Viral Video: ಈ ಆನೆ ಇಲ್ಲಿ ಮಾಡಿದ್ದೇನು ಮತ್ತು ಓಡಿಹೋಗಿದ್ದು ಏಕೆ?
Wildlife : ಸದ್ಯ, ಈ ಜೀಪಿನೊಳಗೆ ಅರಣ್ಯ ಸಿಬ್ಬಂದಿ ಇರಲಿಲ್ಲ ಎನ್ನುವುದೊಂದೇ ಸಮಾಧಾನ. ಆದರೆ ಈ ಮುದ್ದಾನೆಗೆ ಇದು ಆಟಿಕೆಯಂತೆ ಕಂಡಿತ್ತೋ? ಅಥವಾ ಯಾವುದಕ್ಕಾದರೂ ಕೋಪ ಬಂದಿತ್ತೋ? ನೋಡಿ ನಿಮಗೇನಾದರೂ ಅರ್ಥವಾಗುವುದೋ?
Updated on:Aug 04, 2023 | 11:49 AM
Elephant: ಈ ಜೀಪ್, ಆನೆಗೆ ಆಟಿಕೆಯಂತೆ (Toy) ಕಂಡಿದೆಯೋ ಅಥವಾ ನನ್ನ ಜಾಗದಲ್ಲಿ ನೀವ್ಯಾಕೆ ಗಾಡಿ ನಿಲ್ಲಿಸಿದ್ದೀರಿ ಎಂದು ಗಲಾಟೆ ಮಾಡಿದೆಯೋ ಅಥವಾ ಸರಿಯಾಗಿ ಬಾಗಿಲು ಮುಚ್ಚಲು ಬರುವುದಿಲ್ಲವೇ ನಿಮಗೆ? ಎಂದು ಜೊರು ಮಾಡಿದೆಯೋ ಅಥವಾ ಇನ್ನೂ ಯಾವುದಾದರೂ ಕಿಟಕಿ ಗಾಜು ಉಳಿದಿದೆಯೋ ಎಂದು ಪರೀಕ್ಷಿಸಿದೆಯೋ ಗೊತ್ತಾಗುತ್ತಿಲ್ಲ. ಮಾಡುವುದೆಲ್ಲ ಮಾಡಿ ಓಡಿ ಬೇರೆ ಹೋಗಿದೆ ಈ ಮುದ್ದಾದ ಪುಂಡಾನೆ. ಇದೀಗ ಸಾಮಾಜಿಕ ಜಾಲತಾಣದಲ್ಲಿ ಇದರದೇ ಗುಲ್ಲು. ನೋಡಿ ನಿಮಗೇನಾದರೂ ಇದರ ವರ್ತನೆ ಅರ್ಥವಾಗುವುದೆ?
Seems he broke our vehicle just for the sheer fun. Luckily staff were on tower. Jungle life. pic.twitter.com/yinIVmndZq
— Parveen Kaswan, IFS (@ParveenKaswan) August 1, 2023
ಐಎಫ್ಎಸ್ ಅಧಿಕಾರಿ ಪರ್ವೀನ್ ಕಸ್ವಾನ್ ಈ ವಿಡಿಯೋ ಟ್ವೀಟ್ ಮಾಡಿದ್ದಾರೆ. ಅದೃಷ್ಟಕ್ಕೆ ಈ ಆನೆ ಈ ಜೀಪ್ ಅನ್ನು ಡಿಕ್ಕಿ ಹೊಡೆಯುವಾಗ ಅರಣ್ಯ ಸಿಬ್ಬಂದಿ ಒಳಗೆ ಯಾರೂ ಇರಲಿಲ್ಲ. ಈ ವಿಡಿಯೋ ಅನ್ನು ಈತನಕ 1 ಲಕ್ಷಕ್ಕಿಂತಲೂ ಹೆಚ್ಚು ಜನರು ನೋಡಿದ್ದಾರೆ. ಈತನಕ ಸುಮಾರು 2,000 ಜನರು ಲೈಕ್ ಮಾಡಿದ್ದಾರೆ. ಅನೇಕರು ಪ್ರತಿಕ್ರಿಯಿಸಿದ್ದಾರೆ.
ಇದನ್ನೂ ಓದಿ : Viral Video: ಮುಂಬೈ; ‘ಡ್ಯಾನ್ಸ್ ನಿಲ್ಲಿಸಿದರೆ ಮಾತ್ರ ಪ್ರಮಾಣಪತ್ರ’ ಪ್ರಾಧ್ಯಾಪಕರ ತಾಕೀತು
ಬಾಗಿಲು ಮುಚ್ಚಿದೆಯೋ ಇಲ್ಲವೋ ಎನ್ನುವುದನ್ನು ಖಚಿತಪಡಿಸಿಕೊಳ್ಳುತ್ತಿದ್ದಾರೆ ಸಾಹೇಬರು ಎಂದಿದ್ದಾರೆ ಒಬ್ಬರು. ಯಾಕೆ ಇವರು ಬಾಗಿಲನ್ನು ಮುರಿಯುತ್ತಿದ್ದಾರೆ ಎಂದು ಇನ್ಬೊಬ್ಬರು. ಸುರಕ್ಷತೆಗಾಗಿ ಬಾಗಿಲುಗಳನ್ನು ಮುಚ್ಚಬೇಕು ಎಂದು ಹೇಳುತ್ತಿದ್ದಾರೆ ಎಂದು ಮತ್ತೊಬ್ಬರು ಹೇಳಿದ್ದಾರೆ. ಆಟವಾಡ್ತಾ ಇದೆ ಮಗು ಎಂದು ಮಗದೊಬ್ಬರು ಹೇಳಿದ್ದಾರೆ.
ಇದನ್ನೂ ಓದಿ : Viral Video: ದೆಹಲಿ ಮೆಟ್ರೋ; ಈ ಮಹಿಳೆಗೆ ತುರ್ತು ಸಹಾಯ ಬೇಕಿದೆ
ಅವನಿಗೆ ಒಂದು ಹಾಟ್ ವೀಲ್ ಅನ್ನು ಗಿಫ್ಟ್ ಕೊಟ್ಟಿದ್ದೀರಿ ಎಂದುಕೊಂಡು ಅವನು ಆರಾಮಾಗಿ ಆಟವಾಡುತ್ತಿದ್ದಾನೆ ಎಂದಿದ್ದಾರೆ ಒಬ್ಬರು. ಈ ವಿಡಿಯೋ ನೋಡಿದ ನಿಮಗೆ ಏನೆನ್ನಿಸಿತು?
ಮತ್ತಷ್ಟು ವೈರಲ್ ನ್ಯೂಸ್ಗಾಗಿ ಕ್ಲಿಕ್ ಮಾಡಿ
Published On - 11:48 am, Fri, 4 August 23
