Video: ಇದು 90ರ ದಶಕದ ಸವಿ ನೆನಪು; ಅಡುಗೆ ಮನೆಯಾಟ ಆಡಿ ಖುಷಿ ಪಟ್ಟ ಪುಟಾಣಿಗಳು
ನಾವು ಸಣ್ಣವರು ಇದ್ದಾಗ ಆಡುತ್ತಿದ್ದ ಅದೆಷ್ಟೋ ಆಟಗಳ ಬಗ್ಗೆ ಈಗಿನ ಮಕ್ಕಳಿಗೆ ತಿಳಿದೇ ಇಲ್ಲ. ಅಂದು ಶಾಲೆ ಬಿಟ್ಟ ಕೂಡಲೇ ಮನೆಗೆ ಬಂದು ನಾನಾ ರೀತಿಯ ಆಟಗಳನ್ನು ಆಡುತ್ತಿದ್ದೆವು. ಇದೀಗ ಬಾಲ್ಯ ನೆನೆಪಿಸುವ ವಿಡಿಯೋವೊಂದು ಸದ್ಯ ವೈರಲ್ ಆಗಿದೆ. ಪುಟಾಣಿಗಳು ಅಡುಗೆ ಮನೆಯಾಟ ಆಡಿ ಸಂಭ್ರಮಿಸಿದ್ದಾರೆ. ಈ ಕುರಿತಾದ ಸ್ಟೋರಿ ಇಲ್ಲಿದೆ.
ಸಿಟಿಯಲ್ಲಿ ಬೆಳೆದ ಮಕ್ಕಳಿಗೆ ಸೊಪ್ಪಾಟ, ಚೊಂಕಾಟ, ಕೆರೆದಡ, ಹುಲಿದನ ಹಾಗೂ ಅಡುಗೆಯಾಟ ಇದ್ಯಾವುದು ತಿಳಿದೇ ಇಲ್ಲ. ಆದರೆ, ಈ ಹಳ್ಳಿಯ ಕೆಲ ಮಕ್ಕಳು ಈ ಆಟಗಳನ್ನೆಲ್ಲಾ (games) ಇವತ್ತಿಗೂ ಆಡುತ್ತಾರೆ. ಈ ವಿಡಿಯೋ ನೋಡಿದ್ರೆ ನಿಮಗೆ ಖಂಡಿತ ನಿಮ್ಮ ಬಾಲ್ಯ ನೆನಪಾಗುತ್ತದೆ. ಇದೀಗ ಸೀರೆಯಿಂದ ಪುಟ್ಟ ಮನೆ ಕಟ್ಟಿಕೊಂಡು ಪುಟಾಣಿಗಳೆಲ್ಲ ಸೇರಿ ಅಡುಗೆ ಆಟ ಆಡುವ ವಿಡಿಯೋ ವೈರಲ್ ಆಗಿದೆ. ಈ ವಿಡಿಯೋ ನೆಟ್ಟಿಗರ ಗಮನ ಸೆಳೆದಿದೆ.
ಅಡುಗೆಯಾಟ ಆಡಿ ಖುಷಿ ಪಟ್ಟ ಪುಟಾಣಿಗಳು
ದೋಮ್ ಅಮೀನ್ (dom.ameen) ಹೆಸರಿನ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಈ ವಿಡಿಯೋ ಹಂಚಿಕೊಳ್ಳಲಾಗಿದೆ. ಈ ವಿಡಿಯೋದಲ್ಲಿ ಹಚ್ಚ ಹಸಿರಿನ ನಡುವೆ ಪುಟ್ಟ ಮನೆ ಕಟ್ಟಿ, ಅಡುಗೆಯಾಟ ಆಡಿ ಸಂಭ್ರಮಿಸಿದ್ದಾರೆ. ಸೀರೆಯಿಂದ ಕಟ್ಟಿದ ಪುಟ್ಟ ಮನೆ, ತೆಂಗಿನ ಗೆರಟೆಗಳೇ ಪಾತ್ರೆಗಳ ಜಾಗ ತುಂಬಿದೆ. ಬಾಲ್ಯವನ್ನು ನೆನಪಿಸುವ ಈ ದೃಶ್ಯವನ್ನು ವ್ಯಕ್ತಿಯೊಬ್ಬರು ಮೊಬೈಲ್ ಕ್ಯಾಮೆರಾದಲ್ಲಿ ಸೆರೆ ಹಿಡಿದಿದ್ದಾರೆ.
ವೈರಲ್ ವಿಡಿಯೋ ಇಲ್ಲಿದೆ
ಇದನ್ನೂ ಓದಿ: “ನಾವು ಚೈನೀಸ್ ಅಲ್ಲ, ಭಾರತೀಯರು”: 4 ವರ್ಷದ ಪುಟಾಣಿ ನೀಡಿದ ಖಡಕ್ ಉತ್ತರ ವೈರಲ್
ಈ ವಿಡಿಯೋ 1.2 ಮಿಲಿಯನ್ ಗೂ ಅಧಿಕ ವೀಕ್ಷಣೆಗಳನ್ನು ಪಡೆದುಕೊಂಡಿವೆ. ಒಬ್ಬ ಬಳಕೆದಾರ, ಬಾಲ್ಯ ನೆನಪಾಯ್ತು ಎಂದಿದ್ದಾರೆ. ಮತ್ತೊಬ್ಬರು, ನವು ಯಾಕೆ ಬೇಗ ದೊಡ್ಡದಾದೆವು, ಆ ದಿನಗಳೇ ಚೆನ್ನಾಗಿತ್ತು ಎಂದು ಹೇಳಿದ್ದಾರೆ. ಇನ್ನೊಬ್ಬರು, ಆ ದಿನಗಳೇ ಚಂದ ಎಂದು ಕಾಮೆಂಟ್ ಮಾಡಿದ್ದಾರೆ.
ಇನ್ನಷ್ಟು ವೈರಲ್ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ