ಎಚ್ಚರ… ಸಾರ್ವಜನಿಕ ಸ್ಥಳದಲ್ಲಿ ಪ್ರಪೋಸ್ ಮಾಡುವಾಗ ಹೀಗೂ ಆದಿತು!

ಪ್ರೇಮಿಯೊಬ್ಬನು ತನ್ನ ಗೆಳತಿಗೆ ಪ್ರಪೋಸ್ ಮಾಡುವಾಗ ವ್ಯಕ್ತಿಯೊಬ್ಬರು ಅಡ್ಡಿಪಡಿಸಿದ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿದೆ.

ಪ್ರಪೋಸ್ ಮಾಡುವಾಗ ಪ್ರೇಮಿಗಳಿಗೆ ಅಡ್ಡಿಪಡಿಸಿದ ಸಿಬ್ಬಂದಿ

TV9 Web | Updated By: Rakesh Nayak Manchi|
Updated on:Jun 06, 2022 | 3:23 PM

ಪ್ರೇಮಿಗಳು ತಮ್ಮ ಪ್ರೀತಿಪಾತ್ರರಿಗೆ ವಿಶೇಷ ಸ್ಥಳದಲ್ಲಿ ವಿಶೇಷವಾಗಿ ಪ್ರಪೋಸ್ ಮಾಡಲು ಬಯಸುತ್ತಾರೆ. ಅದರಂತೆ ಪ್ರೇಮಿಯೋರ್ವ ತನ್ನ ಗೆಳತಿಗೆ ಬೆಸ್ಟ್ ಪ್ಲೇಸ್ನಲ್ಲಿ ಪ್ರಪೋಸ್ (Propose) ಮಾಡಲು ಮುಂದಾಗಿದ್ದಾನೆ. ಈ ವೇಳೆ ವೇಗವಾಗಿ ಓಡಿಬಂದ ವ್ಯಕ್ತಿಯೊಬ್ಬ ಉಂಗುರ ತೊಡಿಸಲು ಅಡ್ಡಿಪಡಿಸಿದ್ದಾನೆ. ಇದರ ವಿಡಿಯೋ (Video) ಸಾಮಾಜಿಕ ಜಾಲತಾಣದಲ್ಲಿ ವೈರಲ್ (Viral) ಆಗುತ್ತಿದೆ.

ಇದನ್ನೂ ಓದಿ: Viral Video: ಮನೆಮನೆಗೆ ಹಾರಿಕೊಂಡು ಹೋದ ನವಿಲಿನ ವಿಡಿಯೋ ಪರಿಸರ ದಿನದಂದು ವೈರಲ್

ವೈರಲ್ ವಿಡಿಯೋ ನೋಡಿದಂತೆ, ಅಮ್ಯೂಸ್‌ಮೆಂಟ್ ಪಾರ್ಕ್‌ನಲ್ಲಿ ವೇದಿಕೆಯಂತಿರುವ ಸ್ಥಳದಲ್ಲಿ ವ್ಯಕ್ತಿಯೊಬ್ಬರು ಮೊಣಕಾಲಿನಲ್ಲಿ ಕುಳಿತುಕೊಂಡು ತನ್ನ ಗೆಳತಿಗೆ ಉಂಗುರು ಹಾಕಲು ಮುಂದಾಗಿದ್ದಾನೆ. ಈ ವೇಳೆ ಸ್ವಲ್ಪ ದೂರದಲ್ಲೇ ಇದ್ದ ಪಾರ್ಕ್ ಸಿಬ್ಬಂದಿ ಓಡಿ ಬಂದು ಉಂಗುರವನ್ನು ಕಿತ್ತುಕೊಂಡು ಕೆಳಗೆ ಬಂದಿದ್ದಾರೆ. ಅಲ್ಲದೆ ಅಲ್ಲಿಂದ ಕೆಳಗೆ ಇಳಿಯುವಂತೆ ಪ್ರೇಮಿಗಳಿಗೆ ನಾಜೂಕಾಗಿ ಸೂಚಿಸಿರುವುದು ಬಹಳ ಚೆನ್ನಾಗಿತ್ತು. ಸಿಬ್ಬಂದಿಯ ಈ ನಡೆಯಿಂದ ಬೆರಗಾದ ಪ್ರೇಮಿಗಳು ಅಚ್ಚರಿಯಂತೆ ನೋಡಿಕೊಂಡು ಕೆಳಗೆ ಇಳಿದಿದ್ದಾರೆ. ಈ ವೇಳೆ ಸಿಬ್ಬಂದಿ ಉಂಗುರವನ್ನು ಮರಳಿ ನೀಡಿದ್ದಾರೆ.

ಖುಷಿಯ ಸಂದರ್ಭದಲ್ಲಿ ಯಾರಾದರೂ ಅಡ್ಡಿಪಡಿಸಿದಾಗ ಸಂತೋಷ ಕಿತ್ತುಕೊಂಡಂತ್ತಾಗುತ್ತದೆ. ಅದರಂತೆ ಸಿಬ್ಬಂದಿಯು ಉಂಗುರ ಕಿತ್ತು ಕೆಳಗಿಳಿಯುವಂತೆ ಸೂಚಿಸಿರುವುದು ಪ್ರೇಮಿಗಳ ಪ್ರಪೋಸ್ ಮಾಡುವ ಮೂಡ್ ಹಾಳು ಮಾಡಿರುವ ಸಾಧ್ಯತೆಯೂ ಇದೆ. ವೈರಲ್ ಕ್ಲಿಪ್ ಅನ್ನು ಮೂಲತಃ ರೆಡ್ಡಿಟರ್ ವಾಸ್ಗೆಟ್ಲಾನ್ ಅವರು ಪೋಸ್ಟ್ ಮಾಡಿದ್ದಾರೆ.

“ಸಿಬ್ಬಂದಿಯು ನನ್ನ ಉತ್ತಮ ಸ್ನೇಹಿತರ ಕ್ಷಣವನ್ನು ನಾಶಮಾಡಿದ್ದಾರೆ. ಅವರು ಮುಂಚಿತವಾಗಿ ಅನುಮತಿ ಕೇಳಿದ್ದರು” ಎಂದು ಬಳಕೆದಾರರು ಪೋಸ್ಟ್‌ನಲ್ಲಿ ಬರೆದಿದ್ದಾರೆ.

ವಿಡಿಯೋ ವೀಕ್ಷಿಸಿ: