‘ಗುಡ್​ನೈಟ್​’ ನಾಳೆತನಕ ನೀನು ಫ್ರಿಡ್ಜಿನಲ್ಲಿ ಮಲಗಿರು ಎಂದು ಹಿಟ್ಟಿಗೆ ಮುತ್ತಿಟ್ಟ ಈ ಪುಟ್ಟಣ್ಣ

Viral Video : ಕುಟುಂಬಕ್ಕೆ ಹೊಸ ಸದಸ್ಯರ ಆಗಮನವಾಗುತ್ತಿದ್ದಂತೆ ಇಡೀ ಮನೆಯ ವಾತಾವರಣವೇ ಸಂಭ್ರಮದಲ್ಲಿ ಮುಳುಗೇಳಲಾರಂಭಿಸುತ್ತದೆ. ಇಲ್ಲಿ ಈ ಪುಟ್ಟಣ್ಣನಿಗೂ ಹೀಗೇ ಆಗಿದೆ. ತಂಗಿ ಹುಟ್ಟುತ್ತಿದ್ದಂತೆ ಏನು ಮಾಡಲಿ ಏನು ಬಿಡಲಿ ಎಂಬಂತೆ ಓಡಾಡತೊಡಗಿದ್ದಾನೆ. ಕೊನೆಗೆ ಕುಕೀಸ್ ಮಾಡಿದರೆ ಹೇಗೆ ಎನ್ನುವ ಐಡಿಯಾ ಹೊಳೆದಿದೆ. ಪ್ರೊಫೆಷನಲ್ ಶೆಫ್​ನಂತೆ ಕ್ಯಾಮೆರಾ ಎದುರು ನಿಂತು ಕುಕೀಸ್​ ತಯಾರಿಸುವುದೇನು, ಅದನ್ನು ನಿರೂಪಿಸುವ ಗಂಭೀರ ವೈಖರಿಯೇನು ಆಹಾ… ಕೆಲದಿನಗಳ ಹಿಂದೆ ಪೋಸ್ಟ್ ಮಾಡಲಾದ ಈ ವಿಡಿಯೋ ಇದೀಗ ವೈರಲ್ ಆಗಿದೆ. 3.3 ಮಿಲಿಯನ್ ವೀಕ್ಷಕರು ಈ ವಿಡಿಯೋ ನೋಡಿದ್ದಾರೆ. ಸಾಕಷ್ಟು ಜನ ಈ ವಿಡಿಯೋ ಹಂಚಿಕೊಂಡು ವಿವಿಧ ರೀತಿಯಲ್ಲಿ ಪ್ರತಿಕ್ರಿಯಿಸುತ್ತಲೇ ಇದ್ದಾರೆ.

ಇದನ್ನೂ ಓದಿ

Viral Video: ಭಾರತಕ್ಕೆ ಶುಭಕೋರಿದ ಪಾಕಿಸ್ತಾನದ ರಬಾಬ್ ಕಲಾವಿದ

Viral Post: ವಿಶಿಷ್ಟ ಚೇತನ ಕೃಷ್ಣಪ್ಪ ರಾಥೋಡ್​ಗೆ ಸಹಾಯ ಹಸ್ತ ಚಾಚಿರುವ ಲಿಂಕ್​ಡಿನ್ನಿಗರು

Viral Post : ಪಿಝಾ ಹಿಟ್ಟಿನ ಮೇಲೆ ನೇತಾಡುತ್ತಿರುವ ಶೌಚಾಲಯದ ಬ್ರಷ್!

Viral Video: ನಾನೇ ನಾಳಿನ ನಂಬರ್ ಒನ್ ಮಿಸ್ಟರ್ ಶೆಫ್ ಮಿಯಾಂವ್!

View this post on Instagram

A post shared by Oliver (@chezoliz)

ಕುಕೀಸ್ ತಯಾರಿಸುವಾಗ ಈತ ವಿಧಾನವನ್ನು ನಿಖರತೆಯಿಂದ ನಿರೂಪಿಸುವ ರೀತಿಯು ನೆಟ್ಟಿಗರನ್ನು ಸಿಕ್ಕಾಪಟ್ಟೆ ಅಚ್ಚರಿ ಮತ್ತು ಖುಷಿಗೆ ಕೆಡವಿದೆ. ಕೆಲವರು ತಮಾಷೆಯಾಗಿಯೂ ಪ್ರತಿಕ್ರಿಯಿಸಿದ್ದಾರೆ. ಒಬ್ಬರು ‘ಈ ವಿಡಿಯೋದಿಂದ ನಾನು ಕಲಿತ ಎರಡು ವಿಷಯಗಳೆಂದರೆ, ಯಾವಾಗಲೂ ಬೆಣ್ಣೆಯನ್ನು ಪರೀಕ್ಷಿಸಬೇಕು ಮತ್ತು ಕುಕೀಸ್​ನ ಹಿಟ್ಟಿಗೆ ಗುಡ್ನೈಟ್​ ಹೇಳಿ ಮುತ್ತು ಕೊಡಬೇಕು!’ ಎಂದಿದ್ದಾರೆ.

‘ನಾಳೆ ನಿನ್ನನ್ನು ನೋಡುತ್ತೇನೆ. ಈಗ ಫ್ರಿಡ್ಜಿನಲ್ಲಿ ಇರು ಎಂದು ಕುಕೀಸ್​ನ ಹಿಟ್ಟಿಗೆ ಐಲವ್​ಯೂ ಹೇಳಿದಾಗಲೇ ಗ್ಯಾರಂಟಿ ರುಚಿಯಾದ ಕುಕೀಸ್ ತಯಾರಾಗುತ್ತದೆ ಎಂದು ಊಹಿಸಿದೆ. ಎಂಥ ಮುದ್ದಾದ ಮಗು ಇದು. ನಾನಂತೂ ಕಳೆದುಹೋಗಿದ್ದೇನೆ’ ಎಂದಿದ್ದಾರೆ ಮತ್ತೊಬ್ಬರು.

ನಿಮ್ಮ ಮನೆಗೆ ಹೊಸ ಅತಿಥಿಗಳು ಬಂದಾಗ ನೀವೂ ಈ ಪುಟ್ಟಣ್ಣನ ರೆಸಿಪಿ ನೋಡಿ ಕುಕೀಸ್ ಮಾಡುವಿರೆ?

ಮತ್ತಷ್ಟು ವೈರಲ್ ವಿಡಿಯೋಗಾಗಿ ಕ್ಲಿಕ್ ಮಾಡಿ

Published On - 2:12 pm, Fri, 7 October 22