ಸೇಬುವನ್ನು ಎಣ್ಣೆಯಲ್ಲಿ ಬೇಯಿಸಿ ತಿಂದ ವ್ಯಕ್ತಿ: ವಿಚಿತ್ರ ಖಾದ್ಯದ ವೀಡಿಯೋ ವೈರಲ್
ಇಲ್ಲೊಬ್ಬರು ಇಡಿಯಾದ ಸೇಬುವನ್ನು ಕಾದ ಎಣ್ಣೆಯಲ್ಲಿ ಬೇಯಿಸಿದ್ದಾರೆ. ಇಡಿಯಾದ ಸೇಬುವನ್ನು ಹಿಟ್ಟಿನಲ್ಲಿ ಮುಳುಗಿಸಿ ನಂತರ ಎಣ್ಣೆಗೆ ಹಾಕಿ ಬೇಯಿಸಿದ್ದಾರೆ.
Updated on: Dec 18, 2021 | 12:50 PM
ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ವೀಡಿಯೋಗಳಿಗೇನೂ ಕೊರತೆಯಿಲ್ಲ. ಹೊಸ ಹೊಸ ಪ್ರಯೋಗಗಳಿಂದ ಹಿಡಿದು ಹೊಸ ಬಗೆಯ ತಿನಿಸುಗಳನ್ನು ತಯಾರಿಸುವ ವೀಡಿಯೋಗಳೂ ವೈರಲ್ ಆಗುತ್ತವೆ. ಇತ್ತೀಚೆಗೆ ಮಿರಿಂಡಾದಿಂದ ತಯಾರಿಸಿದ ಗೋಲಗಪ್ಪಾ ವೀಡಿಯೋ ವೈರಲ್ ಆಗಿದ್ದು, ನೆಟ್ಟಿಗರು ಅದನ್ನು ನೋಡಿ ವಿಚಿತ್ರ ಕಾಮೆಂಟ್ಗಳನ್ನು ಮಾಡಿದ್ದಾರೆ. ಇದೀಗ ಸೇಬುವಿನ ಸರದಿ. ಹೌದು ಇಲ್ಲೊಬ್ಬರು ಇಡಿಯಾದ ಸೇಬುವನ್ನು ಕಾದ ಎಣ್ಣೆಯಲ್ಲಿ ಬೇಯಿಸಿದ್ದಾರೆ. ಇಡಿಯಾದ ಸೇಬುವನ್ನು ಹಿಟ್ಟಿನಲ್ಲಿ ಮುಳುಗಿಸಿ ನಂತರ ಎಣ್ಣೆಗೆ ಹಾಕಿ ಬೇಯಿಸಿದ್ದಾರೆ. ನಂತರ ಅದನ್ನು ಎಣ್ಣೆಯಿಂದ ಬೇಯಿಸಿ ತೆಗೆದು ತಿಂದಿದ್ದಾರೆ. ತಿಂದು ತಂಬ್ಸ್ ಅಫ್ ಎಮೋಜಿಯನ್ನೂ ತೋರಿಸಿದ್ದಾರೆ. ಈ ವೀಡಿಯೋ 3 ಲಕ್ಷಕ್ಕೂ ಅಧಿಕ ವೀಕ್ಷಣೆ ಪಡೆದು ವೈರಲ್ ಆಗಿದೆ.
ವೀಡಿಯೋದಲ್ಲಿ ಮೊದಲು ವ್ಯಕ್ತಿಯೊಬ್ಬರು ಸೇಬು ಹಣ್ಣೊಂದನ್ನು ತೆಗೆದುಕೊಂಡು ಹಿಟ್ಟಿನಲ್ಲಿ ಮುಳುಗಿಸುತ್ತಾರೆ. ಬಳಿಕ ಅದನ್ನು ಕಾದ ಬಿಸಿ ಎಣ್ಣೆಗೆ ಹಾಕುತ್ತಾರೆ. ಅದು ಬೆಂದಿದೆ ಎಂದು ಖಚಿತಪಡಿಸಿಕೊಂಡು ಎಣ್ಣೆಯಿಂದ ತೆಗೆದು ಅರ್ಧ ಭಾಗ ಮಾಡಿ ತಿನ್ನುತ್ತಾರೆ. ತಿಂದ ಬಳಿಕ ತಂಬ್ಸ್ ಅಫ್ ಮಾಡುತ್ತಾರೆ.
View this post on Instagram
ತಿಂಡಿ ಪ್ರಿಯರು ವಾವ್ ಎಂದು ಉದ್ಘರಿಸಿದರೆ ಇನ್ನೂ ಕೆಲವರು ನಿಜವಾಗಿಯೂ ಇದು ನಂಬಲಸಾಧ್ಯ ಎಂದಿದ್ದಾರೆ. ಇನ್ಸ್ಟಾಗ್ರಾಮ್ ನಲ್ಲಿ ವಾಟ್ ಹೌ ಟ್ರೈ ಎನ್ನುವ ಪುಟ ಈ ವಿಡಿಯೋವನ್ನು ಹಂಚಿಕೊಂಡಿದೆ. ಈ ವೀಡಿಯೋ ಫುಡ್ ಪ್ರಿಯರನ್ನು ಆಕರ್ಷಿತಗೊಳಿಸಿದರೆ ಇನ್ನೂ ಕೆಲವರು ವಿಷಕಾರಿ ಕ್ಯಾಂಡಿ ಎಂದು ಕರೆದಿದ್ದಾರೆ. ಸದ್ಯ ವಿಡಿಯೋ ಎಲ್ಲೆಡೆ ವೈರಲ್ ಆಗಿದ್ದು ಕೆಲವರು ಸೇಬು ಫ್ರೈ ಅನ್ನು ತಯಾರಿಸಲು ಪ್ರಯತ್ನಿಸಿದ್ದಾರೆ.
ಇದನ್ನೂ ಓದಿ:
Viral Video: ಮಿರಿಂಡಾ ಗೋಲ್ಗಪ್ಪ ತಿಂದಿದ್ದೀರಾ? ಅರೇ ಇದೇನು ಎಂಬ ಕುತೂಹಲವೇ?; ವಿಡಿಯೋ ನೋಡಿ
