Tech Tips: ಸ್ಮಾರ್ಟ್ ಟಿವಿಯನ್ನು ಸ್ವಚ್ಛವಾಗಿಡಲು ಏನೆಲ್ಲ ಮಾಡಬೇಕು?: ಈ 8 ಹಂತಗಳನ್ನು ಅನುಸರಿಸಿ

ಸ್ಮಾರ್ಟ್ ಟಿವಿ ಇಂದಿನ ದಿನಗಳಲ್ಲಿ ಪ್ರತಿ ಮನೆಯ ಪ್ರಮುಖ ಭಾಗವಾಗಿದೆ. ಅದರ ಉತ್ತಮ ಕಾರ್ಯಕ್ಷಮತೆ ಮತ್ತು ದೀರ್ಘಕಾಲೀನ ಬಳಕೆಯನ್ನು ಕಾಪಾಡಿಕೊಳ್ಳಲು, ಸ್ಮಾರ್ಟ್ ಟಿವಿಯನ್ನು ಸರಿಯಾಗಿ ಸ್ವಚ್ಛವಾಗಿಡುವುದು ಮುಖ್ಯವಾಗಿದೆ. ಅಸಮರ್ಪಕ ಶುಚಿಗೊಳಿಸುವಿಕೆಯು ಟಿವಿ ಡಿಸ್​ಪ್ಲೇಯನ್ನು ಹಾನಿಗೊಳಿಸುತ್ತದೆ. ನಿಮ್ಮ ಸ್ಮಾರ್ಟ್ ಟಿವಿಯನ್ನು ಸ್ವಚ್ಛವಾಗಿಡಲು ಮತ್ತು ಸದಾ ಕಾಲ ಹೊಸದರಂತೆ ಕಾಣುವಂತೆ ಮಾಡಲು ಕೆಲವು ಸುಲಭ ಮತ್ತು ಸುರಕ್ಷಿತ ಸಲಹೆಗಳು ಇಲ್ಲಿವೆ.

1. ಟಿವಿಯನ್ನು ಆಫ್ ಮಾಡಿ ಮತ್ತು ಅನ್ ಪ್ಲಗ್ ಮಾಡಿ:

ಸ್ವಚ್ಛಗೊಳಿಸುವ ಮೊದಲು ಯಾವಾಗಲೂ ಟಿವಿಯನ್ನು ಆಫ್ ಮಾಡಿ ಮತ್ತು ವಿದ್ಯುತ್ ಕೇಬಲ್ ಅನ್ನು ಅನ್ ಪ್ಲಗ್ ಮಾಡಿ. ಇದು ನಿಮ್ಮ ಸುರಕ್ಷತೆಗೆ ಮಾತ್ರವಲ್ಲ, ಡಿಸ್ ಪ್ಲೇ ಮೇಲಿನ ಧೂಳು ಮತ್ತು ಸ್ಮಡ್ಜ್‌ಗಳು ಆಫ್ ಮಾಡಿದ ಟಿವಿಯಲ್ಲಿ ಸುಲಭವಾಗಿ ಗೋಚರಿಸುತ್ತವೆ.

2. ಒಣ ಮೈಕ್ರೋಫೈಬರ್ ಬಟ್ಟೆಯನ್ನು ಬಳಸಿ:

ಡಿಸ್ ಪ್ಲೇ ಧೂಳನ್ನು ತೆಗೆದುಹಾಕಲು ಒಣ ಮೈಕ್ರೋಫೈಬರ್ ಬಟ್ಟೆಯನ್ನು ಮಾತ್ರ ಬಳಸಿ. ಈ ಬಟ್ಟೆಯಿಂದ ಸ್ಕ್ರೀನ್ ಮೇಲೆ ಯಾವುದೇ ಗೀರುಗಳು ಬೀಳುವುದಿಲ್ಲ ಮತ್ತು ಸುಲಭವಾಗಿ ಧೂಳನ್ನು ತೆಗೆದುಹಾಕುತ್ತದೆ.

ಪೇಪರ್ ಟವೆಲ್, ಟಿಶ್ಯೂ ಅಥವಾ ಒರಟು ಬಟ್ಟೆಯನ್ನು ಬಳಸಬೇಡಿ, ಏಕೆಂದರೆ ಇವುಗಳು ಡಿಸ್ ಪ್ಲೇ ಹಾನಿಗೊಳಿಸಬಹುದು.

3. ಲಘುವಾಗಿ ಒದ್ದೆಯಾದ ಬಟ್ಟೆಯನ್ನು ಬಳಸಿ (ಅಗತ್ಯವಿದ್ದರೆ):

ಡಿಸ್ ಪ್ಲೇ ಮೇಲೆ ಕಲೆಗಳಿದ್ದರೆ, ಮೈಕ್ರೋಫೈಬರ್ ಬಟ್ಟೆಯನ್ನು ಲಘುವಾಗಿ ತೇವಗೊಳಿಸಿ. ಹೆಚ್ಚು ನೀರು ಬಳಸಬೇಡಿ ಮತ್ತು ನೇರವಾಗಿ ಸ್ಕ್ರೀನ್ ಮೇಲೆ ಸಿಂಪಡಿಸಬೇಡಿ. ಪರದೆಯನ್ನು ನಿಧಾನವಾಗಿ ಒರೆಸಿ, ಹೆಚ್ಚು ಒತ್ತಡವನ್ನು ಅನ್ವಯಿಸಬೇಡಿ.

4. ಸ್ಕ್ರೀನ್ ಕ್ಲೀನರ್ ಅನ್ನು ಸರಿಯಾಗಿ ಬಳಸಿ:

ಡಿಸ್ ಪ್ಲೇಗಾಗಿ ವಿನ್ಯಾಸಗೊಳಿಸಲಾದ ಶುಚಿಗೊಳಿಸುವ ಉತ್ಪನ್ನಗಳನ್ನು ಮಾತ್ರ ಬಳಸಿ. ಆಲ್ಕೋಹಾಲ್, ಅಮೋನಿಯಾ ಅಥವಾ ಯಾವುದೇ ಇತರ ರಾಸಾಯನಿಕ ಆಧಾರಿತ ಕ್ಲೀನರ್ ಗಳನ್ನು ಬಳಸುವುದನ್ನು ತಪ್ಪಿಸಿ.

ಬ್ರ್ಯಾಂಡ್‌ನ ಮಾರ್ಗಸೂಚಿಗಳ ಪ್ರಕಾರ ಶುಚಿಗೊಳಿಸುವ ಉತ್ಪನ್ನವನ್ನು ಆಯ್ಕೆಮಾಡಿ.

5. ವೆಂಟ್ಸ್ ಮತ್ತು ಪೋರ್ಟ್ ಗಳನ್ನು ಸ್ವಚ್ಛಗೊಳಿಸಿ:

ಟಿವಿಯ ವೆಂಟ್ಸ್ ಮತ್ತು ಪೋರ್ಟ್‌ ಗಳಲ್ಲಿ ಧೂಳು ಸಂಗ್ರಹವಾಗುತ್ತದೆ, ಇದು ಅಧಿಕ ಬಿಸಿಯಾಗಲು ಕಾರಣವಾಗಬಹುದು.

ಈ ಭಾಗಗಳನ್ನು ಸ್ವಚ್ಛಗೊಳಿಸಲು ಮೃದುವಾದ ಬ್ರಷ್ ಅಥವಾ ಏರ್ ಬ್ಲೋವರ್ ಬಳಸಿ.

6. ರಿಮೋಟ್ ಕಂಟ್ರೋಲ್ ಅನ್ನು ಸ್ವಚ್ಛಗೊಳಿಸುವುದು ಸಹ ಮುಖ್ಯ:

ಒದ್ದೆಯಾದ ಬಟ್ಟೆ ಮತ್ತು ಸೌಮ್ಯವಾದ ಸಾಬೂನಿನಿಂದ ರಿಮೋಟ್ ಕಂಟ್ರೋಲ್ ಅನ್ನು ಸ್ವಚ್ಛಗೊಳಿಸಿ. ಬಟನ್​ಗಳ ನಡುವಿನ ಕೊಳೆಯನ್ನು ತೆಗೆದುಹಾಕಲು ಕ್ಯೂ-ಟಿಪ್ ಅಥವಾ ಟೂತ್‌ ಪಿಕ್ ಬಳಸಿ.

7. ನಿಯಮಿತ ಶುಚಿಗೊಳಿಸುವಿಕೆಯನ್ನು ನೋಡಿಕೊಳ್ಳಿ:

ವಾರಕ್ಕೊಮ್ಮೆಯಾದರೂ ಟಿವಿ ಸ್ಕ್ರೀನ್ ಅನ್ನು ಮತ್ತು ವೆಂಟ್ಸ್ ಗಳನ್ನು ಸ್ವಚ್ಛಗೊಳಿಸಿ. ಫಿಂಗರ್‌ ಪ್ರಿಂಟ್‌ಗಳು ಮತ್ತು ಧೂಳು ಸ್ಕ್ರೀನ್ ಮೇಲೆ ಸಂಗ್ರಹವಾಗುವುದನ್ನು ತಡೆಯಲು, ನಿಯಮಿತವಾಗಿ ಸ್ವಚ್ಛಗೊಳಿಸಿ.

8. ಟಿವಿಯನ್ನು ಸರಿಯಾದ ಸ್ಥಳದಲ್ಲಿ ಇರಿಸಿ:

ಕಡಿಮೆ ಧೂಳು ಮತ್ತು ನೇರ ಸೂರ್ಯನ ಬೆಳಕು ಇರುವ ಸ್ಥಳದಲ್ಲಿ ಟಿವಿಯನ್ನು ಇರಿಸಿ. ಅಡುಗೆ ಮನೆಯಲ್ಲಿ ಅಥವಾ ತುಂಬಾ ಆರ್ದ್ರ ಪ್ರದೇಶದಲ್ಲಿ ಟಿವಿ ಸ್ಥಾಪಿಸುವುದನ್ನು ತಪ್ಪಿಸಿ.

ಮತ್ತಷ್ಟು ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ