Vivo V25 Pro: ವಿವೋ V25 ಪ್ರೊ ಸ್ಮಾರ್ಟ್ಫೋನ್ ಸೇಲ್ ಆರಂಭ: ಹೇಗಿದೆ?, ಖರೀದಿಸಬಹುದೇ?
ವಿವೋ ವಿ25 ಪ್ರೊ (Vivo V25 Pro) ಸ್ಮಾರ್ಟ್ಫೋನ್ ಇದೀಗ ಖರೀದಿಗೆ ಸಿಗುತ್ತಿದೆ. ಫ್ಲಿಪ್ಕಾರ್ಟ್ (Flipkart) ಮೂಲಕ ವಿವೋ V25 ಪ್ರೊ ಮೊದಲ ಸೇಲ್ ಕಾಣುತ್ತಿದೆ. ಹಾಗಾದ್ರೆ ಈ ಫೋನ್ ಹೇಗಿದೆ?, ಖರೀದಿಸಬಹುದೇ? ಎಂಬುದನ್ನು ನೋಡೋಣ.
Updated on: Aug 26, 2022 | 6:45 AM
ಭಾರತದಲ್ಲಿ ತಿಂಗಳಿಗೆ ಕನಿಷ್ಠ ಎಂದರೂ ಐದರಿಂದ ಏಳು ಸ್ಮಾರ್ಟ್ಫೋನ್ಗಳು (Smartphone) ಬಿಡುಗಡೆ ಆಗುತ್ತವೆ. ಇದರಲ್ಲಿ ಕೆಲವಷ್ಟೆ ಸದ್ದು ಮಾಡಿದರೆ ಇನ್ನೂ ಕೆಲವು ಹೇಳ ಹೆಸರಿಲ್ಲದಂತೆ ಮಾಯವಾಗುತ್ತದೆ. ಈ ತಿಂಗಳು ಕೂಡ ಭಾರತಕ್ಕೆ ಅನೇಕ ಫೋನ್ಗಳು ಲಗ್ಗೆಯಿಟ್ಟಿವೆ. ಈ ಪೈಕಿ ವಿವೋ V25 ಸರಣಿಯ ಹೊಸ ವಿವೋ ವಿ25 ಪ್ರೊ (Vivo V25 Pro) ಸ್ಮಾರ್ಟ್ಫೋನ್ ಕೂಡ ಒಂದು. ಇದೀಗ ಈ ಸ್ಮಾರ್ಟ್ಫೋನ್ ಖರೀದಿಗೆ ಸಿಗುತ್ತಿದೆ. ಆಕರ್ಷಕ ಫೀಚರ್ಗಳಿಂದ ಕೂಡಿರುವ ಈ ಫೋನ್ ಮೀಡಿಯಾಟೆಕ್ ಡೈಮೆನ್ಸಿಟಿ 1300 SoC ಪ್ರೊಸೆಸರ್ನಲ್ಲಿ ಕಾರ್ಯನಿರ್ವಹಿಸುತ್ತದೆ. ಪ್ರಸಿದ್ಧ ಇ ಕಾಮರ್ಸ್ ತಾಣವಾದ ಫ್ಲಿಪ್ಕಾರ್ಟ್ (Flipkart) ಮೂಲಕ ವಿವೋ V25 ಪ್ರೊ ಮೊದಲ ಸೇಲ್ ಕಾಣುತ್ತಿದೆ. ಹಾಗಾದ್ರೆ ಈ ಫೋನ್ ಹೇಗಿದೆ?, ಖರೀದಿಸಬಹುದೇ? ಎಂಬುದನ್ನು ನೋಡೋಣ.
ವಿವೋ V25ಪ್ರೊ ಸ್ಮಾರ್ಟ್ಫೋನ್ 6.56-ಇಂಚಿನ ಫುಲ್ ಹೆಚ್ಡಿ ಪ್ಲಸ್ ಅಮೋಲೆಡ್ ಡಿಸ್ಪ್ಲೇ ಹೊಂದಿದೆ. ಇದು 2,376*1,080 ಪಿಕ್ಸೆಲ್ ಸ್ಕ್ರೀನ್ ರೆಸಲ್ಯೂಶನ್ ಸಾಮರ್ಥ್ಯ ಪಡೆದುಕೊಂಡಿದೆ. ಮೀಡಿಯಾ ಟೆಕ್ ಡೈಮೆನ್ಸಿಟಿ 1300 SoC ಪ್ರೊಸೆಸರ್ನಲ್ಲಿ ಕಾರ್ಯನಿರ್ವಹಿಸಲಿದೆ. ಇದಕ್ಕೆ ಪೂರಕವಾಗಿ ಫನ್ಟಚ್ OS 12 ಬೆಂಬಲವನ್ನು ಪಡೆದುಕೊಂಡಿದೆ.
ಈ ಸ್ಮಾರ್ಟ್ಫೋನ್ನಲ್ಲಿ ಟ್ರಿಪಲ್ ರಿಯರ್ ಕ್ಯಾಮೆರಾ ಸೆಟ್ಅಪ್ ಇದೆ. ಇದರಲ್ಲಿ ಮುಖ್ಯ ಕ್ಯಾಮೆರಾ ಬರೋಬ್ಬರಿ 64 ಮೆಗಾಪಿಕ್ಸೆಲ್ ಸೆನ್ಸಾರ್, ಎರಡನೇ ಕ್ಯಾಮೆರಾ 8 ಮೆಗಾಪಿಕ್ಸೆಲ್ ವೈಡ್–ಆಂಗಲ್ ಲೆನ್ಸ್ ಮತ್ತು ಮೂರನೇ ಕ್ಯಾಮೆರಾ 2 ಮೆಗಾಪಿಕ್ಸೆಲ್ ಮ್ಯಾಕ್ರೋ ಲೆನ್ಸ್ ಅನ್ನು ಒಳಗೊಂಡಿದೆ. ಮುಂಭಾಗ ಕೂಡ ಆಕರ್ಷಕವಾದ 32-ಮೆಗಾಪಿಕ್ಸೆಲ್ ಸೆನ್ಸಾರ್ ಸಾಮರ್ಥ್ಯದ ಸೆಲ್ಫಿ ಕ್ಯಾಮೆರಾವನ್ನು ನೀಡಲಾಗಿದೆ. ಇದು ಐ ಆಟೋಫೋಕಸ್ ಮತ್ತು f/2.45 ಲೆನ್ಸ್ ಅನ್ನು ಒಳಗೊಂಡಿರುವುದು ವಿಶೇಷ.
66W ವೇಗದ ಚಾರ್ಜಿಂಗ್ ಬೆಂಬಲವನ್ನು ಹೊಂದಿರುವ 4,830mAh ಸಾಮರ್ಥ್ಯದ ಬ್ಯಾಟರಿಯನ್ನು ಒಳಗೊಂಡಿದೆ. ಇದು ಅತ್ಯಂತ ವೇಗವಾಗಿ ಮೊಬೈಲ್ ಅನ್ನು ಚಾರ್ಜ್ ಮಾಡುತ್ತದೆ. ಕನೆಕ್ಟಿವಿಟಿ ಆಯ್ಕೆಗಳಲ್ಲಿ ಡ್ಯುಯಲ್–ಬ್ಯಾಂಡ್ Wi-Fi, ಬ್ಲೂಟೂತ್ v5.2, GPS ಮತ್ತು USB ಟೈಪ್-C ಪೋರ್ಟ್ ಅನ್ನು ಹೊಂದಿದೆ.
ವಿವೋ V25 ಪ್ರೊ ಸ್ಮಾರ್ಟ್ಫೋನ್ ಭಾರತದಲ್ಲಿ ಎರಡು ಸ್ಟೋರೇಜ್ ಆಯ್ಕೆಯಲ್ಲಿ ರಿಲೀಸ್ ಆಗಿದೆ. ಇದರ 8GB RAM + 128GB ಸ್ಟೋರೇಜ್ಗೆ 35,999ರೂ. ನಿಗದಿ ಮಾಡಲಾಗಿದೆ. 12GB RAM + 256GB ಸ್ಟೋರೇಜ್ ಸಾಮರ್ಥ್ಯಕ್ಕೆ 39,999ರೂ. ಇದೆ. ಫ್ಲಿಪ್ಕಾರ್ಟ್, ವಿವೊ ಆನ್ಲೈನ್ ಸ್ಟೋರ್ ಮತ್ತು ಇತರ ರೀಟೈಲ್ ಚಾನೆಲ್ಗಳ ಮೂಲಕ ಖರೀದಿಸಬಹುದು.
ಖರೀದಿಸಬಹುದೇ?:
ಈ ಸ್ಮಾರ್ಟ್ಫೋನ್ನಲ್ಲಿ ಸಿನಿಮಾವನ್ನು ಉತ್ತಮವಾಗಿ ವೀಕ್ಷಿಸಬಹುದು, ಗೇಮಿಂಗ್ಗೆ ಕೂಡ ಹೇಳಿ ಮಾಡಿಸಿದ್ದಾಗಿದೆ. ಕ್ಯಾಮೆರಾ ಬೆಲೆಗೆ ತಕ್ಕಂತೆ ಇದೆಯಷ್ಟೆ. ಆದರೆ, 35,999 ರೂಪಾಯಿಗೆ ಇದಕ್ಕಿಂತ ಉತ್ತಮವಾದ ಪ್ರೊಸೆಸರ್ ಹೊಂದಿರುವ ಕೆಲವು ಫೋನ್ಗಳಿವೆ. ಇದರ ಲುಕ್ ಮಾತ್ರ ಪ್ರೀಮಿಯಂ ಆಗಿದ್ದು ಕೈಯಲ್ಲಿ ಹಿಡಿದುಕೊಂಡರೆ ಉತ್ತಮ ಗ್ರಿಪ್ ಸಿಗುತ್ತದೆ. ಈ ಫೋನ್ ಜೊತೆಗೆ 66W ಚಾರ್ಜರ್ ನೀಡಿದ್ದರೂ ದೊಡ್ಡ ಮಟ್ಟದ ಬ್ಯಾಟರಿ ಸೌಲಭ್ಯ ನೀಡಿಲ್ಲ. ನೀವು ಹೆಚ್ಚು ಸಮಯ ಮೊಬೈಲ್ನಲ್ಲೇ ಸಮಯ ಕಳೆಯುವವರಾಗಿದ್ದರೆ ನಿಮಗಿದು ಇಷ್ಟವಾಗಲಿಕ್ಕಿಲ್ಲ.
