Viral Video: ಇದೊಂದಿದ್ದರೆ ಯಾರೂ ಏನನ್ನೂ ಚಿವುಟಬಹುದು ಕತ್ತರಿಸಬಹುದು ಸುಲಿಯಬಹುದು!

Veg Cutter : ಮನೆಯಲ್ಲಿ ನಾಲ್ಕು ಬೆಳ್ಳುಳ್ಳಿ ಸುಲಿದು ಕೊಡು ಎಂದಾಗ ಯಾವುದೋ ಫೋನ್​ ಬಂತು ಇರು ಎಂದು ಹೋಗಬೇಕಿಲ್ಲ. ಇದಿಷ್ಟು ಬೀನ್ಸ್​ ಸುಲಿದು ಕೊಡು ಎಂದಾಗ ಅಯ್ಯೋ ತಲೆನೋವು ಎಂದು ನೆಪ ಹೇಳಬೇಕಿಲ್ಲ. ಶುಂಠಿ ಸಿಪ್ಪೆ ತೆಗೆದುಕೊಡು ಎಂದಾಗ ನನ್ನ ಫ್ರೆಂಡ್​ ಕರೀತಿದಾರೆ ಎಂದು ಹೊರಹೋಗಬೇಕಿಲ್ಲ. ಈಗ ಯಾರೂ ಕೂಡ ಸುಲಭವಾಗಿ ಚಕಚಕನೆ ತರಕಾರಿಗಳನ್ನು ಕತ್ತರಿಸಬಹುದು, ಸೋಸಬಹುದು, ಸುಲಿಯಬಹುದು ಆದರೆ ನಿಮ್ಮ ಹೆಬ್ಬೆರಳಿಗೆ ಇಂಥದೊಂದು ಸಾಧನವಿದ್ದಲ್ಲಿ!

ಇನ್​ಸ್ಟಾಗ್ರಾಮಿಗರು ಈ ವಿಡಿಯೋ ನೋಡಿ ಹುಚ್ಚೆದ್ದು ಪ್ರತಿಕ್ರಿಯಿಸುತ್ತಿದ್ದಾರೆ. ಆಹ್​ ಇದು ನನ್ನ ಐದು ಬೆರಳಿಗೂ ಬೇಕು ಎಂದು ಹಲವಾರು ಜನ ತಮಾಷೆ ಮಾಡುತ್ತಿದ್ಧಾರೆ. Peter Piper picked a peck of pickled peppers from the pepper patch ಎಂದು ಒಬ್ಬರು ಟಂಗ್​ ಟ್ವಿಸ್ಟರ್ ನೆನಪಿಸಿಕೊಂಡಿದ್ದಾರೆ. ಏನೇನೋ ಶೋಧಿಸುತ್ತಿದ್ದೇವೆ, ಆದರೆ ನಾವಿನ್ನೂ ಆತ್ಮರಕ್ಷಣೆಯ ಸಾಧ್ಯತೆಗಳನ್ನು ಹುಡುಕುವುದಕ್ಕೆ ಶುರುಮಾಡಿಲ್ಲ ಎಂದಿದ್ದಾರೆ ಇನ್ನೂ ಒಬ್ಬರು. ನಾನಂತೂ ಈ ಸಾಧನವನ್ನು ಖರೀದಿಸುತ್ತೇನೆ ಎಂದು ಅನೇಕರು ಹೇಳಿದ್ದಾರೆ.

ಇದನ್ನೂ ಓದಿ : Viral Video: ಬಿಹಾರಿ ಮಗುವಿಗೆ ಬಂದಿದ್ದು ಕನ್ನಡಜ್ವರ! ಸೃಷ್ಟಿ ಡಾಕ್ಟರ್​ ಕೊಟ್ಟ ಔಷಧಿ ಏನು?

ತಂತ್ರಜ್ಞಾನ, ತಾಂತ್ರಿಕ ಸಾಧನ ಮತ್ತು ಆನ್​ಲೈನ್ ಮಾರುಕಟ್ಟೆ ಇವುಗಳ ವ್ಯಾಪ್ತಿ ಇಂದು ಊಹಿಸಲಸಾಧ್ಯ. ಯಾವ ಕೆಲಸವನ್ನೂ ಸುಲಭವಾಗಿ ಪೂರೈಸಲು ಅನುಕೂಲವಾಗುವಂಥ ಸಾಧನಗಳ ಸರಕು ಈವತ್ತು ತುದಿಬೆರಳಲ್ಲಿ ಆಡುತ್ತಿದೆ. ಸಣ್ಣಪುಟ್ಟ ಕೈಗಾರಿಕೆಗಳು ಇಂದು ಲೆಕ್ಕವಿಲ್ಲದಷ್ಟು ತಲೆಎತ್ತಿನಿಂತಿವೆ.

ಇದನ್ನೂ ಓದಿ : Viral Video: ಈ ಧಗೆಯಲ್ಲಿ ಪ್ರೇಮಿಗಳಿಗೆ ತಂಪನೆರೆಯುವ ಪ್ರಗತಿ ಬಡಿಗೇರಳ ಈ ಭಾವಗೀತೆ

ವೇಗದ ಜೀವನಶೈಲಿ ಕೊಳ್ಳುಬಾಕುತನ ಸಂಸ್ಕೃತಿಯನ್ನು ಪ್ರೋತ್ಸಾಹಿಸುತ್ತಿದೆ. ನಿಂತರೆಲ್ಲಿ ಕೊಳೆತುಹೋಗುತ್ತೇವೆ ಎಂಬಂತೆ ಕಾಲದೊಂದಿಗೆ ಕಾಲು ಹಾಕುವುದು ಇಂದಿನ ಅನಿವಾರ್ಯವಾಗಿದೆ. ಈ ಬಗ್ಗೆ ಜಾಸ್ತಿ ಬರೆದರೆ ನಿಮಗೆ ಓದಿಗೆ ಪುರಸೊತ್ತಿಲ್ಲ. ಮೆಣಸಿನಕಾಯಿ ಹೆಚ್ಚುವುದಿದೆ, ಬೆಳ್ಳುಳ್ಳಿ ಸುಲಿಯುವುದಿದೆ, ಹಣ್ಣು ಬಿಡಿಸುವುದಿದೆ ಇನ್ನೂ ಏನೇನೋ!

ಮತ್ತಷ್ಟು ವೈರಲ್​ ನ್ಯೂಸ್​ಗಾಗಿ ಕ್ಲಿಕ್ ಮಾಡಿ