್ಷೇತ್ರದಲ್ಲಿ ದೊಡ್ಡ ಬದಲಾವಣೆವೇ ಆಗುತ್ತಿದೆ. ಸದ್ಯ ಮಾರುಕಟ್ಟೆಯಲ್ಲಿ ಫೋಲ್ಡಬಲ್ ಫೋನ್​ಗಳು ಭರ್ಜರಿ ಸದ್ದು ಮಾಡುತ್ತಿವೆ. ಇದರ ನಡುವೆ ಮತ್ತೊಂದು ಸುದ್ದಿ ಬಂದಿದ್ದು, ಸದ್ಯದಲ್ಲಿ ಮಾರುಕಟ್ಟೆಗೆ ರೋಲ್ ಮಾಡಬಹುದಾದ, ಅಂದರೆ ಫೋಲ್ಡಿಂಗ್ ಫೋನ್​ಗಳು ಬರುತ್ತಿವೆ. ಪ್ರಸಿದ್ಧ ಎಲೆಕ್ಟ್ರಾನಿಕ್ ದೈತ್ಯ ಮೋಟೋರೊಲ ಇಂತಹ ಸಾಹಸಕ್ಕೆ ಕೈ ಹಾಕಿದೆ. ಈ ಫೋನ್ ಹೇಗಿರಲಿದೆ? ಇದರ ವೈಶಿಷ್ಟ್ಯಗಳೇನು ನೋಡೋಣ.

ಮೋಟೋರೊಲ ವಾಚ್‌ನಂತೆ ಧರಿಸಬಹುದಾದ ಸ್ಮಾರ್ಟ್‌ಫೋನ್ ಅನ್ನು ಬಿಡುಗಡೆ ಮಾಡುತ್ತಿದೆ. ಈ ನಿಟ್ಟಿನಲ್ಲಿ ಮೋಟೋ ಈಗಾಗಲೇ ಒಂದು ಹೆಜ್ಜೆ ಮುಂದಿಟ್ಟಿದೆ. ಟೆಕ್ ವರ್ಲ್ಡ್ 2023 ಈವೆಂಟ್‌ನಲ್ಲಿ ಮೋಟೋರೊಲದ ಮೂಲ ಕಂಪನಿ ಲೆನೊವೊ ಈ ಸ್ಮಾರ್ಟ್‌ಫೋನ್ ಅನ್ನು ಪ್ರದರ್ಶಿಸಿದೆ. ಬಳಕೆದಾರರು ಈ ಫೋನ್ ಅನ್ನು ತಮಗೆ ಇಷ್ಟ ಬಂದಂತೆ ಮಡಚಿಕೊಳ್ಳಬಹುದು. ಅಂದರೆ ಈ ಸ್ಮಾರ್ಟ್‌ಫೋನ್ ಅನ್ನು ಸ್ಮಾರ್ಟ್ ವಾಚ್‌ನಂತೆ ಧರಿಸಬಹುದು.

ರಿಯಲ್ ಮಿ ನಾರ್ಜೊ N53 ಹೊಸ ರೂಪಾಂತರ ಬಿಡುಗಡೆ: ಬೆಲೆ ಕೇವಲ 11,999 ರೂ.

ಇದನ್ನೂ ಓದಿ

ಮಾರುಕಟ್ಟೆಯಲ್ಲಿ ಧೂಳೆಬ್ಬಿಸಲು ಬಂತು ಶವೋಮಿ 14, ಶವೋಮಿ 14 ಪ್ರೊ: ಬೆಲೆ?

1,39,999 ರೂಪಾಯಿಯ ಈ ಫೋನ್ ಇಂದಿನಿಂದ ಖರೀದಿಗೆ ಲಭ್ಯ: ಏನಿದೆ ಇದರಲ್ಲಿ ನೋಡಿ

2024ರ ವೇಳೆಗೆ ಭಾರತದಲ್ಲಿ ಸ್ಮಾರ್ಟ್‌ಫೋನ್ ಗ್ಲಾಸ್ ತಯಾರಿಸಲಿದೆ ಕಾರ್ನಿಂಗ್

ರಿಯಲ್ ಮಿ GT 5 ಪ್ರೊ ಬಗ್ಗೆ ಹೊರಬಿತ್ತು ಅಚ್ಚರಿ ಸುದ್ದಿ:ಬಲಿಷ್ಠ ಪ್ರೊಸೆಸರ್

ಇದರಲ್ಲಿ ಪೂರ್ಣ HD+ POLED ಡಿಸ್ ಪ್ಲೇಯನ್ನು ನೀಡಲಾಗಿದೆ. ಇದು 6.9 ಇಂಚಿನದ್ದಾಗಿದ್ದು, ಮಡಿಸಿದಾಗ ಡಿಸ್ ಪ್ಲೇ ಗಾತ್ರವು 4.6 ಇಂಚು ಆಗುತ್ತದೆ. ಬಳಕೆದಾರರು ತಮ್ಮ ಅಗತ್ಯಗಳಿಗೆ ಅನುಗುಣವಾಗಿ ಈ ಫೋನ್ ಅನ್ನು ಮಡಚಿಕೊಳ್ಳಬಹುದು. ಈ ಸ್ಮಾರ್ಟ್‌ಫೋನ್ ಕೃತಕ ಬುದ್ಧಿಮತ್ತೆ ಹೊಂದಿರುವ ಕ್ಯಾಮೆರಾವನ್ನು ಕೂಡ ನೀಡಲಾಗಿದೆ ಎಂದು ಹೇಳಲಾಗಿದೆ. ಡಿಸ್ ಪ್ಲೇಯನ್ನು ಎಷ್ಟು ಮಡಚಿದರೂ ಯಾವುದೇ ತೊಂದರೆಯಾಗದಂತೆ ಇದನ್ನು ಅಭಿವೃದ್ಧಿ ಪಡಿಸಲಾಗಿದೆ.

ಸ್ಮಾರ್ಟ್ ವಾಚ್ ನಂತೆ ಕಾಣುವ ಈ ಫೋನಿನಲ್ಲಿ ಬಳಕೆದಾರರು ತಾವು ಧರಿಸಿರುವ ಡ್ರೆಸ್​ನ ಬಣ್ಣಗಳಿಗೆ ಅನುಗುಣವಾಗಿ ತಮ್ಮ ನೆಚ್ಚಿನ ಫೋಟೋಗಳು ಮತ್ತು ವಾಲ್ ಪೇಪರ್ ಅನ್ನು ಸೆಟ್ ಮಾಡಬಹುದು. ಈ ಹ್ಯಾಂಡ್ ಬ್ಯಾಂಡ್ ಅನ್ನು ಫ್ಯಾಷನ್ ವೇರ್ ಆಗಿಯೂ ಬಳಸಬಹುದು. ಮೋಟೋರೊಲ ನಂತರ, ಲೆನೊವೊ ಲ್ಯಾಪ್‌ಟಾಪ್‌ಗಳಲ್ಲಿಯೂ ಈ ಫೋಲ್ಡಬಲ್ ಡಿಸ್ ಪ್ಲೇಯನ್ನು ತರಲು ಸಿದ್ಧತೆ ನಡೆಸಲಾಗುತ್ತಿದೆ ಎಂದು ವರದಿಯಾಗಿದೆ. ಈ ಸ್ಮಾರ್ಟ್​ಫೋನ್ ಯಾವಾಗ ಬಿಡುಗಡೆ ಆಗಲಿದೆ, ಯಾವಗ ಖರೀದಿಗೆ ಸಿಗಲಿದೆ ಎಂಬುದರ ಕುರಿತು ಕಂಪನಿ ಯಾವುದೇ ಮಾಹಿತಿಯನ್ನು ನೀಡಿಲ್ಲ.

ಹೆಚ್ಚಿನ ಟೆಕ್ ಸ್ಟೋರಿ ಓದಲು ಇಲ್ಲಿ ಕ್ಲಿಕ್ ಮಾಡಿ