Viral Video : ಒಂದೇ ಬೈಕ್​​​​ನಲ್ಲಿ ಹದಿನೈದು ಮಕ್ಕಳು, ಇದೇನು ಬೈಕೋ, ಅಲ್ಲ ಪುಷ್ಪಕ ವಿಮಾನವೋ

ಇತ್ತೀಚೆಗಿನ ದಿನಗಳಲ್ಲಿ ಬೈಕ್ ನಲ್ಲಿ ಸ್ಟಂಟ್ ಮಾಡುವ ಕ್ರೇಜ್ ವಿಪರೀತವಾಗಿದೆ. ಎಷ್ಟೋ ಯುವಕರು ಈ ಮೂಲಕ ತಮ್ಮ ಜೀವವನ್ನೇ ಅಪಾಯಕ್ಕೆ ತಳ್ಳುತ್ತಿದ್ದಾರೆ. ಹೌದು, ಸಾಮಾನ್ಯವಾಗಿ ಒಂದು ಬೈಕ್ ನಲ್ಲಿ ಇಬ್ಬರಿಗೆ ಮಾತ್ರ ಓಡಾಡಲು ಅವಕಾಶವಿದೆ. ಅಪ್ಪಿ ತಪ್ಪಿಯೂ ಮೂರು ಜನ ಏನಾದರೂ ಬೈಕ್ ನಲ್ಲಿ ರೈಡ್ ಹೋಗುವ ವೇಳೆ ಪೊಲೀಸರ ಕಣ್ಣಿಗೆ ಬಿದ್ದರೆ ದಂಡ ಬೀಳೊದು ಗ್ಯಾರಂಟಿ. ಸದ್ಯಕ್ಕೆ ವೈರಲ್ ಆಗಿರುವ ವಿಡಿಯೋದಲ್ಲಿ ಒಂದೇ ಬೈಕ್ ನಲ್ಲಿ ಹನ್ನೆರಡಕ್ಕೂ ಹೆಚ್ಚು ಜನರು ಕುಳಿತುಕೊಂಡಿದ್ದಾರೆ. ಬೈಕ್ ಸವಾರರು ಮಕ್ಕಳನ್ನು ಒಂದೇ ಬೈಕ್ ನಲ್ಲಿ ಕೂರಿಸಿಕೊಂಡು ರಸ್ತೆಯಲ್ಲಿ ಹೋಗುತ್ತಿದ್ದಾನೆ. ಈ ವಿಡಿಯೋ ನೋಡಿ ನೆಟ್ಟಿಗರು ಗಾಬರಿಯಾಗಿದ್ದಾರೆ.

ವೈರಲ್ ಆಗಿರುವ ವೀಡಿಯೋದಲ್ಲಿ ಒಂದೇ ಬೈಕ್ ನಲ್ಲಿ ಹಲವರು ಕುಳಿತಿರುವುದನ್ನು ಕಾಣಬಹುದು. ಬೈಕ್ ಸೀಟಿನ ಮೇಲಷ್ಟೇ ಅಲ್ಲ. ಕಾಲಿಡುವ ಜಾಗದಲ್ಲಿ, ಭುಜದ ಮೇಲೆ, ಬೈಕ್‌ನ ಮಡ್‌-ಗಾರ್ಡ್‌ ಮೇಲೆ ಮಕ್ಕಳೂ ಕುಳಿತಿರುವುದನ್ನು ಕಾಣಬಹುದು. ಯುವಕನು ಆರಾಮಾಗಿ ಬೈಕ್ ಓಡಿಸುತ್ತಿದ್ದೂ, ಮಕ್ಕಳು ಕೂಡ ಖುಷಿಯಿಂದ ಹಾಡು ಹಾಡುತ್ತ ಜಾಲಿ ರೈಡನ್ನು ಎಂಜಾಯ್ ಮಾಡುತ್ತಿದ್ದಾರೆ.

ಇದನ್ನೂ ಓದಿ: ಸಿಲಿಂಡರ್​​ ಡ್ಯಾನ್ಸ್​​​; 2 ಗ್ಯಾಸ್ ಸಿಲಿಂಡರ್ ತಲೆ ಮೇಲಿಟ್ಟು ಮಹಿಳೆಯ ರೀಲ್ಸ್​​​​​​

ವೈರಲ್​​ ವಿಡಿಯೋ

ಈ ವೀಡಿಯೊವನ್ನು @NishiChoudhar15 ಹೆಸರಿನ X ಖಾತೆಯಲ್ಲಿ ಹಂಚಿಕೊಳ್ಳಲಾಗಿದೆ. ಈಗಾಗಲೇ ಈ ವಿಡಿಯೋವು ಇಪ್ಪತ್ತನಾಲ್ಕು ಸಾವಿರಕ್ಕೂ ಹೆಚ್ಚು ವೀಕ್ಷಣೆ ಕಂಡಿದ್ದು, ನಾನಾ ರೀತಿಯ ಪ್ರತಿಕ್ರಿಯೆಗಳನ್ನು ವ್ಯಕ್ತವಾಗಿವೆ. ನೆಟ್ಟಿಗರು ಈತನ ವಿರುದ್ಧ ಗರಂ ಆಗಿರುವುದನ್ನು ಕಾಮೆಂಟ್ ನಲ್ಲಿ ಸ್ಪಷ್ಟವಾಗಿ ಗೊತ್ತಾಗುತ್ತಿದೆ. ಒಬ್ಬ ಬಳಕೆದಾರನು, ‘ಬೈಕೋ ಪುಷ್ಪಕ ವಿಮಾನನೋ’ ಎಂದು ಕಾಮೆಂಟ್ ಮಾಡಿದ್ದಾನೆ. ಮತ್ತೊಬ್ಬನು, ‘ಅನೇಕರು ತಮ್ಮ ಹಾಗೂ ಇತರರ ಪ್ರಾಣಕ್ಕೂ ಅಪಾಯವನ್ನುಂಟು ಮಾಡುತ್ತಿದ್ದಾರೆ. ಅಂತಹವರ ವಿರುದ್ಧ ಕ್ರಮ ಕೈಗೊಳ್ಳಬೇಕು’ ಎಂದು ಕಾಮೆಂಟ್ ನಲ್ಲಿ ತಿಳಿಸಿದ್ದಾನೆ.

ವೈರಲ್ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ