Viral Video: “ಹ್ಯಾಪಿ ಬರ್ತ್ ಡೇ ಅಖಿಲಾ”, ಆನೆಯ ಹುಟ್ಟುಹಬ್ಬ ಆಚರಿಸಿದ ವಿಡಿಯೋ ವೈರಲ್
ತಿರುಚಿರಾಪಳ್ಳಿಯ ತಿರುವಾನೈಕಾವಲ್ ದೇವಸ್ಥಾನದಲ್ಲಿ ಅಖಿಲಾ ಎಂಬ ಹೆಸರಿನ ಆನೆಯ ಜನ್ಮದಿನಾಚರಣೆಯನ್ನು ಆಚರಿಸಲಾಗಿದೆ. ಇದರ ವಿಡಿಯೋವನ್ನು ಮಹೀಂದ್ರಾ ಗ್ರೂಪ್ ಅಧ್ಯಕ್ಷ ಆನಂದ್ ಮಹೀಂದ್ರಾ ಅವರು ಟ್ವಿಟರ್ನಲ್ಲಿ ಹಂಚಿಕೊಂಡಿದ್ದು, ವೈರಲ್ ಆಗುತ್ತಿದೆ.
Updated on: Jun 12, 2022 | 11:26 AM
ಗೋವುಗಳಿಗೆ ಪೂಜೆ ಮಾಡಲಾಗುತ್ತದೆ. ಕೆಲವು ಕಡೆಗಳಲ್ಲಿ ಮಗುವಿನಂತೆ ನವಜಾತ ಕರುಗಳನ್ನು ತೊಟ್ಟಿಲಿಗೆ ಹಾಕಿ ಸಂಭ್ರಮಿಸಲಾಗುತ್ತದೆ. ಇದರ ಹೊರತಾಗಿ ನಾಯಿ, ಆನೆ ಇತ್ಯಾದಿ ಸಾಕುಪ್ರಾಣಿಗಳ ಜನ್ಮದಿನಾಚರಣೆಯನ್ನೂ ಆಚರಿಸಲಾಗುತ್ತದೆ. ಈ ಹಿಂದೆ ಧರ್ಮಸ್ಥಳದಲ್ಲಿ ಜನಿಸಿದ ಆನೆಗೆ ಸಂಭ್ರಮ ಸಡಗರದಿಂದ ನಾಮಕರಣದ ಕಾರ್ಯಕ್ರಮ ಆಯೋಜಿಸಿ ಶಿವಾನಿ ಎಂದು ಹೆಸರು ಇಡಲಾಗಿತ್ತು. ಈ ಸಂದರ್ಭದಲ್ಲಿ ಆನೆ ಮರಿ ಯಾವ ರೀತಿ ಸಂಭ್ರಮಿಸಿತು ಎಂಬುದರ ವಿಡಿಯೋ ಸಖತ್ ವೈರಲ್ ಆಗಿತ್ತು. ಇದೀಗ ತಮಿಳುನಾಡಿನಲ್ಲಿ ಆನೆಯೊಂದರ ಹುಟ್ಟುಹಬ್ಬ(Birthday)ವನ್ನು ಆಚರಿಸಲಾಗಿದ್ದು, ಇದರ ವಿಡಿಯೋ (Video) ಸಾಮಾಜಿಕ ಜಾಲತಾಣದಲ್ಲಿ ವೈರಲ್ (Viral) ಆಗುತ್ತಿದೆ.
ಇದನ್ನೂ ಓದಿ: Viral Video: ಅಂದು ದ್ರಾವಿಡ್ ಬಾರಿಸಿದ ಸಿಕ್ಸ್ ಹೋಗಿ ಬಿದ್ದಿದ್ದು ಎಲ್ಲಿ ಗೊತ್ತಾ?
ಈ ವಿಡಿಯೋವನ್ನು ಮಹೀಂದ್ರಾ ಗ್ರೂಪ್ ಅಧ್ಯಕ್ಷ ಆನಂದ್ ಮಹೀಂದ್ರಾ ಅವರು ತಮ್ಮ ಟ್ವಿಟರ್ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ. ಸಮಾಜಕ್ಕೆ ಒಂದೊಳ್ಳೆಯ ಸಂದೇಶ ರವಾನೆ ಮಾಡುವ ಸ್ಪೂರ್ತಿದಾಯಿಕ ವಿಡಿಯೋಗಳನ್ನು ಅವರು ಹಂಚಿಕೊಳ್ಳತ್ತಲೇ ಇರುತ್ತಾರೆ. 9 ಮಿಲಿಯನ್ ಅನುಯಾಯಿಗಳನ್ನು ಹೊಂದಿರುವ ಇವರು, ತಮಿಳುನಾಡಿನ ಜನರು ಇತ್ತೀಚೆಗೆ ಆನೆಯ ಹುಟ್ಟುಹಬ್ಬವನ್ನು ಆಚರಿಸುತ್ತಿರುವ ವೀಡಿಯೊವನ್ನು ಟ್ವೀಟರ್ನಲ್ಲಿ ಹಂಚಿಕೊಂಡಿದ್ದಾರೆ.
ಇದನ್ನೂ ಓದಿ: Viral Video: ಗಾಯಗೊಂಡ ತಂದೆಯನ್ನು ಆರೈಕೆ ಮಾಡಿದ ಅಂಬೆಗಾಲಿಡುವ ಮಗು! ನೆಟ್ಟಿಗರು ಫಿದಾ
ತಿರುಚಿರಾಪಳ್ಳಿಯ ತಿರುವಾನೈಕಾವಲ್ ದೇವಸ್ಥಾನದಲ್ಲಿ ಅಖಿಲಾ ಎಂಬ ಹೆಸರಿನ ಆನೆಯ ಜನ್ಮದಿನಾಚರಣೆಯನ್ನು ಆಚರಿಸಲಾಗಿದೆ. ಮನುಷ್ಯರು ತಮ್ಮ ಜನ್ಮದಿನಾಚರಣೆಯಂದು ಯಾವ ರೀತಿ ಹೊಸ ಬಟ್ಟೆ ಧರಿಸುತ್ತಾರೋ ಅದೇ ರೀತಿ ಜನರು ಆನೆಗೆ ಹೊಸ ಬಟ್ಟೆ, ಮಾಲೆಗಳನ್ನು ಹಾಕಿ ಶೃಂಗರಿಸಿದ್ದಾರೆ. ತಲೆಯ ಮೇಲೆ ತಿಲಕವನ್ನು ಕೂಡ ಹಾಕಲಾಗಿದೆ. ಅದರಂತೆ ಆನೆಗೆ ಹಣ್ಣುಹಂಪಲುಗಳನ್ನು ನೀಡಿ ಜನ್ಮದಿನಾಚರಣೆಯನ್ನು ಆಚರಿಸಲಾಗಿದೆ. ಜೊತೆಗೆ ಆನೆಗೆ ಚಪ್ಪಾಳೆ ತಟ್ಟುತ್ತಾ ”ಹ್ಯಾಪಿ ಬರ್ತ್ ಡೇ ಟು ಯು” ಎಂದು ಹೇಳಿದ್ದಾರೆ. ಜನರು ಈ ರೀತಿ ಹಾಡುತ್ತಿದ್ದಾಗ ಆನೆಯು ಖುಷಿಯಿಂದ ಸೊಂಡಿಲಿನಿಂದ ನಮಸ್ಕರಿಸುತ್ತಾ ಹಣ್ಣುಗಳನ್ನು ಸವಿದಿದೆ.
I’m told this clip is from the Thiruvaanaikaval temple (Tamil Nadu) Akhila the elephant’s birthday celebration. I love her typical desi, sideways shake of the head. And her happiness is infectious… A good clip to watch if you ever need cheering up… pic.twitter.com/0UWVzXLhWr
— anand mahindra (@anandmahindra) June 10, 2022
ಆನಂದ್ ಮಹೀಂದ್ರಾ ಅವರು ಉತ್ತಮ ಶೀರ್ಷಿಕೆಯೊಂದಿಗೆ ಹಂಚಿಕೊಂಡ ಆನೆಯ ವಿಡಿಯೋ 657k ವೀಕ್ಷಣೆಗಳನ್ನು ಪಡೆದುಕೊಂಡಿದ್ದು, 36ಸಾವಿರಕ್ಕೂ ಅಧಿಕ ಮೆಚ್ಚುಗೆಗಳನ್ನು ಪಡೆದುಕೊಂಡಿದೆ. ಇದನ್ನೂ ಓದಿ: Viral Video: ಟಿವಿ ನೋಡುತ್ತಾ ಡ್ರಮ್ಮಿಂಗ್ ಅಭ್ಯಾಸ ಮಾಡಿದ 3ರ ಬಾಲಕ, ಆತನ ಮುಖಭಾವಕ್ಕೆ ನೆಟ್ಟಿಗರು ಫಿದಾ
ಹೆಚ್ಚಿನ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
ಪ್ರಮುಖ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
