Viral News: ಅತ್ತೆ- ಸೊಸೆ ಜಗಳ; ಮದುವೆಯಾದ ಒಂದೇ ವಾರಕ್ಕೆ ಪತಿಯನ್ನು ತೊರೆದ ಪತ್ನಿ
ಮದುವೆಯಾಗಿ ಗಂಡನ ಮನೆಗೆ ಬಂದು ವಾರ ಕಳೆದಿದೆ ಅಷ್ಟೇ. ಅತ್ತೆ ಸೊಸೆ ನಡುವೆ ಮನಸ್ತಾಪಗಳು ಪ್ರಾರಂಭವಾಗಿವೆ. ಮೊಬೈಲ್ ವಿಚಾರಕ್ಕೆ ಪ್ರಾರಂಭವಾದ ಸಂಘರ್ಷದಲ್ಲಿ ನವ ವಧು ತನ್ನ ಪತಿ ಹಾಗೂ ಪತಿ ಮನೆಯವರನ್ನು ತೊರೆದು ಹೋಗಿದ್ದಾಳೆ.
Updated on:Jun 01, 2023 | 1:15 PM
ಬಿಹಾರ: ಮದುವೆಯಾಗಿ ಗಂಡನ ಮನೆಗೆ ಬಂದು ವಾರ ಕಳೆದಿದೆ ಅಷ್ಟೇ. ಅತ್ತೆ ಸೊಸೆ ನಡುವೆ ಮನಸ್ತಾಪಗಳು ಪ್ರಾರಂಭವಾಗಿವೆ. ಮೊಬೈಲ್ ವಿಚಾರಕ್ಕೆ ಪ್ರಾರಂಭವಾದ ಸಂಘರ್ಷದಲ್ಲಿ ನವ ವಧು ತನ್ನ ಪತಿ ಹಾಗೂ ಪತಿ ಮನೆಯವರನ್ನು ತೊರೆದು ಹೋಗಿದ್ದಾಳೆ. ಬಿಹಾರದ ಹಾಜಿಪುರದಲ್ಲಿ ಈ ಘಟನೆ ನಡೆದಿದ್ದು, ಇದೀಗಾ ಎಲ್ಲೆಡೆ ವೈರಲ್ ಆಗಿದೆ. ಸೊಸೆ ಅತಿಯಾಗಿ ಫೋನ್ ಬಳಸುತ್ತಿರುವುದನ್ನು ಕಂಡು ಅತ್ತೆ ಮೊಬೈಲ್ ಬಳಸದಂತೆ ಹೇಳಿದ್ದು, ಇವರಿಬ್ಬರ ನಡುವೆ ಸಂಘರ್ಷ ಪ್ರಾರಂಭವಾಗಿದೆ. ಸಾಮಾಜಿಕ ಜಾಲತಾಣಗಳಲ್ಲಿ ದಿನವಿಡೀ ಸಮಯ ಕಳೆಯುತ್ತಿದ್ದಳು ಎಂದು ಅತ್ತೆ ಪೊಲೀಸ್ ದೂರಿನಲ್ಲಿ ತಿಳಿಸಿದ್ದಾರೆ.
ಸಬಾ ಖಾತೂನ್ ಎಂದು ಗುರುತಿಸಲಾದ ಮಹಿಳೆ, ಸುಮಾರು ಹದಿನೈದು ದಿನಗಳ ಹಿಂದೆ ಇಲಿಯಾಸ್ ಎಂಬಾತನನ್ನು ಮದುವೆಯಾಗಿದ್ದಳು. ಘಟನೆಯನ್ನು ಪೊಲೀಸರಿಗೆ ವಿವರಿಸಿದ ಸಾಬಾ ಅವರ ಸಂಬಂಧಿಕರು, ಅವರು ಇನ್ಸ್ಟಾಗ್ರಾಮ್ ಮತ್ತು ಫೇಸ್ಬುಕ್ಗೆ ವ್ಯಸನಿಯಾಗಿದ್ದರು ಮತ್ತು ದಿನವಿಡೀ ಮೊಬೈಲ್ ಫೋನ್ ಬಳಸುತ್ತಿದ್ದರು ಎಂದು ದೂರಿದ್ದಾರೆ. ಘಟನೆಯ ಬಗ್ಗೆ ಸಾಬಾ ತನ್ನ ಪೋಷಕರು ಮತ್ತು ಸಹೋದರನಿಗೆ ದೂರು ನೀಡಿದ್ದು, ಇದು ಜಗಳಕ್ಕೆ ದಾರಿ ಮಾಡಿಕೊಟ್ಟಿದೆ ಎಂದು ಅವರು ಹೇಳಿದರು. ಘರ್ಷಣೆಯ ಬಗ್ಗೆ ಮಾಹಿತಿ ಪಡೆದ ಪೊಲೀಸರು, ತಮ್ಮೊಂದಿಗೆ ಪೊಲೀಸ್ ಠಾಣೆಗೆ ಬರುವಂತೆ ಕುಟುಂಬವನ್ನು ಕೇಳಿಕೊಂಡಿದ್ದಾರೆ.
ಇದನ್ನೂ ಓದಿ: ಎಲಾನ್ ಮಸ್ಕ್ ಭಾರತದ ಅಳಿಯನಾಗಲಿದ್ದಾರೆಯೇ?!
ತನ್ನ ಹೇಳಿಕೆಯಲ್ಲಿ, ಸಬಾ ಅವರ ತಾಯಿ, ರಜಿಯಾ ಖಾನ್, ತನ್ನ ಮಗಳ ಮೊಬೈಲ್ ಫೋನ್ ಅನ್ನು ಆಕೆಯ ಸಂಬಂಧಿಕರು ಕಿತ್ತುಕೊಂಡಿದ್ದಾರೆ ಎಂದು ಆರೋಪಿಸಿದ್ದಾರೆ, ಅವರು ತಮ್ಮ ಕುಟುಂಬದೊಂದಿಗೆ ಮಾತನಾಡಲು ಅವಕಾಶ ನೀಡಲಿಲ್ಲ ಎಂದು ಪ್ರತಿ ದೂರು ನೀಡಿದ್ದಾರೆ. ಒಟ್ಟಾರೆಯಾಗಿ ಮದುವೆಯಾದ ಒಂದು ವಾರಕ್ಕೆ ಮೊಬೈಲ್ ವಿಚಾರಕ್ಕೆ ಪತಿಯ ಮನೆಯನ್ನೇ ಪತ್ನಿ ತೊರೆದಿದ್ದಾಳೆ.
ಮತ್ತಷ್ಟು ವೈರಲ್ ಸುದ್ದಿಗಾಗಿ ಇಲ್ಲಿ ಕ್ಲಿಕ್ ಮಾಡಿ:
Published On - 12:35 pm, Thu, 1 June 23
