AQI
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

Strawberry Supermoon: ಜೂನ್​ 24ರಂದು ಸ್ಟ್ರಾಬೆರಿ ಸೂಪರ್​ಮೂನ್ ವಿಸ್ಮಯ​! ಈ ಹೆಸರಿನ ಹಿಂದಿರುವ ಗುಟ್ಟೇನು?

ಜೂನ್​ 24 ರಂದು ಗೋಚರಿಸಲಿರುವ ಸೂಪರ್​ಮೂನ್​ಗೆ ಸ್ಟ್ರಾಬೆರಿ ಮೂನ್​ ಎಂಬ ಹೆಸರು ಬರಲು ವಿಶೇಷ ಕಾರಣವಿದೆ. ಅಮೆರಿಕಾದ ಉತ್ತರ ಭಾಗದಲ್ಲಿ ಜೂನ್​ ತಿಂಗಳ ಅವಧಿ ಸ್ಟ್ರಾಬೆರಿ ಹಣ್ಣು ಬೆಳೆಯುವ ಸಮಯ. ಈ ಕಾರಣಕ್ಕಾಗಿ ಇದನ್ನು ಸ್ಟ್ರಾಬೆರಿ ಮೂನ್ ಎಂದು ಕರೆಯಲಾಗುತ್ತದೆ.

Strawberry Supermoon: ಜೂನ್​ 24ರಂದು ಸ್ಟ್ರಾಬೆರಿ ಸೂಪರ್​ಮೂನ್ ವಿಸ್ಮಯ​! ಈ ಹೆಸರಿನ ಹಿಂದಿರುವ ಗುಟ್ಟೇನು?
ಸ್ಟ್ರಾಬೆರಿ ಸೂಪರ್​ಮೂನ್​ (ಸಾಂಕೇತಿಕ ಚಿತ್ರ)
TV9 Web
| Updated By: Skanda|

Updated on: Jun 21, 2021 | 11:32 AM

Share

ಮನುಷ್ಯ ಭೂಮಿಯ ಮೇಲೆ ವಾಸಿಸುವುದಾದರೂ ಆತನಿಗೆ ಬಾಹ್ಯಾಕಾಶದೆಡೆಗಿನ ಆಸಕ್ತಿ ಅತೀವ. ಕಗ್ಗತ್ತಲಲ್ಲಿ ಕಾಣುವ ಉಲ್ಕಾಪಾತದಿಂದ ಹಿಡಿದು, ಧೂಮಕೇತು, ಗ್ರಹಣ, ಸೂರ್ಯ-ಚಂದ್ರರ ಚಲನವಲನ ಎಲ್ಲವೂ ಕುತೂಹಲ ಕೆರಳಿಸುವ ವಿಷಯಗಳೇ. ಕಳೆದ ಮೇ ತಿಂಗಳಿನಲ್ಲಿ ಚಂದ್ರಗ್ರಹಣ ಹಾಗೂ ನಂತರ ಜೂನ್​ನಲ್ಲಿ ಸೂರ್ಯಗ್ರಹಣವೊಂದಕ್ಕೆ ಜಗತ್ತಿನ ಕೆಲ ಭಾಗಗಳ ಜನರು ಸಾಕ್ಷಿಯಾಗಿದ್ದಾರೆ. ಜೂನ್ 10ರಂದು ಘಟಿಸಿದ ಸೂರ್ಯಗ್ರಹಣವನ್ನು ಬೆಂಕಿಯ ಉಂಗುರ ಎಂದು ಬಣ್ಣಿಸಲಾಗಿದ್ದ ಕಾರಣ ಅದು ಅನೇಕ ಜನರ ಕುತೂಹಲಕ್ಕೆ ಕಾರಣವಾಗಿತ್ತು. ಇದೀಗ ಆಕಾಶದಲ್ಲಿ ನಡೆಯಲಿರುವ ಮತ್ತೊಂದು ವಿದ್ಯಮಾನ ಎಲ್ಲರ ಗಮನ ಸೆಳೆಯುತ್ತಿದೆ. 2021ನೇ ಇಸವಿಯ ಕಟ್ಟಕಡೆಯ ಸೂಪರ್​ಮೂನ್​ ಜೂನ್​ 24ರಂದು ಸಂಭವಿಸಲಿದ್ದು, ಇದಕ್ಕೆ ಸ್ಟ್ರಾಬೆರಿ ಮೂನ್ ಎಂದು ನಾಮಕರಣ ಮಾಡಲಾಗಿದೆ.

ನಾಸಾ ಸಂಸ್ಥೆಯ ವಿಜ್ಞಾನಿಗಳು ಹೇಳಿರುವ ಪ್ರಕಾರ ಈ ವಿಸ್ಮಯ ಜೂನ್​ 24ರಂದು ಘಟಿಸಲಿದೆ. ಸೂಪರ್​ಮೂನ್​ ಎಂದರೆ ಚಂದ್ರ ತನ್ನ ಕಕ್ಷೆಯಲ್ಲಿ ಸುತ್ತುತ್ತಾ ಭೂಮಿಗೆ ಅತ್ಯಂತ ಸಮೀಪದಲ್ಲಿ ಹಾದುಹೋಗುವ ಪ್ರಕ್ರಿಯೆ. ಹೀಗೆ ಚಂದ್ರ ಭೂಮಿಗೆ ಹತ್ತಿರವಾದಾಗ ಸಹಜವಾಗಿಯೇ ದೊಡ್ಡದಾಗಿ ಹಾಗೂ ಪ್ರಕಾಶಮಾನವಾಗಿ ಕಾಣಿಸಿಕೊಳ್ಳಲಿದೆ. ಭೂಮಿಗೆ ಪರಿಪೂರ್ಣ ಒಂದು ಸುತ್ತು ಬರಲು ಸುಮಾರು 29.5 ದಿನಗಳ ಕಾಲಾವಕಾಶ ತೆಗೆದುಕೊಳ್ಳುವ ಚಂದ್ರನನ್ನು ಈ ಅವಧಿಯಲ್ಲಿ ಅಂದರೆ ಅಮಾವಾಸ್ಯೆಯಿಂದ ಹುಣ್ಣಿಮೆ ತನಕ ವಿವಿಧ ಆಕಾರ, ಗಾತ್ರಗಳಲ್ಲಿ ಭೂಮಿಯ ಮೇಲಿನಿಂದ ಗಮನಿಸಬಹುದು. ಹೀಗೆ ಭೂಮಿಯನ್ನು ಸುತ್ತುವಾಗ ಚಂದ್ರ ಯಾವಾಗಲಾದರೂ ಒಮ್ಮೆ ತೀರಾ ಸನಿಹಕ್ಕೆ ಬಂದು ಹೋಗುವ ವಿಸ್ಮಯ ಘಟಿಸುತ್ತದೆ.

ಸ್ಟ್ರಾಬೆರಿ ಮೂನ್ ಹೆಸರಿನ ಹಿಂದಿರುವ ವಿಶೇಷತೆ ಏನು? ಜೂನ್​ 24 ರಂದು ಗೋಚರಿಸಲಿರುವ ಸೂಪರ್​ಮೂನ್​ಗೆ ಸ್ಟ್ರಾಬೆರಿ ಮೂನ್​ ಎಂಬ ಹೆಸರು ಬರಲು ವಿಶೇಷ ಕಾರಣವಿದೆ. ಅಮೆರಿಕಾದ ಉತ್ತರ ಭಾಗದಲ್ಲಿ ಜೂನ್​ ತಿಂಗಳ ಅವಧಿ ಸ್ಟ್ರಾಬೆರಿ ಹಣ್ಣು ಬೆಳೆಯುವ ಸಮಯ. ಈ ಕಾರಣಕ್ಕಾಗಿ ಇದನ್ನು ಸ್ಟ್ರಾಬೆರಿ ಮೂನ್ ಎಂದು ಕರೆಯಲಾಗುತ್ತದೆ. ಆದರೆ, ಹೆಸರಿಗೆ ತಕ್ಕಂತೆ ಚಂದ್ರನ ಬಣ್ಣವೂ ಸ್ಟ್ರಾಬೆರಿ ಹಣ್ಣಿನಂತೆಯೇ ಕಾಣುತ್ತದೆ ಎಂದು ಭಾವಿಸಿದರೆ, ಅದು ಮಾತ್ರ ತಪ್ಪು. ಏಕೆಂದರೆ ಈ ಹೆಸರಿಗೂ ಚಂದ್ರನ ಬಣ್ಣಕ್ಕೂ ಸಂಬಂಧವಿಲ್ಲ.

ಅಂದಹಾಗೆ, ಈ ಸ್ಟ್ರಾಬೆರಿ ಮೂನ್​ಗೆ ಇನ್ನೂ ಕೆಲ ಹೆಸರುಗಳಿವೆ. ಇದನ್ನು ಬ್ಲೂಮಿಂಗ್ ಮೂನ್, ಗ್ರೀನ್ ಕಾರ್ನ್​ ಮೂನ್, ಆನರ್ ಮೂನ್, ಬರ್ತ್​ ಮೂನ್, ಎಗ್​ ಲೇಯಿಂಗ್ ಮೂನ್, ಹ್ಯಾಚಿಂಗ್ ಮೂನ್​, ಹನಿ ಮೂನ್, ಮೀಡ್ ಮೂನ್ ಎಂದು ಒಂದೊಂದು ಪ್ರದೇಶದಲ್ಲಿ ಒಂದೊಂದು ರೀತಿಯಲ್ಲಿ ಕರೆಯಲಾಗುತ್ತದೆ. ಜೂನ್​ 24ರ ಸ್ಟ್ರಾಬೆರಿ ಮೂನ್ ಭಾರತದಲ್ಲಿ ಕಾಣುವುದಿಲ್ಲವಾದರೂ ಆನ್​ಲೈನ್ ಮೂಲಕ ವೀಕ್ಷಿಸಬಹುದು.

ಇದನ್ನೂ ಓದಿ: Lunar Eclipse 2021: ಮೇ 26ರ ಸೂಪರ್ ಬ್ಲಡ್ ಮೂನ್- ಪೂರ್ಣ ಚಂದ್ರಗ್ರಹಣದ ಬಗ್ಗೆ ನಿಮಗೆ ಗೊತ್ತಿರಬೇಕಾದ ಮಾಹಿತಿಗಳಿವು 

ಬಿಸಿಲ ನಾಡಲ್ಲಿ ಶೀತ ಪ್ರದೇಶದ ‘ಫಲ’! ಸ್ಟ್ರಾಬೆರಿ ಹಣ್ಣನ್ನು ವಿಶ್ವವಿದ್ಯಾಲಯದ ಆವರಣದಲ್ಲಿ ಬೆಳೆದು ಮಾದರಿಯಾದ ವಿಜಯಪುರ ವಿದ್ಯಾರ್ಥಿನಿಯರು

ಕೆಲದಿನಗಳ ಮಟ್ಟಿಗೆ ಮುಂದೂಡಲ್ಪಟ್ಟ ಮುಖ್ಯಮಂತ್ರಿ ಗಾದಿಯ ಸಂಘರ್ಷ
ಕೆಲದಿನಗಳ ಮಟ್ಟಿಗೆ ಮುಂದೂಡಲ್ಪಟ್ಟ ಮುಖ್ಯಮಂತ್ರಿ ಗಾದಿಯ ಸಂಘರ್ಷ
ಯಶ್ ವಿಚಾರದಲ್ಲಿ ಅಷ್ಟು ಕಟುತ್ವ ಏಕೆ? ಉತ್ತರಿಸಿದ ತಾಯಿ ಪುಷ್ಪಾ
ಯಶ್ ವಿಚಾರದಲ್ಲಿ ಅಷ್ಟು ಕಟುತ್ವ ಏಕೆ? ಉತ್ತರಿಸಿದ ತಾಯಿ ಪುಷ್ಪಾ
ಧಾರ್ಮಿಕ ಸ್ಥಳಕ್ಕೆ ಬಂದಾಗ ರಾಜಕೀಯ ಮಾತಾಡಲಾರೆ: ಪರಮೇಶ್ವರ್
ಧಾರ್ಮಿಕ ಸ್ಥಳಕ್ಕೆ ಬಂದಾಗ ರಾಜಕೀಯ ಮಾತಾಡಲಾರೆ: ಪರಮೇಶ್ವರ್
ದಿನಸಿ ಸಾಲ ವಾಪಾಸ್ ಕೇಳಿದ್ದಕ್ಕೆ ಅಂಗಡಿಗೇ ಬೆಂಕಿ ಹಚ್ಚಲು ಮುಂದಾದ ವ್ಯಕ್ತಿ!
ದಿನಸಿ ಸಾಲ ವಾಪಾಸ್ ಕೇಳಿದ್ದಕ್ಕೆ ಅಂಗಡಿಗೇ ಬೆಂಕಿ ಹಚ್ಚಲು ಮುಂದಾದ ವ್ಯಕ್ತಿ!
ಸಿದ್ದರಾಮಯ್ಯ ಮತ್ತು ಶಿವಕುಮಾರ್ ನಡುವೆ ಸಂಘರ್ಷ ಶುರುವಾಗಿದೆ: ಅಶೋಕ
ಸಿದ್ದರಾಮಯ್ಯ ಮತ್ತು ಶಿವಕುಮಾರ್ ನಡುವೆ ಸಂಘರ್ಷ ಶುರುವಾಗಿದೆ: ಅಶೋಕ
ಗುಂಡು ಹಾರಿಸಿಕೊಂಡು ಆತ್ಮಹತ್ಯೆಗೆ ಶರಣಾದ ಅಸಹಾಯಕ ತಂದೆ
ಗುಂಡು ಹಾರಿಸಿಕೊಂಡು ಆತ್ಮಹತ್ಯೆಗೆ ಶರಣಾದ ಅಸಹಾಯಕ ತಂದೆ
ಗಜಲಕ್ಷ್ಮಿ, ಮಹಾಲಕ್ಷ್ಮಿ ಅಲಂಕಾರದಲ್ಲಿ ಕಂಗೊಳಿಸುತ್ತಿರುವ ಚಾಮುಂಡೇಶ್ವರಿ
ಗಜಲಕ್ಷ್ಮಿ, ಮಹಾಲಕ್ಷ್ಮಿ ಅಲಂಕಾರದಲ್ಲಿ ಕಂಗೊಳಿಸುತ್ತಿರುವ ಚಾಮುಂಡೇಶ್ವರಿ
ಸ್ಟಂಟ್ ಮಾಡಲು ಹೋಗಿ ಕಾರಿನ ಸಮೇತ 300 ಅಡಿ ಆಳದ ಕಂದಕಕ್ಕೆ ಬಿದ್ದ ವ್ಯಕ್ತಿ
ಸ್ಟಂಟ್ ಮಾಡಲು ಹೋಗಿ ಕಾರಿನ ಸಮೇತ 300 ಅಡಿ ಆಳದ ಕಂದಕಕ್ಕೆ ಬಿದ್ದ ವ್ಯಕ್ತಿ
ಸೇತುವೆ ಲೋಕಾರ್ಪಣೆಗೊಂಡು ಎರಡು ಗಂಟೆಯಲ್ಲೇ ಮುಚ್ಚಿದ್ದೇಕೆ?
ಸೇತುವೆ ಲೋಕಾರ್ಪಣೆಗೊಂಡು ಎರಡು ಗಂಟೆಯಲ್ಲೇ ಮುಚ್ಚಿದ್ದೇಕೆ?
ಲಿಫ್ಟ್​ ಬಾಗಿಲು ಹಾಕಿದ್ದೇಕೆಂದು ಗದರಿ ಬಾಲಕನ ಕೈ ಕಚ್ಚಿದ ವ್ಯಕ್ತಿ
ಲಿಫ್ಟ್​ ಬಾಗಿಲು ಹಾಕಿದ್ದೇಕೆಂದು ಗದರಿ ಬಾಲಕನ ಕೈ ಕಚ್ಚಿದ ವ್ಯಕ್ತಿ