Post Office

ಅಂಚೆ ಕಚೇರಿಯು (Post Office) ಕೇವಲ ಪತ್ರಗಳನ್ನು ತಲುಪಿಸಲು ಮಾತ್ರವಲ್ಲದೆ, ದೇಶಾದ್ಯಂತ ಸುರಕ್ಷಿತ ಮತ್ತು ಲಾಭದಾಯಕ ಹೂಡಿಕೆ ಯೋಜನೆಗಳನ್ನು ಒದಗಿಸುವ ಪ್ರಮುಖ ಸಂಸ್ಥೆಯಾಗಿದೆ. ಕೇಂದ್ರ ಸರ್ಕಾರದ ಬೆಂಬಲವಿರುವುದರಿಂದ ಇಲ್ಲಿ ಹೂಡಿಕೆ ಮಾಡುವ ಹಣ ಸಂಪೂರ್ಣ ಸುರಕ್ಷಿತವಾಗಿರುತ್ತದೆ. ಅಂಚೆ ಕಚೇರಿಯಲ್ಲಿ ಅಲ್ಪಕಾಲಿಕ ಮತ್ತು ದೂರಕಾಲಿಕ ಯೋಜನೆಗಳು ಲಭ್ಯ ಇವೆ. ರೆಕರಿಂಗ್ ಡೆಪಾಸಿಟ್ ಆರ್​ಡಿ ಸ್ಕೀಮ್, ಹಿರಿಯ ನಾಗರಿಕರ ಉಳಿತಾಯ ಯೋಜನೆ, ಜೊತೆಗೆ, ದೂರಕಾಲಿಕವಾಗಿ ಹೆಣ್ಮಕ್ಕಳಿಗೆ ಸಿಗುವ ಸುಕನ್ಯಾ ಸಮೃದ್ಧಿ ಯೋಜನೆ ಕೂಡ ಹೂಡಿಕೆಗೆ ಲಭ್ ಇರುತ್ತದೆ. ಪಬ್ಲಿಕ್ ಪ್ರಾವಿಡೆಂಟ್ ಫಂಡ್ ಯೋಜನೆಯನ್ನೂ ಕೂಡ ಪೋಸ್ಟ್ ಆಫೀಸ್​ನಲ್ಲಿ ಮಾಡಿಸಬಹುದು. ನ್ಯಾಷನಲ್ ಸೇವಿಂಗ್ಸ್ ಸರ್ಟಿಫಿಕೇಟ್, ಕಿಸಾನ್ ವಿಕಾಸ್ ಪತ್ರದಂತಹ ಯೋಜನೆಗಳಲ್ಲೂ ಉತ್ತಮ ಬಡ್ಡಿ ಸಿಗುತ್ತದೆ. ಗ್ರಾಮೀಣ ಮತ್ತು ನಗರ ಪ್ರದೇಶದ ಪ್ರತಿಯೊಬ್ಬರಿಗೂ ಶೂನ್ಯ ಅಪಾಯ (Zero Risk) ಹಾಗೂ ಉತ್ತಮ ಆದಾಯ ನೀಡಲು ಅಂಚೆ ಕಚೇರಿಯ ಯೋಜನೆಗಳು ಅತ್ಯಂತ ಜನಪ್ರಿಯವಾಗಿವೆ.