Viral Story: ಟ್ರಾಫಿಕ್ ಪೊಲೀಸ್ ಮನೆಯಲ್ಲಿ ಚಿನ್ನದ ಟಾಯ್ಲೆಟ್
Trending news: ಸಂಚಾರ ಪೊಲೀಸ್ ಇಲಾಖೆಯ 35 ಕ್ಕೂ ಹೆಚ್ಚು ಟ್ರಾಫಿಕ್ ಪೊಲೀಸರನ್ನು ಬಂಧಿಸಲಾಗಿದೆ. ಈ ತನಿಖೆಯಲ್ಲಿ, ಅಧಿಕಾರಿಗಳ 80 ಕ್ಕೂ ಅಧಿಕ ಆಸ್ತಿಗಳನ್ನು ಪತ್ತೆ ಹಚ್ಚಲಾಗಿದ್ದು, ಅದರ ಜೊತೆ ದೊಡ್ಡ ಪ್ರಮಾಣದ ನಗದು, ದುಬಾರಿ ಕಾರುಗಳು ಮತ್ತು ಹಲವು ದಾಖಲೆಗಳನ್ನು ಮುಟ್ಟುಗೋಲು ಹಾಕಿಕೊಳ್ಳಲಾಗಿದೆ
Updated on: Jul 26, 2021 | 8:09 PM
ಎಲ್ಲರೂ ಚಿನ್ನದ ದರ ಗಗನಕ್ಕೇರುವ ಚಿಂತೆಯಲ್ಲಿದ್ದರೆ ಇಲ್ಲೊಬ್ಬ ಪೊಲೀಸಪ್ಪ ಚಿನ್ನದಲ್ಲೇ ಟಾಯ್ಲೆಟ್ ಮಾಡಿಕೊಂಡು ಸುದ್ದಿಯಾಗಿದ್ದಾನೆ. ಹೀಗೆ ಸುದ್ದಿಯಾಗಲು ಮುಖ್ಯ ಕಾರಣ ಈ ಪೊಲೀಸಪ್ಪನನ್ನು ಪೊಲೀಸರೇ ಬಂಧಿಸಿರುವುದು. ಹೌದು, ದಕ್ಷಿಣ ರಷ್ಯಾದ ಸ್ಟಾವ್ರೊಪೋಲ್ ಪ್ರದೇಶದ ಉನ್ನತ ಸಂಚಾರಿ ಪೊಲೀಸ್ ಅಧಿಕಾರಿ ಕರ್ನಲ್ ಅಲೆಕ್ಸಿ ಸಫೊನೊವ್ ಭ್ರಷ್ಟಚಾರ ಪ್ರಕರಣದಲ್ಲಿ ಬಂಧಿತನಾಗಿದ್ದ. ಹೀಗೆ ಬಂಧನಕ್ಕೊಳಗಾದ ಆತನ ಮನೆಯನ್ನು ಪರಿಶೀಲಸಿದಾಗ ಮನೆಯ ಶೌಚಾಲಯದ ಕಾಮೋರ್ಡ್ನ್ನು ಚಿನ್ನದಿಂದಲೇ ನಿರ್ಮಿಸಿರುವುದು ಬಹಿರಂಗವಾಗಿದೆ.
ರಷ್ಯನ್ ಭಷ್ಟ್ರಚಾರ ತನಿಖಾ ಸಮಿತಿಯ ಹೇಳಿಕೆಯ ಪ್ರಕಾರ, ಟ್ರಾಫಿಕ್ ಪೊಲೀಸ್ ಸಫೊನೊವ್ ಕಳೆದ ಹಲವಾರು ವರ್ಷಗಳಲ್ಲಿ 19 ಮಿಲಿಯನ್ ರೂಬಲ್ಸ್ ( ಸುಮಾರು 1,89,72,854 ರೂ.) ಮೊತ್ತದ ಲಂಚ ಪಡೆದಿದ್ದಾರೆ. ಈ ಪ್ರಕರಣಕ್ಕೆ ಸಂಬಂಧಿಸಿದಂತೆ ಆತನನ್ನು ಹಾಗೂ ಅವರ ಆರು ಅಧೀನದಲ್ಲಿದ್ದ ಅಧಿಕಾರಿಗಳನ್ನು ಬಂಧಿಸಲಾಗಿದೆ. ಭ್ರಷ್ಟಚಾರದ ಮೂಲಕ ಸಂಪಾದಿಸಿದ್ದ ಸಂಪತ್ತನ್ನು ವಿಲಾಸಿ ಜೀವನಕ್ಕೆ ಬಳಸಿಕೊಳ್ಳುತ್ತಿದ್ದ ಸಫೊನೊವ್ ಮನೆಯ ಟಾಯ್ಲೆಟ್ನ್ನು ಚಿನ್ನದಿಂದಲೇ ನಿರ್ಮಿಸಿಕೊಂಡಿದ್ದ. ಅಲ್ಲದೆ ಶೌಚಾಲಯದ ನೆಲವನ್ನು ಅಮೃತ ಶಿಲೆಯಿಂದ ವಿನ್ಯಾಸಗೊಳಿಸಿದ್ದನು.
ಅಲೆಕ್ಸಿ ಸಫೊನೊವ್ ಸಾರಿಗೆ ಪರವಾನಗಿಗಳಿಗಾಗಿ ಬೃಹತ್ ಮೊತ್ತದ ಲಂಚ ಪಡೆಯುತ್ತಿದ್ದರು. ಈ ವಿಚಾರ ಬೆಳಕಿಗೆ ಬರುತ್ತಿದ್ದಂತೆ ಆತನನ್ನು ಅವರೊಂದಿಗೆ ಕೈ ಜೋಡಿಸಿದ್ದ ಅಧಿಕಾರಿಗಳನ್ನು ಭ್ರಷ್ಟಚಾರ ತನಿಖಾ ತಂಡ ಬಂಧಿಸಿ ನ್ಯಾಯಾಲಯಕ್ಕೆ ಒಪ್ಪಿಸಿದ್ದಾರೆ. ಈ ಪ್ರಕರಣದಲ್ಲಿ ತಪ್ಪಿತಸ್ಥರೆಂದು ಸಾಬೀತಾದರೆ ಸಫೊನೊವ್ಗೆ 8 ರಿಂದ 15 ವರ್ಷಗಳವರೆಗೆ ಜೈಲು ಶಿಕ್ಷೆ ಆಗಲಿದೆ.
ಇದೊಂದು ದೊಡ್ಡ ಪ್ರಮಾಣದ ಕಾರ್ಯಾಚರಣೆಯಾಗಿದ್ದು, ಸ್ಟೇವ್ರೊಪೋಲ್ನ ಸಂಚಾರ ಪೊಲೀಸ್ ಇಲಾಖೆಯ 35 ಕ್ಕೂ ಹೆಚ್ಚು ಟ್ರಾಫಿಕ್ ಪೊಲೀಸರನ್ನು ಬಂಧಿಸಲಾಗಿದೆ. ಈ ತನಿಖೆಯಲ್ಲಿ ಅಧಿಕಾರಿಗಳ 80 ಕ್ಕೂ ಹೆಚ್ಚು ಅಕ್ರಮ ಆಸ್ತಿಗಳನ್ನು ಪತ್ತೆ ಹಚ್ಚಲಾಗಿದ್ದು, ಅದರ ಜೊತೆ ದೊಡ್ಡ ಪ್ರಮಾಣದ ನಗದು, ದುಬಾರಿ ಕಾರುಗಳು ಮತ್ತು ಹಲವು ದಾಖಲೆಗಳನ್ನು ಮುಟ್ಟುಗೋಲು ಹಾಕಿಕೊಳ್ಳಲಾಗಿದೆ ಎಂದು ಯುನೈಟೆಡ್ ರಷ್ಯಾ ಪಕ್ಷದ ಶಾಸಕರಾದ ಅಲೆಕ್ಸಾಂಡರ್ ಖಿನ್ಸ್ಟೈನ್ ತಿಳಿಸಿದ್ದಾರೆ.
ಈ ಪ್ರಕರಣ ರಷ್ಯಾದಲ್ಲಿ ಭಾರೀ ಸುದ್ದಿಯಾಗುತ್ತಿದ್ದಂತೆ, ಇತ್ತ ಭ್ರಷ್ಟ ಪೊಲೀಸ್ ಅಧಿಕಾರಿ ಕರ್ನಲ್ ಅಲೆಕ್ಸಿ ಸಫೊನೊವ್ ಅವರ ಚಿನ್ನದ ಕಮೋರ್ಡ್ ಫೋಟೋ ಮತ್ತು ಆತನ ಐಷರಾಮಿ ಮನೆಯ ವಿನ್ಯಾಸ ಹಾಗೂ ಮನೆಯಲ್ಲಿ ಬಳಸಲಾದ ವಸ್ತುಗಳನ್ನು ವಿಡಿಯೋ ಮೂಲಕ ಪೊಲೀಸರು ಬಹಿರಂಗಪಡಿಸಿದ್ದಾರೆ.
ಇದನ್ನೂ ಓದಿ: ಬಾಲ ನಟಿಯಾಗಿ ಮಿಂಚಿದ್ದ ಚೆಂದುಳ್ಳಿ ಚೆಲುವೆ ಅನಿಕಾ ಈಗ ಹೇಗಿದ್ದಾರೆ ಗೊತ್ತಾ?
ಇದನ್ನೂ ಓದಿ: ಐಫೋನ್ 12 ಮೇಲೆ ಭರ್ಜರಿ ಆಫರ್: 12 ಸಾವಿರ ರೂ. ಕಡಿಮೆಗೆ ಖರೀದಿಸಬಹುದು
(Russia Cop’s golden toilet steals the show during bribery investigation)
