Viral Video: ಮಿರಿಂಡಾ ಗೋಲ್ಗಪ್ಪ ತಿಂದಿದ್ದೀರಾ? ಅರೇ ಇದೇನು ಎಂಬ ಕುತೂಹಲವೇ?; ವಿಡಿಯೋ ನೋಡಿ
Trending: ಸಾಮಾಜಿಕ ಜಾಲತಾಣದಲ್ಲಿ ನೂತನ ರೆಸಿಪಿಗಳ ವಿಡಿಯೋಗಳು ವೈರಲ್ ಆಗುತ್ತಿರುತ್ತವೆ. ಇದೀಗ ವಿನೂತನ ರೀತಿಯಲ್ಲಿ ಗೋಲ್ಗಪ್ಪ ತಯಾರಿಸಿದ ವಿಡಿಯೋ ಒ.ಂದು ವೈರಲ್ ಆಗಿದೆ. ಕುತೂಹಲಕರ ವಿಡಿಯೋ ಇಲ್ಲಿದೆ.
Updated on:Dec 17, 2021 | 4:24 PM
ಭಾರತ ಬಹಳ ವೈವಿಧ್ಯಮಯ ದೇಶ. ಪ್ರದೇಶದಿಂದ ಪ್ರದೇಶಕ್ಕೆ ಭಾಷೆ, ಆಹಾರ ಎಲ್ಲವೂ ಬದಲಾಗುತ್ತದೆ. ಜೊತೆಗೆ ಪ್ರತೀ ಪ್ರದೇಶಕ್ಕೂ ತನ್ನದೇ ಆದ ವೈವಿಧ್ಯಮಯ ಅಡುಗಾ ಪದ್ಧತಿಯಿದೆ. ಇತ್ತೀಚೆಗೆ ಆಹಾರ ಪ್ರಿಯರು, ಪ್ರಯಾಣ ಮೊದಲಾದವೆಲ್ಲಾ ಹೆಚ್ಚಾದಂತೇ ಹೊಸ ಹೊಸ ರುಚಿಯನ್ನು ಪ್ರಯೋಗಿಸುವುದು ಹೆಚ್ಚಾಗುತ್ತಿದೆ. ಇಂತಹ ಹಲವಾಋಉ ವಿಡಿಯೋಗಳು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿರುತ್ತವೆ. ಅಲ್ಲದೇ ಇದನ್ನು ಗಮನಿಸುವ, ಹೊಸದನ್ನು ಪ್ರಯತ್ನಿಸುವ ಲಕ್ಷಾಂತರ ಆಹಾರ ಪ್ರೇಮಿಗಳಿದ್ದಾರೆ. ಕೆಲವೊಮ್ಮೆ ಇಂತಹ ಪ್ರಯತ್ನಗಳು ಎಡವಟ್ಟಾಗುವುದೂ ಇದೆ. ಆದರೆ ಜನರು ಹೊಸದನ್ನು ಅನ್ವೇಷಿಸುವ ಉತ್ಸಾಹ ಮಾತ್ರ ಕಮ್ಮಿಯಾಗಿಲ್ಲ.
ಇತ್ತೀಚೆಗೆ ಆನ್ಲೈನ್ನಲ್ಲಿ ಓರಿಯೋ- ಪಕೋಡಾ, ಚಾಕಲೇಟ್ ಮ್ಯಾಗಿ ಮೊದಲಾದ ರೆಸಿಪಿಗಳು ನಿಮ್ಮ ಗಮನ ಸೆಳೆದಿರಬಹುದು. ಇದೀಗ ‘ಮಿರಿಂಡಾ- ಗೋಲ್ಗಪ್ಪ’ ಸರದಿ. ಹೌದು. ಸಾಮಾನ್ಯವಾಗಿ ನಾವು ಗೋಲ್ಗಪ್ಪವನ್ನು ಬೇಯಿಸಿದ ಆಲೂಗೆಡ್ಡೆ, ಈರುಳ್ಳಿ ಮೊದಲಾದವನ್ನು ಹದವಾಗಿ ಬೆರೆಸಿ ತಯಾರಿಸಿದ ರುಚಿಕರ ಮಿಶ್ರಣವನ್ನು ಖಡಕ್ ಪಾನಿಯೊಂದಿಗೆ ಸೇವಿಸಿ ಬಾಯಿ ಚಪ್ಪರಿಸುತ್ತಿದ್ದೆವು. ಆದರೆ ಈಗ ಇದರಲ್ಲೇ ಹೊಸದನ್ನು ಆಹಾರ ಪ್ರಿಯರು ಪ್ರಯತ್ನಿಸಿದ್ದಾರೆ.
ಇನ್ಸ್ಟಾಗ್ರಾಂನಲ್ಲಿ @chatore_broothers ಎಂಬ ಖಾತೆಯಿಂದ ಜೈಪುರದಲ್ಲಿ ಸೆರೆಹಿಡಿಯಲಾದ ಈ ವಿಡಿಯೋ ಹಂಚಿಕೊಳ್ಳಲಾಗಿದ್ದು, ಅದರಲ್ಲಿ ಮಿರಿಂಡಾ- ಗೋಲ್ಗಪ್ಪ ತಯಾರಿಸಲಾಗಿದೆ. ವಿಡಿಯೋದಲ್ಲಿ ಮಿರಿಂಡಾವನ್ನು ಪಾನಿಯ ಬದಲಿ ಪಾತ್ರೆಯಲ್ಲಿ ಹಾಕುವುದನ್ನು ಕಾಣಬಹುದು. ನಂತರ ಅದರಿಂದಲೇ ಗೋಲ್ಗಪ್ಪ ತಯಾರಿಸಿ, ನೀಡಲಾಗಿದೆ. ಅದು ಹೇಗಿತ್ತು? ಆಹಾರ ಪ್ರಿಯರ ರಿಯಾಕ್ಷನ್ ಏನಿತ್ತು ಎಂಬ ಕುತೂಹಲವಿದೆಯೇ?
ಈ ವಿಡಿಯೋ ನೋಡಿ:
View this post on Instagram
ಅಪ್ಲೋಡ್ ಮಾಡಿದಲ್ಲಿಂದ ಇಲ್ಲಿಯವರೆಗೆ ಈ ವಿಡಿಯೋಗೆ ಸುಮಾರು 2.9 ಮಿಲಿಯನ್ ವೀಕ್ಷಣೆಗಳು ಸಿಕ್ಕಿವೆ. ಹಲವು ಜನ ಮಜವಾದ ಪ್ರತಿಕ್ರಿಯೆಗಳನ್ನು ಇದಕ್ಕೆ ಬರೆದಿದ್ದು, ‘ನೀವು ಇದಕ್ಕೆ ಹಣ ನೀಡಿದ್ದೀರಿ ಎಂದು ದಯವಿಟ್ಟು ಹೇಳಬೇಡಿ’ ಎಂದೆಲ್ಲಾ ಕಾಲೆಳೆದಿದ್ದಾರೆ. ಬಹಳಷ್ಟು ಜನ ಈ ಕಾಂಬಿನೇಷನ್ಅನ್ನು ಅರ್ಥವಿಲ್ಲದ್ದು ಎಂದಿದ್ದು, ಇಂಥದ್ದನ್ನು ನಿಲ್ಲಿಸಿ ಎಂದು ಪ್ರತಿಕ್ರಿಯಿಸಿದ್ದಾರೆ. ವಿಡಿಯೋಗೆ ಬಹಳಷ್ಟು ಜನ ಧನಾತ್ಮಕವಾಗಿಯೂ ಪ್ರತಿಕ್ರಿಯಿಸಿದ್ದಾರೆ. ವಿಡಿಯೋ ನೋಡಿದ ನಿಮಗೇನನ್ನಿಸಿತು?
ಇದನ್ನೂ ಓದಿ:
Viral Video: ತನ್ನ ಒಡತಿಯ ಜನ್ಮದಿನಕ್ಕೆ ಚಪ್ಪಾಳೆ ತಟ್ಟಿ ಶುಭಾಶಯ ಹೇಳಿದ ಶ್ವಾನ; ಮುದ್ದಾದ ವಿಡಿಯೋ ಇಲ್ಲಿದೆ
ಉತ್ತರ ಕೊರಿಯಾದಲ್ಲಿ 11 ದಿನ ರಾಷ್ಟ್ರೀಯ ಶೋಕಾಚರಣೆ; ನಗೋದು ಕೂಡ ಬ್ಯಾನ್! ಕಾರಣವೇನು ಗೊತ್ತಾ?
Published On - 4:20 pm, Fri, 17 December 21
