Viral Video: ಮೊದಲು ಎತ್ತಿಕೊಂಡವರಿಗೇ ಈ ನೋಟುಗಳು; ಮನಸೋತ ನೆಟ್ಟಿಗರು
Realistic Art : ಆರ್ಬಿಐ ಈ ಕಲಾವಿದರನ್ನು ತಕ್ಷಣವೇ ಸಂಪರ್ಕಿಸಲು ಬಯಸುತ್ತಿದೆ. ಎಫ್ಬಿಐ ಇವರ ಈ ರೀಲನ್ನು ಗಮನಿಸುತ್ತಿದೆ! ಎನ್ನುತ್ತಿದ್ದಾರೆ ನೆಟ್ಟಿಗರು. ಯಾಕೆ ಇವರೆಲ್ಲ ಹೀಗೆ ಹೇಳಿದ್ದಾರೆ ಎನ್ನುವ ಅಂದಾಜು ನಿಮಗಾಯಿತೇ?
Art : ರಸ್ತೆಯಲ್ಲಿಯೇ ಆಗಲಿ, ಮನೆಯೊಳಗೇ ಆಗಲಿ, ಇನ್ನೆಲ್ಲಿಯೂ ಆಗಲಿ ನೋಟು ಅಥವಾ ರೂಪಾಯಿ (Indian Rupee) ಕಣ್ಣಿಗೆ ಬಿದ್ದೊಡನೆ ಒಂದು ಕ್ಷಣ ನಿಲ್ಲುತ್ತೀರಿ ಅಥವಾ ಬಾಗುತ್ತೀರಿ. ಏಕೆಂದರೆ ಹಣ ಎನ್ನುವುದು ಬದುಕಿಗೆ ಅನಿವಾರ್ಯ. ಹಾಗಾಗಿ ಸಂಬಂಧಿಸಿದವರಿಗೆ ಅದನ್ನು ತಲುಪಿಸಬೇಕು ಎಂದು ಹವಣಿಸುತ್ತೀರಿ. ಇದೀಗ ಅಂತರ್ಜಾಲಿಗರ ಕಣ್ಣಿಗೆ ಒಂದೆರಡು ನೋಟುಗಳು ಕಣ್ಣಿಗೆ ಬಿದ್ದಿವೆ. ಅವುಗಳನ್ನು ಆ ಜಾಗದಿಂದ ಹೆಕ್ಕಿಕೊಳ್ಳಲು ಸತತವಾಗಿ ಪ್ರಯತ್ನ ಪಡುತ್ತಲೇ ಇದ್ದಾರೆ. ಆದರೆ ಸಾಧ್ಯವಾಗುತ್ತಿಲ್ಲ. ನೀವೇನಾದರೂ ಸಹಾಯ ಮಾಡುವಿರೇ?
ಈ ನೋಟುಗಳನ್ನು ರಾಹಿಲ್ ಜಿಂದ್ರನ್ (Rahil Jindran) ಎಂಬ ಕಲಾವಿದರು ಅತ್ಯಂತ ನೈಜವಾಗಿ ಚಿತ್ರಿಸಿದ್ದಾರೆ. ಈ ನೈಜಕಲೆಯ ಹಿಂದೆ ಅವರ ಅಪಾರ ಶ್ರಮ, ತಾಳ್ಮೆ, ಅಭ್ಯಾಸ ಎಲ್ಲವೂ ಮೇಳೈಸಿದೆ. ಈತನಕ ಈ ವಿಡಿಯೋ ಅನ್ನು 1.7 ಮಿಲಿಯನ್ ಜನರು ಲೈಕ್ ಮಾಡಿದ್ದಾರೆ. 10 ಮಿಲಿಯನ್ಗಿಂತಲೂ ಹೆಚ್ಚು ಜನ ಈ ವಿಡಿಯೋ ನೋಡಿದ್ದಾರೆ. ಲಕ್ಷಾಂತರ ಜನರು ಈ ಕಲಾವಿದರ ಪ್ರತಿಭೆಗೆ ಮೆಚ್ಚುಗೆ ಸ್ವೀಕರಿಸಿದ್ದಾರೆ.
ಇದನ್ನೂ ಓದಿ : Viral Video: ಕರ್ನಾಟಕ ಸಂಗೀತ ಶೈಲಿಯಲ್ಲಿ ಅರಳಿದ ಬಾರ್ಬಿ; ಅಪ್ಪಿಕೊಂಡ ನೆಟ್ಟಿಗರು
ನಿಜಕ್ಕೂ ಇದು ಚಿತ್ರಿಸಿದ ನೋಟು ಎಂದು ಅನ್ನಿಸಲು ಸಾಧ್ಯವೇ ಇಲ್ಲ ಎಂದು ಅಚ್ಚರಿ ವ್ಯಕ್ತಪಡಿಸಿದ್ದಾರೆ ಅನೇಕ ನೆಟ್ಟಿಗರು. ಅದ್ಭುತವಾದ ಕಲೆಗಾರಿಕೆ ನಿಮ್ಮದು, ನಿಮ್ಮ ಇನ್ನಷ್ಟು ಚಿತ್ರಗಳಿಗಾಗಿ ಕಾಯುತ್ತೇವೆ ಎಂದಿದ್ದಾರೆ ಹಲವಾರು ಜನ. ಆರ್ಬಿಐ ನೀವಿರುವ ಸ್ಥಳವನ್ನು ಪತ್ತೆ ಮಾಡಲು ಬಯಸಿದೆ ಎಂದು ತಮಾಷೆ ಮಾಡಿದ್ದಾರೆ ಒಬ್ಬರು. ಎಫ್ಬಿ ಏಜೆಂಟ್ ಈ ರೀಲ್ ಅನ್ನು ನೋಡುತ್ತಿದ್ದಾರೆ ಎಂದು ಇನ್ನೊಬ್ಬರು ತಮಾಷೆ ಮಾಡಿದ್ದಾರೆ.
ಇದನ್ನೂ ಓದಿ : Viral: ರೆಸ್ಟ್ ಲೈಕ್ ಬಾರ್ಬಿ; ಇದೀಗ ಶವಪೆಟ್ಟಿಗೆಗಳಿಗೂ ಹರಡಿದ ಗುಲಾಬಿ ಜ್ವರ! ನೋಡಿ ಈ ವಿಡಿಯೋ
ಈ ಕಲಾವಿದರು ರಚಿಸಿರುವ ಅನೇಕ ನೈಜ ಕಲಾಕೃತಿಗಳನ್ನು ಇವರ ಇನ್ಸ್ಟಾ ಖಾತೆಯಲ್ಲಿ ನೋಡಬಹುದಾಗಿದೆ. ಈ ಮೊದಲು ಇವರು ಎಮ್ಮಾ ಟವರ್ಸ್-ಇವಾನ್ಸ್ ಕಲಾಕೃತಿ ರಚಿಸಿದಾಗ 83 ಮಿಲಿಯನ್ ಜನರು ಇದನ್ನು ನೋಡಿದ್ದನ್ನು ಇಲ್ಲಿ ಸ್ಮರಿಸಬಹುದು.
ಮತ್ತಷ್ಟು ವೈರಲ್ ನ್ಯೂಸ್ಗಾಗಿ ಕ್ಲಿಕ್ ಮಾಡಿ
