ತನಗೆ ಹೆಸರಿಟ್ಟು, ತೊಟ್ಟಿಲು ತೂಗಿದ ಮನೆಗೆ 15 ವರ್ಷಗಳ ನಂತರ ಭೇಟಿ, ಹೇಗಿತ್ತು ನೋಡಿ ಈ ವ್ಯಕ್ತಿಯ ಅನುಭವ
ತನ್ನ ಹುಟ್ಟೂರು, ಆಡಿ ಬೆಳೆದ ಸ್ಥಳವನ್ನು ಕಂಡಾಗ ಪ್ರತಿಯೊಬ್ಬರು ಕೂಡ ಭಾವುಕರಾಗುವುದು ಸಹಜ. ತನ್ನ ಬಾಲ್ಯದಲ್ಲಿ ಕಳೆದ ಆ ದಿನಗಳು ಹಾಗೂ ಸ್ಥಳಗಳು ನೋಡಿದಾಗ ಎಂತಹವರ ಕಣ್ಣಂಚಲಿ ನೀರು ತರಿಸುತ್ತದೆ. ಇದೀಗ ವೈರಲ್ ಆಗಿರುವ ವಿಡಿಯೋದಲ್ಲಿ ವಿದೇಶಿಗನೊಬ್ಬನು ಹದಿನೈದು ವರ್ಷಗಳ ಬಳಿಕ ಭಾರತಕ್ಕೆ ಬಂದಿದ್ದು, ಈ ವೇಳೆ ತಾನು ಆಡಿ ಬೆಳೆದ ಮನೆ ಹಾಗೂ ಬಾಲ್ಯದ ಆ ಸುಂದರ ನೆನಪುಗಳನ್ನು ನೆನೆದು ಬಿಕ್ಕಿ ಬಿಕ್ಕಿ ಅತ್ತಿದ್ದಾನೆ. ಈ ವಿಡಿಯೋವೊಂದು ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದ್ದು, ಬಳಕೆದಾರರು ಮಿಶ್ರ ಪ್ರತಿಕ್ರಿಯೆಗಳನ್ನು ನೀಡಿದ್ದಾರೆ.
Updated on: May 01, 2025 | 5:49 PM
ಎಲ್ಲರಿಗೂ ಕೂಡ ತಮ್ಮ ಬಾಲ್ಯ (childhood) ಹಾಗೂ ಬಾಲ್ಯದ ಸ್ನೇಹಿತರನ್ನು ನೆನಪಿಸಿಕೊಳ್ಳುತ್ತಾರೆ. ತಾವು ಆಟವಾಡಿ ಬೆಳೆದ ಮನೆಯ ವಾತಾವರಣವನ್ನು ಕಂಡಾಗ ಮತ್ತೆ ಆ ಸ್ನೇಹಿತರು ಹಾಗೂ ಬಾಲ್ಯವು ಮರಳಿ ಬರಬಾರದೆ ಎಂದೇನಿಸುತ್ತದೆ. ಕೆಲವರು ಅನಿವಾರ್ಯ ಕಾರಣಕ್ಕೆ ಒಂದು ಊರಿನಿಂದ ಮತ್ತೊಂದು ಊರಿಗೆ ಹೋಗಬೇಕಾಗುತ್ತದೆ. ಈ ವೇಳೆಯಲ್ಲಿ ಹೊಸ ಊರಿನಲ್ಲಿ ಒಳ್ಳೆಯ ಸ್ನೇಹಿತರು ಸಿಕ್ಕರೂ ಕೂಡ ತನ್ನ ಹಳೆಯ ಸ್ನೇಹಿತರು, ಅಲ್ಲಿನ ವಾತಾವರಣ ಮಾತ್ರ ನೆನಪಿನಲ್ಲಿ ಶಾಶ್ವತವಾಗಿ ಉಳಿಯುವಂತೆ ಮಾಡುತ್ತದೆ. ಇದೀಗ ಇಂಗ್ಲೆಂಡಿ (england) ನ ವ್ಯಕ್ತಿಯೊಬ್ಬನು ತನ್ನ ಸುಂದರ ಬಾಲ್ಯವನ್ನು ಕಳೆದ ಭಾರತ (india) ದಲ್ಲಿರುವ ಮನೆಗೆ ಹದಿನೈದು ವರ್ಷಗಳ ಬಳಿಕ ಭೇಟಿ ನೀಡಿದ್ದು, ಈ ವೇಳೆಯಲ್ಲಿ ಭಾವುಕನಾಗಿದ್ದಾನೆ.
ralphleng ಹೆಸರಿನ ಖಾತೆಯಲ್ಲಿ ಈ ವಿಡಿಯೋವನ್ನು ಶೇರ್ ಮಾಡಿಕೊಂಡಿದ್ದು, ಈ ವಿಡಿಯೋದಲ್ಲಿ ರಾಲ್ಫ್ ಲೆಂಗ್ ವಿದೇಶಿಗನು ಸುದೀರ್ಘ ವರ್ಷಗಳ ಬಳಿಕ ಭಾರತಕ್ಕೆ ಮರಳುವ ಕ್ಷಣವನ್ನು ವಿಡಿಯೋ ಮಾಡಿರುವುದನ್ನು ನೋಡಬಹುದು. ಈ ವಿಡಿಯೋದಲ್ಲಿ ತನ್ನ ಬಾಲ್ಯದಲ್ಲಿ ಕಳೆದ ಆ ಸುಂದರ ಮನೆಗೆ ಭೇಟಿ ನೀಡಿದ್ದು, ಮನೆಯ ಗೇಟ್ ವ್ಯಕ್ತಿಯೊಬ್ಬರು ಓಪನ್ ಮಾಡುವುದನ್ನು ನೀವಿಲ್ಲಿ ನೋಡಬಹುದು. ಅಲ್ಲಿರುವ ವಾತಾವರಣ ನೋಡುತ್ತಿದ್ದಂತೆ ತನ್ನ ಬಾಲ್ಯದ ಸುಂದರ ಚಿತ್ರಣವು ಆತನ ಕಣ್ಣ ಮುಂದೆ ಬಂದಂತಿದೆ. ಆ ನೆನಪುಗಳನ್ನು ಮೆಲುಕು ಹಾಕುತ್ತಿದ್ದಂತೆ ಬಿಕ್ಕಿ ಬಿಕ್ಕಿ ಅಳುತ್ತಿರುವುದನ್ನು ನೋಡಬಹುದು. ಈ ವಿಡಿಯೋದಲ್ಲಿ ಬಾಲ್ಯದ ಆ ದಿನಗಳು ಹೇಗಿತ್ತು ಎನ್ನುವುದನ್ನು ಹೇಳಿದ್ದಾರೆ. ಅದಲ್ಲದೇ, ಇಲ್ಲಿಂದ ಹೋಗುವಾಗ ತನ್ನ ಸ್ನೇಹಿತರು, ಈ ಮನೆಯನ್ನು ಬಿಟ್ಟು ಹೋಗಬೇಕಾಯಿತು ಎಂದಿರುವುದನ್ನು ನೀವಿಲ್ಲಿ ಗಮನಿಸಬಹುದು.
ಇದನ್ನೂ ಓದಿ : ಇಬ್ಬರಿಗೂ ಹಸಿವು, ದೇವರಂತೆ ಬಂದು ಅಜ್ಜಿ, ಗೋವಿನ ಹಸಿವು ನೀಗಿಸಿದ ವ್ಯಕ್ತಿ
ವೈರಲ್ ವಿಡಿಯೋ ಇಲ್ಲಿದೆ ನೋಡಿ
View this post on Instagram
ಈ ವಿಡಿಯೋ ಇಪ್ಪತ್ತೈದು ಲಕ್ಷಕ್ಕೂ ಅಧಿಕ ವೀಕ್ಷಣೆಗಳನ್ನು ಪಡೆದುಕೊಂಡಿದ್ದು, ನೆಟ್ಟಿಗರು ನಾನಾ ರೀತಿಯ ಕಾಮೆಂಟ್ ಮಾಡುವ ಮೂಲಕ ತಮ್ಮ ಬಾಲ್ಯವನ್ನು ನೆನಪಿಸಿಕೊಂಡಿದ್ದಾರೆ. ಬಳಕೆದಾರರೊಬ್ಬರು, ಎಲ್ಲವು ಬದಲಾಗುತ್ತಿರುತ್ತದೆ, ಎಲ್ಲವೂ ಒಂದೇ ರೀತಿ ಇರುವುದಿಲ್ಲ ಎಂದಿದ್ದಾರೆ. ಇನ್ನೊರ್ವರು, ಈ ವ್ಯಕ್ತಿಯೂ ಅಳುವಾಗ ಮುಖವೆಲ್ಲವು ಟೊಮೊಟೊದಂತೆ ಕೆಂಪಾಗೆ ಆಗುತ್ತದೆ ಎಂದು ತಮಾಷೆ ಮಾಡಿದ್ದಾರೆ. ಮತ್ತೊಬ್ಬರು, ದಯವಿಟ್ಟು ಅಳಬೇಡಿ, ನನಗೆ ನೀವು ಅಳುವುದನ್ನು ನೋಡಲು ಆಗುವುದಿಲ್ಲ. ಸದಾ ನಗುತ್ತೀರಿ ಎಂದು ಕಾಮೆಂಟ್ ನಲ್ಲಿ ತಿಳಿಸಿದ್ದಾರೆ.
ಇನ್ನಷ್ಟು ವೈರಲ್ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ
