ಇದು ಜಗತ್ತಿನ ಅತೀ ಉದ್ದನೆಯ ಹೆಬ್ಬಾವು, ಮರವೇರುವ ಇದರ ತಂತ್ರ ನೋಡಿ

Viral Video : ನೆಲದ ಮೇಲೆ ಸರಸರನೆ ಚಲಿಸುವ ಹಾವುಗಳನ್ನು ನೋಡಿದ್ದೀರಿ. ಗೋಡೆ ಏರುವ ಹಾವುಗಳನ್ನೂ ನೋಡಿದ್ದೀರಿ. ಆದರೆ ಮರ ಏರುವ ಹಾವು ಅದರಲ್ಲೂ ಬೃಹತ್ ಗಾತ್ರದ ಹೆಬ್ಬಾವು? ಮರದ ಕಾಂಡಕ್ಕೆ ವೃತ್ತಾಕಾರದಲ್ಲಿ ತನ್ನನ್ನು ತಾ ಸುತ್ತಿಕೊಂಡು ಸರಸರನೆ ಮರ ಏರುತ್ತಿರುವ ಈ ಹೆಬ್ಬಾವಿನ ವಿಡಿಯೋ ಮಾತ್ರ ಅದ್ಭುತ. ನೆಟ್ಟಿಗರಂತೂ ಹೌಹಾರಿಬಿಟ್ಟಿದ್ದಾರೆ ಇದು ಮರ ಏರುವ ಪರಿಗೆ. ಇದು ಹಳೆಯ ವಿಡಿಯೋ ಆದರೂ ಮತ್ತೆ ವೈರಲ್ ಆಗಿದೆ ಎಂದರೆ, ಇದು ತೀರಾ ಅಪರೂಪದ್ದಾಗಿರುವುದರಿಂದಲೇ ಅಲ್ಲವೆ?

पेड़ पर चढ़ा खतरनाक अजगर#Viral pic.twitter.com/7ZJGtje3mf

ಇದನ್ನೂ ಓದಿ

Viral Video: ಭಾರತಕ್ಕೆ ಶುಭಕೋರಿದ ಪಾಕಿಸ್ತಾನದ ರಬಾಬ್ ಕಲಾವಿದ

Viral Post: ವಿಶಿಷ್ಟ ಚೇತನ ಕೃಷ್ಣಪ್ಪ ರಾಥೋಡ್​ಗೆ ಸಹಾಯ ಹಸ್ತ ಚಾಚಿರುವ ಲಿಂಕ್​ಡಿನ್ನಿಗರು

Viral Post : ಪಿಝಾ ಹಿಟ್ಟಿನ ಮೇಲೆ ನೇತಾಡುತ್ತಿರುವ ಶೌಚಾಲಯದ ಬ್ರಷ್!

Viral Video: ನಾನೇ ನಾಳಿನ ನಂಬರ್ ಒನ್ ಮಿಸ್ಟರ್ ಶೆಫ್ ಮಿಯಾಂವ್!

— Nandan singh (@Singh17Nandan) October 5, 2022

ಎಷ್ಟು ಉದ್ದ, ದಪ್ಪ ಮತ್ತು ಭಾರೀ ತೂಕದ ಹೆಬ್ಬಾವಿದು! ಮರ ಏರುವ ಇದರ ತಂತ್ರವನ್ನು ಊಹಿಸಲೂ ಅಸಾಧ್ಯವೆನ್ನಿಸುವಂತಿದೆ. ಅಷ್ಟೊಂದು ಲಯಬದ್ಧವಾಗಿ ಸುರುಳಿಸುತ್ತಿಕೊಂಡು ಆಕರ್ಷಕವಾಗಿ ಮರ ಏರುವ ರೀತಿ ಮಾತ್ರ ಬಹಳ ಸುಂದರ. ಇದು ವಿಶ್ವದ ಅತ್ಯಂತ ಅಪಾಯಕಾರಿ ಹಾವುಗಳಲ್ಲಿ ಒಂದಾಗಿದೆ. 1.5 ರಿಂದ 6.5 ಮೀ ಉದ್ದ ಮತ್ತು 75 ಕೇಜಿ ತೂಕ ಇದರದು. ಜಗತ್ತಿನ ಅತೀ ಉದ್ದದ ಸರೀಸೃಪವೂ ಇದಾಗಿದೆ. ಇಷ್ಟು ತೂಕ ಇರುವ ಹೆಬ್ಬಾವುಗಳಿಗೆ ಮೇಲೆ ಏರುವುದು ಕಷ್ಟವಾಗುತ್ತದೆ. ಆದರೆ ಈ ಹಾವುಗಳು ಹೀಗೆ ತಂತ್ರವನ್ನು ಕಂಡುಕೊಂಡು ಸರಸರನೆ ಏರಿಬಿಡುತ್ತವೆ. ಏರುತ್ತ ಏರುತ್ತ ತನ್ನ ತಲೆಯನ್ನು ಮೇಲೆತ್ತಿ ತಲುಪುವ ಜಾಗವನ್ನು ಅಂದಾಜಿಸುವುದು ಬೇರೆ.

ರಿಯಲ್​ ಟೈಮ್​ ವಿಡಿಯೋದ ವೇಗವನ್ನು ಹೆಚ್ಚು ಮಾಡಲಾಗಿದೆಯಾ ಎಂದು ವಿಡಿಯೋ ರೀಟ್ವೀಟ್ ಮಾಡಿದ ಒಬ್ಬರು ತಮಾಷೆ ಮಾಡಿದ್ದಾರೆ. ಮತ್ತೆ ಮತ್ತೆ ನೋಡಿದರೆ ಸರಸರನೆ ಚಕ್ಕುಲಿ ಇಳಿಬಿಟ್ಟಂತೆ ಕಾಣುವುದಲ್ಲವೆ?

ಮತ್ತಷ್ಟು ವೈರಲ್ ವಿಡಿಯೋಗಾಗಿ ಕ್ಲಿಕ್ ಮಾಡಿ

Published On - 3:35 pm, Fri, 7 October 22