Shocking Video: ಫ್ಯಾಮಿಲಿ ಡಿನ್ನರ್ ವೇಳೆ ಮಗುವಿನ ಪಕ್ಕದಲ್ಲೇ ಮುರಿದು ಬಿತ್ತು ಸೀಲಿಂಗ್ ಫ್ಯಾನ್; ಶಾಕಿಂಗ್ ವಿಡಿಯೋ ಇಲ್ಲಿದೆ

ವಾರವಿಡೀ ತಮ್ಮ ಕೆಲಸಗಳಲ್ಲಿ ಬ್ಯುಸಿಯಾಗಿರುವ ಕುಟುಂಬಸ್ಥರು ವೀಕೆಂಡ್​ನಲ್ಲಿ (Weekend Dinner) ಎಲ್ಲರೂ ಒಟ್ಟಿಗೇ ಕುಳಿತು ಊಟ ಮಾಡುವ ಪದ್ಧತಿ ಕೆಲವು ಮನೆಗಳಲ್ಲಿದೆ. ವಾರಾಂತ್ಯದಲ್ಲೋ, ನೆಂಟರು ಮನೆಗೆ ಬಂದಾಗಲೋ, ಹಬ್ಬದ ದಿನದಂದೋ ಹೀಗೆ ಮನೆಮಂದಿಯೆಲ್ಲ ಒಟ್ಟಿಗೇ ಕುಳಿತು ಊಟ ಮಾಡುವಾಗ ತಲೆ ಮೇಲೆ ಸೀಲಿಂಗ್ ಫ್ಯಾನ್ ಬಿದ್ದರೆ ಏನು ಮಾಡುತ್ತೀರಿ? ಈ ರೀತಿಯ ಕಲ್ಪನೆ ನಿಮಗೆ ಯಾವತ್ತಾದರೂ ಬಂದಿದೆಯಾ? ಹೀಗೂ ಆಗಬಹುದು ಎಂದು ಯಾವತ್ತಾದರೂ ಅಂದುಕೊಂಡಿದ್ದೀರಾ? ಸದಾ ನೆನಪಿನಲ್ಲಿಟ್ಟುಕೊಳ್ಳಬೇಕೆಂದು ಪ್ಲಾನ್ ಮಾಡಿದ ವೀಕೆಂಡ್ ಪಾರ್ಟಿ ಶಾಕಿಂಗ್ ಪಾರ್ಟಿಯಾದರೆ ಹೇಗಿರುತ್ತದೆ? ಈ ರೀತಿಯ ಘಟನೆಯ ವಿಡಿಯೋವೊಂದು ಈಗ ಭಾರೀ ವೈರಲ್ ಆಗಿದೆ.

ಇದು ನೀವು ಕಲ್ಪನೆ ಮಾಡಿಕೊಳ್ಳಲೂ ಆಗದಂತಹ ಘಟನೆ. ಮನೆಯವರೆಲ್ಲರೂ ಒಟ್ಟಾಗಿ ಮನೆಯಲ್ಲಿ ಊಟ ಮಾಡುತ್ತಿರುವಾಗ ಸಿನಿಮೀಯ ರೀತಿಯಲ್ಲಿ ಸೀಲಿಂಗ್ ಫ್ಯಾನ್ ಕೆಳಗೆ ಬಿದ್ದಿದೆ. ಈ ದೃಶ್ಯ ಅಲ್ಲಿನ ಸಿಸಿಟಿವಿ ಕ್ಯಾಮೆರಾದಲ್ಲಿ ಸೆರೆಯಾಗಿದೆ. ಕುಟುಂಬದ 6 ಜನರು ಅಡುಗೆ ಪದಾರ್ಥಗಳನ್ನು ಇಟ್ಟುಕೊಂಡು ಸುತ್ತಲೂ ಕುಳಿತು ಊಟ ಮಾಡುತ್ತಿರುವಾಗ ಫ್ಯಾನ್ ಕಳಚಿ ಕೆಳಗೆ ಬಿದ್ದಿದೆ. ಮೇಲೆಲ್ಲೋ ಏನೋ ಶಬ್ದವಾಗುತ್ತಿದ್ದಂತೆ ಊಟಕ್ಕೆ ಕುಳಿತಿದ್ದವರು ಸುತ್ತಲೂ ನೋಡುತ್ತಿದ್ದರು. ಆಗ ಮೇಲೆ ತಿರುಗುತ್ತಿದ್ದ ಸೀಲಿಂಗ್ ಫ್ಯಾನ್ ಕಳಚಿ, ಊಟಕ್ಕೆ ಕುಳಿತಿದ್ದ ಮಗುವಿನ ಕಾಲಿನ ಬಳಿ ಬಿದ್ದಿದೆ. ಚೂರೇ ಚೂರು ಫ್ಯಾನ್ ಈಚೆ ಬಿದ್ದಿದ್ದರೂ ಮಗುವಿನ ತಲೆ ಛಿದ್ರವಾಗುತ್ತಿತ್ತು. ಫ್ಯಾನ್ ಬಿದ್ದಿದ್ದರಿಂದ ಮಗುವಿನ ಅಕ್ಕಪಕ್ಕ ಕುಳಿತವರ ಕಾಲಿಗೂ ಸ್ವಲ್ಪ ಗಾಯಗಳಾಗಿವೆ.

ಫ್ಯಾನ್ ಕೆಳಗೆ ಬೀಳುತ್ತಿದ್ದಂತೆ ಆ ಮಗುವಿನ ತಾಯಿ ಓಡಿಬಂದು ಮಗುವನ್ನು ತನ್ನತ್ತ ಎಳೆದುಕೊಂಡಿದ್ದಾಳೆ. ಅನಿರೀಕ್ಷಿತವಾಗಿ ಬಿದ್ದ ಫ್ಯಾನ್​ನಿಂದ ಒಂದುಕ್ಷಣ ಆ ಮನೆಯಲ್ಲಿ ಭಯದ ವಾತಾವರಣ ನಿರ್ಮಾಣವಾಗಿತ್ತು. ಈ ವಿಡಿಯೋವನ್ನು ಟ್ವಿಟ್ಟರ್​ನಲ್ಲಿ ಹಂಚಿಕೊಳ್ಳಲಾಗಿದ್ದು, ಜುಲೈ 8ರಂದು ವಿಯೆಟ್ನಾಂನಲ್ಲಿ ಮನೆಯ 8 ಸದಸ್ಯರು ಕುಳಿತು ಊಟ ಮಾಡುವಾಗ ಇದ್ದಕ್ಕಿದ್ದಂತೆ ಸೀಲಿಂಗ್ ಫ್ಯಾನ್ ಕೆಳಗೆ ಬಿದ್ದಿದೆ. ಅದೃಷ್ಟವಶಾತ್ ಮಗು ಕೂದಲೆಳೆಯ ಅಂತರದಲ್ಲಿ ಪ್ರಾಣಾಪಾಯದಿಂದ ಪಾರಾಗಿದೆ ಎಂದು ವ್ಯಕ್ತಿಯೊಬ್ಬರು ಬರೆದುಕೊಂಡಿದ್ದಾರೆ.

ಇದನ್ನೂ ಓದಿ: Viral News: ಮನೆ ಖರೀದಿಸಲು ಯೋಚಿಸುತ್ತಿದ್ದೀರಾ?; ಈ ಊರಿನಲ್ಲಿ 87 ರೂ.ಗೆ ಮನೆ ಮಾರಾಟಕ್ಕಿದೆ!

Viral Video: ರಾಖಿ ಕಟ್ಟಿದವನನ್ನೇ ಕಚ್ಚಿ ಕೊಂದ ಹಾವುಗಳು!; ಈ ವಿಡಿಯೋ ನೋಡಿದರೆ ಬೆಚ್ಚಿ ಬೀಳ್ತೀರಿ

(Shocking Video: Ceiling Fan Falls Down During Family Dinner Watch Viral Video)

Published On - 12:50 pm, Wed, 25 August 21