Viral Video : ಲೈವ್​​ನಲ್ಲಿ ನೊಣ ನುಂಗಿದ ಪತ್ರಕರ್ತೆ, ಮುಂದೇನಾಯಿತು?

Viral Video : ಮೊನ್ನೆಯಷ್ಟೇ ಒಂದು ವೈರಲ್​ ವಿಡಿಯೋ ನೋಡಿದಿರಿ, ಟರ್ಕಿಯ ಕ್ರೀಡಾ ವರದಿಗಾರರೊಬ್ಬರು ವರ್ಕ್​ ಫ್ರಾಂ ಹೋಂ ಮಾಡುತ್ತ ಲೈವ್​ನಲ್ಲಿರಬೇಕಾದರೆ ಬೆಕ್ಕೊಂದು ಅವರ ಬೆನ್ನು ಏರಿದ್ದಲ್ಲದೆ ಅವರ ಹಿಂದೆಲೆಗೆ ಒಂದೇಟು ಹೊಡೆದ ದೃಶ್ಯವನ್ನೂ. ಹೀಗೆ ಆ್ಯಂಕರ್​ಗಳಿಗೆ, ಪತ್ರಕರ್ತರಿಗೆ ಸುದ್ದಿಮನೆಯ ಹೊರಗೂ ಒಳಗೂ ಲೈವ್​ನಲ್ಲಿರಬೇಕಾದರೆ ಅಚಾತುರ್ಯಗಳು ಘಟಿಸುವುದುಂಟು. ಆದರೆ ತಮ್ಮನ್ನು ಟಿವಿ ಮೂಲಕ ಲಕ್ಷಾಂತರ ಜನರು ವೀಕ್ಷಿಸುತ್ತಾರೆ ಎಂಬ ಪ್ರಜ್ಞೆಯೊಂದಿಗೆ ಸಂದರ್ಭವನ್ನು ನಿಭಾಯಿಸುವ ಜಾಣ್ಮೆ ಕೆಲವರಿಗೆ ಇರುತ್ತದೆ, ಕೆಲವರು ನಿಭಾಯಿಸುವಲ್ಲಿ ಅಸಮರ್ಥರಾಗುತ್ತಾರೆ. ಆದರೆ ಇದೀಗ ವೈರಲ್ ಆದ ಈ ವಿಡಿಯೋದಲ್ಲಿ ಪತ್ರಕರ್ತೆ ಫರಾ ನಾಸೀರ್ ಎಲ್ಲೂ ಆಭಾಸವಾಗದಂತೆ ನಿರ್ವಹಿಸಿದ ರೀತಿ ನೆಟ್ಟಿಗರಲ್ಲಿ ಅಚ್ಚರಿಯುಂಟು ಮಾಡಿದೆ.

Sharing because we all need a laugh these days. Turns out it’s not just @fordnation, I swallowed a fly on air today.

ಇದನ್ನೂ ಓದಿ

Viral Video: ಭಾರತಕ್ಕೆ ಶುಭಕೋರಿದ ಪಾಕಿಸ್ತಾನದ ರಬಾಬ್ ಕಲಾವಿದ

Viral Post: ವಿಶಿಷ್ಟ ಚೇತನ ಕೃಷ್ಣಪ್ಪ ರಾಥೋಡ್​ಗೆ ಸಹಾಯ ಹಸ್ತ ಚಾಚಿರುವ ಲಿಂಕ್​ಡಿನ್ನಿಗರು

Viral Post : ಪಿಝಾ ಹಿಟ್ಟಿನ ಮೇಲೆ ನೇತಾಡುತ್ತಿರುವ ಶೌಚಾಲಯದ ಬ್ರಷ್!

Viral Video: ನಾನೇ ನಾಳಿನ ನಂಬರ್ ಒನ್ ಮಿಸ್ಟರ್ ಶೆಫ್ ಮಿಯಾಂವ್!

(Very much a first world problem given the story I’m introducing). pic.twitter.com/Qx5YyAeQed

— Farah Nasser (@FarahNasser) August 29, 2022

ಫರಾ ಲೈವ್​ನಲ್ಲಿದ್ದಾಗ ಅಕಸ್ಮಾತ್​ ಆಗಿ ನೊಣವೊಂದನ್ನು ನುಂಗಿದರು. ಆದರೆ ಲೈವ್​ನಲ್ಲಿದ್ದ ಕಾರಣ ಆ ಬಗ್ಗೆ ಅಷ್ಟು ತಲೆ ಕೆಡಿಸಿಕೊಳ್ಳದೆ ಮಾತು ಮುಂದುವರಿಸಿದರು. ಪಾಕಿಸ್ತಾನದಲ್ಲಿ ಮಳೆಯು ಹೇಗೆ ಹಾನಿಯನ್ನುಂಟುಮಾಡುತ್ತಿದೆ ಎಂದು ಲೈವ್​ ರಿಪೋರ್ಟ್​ ಕೊಡುತ್ತಿರುವಾಗ ಈ ಘಟನೆ ನಡೆಯಿತು. ‘ಪಾಕಿಸ್ತಾನವು ಇಂಥ ಮಳೆಯನ್ನು ಎಂದೂ ನೋಡಿಲ್ಲ. ಎಂಟು ವಾರಗಳಿಂದಲೂ ಧಾರಾಕಾರವಾಗಿ ಮಳೆ ಸುರಿಯುತ್ತಲೇ ಇದೆ. ಕಾರಣ ರಾಷ್ಟ್ರೀಯ ತುರ್ತು ಪರಿಸ್ಥಿತಿ ಘೋಷಿಸಲಾಗಿದೆ’ ಎಂಬ ಸುದ್ದಿಯ ಸುತ್ತ ನಾಸರ್​ ವಿವರಿಸುತ್ತಿದ್ದರು. ಆಗಲೇ ನೊಣವೊಂದು ಅವರ ಬಾಯಿಯನ್ನು ಹೊಕ್ಕಿತು! ಆದರೆ ಅದರಿಂದ ಕಂಗೆಡದ ಆಕೆ ಅದನ್ನು ನುಂಗಿಯೇಬಿಟ್ಟರು. ಮತ್ತು ಲೈವ್​ ರಿಪೋರ್ಟ್​ ಕೊಡುವುದನ್ನು ಮುಂದುವರಿಸಿದರು.

ನಂತರ ಅವರು ಟ್ವಿಟರ್‌ನಲ್ಲಿ ಈ ವಿಡಿಯೋ ಹಂಚಿಕೊಂಡು, ‘ಈ ದಿನಗಳಲ್ಲಿ ನಮಗೆಲ್ಲರಿಗೂ ನಗು ಬೇಕಿದೆ. ಅದಕ್ಕಾಗಿ ಈ ವಿಡಿಯೋ ಹಂಚಿಕೊಳ್ಳುತ್ತಿದ್ದೇನೆ. ನಾನು ಇಂದು ನೊಣವನ್ನು ನುಂಗಿದ್ದೇನೆ.’ ಎಂದು ಈಕೆ ನೋಟ್​ ಬರೆದಿದ್ದಾರೆ.

ನೆಟ್ಟಿಗರು, ಸಹೋದ್ಯೋಗಿಗಳು, ಕೆನಡಾದ ಪತ್ರಕರ್ತರು ಪರಿಸ್ಥಿತಿಯನ್ನು ಚೆನ್ನಾಗಿ ನಿಭಾಯಿಸಿದ್ದಕ್ಕಾಗಿ ಅವರನ್ನು  ಪ್ರಶಂಸಿಸಿದ್ದಾರೆ.

‘ಇದು ವೃತ್ತಿಪರತೆ, ಸಂದರ್ಭವನ್ನು ಚೆನ್ನಾಗಿ ನಿಭಾಯಿಸಿದ್ದೀರಿ’ ಎಂದು ಒಬ್ಬರು ಪ್ರತಿಕ್ರಿಯಿಸಿದ್ದಾರೆ. ‘ನಮಗೆಲ್ಲರಿಗೂ ನಗು ಹಂಚಿದ್ದಕ್ಕಾಗಿ ಧನ್ಯವಾದ’ ಎಂದು ಮತ್ತೊಬ್ಬರು ಹೇಳಿದ್ದಾರೆ.

ಮತ್ತಷ್ಟು ವೈರಲ್ ವಿಡಿಯೋಗಾಗಿ ಕ್ಲಿಕ್ ಮಾಡಿ

Published On - 11:06 am, Sat, 3 September 22