ಪ್ಲಾಸ್ಟಿಕ್​, ಪೇಪರ್​ ರದ್ದೀ… ಈತನನ್ನು ಗುಜರಿಯವನೆಂದು ಹೇಳುವುದಾದರೂ ಹೇಗೆ? ಹಾಡು ಕೇಳಿ

Viral Video : ಕಲೆ ತಾನಾಗಿಯೇ ಒಲಿಯುತ್ತದೆಯೋ, ಕಲೆಯನ್ನು ನಾವಾಗಿಯೇ ಒಲಿಸಿಕೊಳ್ಳಬೇಕೋ ಎಂಬ ಪ್ರಶ್ನೆ ಕೆಲವೊಮ್ಮೆ ಸಂದಿಗ್ಧಕ್ಕೆ ತಳ್ಳುತ್ತದೆ. ಏಕೆಂದರೆ ಹೀಗೆ ಹೊಟ್ಟೆಪಾಡಿಗಾಗಿ ನಿತ್ಯವೂ ಬೀದಿ ಅಲೆಯುವ ಅನೇಕರ ಬಳಿ ಸರಸ್ವತಿ ತಾನಾಗಿಯೇ ಹೋಗಿ ನೆಲೆಸುವುದನ್ನು ನೋಡಿದಾಗ ಇನ್ನೇನು ಅನ್ನಿಸಲು ಸಾಧ್ಯ? ಇದೀಗ ವೈರಲ್ ಆಗುತ್ತಿರುವ ಈ ಈ ವಿಡಿಯೋ ಗಮನಿಸಿ. ಈ ವ್ಯಕ್ತಿ ಸಲ್ಮಾನ್​ ಖಾನ್​ ಅಭಿನಯದ ತೇರೇ ನಾಮ್​ ಸಿನೆಮಾದ ತೂ ಕಿಸೀ ಕೀ ಹಾಡನ್ನು ಹಾಡುತ್ತಿದ್ದಾನೆ. ಹೀಗೆ ಹಾಡಿದರೆ ಹೊಟ್ಟೆ ತುಂಬುವುದೇ? ಹಾಡಿನ ಕೊನೆಯಲ್ಲಿ ಆತ ಏನು ಹೇಳುತ್ತಾನೆ ಕೇಳಿಸಿಕೊಳ್ಳಿ. ಅದೇ ಅವನ ನಿತ್ಯದ ಹಾಡುಪಾಡು.

ಇದನ್ನೂ ಓದಿ

Viral Video: ಭಾರತಕ್ಕೆ ಶುಭಕೋರಿದ ಪಾಕಿಸ್ತಾನದ ರಬಾಬ್ ಕಲಾವಿದ

Viral Post: ವಿಶಿಷ್ಟ ಚೇತನ ಕೃಷ್ಣಪ್ಪ ರಾಥೋಡ್​ಗೆ ಸಹಾಯ ಹಸ್ತ ಚಾಚಿರುವ ಲಿಂಕ್​ಡಿನ್ನಿಗರು

Viral Post : ಪಿಝಾ ಹಿಟ್ಟಿನ ಮೇಲೆ ನೇತಾಡುತ್ತಿರುವ ಶೌಚಾಲಯದ ಬ್ರಷ್!

Viral Video: ನಾನೇ ನಾಳಿನ ನಂಬರ್ ಒನ್ ಮಿಸ್ಟರ್ ಶೆಫ್ ಮಿಯಾಂವ್!

View this post on Instagram

A post shared by RawSingerOfficial (@rawsingerofficial)

20 ನಿಮಿಷದ ಹಿಂದೆಯಷ್ಟೇ ಈ ವಿಡಿಯೋ ಅನ್ನು ಇನ್​ಸ್ಟಾಗ್ರಾಂನ @RawSingerOfficial ಪುಟದಲ್ಲಿ ಹಂಚಿಕೊಳ್ಳಲಾಗಿದೆ. ಈತ ಗುಜರಿಗಾಗಿ ಮನೆಮನೆ ಅಲೆದು ಬದುಕು ನಡೆಸುವ ವ್ಯಕ್ತಿ. ಬೀದಿಗಳಲ್ಲಿ ಹೀಗೆ ಸಾಗುವಾಗ ಈತ ಹಾಡುತ್ತ ಜನರ ಗಮನ ಸೆಳೆಯುತ್ತಾನೆ. ಹೀಗೆ ಹೋಗುತ್ತಿರುವಾಗ ಯಾರೋ ದಾರಿಹೋಕರು ಈತನನ್ನು ನಿಲ್ಲಿಸಿ ಹಾಡಿಸಿ ವಿಡಿಯೋ ಮಾಡಿ ಸಾಮಾಜಿಕ ಜಾಲತಾಣಕ್ಕೆ ಅಪ್​ಲೋಡ್ ಮಾಡಿದ್ದಾರೆ. ಈತ ಹಾಡಿರುವ ತೇರೇ ನಾಮ್​ ಸಿನೆಮಾದ ಮೂಲ ಹಾಡು ಇಲ್ಲಿದೆ ಕೇಳಿ.

ಯಾವ ಊರಲ್ಲಿ ಚಿತ್ರೀಕರಿಸಲಾಗಿದೆ ಎಂಬ ಮಾಹಿತಿ ಈ ವಿಡಿಯೋಗೆ ಇಲ್ಲ. ಆದರೆ ಈತ ಹೀಗೆ ಮನದುಂಬಿ ಹಾಡಿರುವುದು ಮಾತ್ರ ಕಿವಿಯಲ್ಲಿ ಅನುರಣಿಸುತ್ತಲೇ ಇರುತ್ತದೆ. ಏನು ಮಾಡುವುದು ಸಾಕಷ್ಟು ಇಂಥ ಪ್ರತಿಭಾವಂತರಿಗೆ ನಮ್ಮ ಭಾರತದಲ್ಲಿ ಅವಕಾಶಗಳು ಇಲ್ಲದಿರುವುದು ಅತ್ಯಂತ ಬೇಸರದ ಸಂಗತಿ.

ಇದನ್ನೂ ಓದಿ : ಬೆಂಗಳೂರಿನ ಮೆಕ್​​ಡೊನಾಲ್ಡ್ಸ್​​ನಿಂದ ಹತ್ತು ಸೆಕೆಂಡುಗಳಲ್ಲಿ ಫುಡ್​ ಡೆಲಿವರಿ ಪಡೆದ ಕೆನಡಾದ ವ್ಯಕ್ತಿ

ಇಂಥವರು ಹಾಡಿಕೊಳ್ಳುವುದು ತಮ್ಮ ಖುಷಿಗಾಗಿ ಮತ್ತು ಹೊಟ್ಟೆಪಾಡಿಗಾಗಿ. ಯಾವ ಮನ್ನಣೆಯ ಕನಸನ್ನೂ ಅವರು ಕಾಣಲು ಸಾಧ್ಯವಾಗದು. ತಮ್ಮ ಇಕ್ಕಟ್ಟು, ಚೌಕಟ್ಟು ಮತ್ತದನ್ನು ಮೀರಲಾಗದಂಥ ಅಸಹಾಯಕತೆ ಅವರ ಅರವಿನಲ್ಲಿರುತ್ತದೆ. ಆದರೆ ದಿನದ ಬಂಡಿ ಸಾಗಬೇಕಲ್ಲ? ಸವೆಸುವ ಹಾದಿ ಸುಗಮವಾಗಬೇಕಲ್ಲ? ಅದಕ್ಕಾಗಿ ವಿನೂತನ ತಂತ್ರಗಳನ್ನು ಅವರು ಹೀಗೆ ಹೆಣೆಯಲೇಬೇಕಲ್ಲ? ಕೇಳಿಸಿತೆ ಕೊನೆಯಲ್ಲಿ, ಪ್ಲಾಸ್ಟಿಕ್​ ಪೇಪರ್ ರದ್ದೀ

ಈ ವಿಡಿಯೋ ನೋಡಿದ ನೀವೇನಂತೀರಿ?

ಮತ್ತಷ್ಟು ವೈರಲ್ ವಿಡಿಯೋಗಳನ್ನು ನೋಡಲು ಕ್ಲಿಕ್ ಮಾಡಿ

Published On - 6:06 pm, Thu, 9 February 23