Viral Video: ಫಿಟ್ನೆಸ್; 68ನೇ ವಯಸ್ಸಿಗೆ ಜಿಮ್ ವರ್ಕೌಟ್ ಶುರು ಮಾಡಿದ ಮಹಿಳೆ
Gym : ಯಾವ ನಿರ್ಧಾರಕ್ಕೂ ಮನಸೇ ಕಾರಣ. ಜೀವನಶೈಲಿಯನ್ನು ಬದಲಾಯಿಸಿಕೊಳ್ಳಲೇಬೇಕು ಎಂದು ದೃಢ ನಿರ್ಧಾರ ಮಾಡಿದರೆ ಖಂಡಿತ ಸಾಧ್ಯವಾಗುತ್ತದೆ. ಈ ವಿಡಿಯೋ ನೋಡಿ, ಈ ದಿಕ್ಕಿನತ್ತ ಯೋಚಿಸಲು ನೀವೂ ಸ್ಪೂರ್ತಿಗೊಳ್ಳುವಿರಿ.
Updated on:Aug 02, 2023 | 5:14 PM
Fitness : ಯಾರಿಗೆ ಯಾವಾಗ ಫಿಟ್ನೆಸ್ ಬಗ್ಗೆ ಆಸಕ್ತಿ ಮತ್ತು ಅರಿವು ಹುಟ್ಟುತ್ತದೆಯೋ ಹೇಳಲಾಗದು. ಅದರಲ್ಲೂ ಸಾಕಷ್ಟು ಮಹಿಳೆಯರು ತೊಡಗಿಕೊಳ್ಳುವುದು ಹೋಗಲಿ ಈ ಬಗ್ಗೆ ಯೋಚಿಸಲು ಕೂಡ ಅವರಿಗೆ ಪುರುಸೊತ್ತೇ ಇರುವುದಿಲ್ಲ. ಆದರೂ ಅಪರೂಪಕ್ಕೆ ಕೆಲವರು ತಡವಾಗಿಯಾದರೂ ಈ ಬಗ್ಗೆ ಗಮನಹರಿಸಲು ಶುರು ಮಾಡುತ್ತಾರೆ. ಇದೀಗ ವೈರಲ್ (Viral) ಆಗಿರುವ ಈ ವಿಡಿಯೋದಲ್ಲಿರುವ 68 ವರ್ಷದ ಮಹಿಳೆ ತನ್ನ ಜೀವನಶೈಲಿಯನ್ನು ಬದಲಾಯಿಸಿಕೊಳ್ಳಲು ಈ ನಿರ್ಧಾರವನ್ನು ತೆಗೆದುಕೊಂಡಿದ್ದಾರೆ. ಜಿಮ್ ತರಬೇತುದಾರನೂ ಆಗಿರುವ ಇವರ ಮಗ ಅಜಯ್ ಸಂಗ್ವಾನ್ ಈ ವಿಡಿಯೋ ಅನ್ನು ಇನ್ಸ್ಟಾಗ್ರಾಂನಲ್ಲಿ ಪೋಸ್ಟ್ ಮಾಡಿದ್ದಾರೆ.
ಜೂ. 9ರಂದು ಈಕೆ ತಮ್ಮ ಮಗನ ಜಿಮ್ನಲ್ಲಿ ಫಿಟ್ನೆಸ್ ಪ್ರಯಾಣವನ್ನು ಆರಂಭಿಸಿದ್ದಾರೆ. ಇದೀಗ ಈ ವಿಡಿಯೋದಲ್ಲಿ ಅವರು 100 ಕಿ.ಗ್ರಾಂ ಭಾರ ಎತ್ತುವ ಪ್ರಯತ್ನವನ್ನು ನೋಡಬಹುದಾಗಿದೆ. ಈ ವಿಡಿಯೋ ಅನ್ನು ಜು. 27 ರಂದು ಇನ್ಸ್ಟಾಗ್ರಾಂನಲ್ಲಿ ಅಪ್ಲೋಡ್ ಮಾಡಲಾಗಿದೆ. ಈತನಕ ಸುಮಾರು 30,000 ಜನರು ಈ ವಿಡಿಯೋ ನೋಡಿದ್ದಾರೆ. 1,600 ಲೈಕ್‌ಗಳನ್ನು ಇದು ಪಡೆದಿದೆ. ಅನೇಕರು ಈ ಮಹಿಳೆಯ ನಿರ್ಧಾರವನ್ನು ಮೆಚ್ಚಿ ಹುರಿದುಂಬಿಸಿದ್ದಾರೆ.
ಇದನ್ನೂ ಓದಿ : Viral Video: ಭೇಲ್ಪುರಿ, ಮಂಡಕ್ಕಿ ಸೂಸಲ, ಚುರುಮುರಿ ಒಗ್ಗರಣೆ ಪ್ರಿಯರಿಗೆ ಈ ವಿಡಿಯೋ ಸಮರ್ಪಣೆ
ವಾಹ್ ಆಂಟೀ, ನೀವು ಹೀಗೆ ಮುಂದುವರಿಯಿರಿ. ಈ ಮೂಲಕ ಮತ್ತಷ್ಟು ಜನರಿಗೆ ಸ್ಪೂರ್ತಿಯಾಗಿರಿ ಎಂದಿದ್ದಾರೆ ಅನೇಕರು. ನಾನು 46ನೇ ವಯಸ್ಸಿನಲ್ಲಿ ಏರೋಬಿಕ್ಸ್ ಜಿಮ್ ವರ್ಕೌಟ್ ಶುರು ಮಾಡಿದೆ, 74 ವಯಸ್ಸಿನಲ್ಲಿಯೂ ನಾನು ಮುಂದುವರಿಸಿಕೊಂಡು ಹೋಗುತ್ತಿದ್ದೇನೆ. ಮನಸ್ಸು ದೃಢವಾಗಿದ್ದರೆ ಏನನ್ನೂ ಮಾಡಬಹುದು ಎಂದಿದ್ದಾರೆ ಮತ್ತೊಬ್ಬರು.
ಇದನ್ನೂ ಓದಿ : Viral: ಹಡಗಿನಲ್ಲಿಯೂ ಸಂಧ್ಯಾವಂದನೆ ಮಾಡುವ ಕ್ಯಾಪ್ಟನ್; ಲಿಂಕ್ಡ್ಇನ್ನಲ್ಲಿ ಫೋಟೋ ವೈರಲ್
ನಿಮ್ಮ ವಿಡಿಯೋ ನೋಡಿ ನನಗೂ ಜಿಮ್ಗೆ ಸೇರಬೇಕು ಎಂದೆನ್ನಿಸುತ್ತಿದೆ ಎಂದು ಅನೇಕರು ಹೇಳಿದ್ದಾರೆ. ಈ ವಿಡಿಯೋ ನೋಡಿದ ನಿಮ್ಮ ಅಭಿಪ್ರಾಯವೇನು?
ಮತ್ತಷ್ಟು ವೈರಲ್ ನ್ಯೂಸ್ಗಾಗಿ ಕ್ಲಿಕ್ ಮಾಡಿ
Published On - 5:12 pm, Wed, 2 August 23
