ಅತ್ತೆಯೊಂದಿಗೆ ಈರುಳ್ಳಿಬೀಜ ನೆಡುತ್ತಿರುವ ಜರ್ಮನ್​ ಸೊಸೆ; ವಿಡಿಯೋ ವೈರಲ್

Viral Video : ಸ್ವಲ್ಪ ಹೊತ್ತಿನ ಹಿಂದೆಯಷ್ಟೇ ಅತ್ತೆಯೆದುರು ಸೊಸೆ ನರ್ತಿಸುವ ವಿಡಿಯೋ ನೋಡಿದಿರಿ. ನಾನು ಹೇಗಿದ್ದೇನೆಯೋ ಹಾಗೇ ಅವರು ನನ್ನನ್ನು ಸ್ವೀಕರಿಸಿದ್ದಾರೆ ಇಂಥ ಅತ್ತೆಯನ್ನು ಕುಟುಂಬವನ್ನು ಪಡೆಯಲು ನಾನು ಪುಣ್ಯ ಮಾಡಿದ್ದೇನೆ ಎಂದು ಸೊಸೆ ಹೇಳಿದ್ದರು. ಈಗ ಈ ವಿಡಿಯೋ ನೋಡಿ. ಜರ್ಮನ್​ ಮೂಲದ ಸೊಸೆ ಭಾರತಕ್ಕೆ ಬಂದು, ಹೊಲದಲ್ಲಿ ಈರುಳ್ಳೀ ಬೀಜ ನೆಡುವ ಕೆಲಸದಲ್ಲಿ ಮಗ್ನಳಾಗಿದ್ದಾಳೆ. ಇವರು ತಮ್ಮ ಅತ್ತೆಯ ಬಗ್ಗೆ ಏನು ಹೇಳಬಹುದು?

View this post on Instagram

A post shared by जूली शर्मा ? (@namastejuli)

ನಮಸ್ತೆಜ್ಯೂಲಿ ಎಂಬ ತನ್ನ ಇನ್​ಸ್ಟಾಗ್ರಾಂ ಖಾತೆಯಲ್ಲಿ ಈಕೆ ಈ ವಿಡಿಯೋ ಹಂಚಿಕೊಂಡಿದ್ದಾರೆ. ಈರುಳ್ಳೀ ಬೀಜ ನೆಡಲು ಭೂಮಿಯನ್ನು ಹದಗೊಳಿಸುತ್ತಿರುವಂತೆ ತೋರುತ್ತಿದೆ. ಭಿನ್ನ ಸಂಸ್ಕೃತಿಯನ್ನು ಪ್ರೀತಿಸುವ ಮುಕ್ತ ಮನಸ್ಸುಗಳಿಗೆ ಮಾತ್ರ ಹೀಗೆ ನೆಲಕ್ಕೆ ಕಾಲುಗಳು ತಾಕಿಕೊಂಡಿರುತ್ತವೆ ಎನ್ನುವುದನ್ನು ಈ ವಿಡಿಯೋ ಸಾಂಕೇತಿಸುತ್ತದೆ.

ಎರಡು ವರ್ಷಗಳ ಹಿಂದೆ ಭಾರತೀಯ ಅರ್ಜುನ್ ಶರ್ಮಾ ಎನ್ನುವವರನ್ನು ಈಕೆ ಮದುವೆಯಾಗಿದ್ದಾರೆ. ಇದೀಗ ಅವರು ಭಾರತದಲ್ಲಿಯೇ ವಾಸಿಸುತ್ತಿದ್ದಾರೆ. ಇವರ ಇನ್​ಸ್ಟಾಗ್ರಾಂ ಖಾತೆಯು 22,300 ಫಾಲೋವರ್​ಗಳನ್ನು ಹೊಂದಿದೆ.

View this post on Instagram

A post shared by जूली शर्मा ? (@namastejuli)

ಕಳೆದ ಒಂದು ತಿಂಗಳಿನಿಂದ ನನ್ನ ಗಂಡನ ಹಳ್ಳಿಯಲ್ಲಿ ವಾಸವಾಗಿದ್ದೇನೆ. ಭಾರತೀಯ ಸಂಸ್ಕೃತಿಯನ್ನು ಅರ್ಥ ಮಾಡಿಕೊಳ್ಳಲು ಅತ್ತೆ ಸಹಕರಿಸುತ್ತಿದ್ದಾರೆ. ಮೇಲಾಗಿ ನಾನು ನಿಸರ್ಗವನ್ನು ಬಹಳ ಪ್ರೀತಿಸುತ್ತೇನೆ. ಹಾಗೆಯೇ ಸರಳ ಜೀವನವನ್ನೂ. ಇಲ್ಲಿ ಗಂಡ ಮತ್ತು ಕುಟುಂಬದೊಂದಿಗೆ ಸುಖಿಯಾಗಿದ್ದೇನೆ ಎಂದಿದ್ದಾರೆ ಜ್ಯೂಲಿ. ಅಷ್ಟಷ್ಟೇ ಹಿಂದಿಯನ್ನು ಕಲಿತು ಮಾತನಾಡಲು ಆರಂಭಿಸಿದ್ಧಾರೆ ಆಕೆ.

ಈ ಪೋಸ್ಟ್​ ಅನ್ನು 2.1 ಮಿಲಿಯನ್​ ಜನರು ಇಷ್ಟಪಟ್ಟಿದ್ಧಾರೆ. ಈ ವಿಡಿಯೋ ನೋಡಿದ ನಿಮಗೆ ಏನು ಅನ್ನಿಸುತ್ತಿದೆ?

ಮತ್ತಷ್ಟು ವೈರಲ್​ ವಿಡಿಯೋಗಾಗಿ ಕ್ಲಿಕ್ ಮಾಡಿ