Viral Video: ನನ್ನದೊಂದು ಅಳಿಲು ಸೇವೆ ಎಂದು ಮನೆ ಮಾಲೀಕನ ಜೊತೆಗೆ ಗೋವಿಗೆ ಹುಲ್ಲು ತಂದ ಶ್ವಾನ

ಭೂಮಿಯ ಮೇಲಿನ ಅತ್ಯಂತ ನಿಷ್ಠಾವಂತ ಪ್ರಾಣಿ ನಾಯಿ. ಅದಕ್ಕಾಗಿಯೇ ಅನೇಕರು ನಾಯಿಯನ್ನು ಸಾಕಲು ಇಷ್ಟಪಡುತ್ತಾರೆ. ಕೆಲವರು ನಾಯಿಗಳನ್ನು ಮನೆ ಕಾವಲಿಗಾಗಿ ಸಾಕಿದರೆ, ಇನ್ನೂ ಕೆಲವರು ನಾಯಿಗಳನ್ನು ಮಕ್ಕಳಂತೆ ಸಾಕುತ್ತಾರೆ. ಏನೇ ಇರಲಿ ಅವುಗಳಿಗೆ ಒಂದು ತುತ್ತು ಅನ್ನ ನೀಡಿದರೆ ಸಾಕು ನಿಮ್ಮನ್ನು ಅದು ತನ್ನ ಜೀವಮಾನವಿಡಿ ಮರೆಯಲಾರದು. ಹಾಗೂ ಶ್ವಾನಗಳು ಅನ್ನ ನೀಡಿದ ಮನೆಯವರಿಗೆ ನಿಷ್ಠೆಯನ್ನು ತೋರುತ್ತಾ, ಜೀವಮಾನದಲ್ಲಿ ಅವರಿಗೆ ಋಣಿಯಾಗಿರುತ್ತದೆ. ಇನ್ನೂ ನಮ್ಮ ಸ್ವಂತದದವರೇ ನಮ್ಮ ಸಹಾಯಕ್ಕೆ ಆಗದ ಈ ಕಾಲದಲ್ಲಿ ಇಲ್ಲೊಂದು ರಾಕಿ ಎಂಬ ಹೆಸರಿನ ಶ್ವಾನ ತನ್ನ ಮನೆ ಮಾಲೀಕನಿಗೆ ತನ್ನದೊಂದು ಪುಟ್ಟ ಸೇವೆಯನ್ನು ಮಾಡುತ್ತಿದೆ. ಹೌದು ಮನೆ ಮಾಲೀಕರು ತಮ್ಮ ತೋಟದಿಂದ ದನಗಳ ಮೇವಿಗಾಗಿ ಹುಲ್ಲನ್ನು ತರುವಾಗ ಆ ಮನೆಯ ನಾಯಿಯು ಕೂಡಾ ಅವರ ಜೊತೆಗೆ ಹುಲ್ಲನ್ನು ಹೊತ್ತು ತರುತ್ತದೆ. ಸದ್ಯ ಈ ಹೃದಯಸ್ಪರ್ಶಿ ವೀಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.

ಈ ವೀಡಿಯೋವನ್ನು ಭಾಸ್ಕರ್ ವಿಲ್ಲಾಸ್ (@bhaskarvilla_s) ಎಂಬ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಹಂಚಿಕೊಳ್ಳಲಾಗಿದ್ದು, ಮನೆ ಮಾಲೀಕರ ಜೊತೆಯಾಗಿ ಮುದ್ದಾದ ಕಪ್ಪು ಬಣ್ಣದ ನಾಯಿಯೂ ಕೂಡಾ ದನದ ಮೇವಿಗಾಗಿ ಹುಲ್ಲನ್ನು ತರುತ್ತಿರುವುದನ್ನು ವೀಡಿಯೋದಲ್ಲಿ ಕಾಣಬಹುದು. ಮನೆಯ ಮಾಲೀಕರು ತೋಟದಿಂದ ದನಗಳ ಮೇವಿಗಾಗಿ ಹುಲ್ಲನ್ನು ತರುವಾಗ ರಾಕಿ ಎಂಬ ಹೆಸರಿನ ನಾಯಿ, ನಾನು ಕೂಡಾ ತನ್ನವರಿಗಾಗಿ ಸಹಾಯ ಮಾಡುತ್ತೇನೆ ಎನ್ನುತ್ತಾ ಮನೆಯ ಮಾಲೀಕರ ಜೊತೆಗೆ ತೋಟದಿಂದ ಹುಲ್ಲಿನ ಕಟ್ಟನ್ನು ಹಲ್ಲಿನಲ್ಲಿ ಕಚ್ಚಿಕೊಂಡು ತಂದು, ಅದನ್ನು ದನದ ಕೊಟ್ಟಿಗೆಯ ಮುಂದೆ ಹಾಕುತ್ತದೆ. ಕೊನೆಗೆ ತಮ್ಮ ಮುದ್ದಿನ ಶ್ವಾನಕ್ಕೆ ಮನೆ ಮಾಲೀಕ ಪ್ರೀತಿಯ ಮುತ್ತನ್ನು ನೀಡುವ ಭಾವನಾತ್ಮಕ ದೃಶ್ಯಾವಳಿಯನ್ನು ವೀಡಿಯೋದಲ್ಲಿ ಕಾಣಬಹುದು.

View this post on Instagram

A post shared by BhaskarVillas (@bhaskarvilla_s)

ಇದನ್ನೂ ಓದಿ: Viral Video: ಮಂಚವನ್ನು ಉಪಯೋಗಿಸಿಕೊಂಡು ಮೋಟಾರು ಗಾಡಿ ತಯಾರಿಸಿದ ವ್ಯಕ್ತಿ

ಮೂರು ದಿನಗಳ ಹಿಂದೆ ಇನ್ಟಾಗ್ರಾಮ್ ನಲ್ಲಿ ಹರಿಬಿಡಲಾದ ಈ ವೀಡಿಯೋ 1.5 ಮಿಲಿಯನ್ ವೀಕ್ಷಣೆಗಳನ್ನು ಹಾಗೂ 305 ಸಾವಿರ ಲೈಕ್ಸ್​​​ಗಳನ್ನು ಪಡೆದುಕೊಂಡಿದೆ. ಹಾಗೂ ಅನೇಕ ಈ ವೀಡಿಯೊಗೆ ಕಮೆಂಟ್​​ ಕೂಡ ಮಾಡಿದ್ದಾರೆ. ಒಬ್ಬ ಬಳಕೆದಾರರು ‘ಇದು ಪರಿಶುದ್ಧ ಪ್ರೀತಿ’ ಎಂದು ಕಮೆಂಟ್ ಮಾಡಿದ್ದಾರೆ. ಇನ್ನೊಬ್ಬ ಬಳಕೆದಾರರು ‘14 ವರ್ಷಗಳವರೆಗೆ ಕಡ್ಡಾಯ ಶಿಕ್ಷಣವನ್ನು ಒದಗಿಸಿ ಮತ್ತು ಬಾಲಕಾರ್ಮಿಕತೆಯನ್ನು ತಪ್ಪಿಸಿ’ ಎಂದು ತಮಾಷೆಯ ಕಮೆಂಟ್ ಬರೆದುಕೊಂಡಿದ್ದಾರೆ. ಇನ್ನು ಅನೇಕರು ಶ್ವಾನ ಮತ್ತು ಮನೆ ಮಾಲೀಕನ ಪರಿಶುದ್ಧ ಬಾಂಧವ್ಯಕ್ಕೆ ಮೆಚ್ಚುಗೆಯನ್ನು ಸೂಚಿಸಿದ್ದಾರೆ.

ಮತ್ತಷ್ಟು ವೈರಲ್ ವಿಡಿಯೋಗಾಗಿ ಕ್ಲಿಕ್ ಮಾಡಿ

Published On - 2:56 pm, Fri, 16 June 23