ವಿಶ್ವದ ಮೊದಲ ತಲೆಕಸಿ; 1 ದೇಹದಿಂದ ತಲೆ ತೆಗೆದು ಇನ್ನೊಂದು ದೇಹಕ್ಕೆ ಕಸಿ ಮಾಡುವ ಅನಿಮೇಟೆಡ್ ವೀಡಿಯೊ ವೈರಲ್​​​

ತಲೆ ಕಸಿ ಪರಿಕಲ್ಪನೆಯನ್ನು ಪ್ರದರ್ಶಿಸುವ ಆಘಾತಕಾರಿ ವಿಡಿಯೋವೊಂದು ನೆಟ್ಟಗರನ್ನು ಆಘಾತಕ್ಕೀಡು ಮಾಡಿದೆ. ಎಂಟು ನಿಮಿಷಗಳ ಅನಿಮೇಟೆಡ್ ವೀಡಿಯೊದಲ್ಲಿ, ಎರಡು ಶಸ್ತ್ರಚಿಕಿತ್ಸಾ ರೋಬೋಟ್‌ಗಳು ಏಕಕಾಲದಲ್ಲಿ ಎರಡು ದೇಹಗಳ ಮೇಲೆ ಆಪರೇಟಿಂಗ್ ಶಸ್ತ್ರಚಿಕಿತ್ಸೆಗಳನ್ನು ತೆಗೆದುಕೊಳ್ಳುತ್ತಿರುವುದನ್ನು ಕಾಣಬಹುದು. ವೀಡಿಯೊದಲ್ಲಿ, ಒಂದು ದೇಹದಿಂದ ತಲೆಯನ್ನು ತೆಗೆದುಕೊಂಡು ಇನ್ನೊಂದು ದೇಹಕ್ಕೆ ಕಸಿ ಮಾಡುವುದು ಅನಿಮೇಟೆಡ್ ವೀಡಿಯೊದಲ್ಲಿ ಸೆರೆಯಾಗಿದೆ. ಈ ವೈರಲ್​ ವಿಡಿಯೋವನ್ನು @TansuYegen ಎಂಬ ಟ್ವಿಟರ್​​ ಖಾತೆಯಲ್ಲಿ ಹಂಚಿಕೊಳ್ಳಲಾಗಿದೆ. “ಬ್ರೈನ್‌ಬ್ರಿಡ್ಜ್, ಮೊದಲ ತಲೆ ಕಸಿ ವ್ಯವಸ್ಥೆ, ತಲೆ ಮತ್ತು ಮುಖದ ಕಸಿ ಮಾಡಲು ರೊಬೊಟಿಕ್ಸ್ ಮತ್ತು AI ವ್ಯವಸ್ಥೆ, 4 ನೇ ಹಂತದ ಕ್ಯಾನ್ಸರ್ ಮತ್ತು ನ್ಯೂರೋ ಡಿಜೆನೆರೆಟಿವ್ ಕಾಯಿಲೆಗಳಂತಹ ತೀವ್ರ ಪರಿಸ್ಥಿತಿ ಹೊಂದಿರುವವರಿಗೆ ಭರವಸೆ ನೀಡುತ್ತದೆ ಈ ಶಸ್ತ್ರಚಿಕಿತ್ಸೆ … ” ಎಂದು ವಿಡಿಯೋ ಕ್ಯಾಪ್ಷನ್​​ ಬರೆಯಲಾಗಿದೆ.

ಬ್ರೈನ್‌ಬ್ರಿಡ್ಜ್ ಅಮೆರಿಕಾದ ನ್ಯೂರೋಸೈನ್ಸ್ ಮತ್ತು ಬಯೋಮೆಡಿಕಲ್ ಇಂಜಿನಿಯರಿಂಗ್ ಸ್ಟಾರ್ಟ್‌ಅಪ್ ಆಗಿದ್ದು, ಇದು ಮೆದುಳು ಸತ್ತ ದಾನಿ ದೇಹಕ್ಕೆ ರೋಗಿಯ ತಲೆಯನ್ನು ಕಸಿ ಮಾಡಲು ಅನುಮತಿಸುವ ನವೀನ ಪರಿಕಲ್ಪನೆಯನ್ನು ಅನಾವರಣಗೊಳಿಸಿದೆ. ವೇಲ್ಸ್‌ಆನ್‌ಲೈನ್‌ನ ಪ್ರಕಾರ, 4 ನೇ ಹಂತದ ಕ್ಯಾನ್ಸರ್ , ಪಾರ್ಶ್ವವಾಯು, ಅಲ್ಝೈಮರ್ಸ್ ಮತ್ತು ಪಾರ್ಕಿನ್ಸನ್‌ನಂತಹ ಚಿಕಿತ್ಸೆ ನೀಡಲಾಗದ ಪರಿಸ್ಥಿತಿಗಳೊಂದಿಗೆ ಬಳಲುತ್ತಿರುವ ವ್ಯಕ್ತಿಗಳಿಗೆ ಭರವಸೆಯನ್ನು ನೀಡಲು ಸ್ಟಾರ್ಟ್ಅಪ್ ಗುರಿಯನ್ನು ಹೊಂದಿದೆ. ಈ ತಂತ್ರವು ಪ್ರಜ್ಞೆ, ನೆನಪುಗಳು ಮತ್ತು ಅರಿವಿನ ಸಾಮರ್ಥ್ಯಗಳ ಸಂರಕ್ಷಣೆಯನ್ನು ಖಚಿತಪಡಿಸುತ್ತದೆ ಎಂದು ಹೇಳಲಾಗಿದೆ.

ವೈರಲ್​​ ವಿಡಿಯೋ ಇಲ್ಲಿದೆ ನೋಡಿ:

ಇದನ್ನೂ ಓದಿ: ಮನುಷ್ಯನಿಗೆ ಹಂದಿಯ ಕಿಡ್ನಿ ಕಸಿ ಮಾಡಿದ ವೈದ್ಯರು; ವೈದ್ಯಕೀಯ ಇತಿಹಾಸದಲ್ಲೇ ಪ್ರಥಮ ಪ್ರಯತ್ನ

ಆನ್‌ಲೈನ್‌ನಲ್ಲಿ ಈ ವಿಡಿಯೋವನ್ನು ಮೇ 22ರಂದು ಹಂಚಿಕೊಳ್ಳಲಾಗಿದ್ದು,ಒಂದೇ ದಿನದಲ್ಲಿ 8.9 ಮಿಲಿಯನ್​​ ಅಂದರೆ 80ಲಕ್ಷಕ್ಕಿಂತಲೂ ಅಧಿಕ ವೀಕ್ಷಣೆಯನ್ನು ಪಡೆದುಕೊಂಡಿದೆ. ಆದಾಗ್ಯೂ, ಈ ಪರಿಕಲ್ಪನೆಯು ಸಾರ್ವತ್ರಿಕ ಮೆಚ್ಚುಗೆಯನ್ನು ಪಡೆದಿಲ್ಲ. “ಇದು ಅಸಾಧ್ಯ, ನೀವು ಇಡೀ ಮೆದುಳನ್ನು ಬಿಟ್ಟು ಬೆನ್ನುಮೂಳೆಯ ಸಂಪರ್ಕ ಕಡಿತಗೊಳಿಸಲು ಸಾಧ್ಯವಿಲ್ಲ” ಎಂದು ನೆಟ್ಟಿಗರೊಬ್ಬರು ಕಾಮೆಂಟ್​ನಲ್ಲಿ ಬರೆದುಕೊಂಡಿದ್ದಾರೆ.

ಮತ್ತಷ್ಟು ವೈರಲ್​ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ