Viral Video: ಹಿಂದಿ ಹಾಡಿಗೆ ಸೀರೆಯುಟ್ಟು ಹೆಜ್ಜೆ ಹಾಕಿದ ಸುಂದರಿಯರು, ಇದು ಅದ್ಭುತ ಎಂದ ನೆಟ್ಟಿಗರು
ಸಂಪ್ರದಾಯಿಕವಾಗಿ ಸೀರೆಯುಟ್ಟು ಮನ್ವಾ ಲಾಗೇ ಹಾಡಿಗೆ ಯುವತಿಯರಿಬ್ಬರು ಶಾಸ್ತ್ರೀಯ ಶೈಲಿಯ ನೃತ್ಯ ಮಾಡಿದ್ದು, ಇವರಿಬ್ಬರ ನೃತ್ಯ ಪ್ರದರ್ಶನ ನೋಡುಗರನ್ನು ಆಕರ್ಷಿಸಿದೆ.
ಅನೇಕರು ಸಾಮಾಜಿಕ ಜಾಲತಾಣದಲ್ಲಿ ತಮ್ಮ ಪ್ರತಿಭೆಗಳನ್ನು ಪ್ರದರ್ಶಿಸುವ ವೀಡಿಯೋಗಳನ್ನು ಹಂಚಿಕೊಳ್ಳುತ್ತಾರೆ. ಡಾನ್ಸ್, ನಟನೆ, ಸಂಗೀತ ಇತ್ಯಾದಿ ವೀಡಿಯೋಗಳನ್ನು ಹಂಚಿಕೊಳ್ಳುವ ಮೂಲಕ ಜನರನ್ನು ಮನರಂಜಿಸುತ್ತಿರುತ್ತಾರೆ. ಸಾಮಾನ್ಯವಾಗಿ ಇಂತಹ ವೀಡಿಯೋ ಕ್ಲಿಪ್ಗಳು ಜನರ ಮನ ಸೆಳೆಯುತ್ತವೆ ಮತ್ತು ವೈರಲ್ ಆಗುತ್ತವೆ. ಅದರಲ್ಲೂ ಹೆಣ್ಣು ಮಕ್ಕಳು ಲಕ್ಷಣವಾಗಿ ಸೀರೆಯುಟ್ಟು ನೃತ್ಯ ಮಾಡುವ ವೀಡಿಯೋಗಳಿದ್ದರಂತೂ ಜನರು ಅದಕ್ಕೆ ತುಸು ಹೆಚ್ಚೇ ಮನಸೋಲುತ್ತಾರೆ. ಅಂತಹದ್ದೇ ನೃತ್ಯದ ವೀಡಿಯೋವೊಂದು ಇನ್ಟಾಗ್ರಾಮ್ನಲ್ಲಿ ವೈರಲ್ ಆಗಿದ್ದು, ಲಕ್ಷಣವಾಗಿ ಸೀರೆಯುಟ್ಟು ಯುವತಿಯರಿಬ್ಬರು ಶಾರುಖ್ ಖಾನ್ ಹಾಗೂ ದೀಪಿಕಾ ಪಡುಕೋಣೆ ನಟನೆಯ ಹ್ಯಾಪಿ ನ್ಯೂ ಇಯರ್ ಸಿನಿಮಾದ ‘ಮನ್ವ ಲಾಗೆ’ ಹಾಡಿಗೆ ಅದ್ಭುತವಾಗಿ ನೃತ್ಯ ಮಾಡಿದ್ದು, ಎಂತಹ ಆಕರ್ಷಕ ನೃತ್ಯ ಪ್ರದರ್ಶನ ಎಂದು ನೆಟ್ಟಿಗರು ಯುವತಿಯರ ಡಾನ್ಸ್ಗೆ ಮೆಚ್ಚುಗೆ ಸೂಚಿಸಿದ್ದಾರೆ.
ಈ ವೈರಲ್ ವಿಡಿಯೋವನ್ನು ನೃತ್ಯ ಸಂಯೋಜಕಿ ರಿದ್ಧಿ ಗಜ್ಜರ್ (@riddhi.gajjar06) ಅವರು ತಮ್ಮ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ. ವೀಡಿಯೋದಲ್ಲಿ ರಿದ್ಧಿ ಗಜ್ಜರ್ ಹಾಗೂ ನಟಿ ಅಲಿಶಾ ಪ್ರಜಾಪತಿ ಸೀರೆಯನ್ನುಟ್ಟು ಹ್ಯಾಪಿ ನ್ಯೂ ಇಯರ್ ಚಲನಚಿತ್ರದ ಮನ್ವಾ ಲಾಗೆ ಹಾಡಿನ ಸಣ್ಣ ತುಣುಕಿಗೆ ಶಾಸ್ತ್ರೀಯ ಶೈಲಿಯ ನೃತ್ಯ ಮಾಡುವುದನ್ನು ಕಾಣಬಹುದು. ಇವರಿಬ್ಬರ ಮೋಡಿ ಮಾಡುವ ನೃತ್ಯ ಪ್ರದರ್ಶನವು ಕಣ್ಮನ ಸೆಳೆಯುವಂತಿದೆ.
View this post on Instagram
ಇದನ್ನೂ ಓದಿ: Viral Video: ಭತ್ತ ನಾಟಿ ಮಾಡಿದ ಮಹಿಳೆಯರು, ಇದು ಮಹಿಳಾ ಸಬಲೀಕರಣ ಎಂದ ಸಚಿವ
ವೀಡಿಯೋವನ್ನು ಇನ್ಸ್ಟಾಗ್ರಾಮ್ ನಲ್ಲಿ ಮೇ 12 ರಂದು ಹಂಚಿಕೊಳ್ಳಲಾಗಿದ್ದು, ಇಲ್ಲಿಯವರೆಗೆ 1.6 ಮಿಲಿಯಲ್ ವೀಕ್ಷಣೆಗಳನ್ನು ಹಾಗೂ 170 ಸಾವಿರ ಲೈಕ್ಸ್ಗಳನ್ನು ಗಳಿಸಿದೆ. ಜೊತೆಗೆ ಹಲವಾರು ಕಮೆಂಟ್ಸ್ಗಳು ಕೂಡ ಬಂದಿದೆ. ಒಬ್ಬ ಬಳಕೆದಾರರು ನಿಮ್ಮ ಸೀರೆ ತುಂಬಾ ಸುಂದರವಾಗಿದೆ ಎಂದು ಕಮೆಂಟ್ ಮಾಡಿದ್ದಾರೆ. ಇನ್ನೊಬ್ಬ ಬಳಕೆದಾರರು ‘ನಾನು ನಿಮ್ಮೊಂದಿಗೆ ಹೀಗೆ ನೃತ್ಯ ಮಾಡಲು ಬಯಸುತ್ತೇನೆ ಎಂದು ಹೇಳಿದ್ದಾರೆ. ಮತ್ತೊಬ್ಬ ಬಳಕೆದಾರರು ‘ನಿಮ್ಮ ನೃತ್ಯವು ನನ್ನ ಕಣ್ಣುಗಳನ್ನು ಮತ್ತೆ ಮತ್ತೆ ಆಕರ್ಷಿಸುತ್ತಿದೆ ಎಂದು ಕಮೆಂಟ್ ಮಾಡಿದ್ದಾರೆ. ಇನ್ನೂ ಅನೇಕರು ಅದ್ಭುತ ನೃತ್ಯ ಪ್ರದರ್ಶನ ಎನ್ನುತ್ತಾ ತಮ್ಮ ಮೆಚ್ಚುಗೆಯನ್ನು ಸೂಚಿಸಿದ್ದಾರೆ.
ವೈರಲ್ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
