UPI
ಯುಪಿಐ (Unified Payments Interface) ಎಂಬುದು ಭಾರತದಲ್ಲಿ ಡಿಜಿಟಲ್ ಪಾವತಿ ಕ್ಷೇತ್ರದಲ್ಲಿ ಕ್ರಾಂತಿ ಸೃಷ್ಟಿಸಿರುವ ಅತ್ಯಂತ ಸುಲಭ ಮತ್ತು ಸುರಕ್ಷಿತವಾದ ರಿಯಲ್-ಟೈಮ್ ಪಾವತಿ ವ್ಯವಸ್ಥೆಯಾಗಿದೆ. ಇದನ್ನು ನ್ಯಾಷನಲ್ ಪೇಮೆಂಟ್ಸ್ ಕಾರ್ಪೊರೇಷನ್ ಆಫ್ ಇಂಡಿಯಾ (NPCI) ಅಭಿವೃದ್ಧಿಪಡಿಸಿದ್ದು, ಭಾರತೀಯ ರಿಸರ್ವ್ ಬ್ಯಾಂಕ್ (RBI) ನಿಯಂತ್ರಿಸುತ್ತದೆ.
ಮೊಬೈಲ್ ಅಪ್ಲಿಕೇಶನ್ (Google Pay, PhonePe, BHIM ಇತ್ಯಾದಿ) ಮೂಲಕ ಯಾವುದೇ ಸಮಯದಲ್ಲಿ (24/7) ತಕ್ಷಣವೇ ಒಂದು ಬ್ಯಾಂಕ್ ಖಾತೆಯಿಂದ ಮತ್ತೊಂದು ಖಾತೆಗೆ ಹಣವನ್ನು ರವಾನಿಸಬಹುದು. ಹಣ ಕಳುಹಿಸಲು ಅಥವಾ ಪಡೆಯಲು ಬ್ಯಾಂಕ್ ಖಾತೆ ಸಂಖ್ಯೆ ಅಥವಾ IFSC ಕೋಡ್ ಅಗತ್ಯವಿಲ್ಲ. ಕೇವಲ ಯುಪಿಐ ಐಡಿ (UPI ID), ಮೊಬೈಲ್ ಸಂಖ್ಯೆ ಅಥವಾ QR ಕೋಡ್ ಸ್ಕ್ಯಾನ್ ಮಾಡಿ ಪಾವತಿಸಬಹುದು. ಪ್ರತಿಯೊಂದು ವಹಿವಾಟಿಗೂ ಬಳಕೆದಾರರು ರಚಿಸಿದ ರಹಸ್ಯ ‘UPI PIN’ ನಮೂದಿಸುವುದು ಕಡ್ಡಾಯವಾಗಿರುವುದರಿಂದ ಇದು ಅತ್ಯಂತ ಸುರಕ್ಷಿತವಾಗಿದೆ. ಒಂದೇ ಮೊಬೈಲ್ ಆಪ್‌ನಲ್ಲಿ ಒಂದಕ್ಕಿಂತ ಹೆಚ್ಚು ಬ್ಯಾಂಕ್ ಖಾತೆಗಳನ್ನು ಜೋಡಿಸಿ ವ್ಯವಹಾರ ನಡೆಸಬಹುದು.
ಪ್ರಸ್ತುತ ಚಿಲ್ಲರೆ ವ್ಯಾಪಾರಿಗಳಿಂದ ಹಿಡಿದು ಬೃಹತ್ ಸಂಸ್ಥೆಗಳವರೆಗೆ ಎಲ್ಲರೂ ಯುಪಿಐ ಬಳಸುತ್ತಿದ್ದು, ಇದು ಭಾರತವನ್ನು ನಗದು ರಹಿತ (Cashless) ಆರ್ಥಿಕತೆಯತ್ತ ಕೊಂಡೊಯ್ಯುವಲ್ಲಿ ಪ್ರಮುಖ ಪಾತ್ರ ವಹಿಸಿದೆ. ಜೊತೆಗೆ ಹಲವು ವಿದೇಶಗಳಲ್ಲೂ ಯುಪಿಐ ಸೇವೆ ವಿಸ್ತರಣೆಯಾಗಿದೆ.
ಇನ್ನೂ ಹೆಚ್ಚು ಓದಿ
ವರ್ತಕರ ಮನವಿ ಹಿನ್ನೆಲೆ, ಯುಪಿಐ ಎಂಡಿಆರ್ ಶುಲ್ಕ ಜಾರಿ ಕ್ರಮ ದೀಪಾವಳಿ ನಂತರ ಎಂದ ಎನ್ಪಿಸಿಐ
ಕೆಲ ನಿರ್ದಿಷ್ಟ ಯುಪಿಐ ಪಾವತಿಗಳಿಗೆ ಎಂಡಿಆರ್ ಶುಲ್ಕ ಕ್ರಮವನ್ನು ದೀಪಾವಳಿ ಹಬ್ಬದ ಬಳಿಕ ಜಾರಿ ಮಾಡುವುದಾಗಿ ಎನ್ಪಿಸಿಐ ಹೇಳಿದೆ. ಅಕ್ಟೋಬರ್ 15ರಿಂದ ಇದನ್ನು ಜಾರಿ ಮಾಡಬೇಕಿತ್ತು. ಆದರೆ, ಹಬ್ಬದ ಸೀಸನ್ ಆದ್ದರಿಂದ ಜಾರಿ ಕ್ರಮವನ್ನು ಮುಂದೂಡಲಾಗಿದೆ. ಗ್ರಾಹಕರಿಂದ ವರ್ತಕರಿಗೆ ಆಗುವ 2,000 ರೂ ಮೇಲ್ಪಟ್ಟ ಯುಪಿಐ ಪಾವತಿಗೆ ಶೇ. 0.40 ಎಂಡಿಆರ್ ವಿಧಿಸಲು ನಿರ್ಧರಿಸಲಾಗಿದೆ.
- Vijaya Sarathy SN
- Updated on: Oct 13, 2026
- 3:59 pm
ಯುಪಿಐ ಎಂಡಿಆರ್ ಶುಲ್ಕ; ಶೇ. 0.40 ಬದಲು ಶೇ. 0.08 ಶುಲ್ಕ ವಿಧಿಸಬಹುದು: ಐಐಟಿ ಬಾಂಬೆ ವರದಿ ಸಲಹೆ
ಯುಪಿಐ ಪಾವತಿ ಮೇಲೆ ಶೇ. 0.40ರಷ್ಟು ಎಂಡಿಆರ್ ಶುಲ್ಕ ಬೇಡ. ಅದು ಶೇ. 0.08 ಮಾತ್ರ ಇರಲಿ ಎಂದು ಐಐಟಿ ಬಾಂಬೆ ವರದಿಯೊಂದು ಸಲಹೆ ನೀಡಿದೆ. ಐಐಟಿ ಬಾಂಬೆ ಪ್ರೊಫೆಸರ್ ಆಶೀಶ್ ದಾಸ್ ಮತ್ತು ಮಾಜಿ ಆರ್ಬಿಐ ಅಧಿಕಾರಿ ಪ್ರಗ್ಯಾದಾಸ್ ಬಿಡುಗಡೆ ಮಾಡಿದ ವರದಿಯಲ್ಲಿ ಈ ಸಲಹೆ ನೀಡಲಾಗಿದೆ. ಯುಪಿಐ ಪಾವತಿ ಮೇಲೆ ಎಂಡಿಆರ್ ಶುಲ್ಕ ವಿಧಿಸುವ ಕ್ರಮ ನವೆಂಬರ್ನಲ್ಲಿ ಜಾರಿಗೆ ಬರಬಹುದು ಎನ್ನಲಾಗಿದೆ.
- Vijaya Sarathy SN
- Updated on: Oct 12, 2026
- 3:01 pm
ಸಣ್ಣ ಪ್ರಮಾಣದ ಯುಪಿಐ ಶುಲ್ಕದಿಂದ ದೊಡ್ಡ ಪರಿಣಾಮ ಆಗುವುದಿಲ್ಲ: ಆರ್ಬಿಐ ಗವರ್ನರ್ ಸಂಜಯ್ ಮಲ್ಹೋತ್ರಾ ಅಭಿಪ್ರಾಯ
ಯುಪಿಐಗೆ ಎಂಡಿಆರ್ ಶುಲ್ಕ ಹಾಕುವುದರಿಂದ ಒಟ್ಟಾರೆ ಯುಪಿಐ ವಹಿವಾಟು ಪ್ರಮಾಣದಲ್ಲಿ ದೊಡ್ಡ ವ್ಯತ್ಯಯವಾಗದು ಎಂದು ಆರ್ಬಿಐ ಗವರ್ನರ್ ಹೇಳಿದ್ದಾರೆ. ಎಂಡಿಆರ್ ಶುಲ್ಕದಿಂದ ಯುಪಿಐ ವಹಿವಾಟು ಕಡಿಮೆ ಆಗುತ್ತದೆ ಎಂದು ವೈಯಕ್ತಿಕವಾಗಿ ತನಗೆ ಅನಿಸುವುದಿಲ್ಲ ಎಂದು ಸಂಜಯ್ ಮಲ್ಹೋತ್ರಾ ತಿಳಿಸಿದ್ದಾರೆ. 2,000 ರೂ ಮೇಲ್ಪಟ್ಟ ಹಣ ಪಾವತಿಗೆ ಶೇ. 0.4ರ ಎಂಡಿಆರ್ ಶುಲ್ಕ ವಿಧಿಸುವ ಕ್ರಮ ಅ. 15ರಿಂದ ಜಾರಿಗೆ ಬರಲಿದೆ.
- Vijaya Sarathy SN
- Updated on: Oct 7, 2026
- 4:52 pm
ಯುಪಿಐ ಪಾವತಿಗಳಿಗೆ ಎಂಡಿಆರ್; ಶೇಕಡವಾರು ಶುಲ್ಕ, ಫ್ಲ್ಯಾಟ್ ಶುಲ್ಕ; ಸಣ್ಣ ವರ್ತಕರೆಂದರೆ ಯಾರು? ಹಲವು ಅನುಮಾನಗಳಿಗೆ ಉತ್ತರ
ಯುಪಿಐ (UPI) ಪಾವತಿಗಳಲ್ಲಿ ದೊಡ್ಡ ಮೊತ್ತದ ವಹಿವಾಟುಗಳಿಗೆ ನೂತನ ಶುಲ್ಕ ನಿಯಮ 2026ರ ಅಕ್ಟೋಬರ್ 15ರಿಂದ ಜಾರಿಗೆ ಬರಲಿದೆ. ರೈಲ್ವೆ, ಟೆಲಿಕಾಂ ಸೇರಿದಂತೆ ಕೆಲವು ನಿರ್ದಿಷ್ಟ ವಲಯಗಳಲ್ಲಿ ₹2,000 ಗಿಂತ ಹೆಚ್ಚಿನ ವಹಿವಾಟುಗಳಿಗೆ ಶೇ. 0.4 ರ ಎಂಡಿಆರ್ (MDR) ಬದಲಿಗೆ ಫ್ಲ್ಯಾಟ್ ₹5 ಶುಲ್ಕ ವಿಧಿಸಲಾಗುತ್ತದೆ. ಈ ಯಾವುದೇ ಪೇಮೆಂಟ್ನಲ್ಲಿ ಗ್ರಾಹಕರಿಗೆ ಎಂಡಿಆರ್ ಶುಲ್ಕ ಇರುವುದಿಲ್ಲ. ಇದರ ಹೊರೆ ಏನಿದ್ದರೂ ವ್ಯಾಪಾರಿಗಳಿಗೆ ಮಾತ್ರ.
- Vijaya Sarathy SN
- Updated on: Oct 6, 2026
- 11:27 am
ಎಂಡಿಆರ್ ಕ್ರಮ ಜಾರಿಗೆ ಮುನ್ನವೇ ಸೆಪ್ಟೆಂಬರ್ನಲ್ಲಿ ಯುಪಿಐ ವಹಿವಾಟು ಇಳಿಮುಖ; ಆರ್ಬಿಐ ದತ್ತಾಂಶ
ಅಕ್ಟೋಬರ್‌ನಿಂದ ವ್ಯಾಪಾರಿಗಳ ಮೇಲೆ ನೂತನ ಎಂಡಿಆರ್ ಶುಲ್ಕ ಅನ್ವಯವಾಗಲಿರುವ ಬೆನ್ನಲ್ಲೇ, ಸೆಪ್ಟೆಂಬರ್ನಲ್ಲಿ ಯುಪಿಐ (UPI) ವಹಿವಾಟುಗಳ ಒಟ್ಟು ಸಂಖ್ಯೆ ಮತ್ತು ಮೌಲ್ಯದಲ್ಲಿ ಶೇಕಡಾ 1.8 ರಷ್ಟು ಇಳಿಕೆ ಕಂಡುಬಂದಿದೆ. ಆಗಸ್ಟ್ನಲ್ಲಿ 2,450 ಕೋಟಿ ಸಂಖ್ಯೆಯಲ್ಲಿ ಯುಪಿಐ ವಹಿವಾಟುಗಳು ನಡೆದಿದ್ದವು. ಸೆಪ್ಟೆಂಬರ್ನಲ್ಲಿ ಈ ಸಂಖ್ಯೆ 2,407 ಕೋಟಿಗೆ ಇಳಿಕೆಯಾಗಿದೆ. ಆರ್ಬಿಐ ಅಂಕಿಅಂಶಗಳ ಸಂಪೂರ್ಣ ವಿವರ ಇಲ್ಲಿದೆ.
- Vijaya Sarathy SN
- Updated on: Oct 2, 2026
- 2:21 pm
ಅ. 1ರಿಂದ ಹಣಕಾಸು ಬದಲಾವಣೆಗಳು: ಎಟಿಎಂ, ಎಫ್‌ಡಿ, ಕ್ರೆಡಿಟ್ ಕಾರ್ಡ್, ಎಲ್ಪಿಜಿ, ಮ್ಯೂಚುವಲ್ ಫಂಡ್ ಹೊಸ ನಿಯಮಗಳು
ಅಕ್ಟೋಬರ್ 1 ರಿಂದ ಬ್ಯಾಂಕಿಂಗ್, ಹೂಡಿಕೆ, ಮತ್ತು ಸಾರಿಗೆ ಕ್ಷೇತ್ರಗಳಲ್ಲಿ ಮಹತ್ವದ ನಿಯಮ ಬದಲಾವಣೆಗಳು ಜಾರಿಯಾಗಲಿವೆ. ಎಸ್‌ಬಿಐ ಎಟಿಎಂ ಶುಲ್ಕ, ಎಫ್‌ಡಿ ಬಡ್ಡಿ ದರ, ಮ್ಯೂಚುವಲ್ ಫಂಡ್ ನಾಮಿನೇಷನ್, ಕ್ರೆಡಿಟ್ ಕಾರ್ಡ್ ನಿಯಮಗಳು, ಯುಪಿಐ ಪಾವತಿ ಮತ್ತು ಎಲ್ಪಿಜಿ ಸಬ್ಸಿಡಿ ಕುರಿತ ಬದಲಾವಣೆಗಳು ಸಾರ್ವಜನಿಕರ ದೈನಂದಿನ ಹಣಕಾಸು ವಹಿವಾಟುಗಳ ಮೇಲೆ ನೇರ ಪರಿಣಾಮ ಬೀರಲಿವೆ. ನಷ್ಟ ತಪ್ಪಿಸಲು ಗ್ರಾಹಕರು ಈ ಹೊಸ ನಿಯಮಗಳನ್ನು ತಿಳಿದುಕೊಳ್ಳುವುದು ಅತಿಮುಖ್ಯ.
- Vijaya Sarathy SN
- Updated on: Sep 30, 2026
- 7:23 pm
ಅಕ್ಟೋಬರ್ 2ರಂದು ‘ನೋ ಯುಪಿಐ ಡೇ’; ಅಂಗಡಿಗಳಿಂದ ಒಂದು ದಿನ ಯುಪಿಐ ಪೇಮೆಂಟ್ ಬಹಿಷ್ಕಾರ
ಯುಪಿಐ ಪಾವತಿಗೆ ಎಂಡಿಆರ್ ಶುಲ್ಕ ವಿಧಿಸುವುದನ್ನು ವಿರೋಧಿಸಿ ಮೊಬೈಲ್ ರೀಟೇಲರ್ಸ್ ಸಂಸ್ಥೆ ಅ. 2ರಂದು ‘ನೋ ಯುಪಿಐ ಡೇ’ ಗೆ ಕರೆ ನೀಡಿದೆ. ಅಖಿಲ ಭಾರತ ಕನ್ಸೂಮರ್ ಪ್ರಾಡಕ್ಟ್ ಡಿಸ್ಟ್ರಿಬ್ಯೂಟರ್ಸ್ ಫೆಡರೇಶನ್ ಸಂಸ್ಥೆಯೂ ಈ ಪ್ರತಿಭಟನೆಗೆ ಬೆಂಬಲ ನೀಡಿದೆ. ದೇಶಾದ್ಯಂತ ಹಲವು ರೀಟೇಲ್ ಅಂಗಡಿಗಳು ಈ ಶುಕ್ರವಾರ ಯುಪಿಐ ಪೇಮೆಂಟ್ ಸ್ವೀಕರಿಸುವುದಿಲ್ಲ ಎಂದು ಹೇಳಲಾಗಿದೆ.
- Vijaya Sarathy SN
- Updated on: Sep 30, 2026
- 3:23 pm
ಯುಪಿಐ ಪೇಮೆಂಟ್ಗೆ ಎಂಡಿಆರ್ ಶುಲ್ಕ; ತಡೆ ನೀಡಲು ಸುಪ್ರೀಂಕೋರ್ಟ್ ನಕಾರ; ವಿವರಣೆ ಕೋರಿ ಸರ್ಕಾರಕ್ಕೆ ನೋಟೀಸ್
ನಿರ್ದಿಷ್ಟ ಯುಪಿಐ ಪಾವತಿಗಳಿಗೆ ಮರ್ಚೆಂಟ್ ಡಿಸ್ಕೌಂಟ್ ರೇಟ್ ಅಥವಾ ಎಂಡಿಆರ್ ಶುಲ್ಕ ವಿಧಿಸುವ ಸರ್ಕಾರದ ನಿರ್ಧಾರವು ಕೋರ್ಟ್ ಕಟಕಟೆಯಲ್ಲಿ ವಿಚಾರಣೆ ಎದುರಿಸುತ್ತಿದೆ. ಶುಲ್ಕ ಜಾರಿಯಾಗದಂತೆ ತಡೆ ನೀಡಲು ಸುಪ್ರೀಂ ನ್ಯಾಯಪೀಠ ನಿರಾಕರಿಸಿದೆ. ವಕೀಲ ಅಂಜನ್ ದತ್ತಾ ಅವರು ಸರ್ವೋಚ್ಚ ನ್ಯಾಯಾಲಯದಲ್ಲಿ ಎಂಡಿಆರ್ ಶುಲ್ಕದ ಅಧಿಕೃತತೆಯನ್ನು ಪ್ರಶ್ನಿಸಿದ್ದರು. ಇದೇ ವೇಳೆ, ನ್ಯಾಯಾಲಯವು ಸರ್ಕಾರದಿಂದ ವಿವರಣೆ ಕೋರಿ ನೋಟೀಸ್ ನೀಡಿದೆ.
- Vijaya Sarathy SN
- Updated on: Sep 28, 2026
- 3:18 pm
ಗಾಂಧಿ ಜಯಂತಿಯಂದು ‘ನೋ ಯುಪಿಐ ಡೇ’ ಕರೆ ನೀಡಿರುವ ಸುದ್ದಿ ಸುಳ್ಳು: ವರ್ತಕರ ಒಕ್ಕೂಟ ಸ್ಪಷ್ಟನೆ
ಅಕ್ಟೋಬರ್ 2ರಂದು ದೇಶಾದ್ಯಂತ 'ನೋ ಯುಪಿಐ ಡೇ' (No UPI Day) ಆಚರಿಸಲು ಕರೆ ನೀಡಲಾಗಿದೆ ಎಂಬ ವರದಿಗಳನ್ನು ಪ್ರಮುಖ ವರ್ತಕರ ಒಕ್ಕೂಟ 'ಸಿಎಐಟಿ' ತೀವ್ರವಾಗಿ ನಿರಾಕರಿಸಿದೆ. ಗ್ರಾಹಕರು ಮತ್ತು ವರ್ತಕರಿಗೆ ಪಾರದರ್ಶಕ ವ್ಯವಸ್ಥೆಯಾಗಿರುವ ಯುಪಿಐ ಅನ್ನು ತಾನು ಬೆಂಬಲಿಸುತ್ತಾ ಬಂದಿರುವುದಾಗಿ ಅದು ಹೇಳಿದೆ. ಸುಳ್ಳು ವರದಿಗಳು, ಎಂಡಿಆರ್ (MDR) ಶುಲ್ಕ ವಿವಾದ ಮತ್ತು ಸತ್ಯಾಸತ್ಯತೆಯ ವಿವರಗಳು ಇಲ್ಲಿದೆ.
- Vijaya Sarathy SN
- Updated on: Sep 27, 2026
- 5:10 pm
‘ವಿದೇಶಿ ಕಂಪನಿಗೆ ಹೆದರಿ ಯುಪಿಐ ತೆರಿಗೆ ಜಾರಿ ಮಾಡಿದ್ದಲ್ಲ’; ಕಾಂಗ್ರೆಸ್ಗೆ ಪ್ರಲ್ಹಾದ್ ಜೋಶಿ ತಿರುಗೇಟು
ಯುಪಿಐ ವ್ಯವಸ್ಥೆ ಜಾರಿಗೆ ತರಲು ಮತ್ತು ಅದನ್ನು ಜನರಿಗೆ ಅಭ್ಯಾಸ ಮಾಡಿಸಲು ಸರ್ಕಾರ ಸಾವಿರಾರು ಕೋಟಿ ರೂ.ಗಳನ್ನು ಹೂಡಿಕೆ ಮಾಡಿದೆ ಎಂದು ಅವರು ಸ್ಪಷ್ಟಪಡಿಸಿದರು. ಡಿಜಿಟಲ್ ವಹಿವಾಟುಗಳಿಗೆ ಸಂಬಂಧಿಸಿದಂತೆ ಕಾಂಗ್ರೆಸ್ ನಾಯಕರು ಮಾಡುತ್ತಿರುವ ಆರೋಪಗಳು ಆಧಾರರಹಿತ ಎಂದು ಪ್ರಲ್ಹಾದ್ ಜೋಶಿ ಹೇಳಿದ್ದಾರೆ. ಯುಪಿಐ ವಹಿವಾಟುಗಳಲ್ಲಿ ವಿಧಿಸಲಾಗುವ ಶುಲ್ಕದ ಬಗ್ಗೆ ಮಾತನಾಡಿದ ಅವರು, 2000 ರೂ.ವರೆಗಿನ ವಹಿವಾಟುಗಳಿಗೆ ಮತ್ತು ಬೀದಿಬದಿ ವ್ಯಾಪಾರಸ್ಥರಿಗೆ ಶುಲ್ಕದಿಂದ ವಿನಾಯಿತಿ ನೀಡಲಾಗಿದೆ. ಕೇವಲ 0.04% ಶುಲ್ಕವು ದೊಡ್ಡ ಪ್ರಮಾಣದ ವಹಿವಾಟುಗಳನ್ನು ನಡೆಸುವ ವ್ಯಾಪಾರಿಗಳಿಗೆ ಮಾತ್ರ ಅನ್ವಯಿಸುತ್ತದೆ. ಇದರಿಂದ 96% ವಹಿವಾಟುದಾರರಿಗೆ ಯಾವುದೇ ಪರಿಣಾಮ ಬೀರುವುದಿಲ್ಲ ಎಂದು ಸ್ಪಷ್ಟಪಡಿಸಿದ್ದಾರೆ.
- Web contact
- Updated on: Sep 17, 2026
- 9:22 pm
ಯುಪಿಐ ಮೇಲೆ ಎಂಡಿಆರ್ ಶುಲ್ಕ ವಿಧಿಸುತ್ತಿರುವುದು ಅಮೆರಿಕನ್ ಕ್ರೆಡಿಟ್ ಕಾರ್ಡ್ ಕಂಪನಿಗಳ ಒತ್ತಡದಿಂದಲಾ? ಸರ್ಕಾರದ ಸ್ಪಷ್ಟನೆ ಇದು
ಯುಪಿಐ ಪಾವತಿಗಳಿಗೆ ಎಂಡಿಆರ್ ವಿಧಿಸುವ ನಿರ್ಧಾರಕ್ಕೆ ಅಮೆರಿಕನ್ ಕ್ರೆಡಿಟ್ ಕಾರ್ಡ್ ಕಂಪನಿಗಳ ಒತ್ತಡ ಕಾರಣ ಎನ್ನುವ ವಿಪಕ್ಷಗಳ ಆರೋಪವನ್ನು ಸರ್ಕಾರ ತಳ್ಳಿ ಹಾಕಿದೆ. ಈ ಆರೋಪಗಳಲ್ಲಿ ಲವಶೇಷದಷ್ಟೂ ಹುರುಳಿಲ್ಲ. ದೇಶೀಯ ಯುಪಿಐ ಇಕೋಸಿಸ್ಟಂ ಬಲಪಡಿಸಲು ಎಂಡಿಆರ್ ಶುಲ್ಕ ಕ್ರಮ ತರಲಾಗಿದೆ ಎಂದು ಹಣಕಾಸು ಸಚಿವಾಲಯ ಹೇಳಿದೆ. ಎಂಡಿಆರ್ ಶುಲ್ಕದ ಮೇಲೆ ಜಿಎಸ್ಟಿ ವಿಧಿಸುವ ಸುದ್ದಿಯನ್ನೂ ನಿರಾಕರಿಸಿದೆ.
- Vijaya Sarathy SN
- Updated on: Sep 17, 2026
- 6:42 pm
UPI ಪಾವತಿ ಮೇಲಿನ MDR ಶುಲ್ಕ: ನಿರ್ಧಾರ ಹಿಂತೆಗೆದುಕೊಳ್ಳುವ ಪ್ರಶ್ನೆಯೇ ಇಲ್ಲ ಎಂದು ಕೇಂದ್ರ ಮೂಲಗಳ ಸ್ಪಷ್ಟನೆ
ಗ್ರಾಹಕರಿಂದ ವ್ಯಾಪಾರಿಗಳಿಗೆ ಮಾಡಲಾಗುವ ಯುಪಿಐ ಪಾವತಿಗೆ ಎಂಡಿಆರ್ ವಿಧಿಸಲು ಸರ್ಕಾರ ನಿರ್ಧರಿಸಿದೆ. ಅಕ್ಟೋಬರ್ 15ರಿಂದ ಎಂಡಿಆರ್ ನಿಯಮಗಳು ಜಾರಿಗೆ ಬರಲಿವೆ. ಸರ್ಕಾರದ ನಡೆಯನ್ನು ವಿಪಕ್ಷಗಳು ಕಟುವಾಗಿ ಟೀಕಿಸಿವೆ. ಆದರೆ, ಈ ನಿರ್ಧಾರದಿಂದ ಹಿಂದಕ್ಕೆ ಸರಿಯುವ ಆಲೋಚನೆ ಸರ್ಕಾರಕ್ಕೆ ಇಲ್ಲ ಎಂದು ಮೂಲಗಳು ಹೇಳುತ್ತಿವೆ.
- Vijaya Sarathy SN
- Updated on: Sep 16, 2026
- 7:02 pm
