ಐದೇ ದಿನ ಬಾಕಿ: ಭಾರತಕ್ಕೆ ಅಪ್ಪಳಿಸುತ್ತಿದೆ ಬಜೆಟ್ ಬೆಲೆಯ ರಿಯಲ್ ಮಿ C67 5G ಸ್ಮಾರ್ಟ್ಫೋನ್
Realme C67 5G India Launch Date: ಪ್ರಸಿದ್ಧ ರಿಯಲ್ ಮಿ ಕಂಪನಿ ಡಿಸೆಂಬರ್ 14 ರಂದು ಭಾರತದಲ್ಲಿ ಹೊಸ ಸ್ಮಾರ್ಟ್ಫೋನ್ ಅನ್ನು ಬಿಡುಗಡೆ ಮಾಡಲಿದೆ. ಈ ಹ್ಯಾಂಡ್‌ಸೆಟ್‌ನ ಹೆಸರು ರಿಯಲ್ ಮಿ C67 5G. ಇದೊಂದು ಕೈಗೆಟುಕುವ 5G ಫೋನ್ ಆಗಿದ್ದು, ಇದರ ಬೆಲೆ 11,000 ಮತ್ತು 15,000 ರೂ. ಗಳ ನಡುವೆ ಇರಬಹುದು.
Updated on: Dec 09, 2023 | 12:56 PM
ಪ್ರಸಿದ್ಧ ರಿಯಲ್ ಮಿ ಕಂಪನಿ ವರ್ಷಾಂತ್ಯದ ವೇಳೆಗೆ ಭಾರತದಲ್ಲಿ ಒಂದರ ಹಿಂದೆ ಒಂದರಂತೆ ಆಕರ್ಷಕ ಸ್ಮಾರ್ಟ್ಫೋನ್ಗಳನ್ನು ಬಿಡುಗಡೆ ಮಾಡುತ್ತಿದೆ. ಅದರಂತೆ ಇದೀಗ ನೂತನ ರಿಯಲ್ ಮಿ C67 5G (Realme C67 5G) ಫೋನ್ ರಿಲೀಸ್ ಮಾಡುವ ಬಗ್ಗೆ ಘೋಷಣೆ ಮಾಡಿದೆ. ಈ ಹ್ಯಾಂಡ್‌ಸೆಟ್ ಡಿಸೆಂಬರ್ 14 ರಂದು ಅನಾವರಣಗೊಳ್ಳಲಿದೆ. ಇದು ಕೈಗೆಟುಕುವ 5G ಫೋನ್ ಆಗಿರುತ್ತದೆ ಎಂದು ಹೇಳಲಾಗಿದ್ದು, ಬೆಲೆ 15 ಸಾವಿರಕ್ಕಿಂತ ಕಡಿಮೆ ಇರುತ್ತದೆ. ಕಂಪನಿಯು ತನ್ನ ಅಧಿಕೃತ ಖಾತೆ X (ಹಿಂದೆ ಟ್ವಿಟರ್) ನಲ್ಲಿ ಬಿಡುಗಡೆ ದಿನಾಂಕವನ್ನು ದೃಢಪಡಿಸಿದೆ.
ರಿಯಲ್ ಮಿಯ ಅಧಿಕೃತ ವೆಬ್‌ಸೈಟ್‌ನಲ್ಲಿ ಟೀಸರ್ ಪೋಸ್ಟರ್ ಕಾಣಿಸಿಕೊಂಡಿದೆ, ಇದರಲ್ಲಿ ಫೋನ್ ಬಿಡುಗಡೆ ದಿನಾಂಕದೊಂದಿಗೆ ತೋರಿಸಲಾಗಿದೆ. ರಿಯಲ್ ಮಿ C67 5G C ಸರಣಿಯ ಭಾಗವಾಗಿದೆ. ಕಂಪನಿಯು ಈ ಸರಣಿಯಲ್ಲಿ ಹಲವು ಹ್ಯಾಂಡ್‌ಸೆಟ್‌ಗಳನ್ನು ಈಗಾಗಲೇ ಬಿಡುಗಡೆ ಮಾಡಿದೆ. ಈ ಮುಂಬರುವ ಫೋನ್ ಡಿಸ್ ಪ್ಲೇಯೊಂದಿಗೆ ಪರದೆಯೊಂದಿಗೆ ಬರಲಿದೆ ಎಂದು ಹೇಳಲಾಗಿದೆ.
☑️ Transcend the limits of speed and power with the #5GChargingChampion .💯
Launching on 14th December, 12 Noon.
Be ready!
Know more: https://t.co/icpPBoBsoJ#realmeC675G pic.twitter.com/dCLpQRm4Li
— realme (@realmeIndia) December 6, 2023
ರಿಯಲ್ ಮಿ C67 ಪ್ರಸ್ತುತ ರಿಯಲ್ ಮಿ ವೆಬ್‌ಸೈಟ್‌ನಲ್ಲಿ ಮೈಕ್ರೋಸೈಟ್‌ನಲ್ಲಿ ಪಟ್ಟಿಮಾಡಲಾಗಿದೆ. ರಿಯಲ್ ಮಿ ನಾರ್ಜೊ 60x ಗೆ ಹೋಲುವ ಸ್ಮಾರ್ಟ್ಫೋನ್ ಹಿಂಭಾಗದಲ್ಲಿ ರೌಂಡ್ ಕ್ಯಾಮೆರಾ ಮಾಡ್ಯೂಲ್ ಅನ್ನು ಹೊಂದಿರುತ್ತದೆ ಎಂದು ಟೀಸರ್‌ಗಳು ಬಹಿರಂಗಪಡಿಸುತ್ತವೆ. ಇದನ್ನು ಫೋನಿನ ಮೇಲಿನ ಎಡಭಾಗದಲ್ಲಿ ಇರಿಸಲಾಗಿದೆ. ಟೀಸರ್ ಡ್ಯುಯಲ್-ಕ್ಯಾಮೆರಾ ಸೆಟಪ್ ಅನ್ನು ಸಹ ತೋರಿಸುತ್ತದೆ. ಗ್ರೇಡಿಯಂಟ್ ವಿನ್ಯಾಸದೊಂದಿಗೆ ಹಸಿರು ರೂಪಾಂತರವನ್ನು ಹೊಂದಿದೆ.
ಸಿಮ್ ಕಾರ್ಡ್‌ ಕುರಿತು ಸರ್ಕಾರದಿಂದ ಮಹತ್ವದ ನಿರ್ಧಾರ: ಹೊಸ ವರ್ಷದಿಂದ ಹೊಸ ನಿಯಮ
ರಿಯಲ್ ಮಿ C67 ಬೆಲೆ ಎಷ್ಟಿರಬಹುದು?
ಹಿಂದಿನ ತಲೆಮಾರಿನ ರಿಯಲ್ ಮಿ C-ಸರಣಿಯ ಸ್ಮಾರ್ಟ್ಫೋನ್ಗಳನ್ನು ನೋಡಿದರೆ, ಈ ಸ್ಮಾರ್ಟ್ಫೋನ್ ಬೆಲೆ 11,000 ಮತ್ತು 15,000 ರೂ. ಗಳ ನಡುವೆ ಇರಬಹುದೆಂದು ನಿರೀಕ್ಷಿಸಬಹುದು. ರಿಯಲ್ ಮಿ C67 ನ ವಿನ್ಯಾಸವು ರಿಯಲ್ ಮಿ ನಾರ್ಜೊ 60X ರೀತಿ ಇರುವುದರಿಂದ ಒಂದೇ ರೀತಿಯ ಬೆಲೆಯನ್ನು ನಿರೀಕ್ಷಿಸಬಹುದು. ರಿಯಲ್ ಮಿ ನಾರ್ಜೊ 60X ಭಾರತದಲ್ಲಿ ರೂ. 12,999 ರಿಂದ ಪ್ರಾರಂಭವಾಗುತ್ತಿದೆ.
ರಿಯಲ್ ಮಿ C67 ಫೀಚರ್ಸ್:
ರಿಯಲ್ ಮಿ ಇನ್ನೂ ಈ ಸ್ಮಾರ್ಟ್‌ಫೋನ್‌ನ ಫೀಚರ್ಸ್ ಅನ್ನು ಅಧಿಕೃತವಾಗಿ ದೃಢೀಕರಿಸದಿದ್ದರೂ, ಕೆಲವು ವಿವರಗಳು ಸೋರಿಕೆಯಾಗಿವೆ. Tipster ಅಭಿಷೇಕ್ ಯಾದವ್ ಹೇಳುವಂತೆ ರಿಯಲ್ ಮಿ C67 6.72-ಇಂಚಿನ FHD+ IPS ಡಿಸ್ಪ್ಲೇ 680 nits ಮತ್ತು 120Hz ರಿಫ್ರೆಶ್ ದರದೊಂದಿಗೆ ಹೊಂದಿರುತ್ತದೆ. ಇದು 200g ಗಿಂತ ಕಡಿಮೆ ತೂಕವನ್ನು ಹೊಂದಿರುತ್ತದೆ. 6nm ಡೈಮೆನ್ಸಿಟಿ 6100+ SoC ಇರಲಿದೆ ಎನ್ನಲಾಗಿದೆ. ಆಂಡ್ರಾಯ್ಡ್ 13 ಅನ್ನು ಆಧರಿಸಿದ ರಿಯಲ್ ಮಿ UI4.0 ರನ್ ಆಗುತ್ತದೆ.
ನಾರ್ಜೊ 60X ಹೋಲಿಕೆಗಳನ್ನು ಪರಿಗಣಿಸಿ, 5,000 mAh ಬ್ಯಾಟರಿಯು ರಿಯಲ್ ಮಿ C67ಗೆ ನೀಡಲಾಗಿದೆ. ಇದು 33W ಚಾರ್ಜಿಂಗ್ ಬೆಂಬಲದೊಂದಿಗೆ ಬರುವ ನಿರೀಕ್ಷೆಯಿದೆ. ಛಾಯಾಗ್ರಹಣಕ್ಕಾಗಿ, ರಿಯಲ್ ಮಿ C67 ನಲ್ಲಿ ಡ್ಯುಯಲ್ ಕ್ಯಾಮೆರಾ ಸಂವೇದಕವಿದ್ದು 50 MP ಮುಖ್ಯ ಕ್ಯಾಮೆರಾ ಮತ್ತು 2 MP ಮ್ಯಾಕ್ರೋ ಕ್ಯಾಮೆರಾವನ್ನು ಒಳಗೊಂಡಿರುತ್ತದೆ ಎಂದು ಹೇಳಲಾಗಿದೆ. ಮುಂಭಾಗದಲ್ಲಿ, ಸೆಲ್ಫಿಗಾಗಿ 8 MP ಕ್ಯಾಮೆರಾ ನೀಡಬಹುದು.
ಹೆಚ್ಚಿನ ಟೆಕ್ ಸ್ಟೋರಿ ಓದಲು ಇಲ್ಲಿ ಕ್ಲಿಕ್ ಮಾಡಿ
