Viral Video: ನಿಲ್ಲು ನಿಲ್ಲೇ ಪತಂಗ, ಇದೋ ಮಾಡು ಪೆಂಗ್ವಿನ್ ಸಂಗ!​

Viral Video : ಪೆಂಗ್ವಿನ್‌ಗಳು ಚಿಟ್ಟೆಯ ಬೆನ್ನಟ್ಟಿಕೊಂಡು ಓಡಾಡುತ್ತಿರುವ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ಮೂರು ಪೆಂಗ್ವಿನ್‌ಗಳನ್ನು ಇಲ್ಲಿರುವ ಒಂದೇ ಚಿಟ್ಟೆಯನ್ನು ಹಿಡಿಯಲು ಹರಸಾಹಸ ಪಡುತ್ತಿವೆ. ಹೇಳಿಕೇಳಿ ಚಿಟ್ಟೆ. ಅದರ ವೇಗಕ್ಕೂ ಈ ಪೆಂಗ್ವಿನ್​ನ ವೇಗಕ್ಕೂ ಎಂದಾದರೂ ತಾಳೆ ಸಿಕ್ಕೀತಾ? ಆದರೆ ಇದನ್ನು ನೋಡೋದೇ ಮಜಾ ಎನ್ನುತ್ತಿದ್ದಾರೆ ನೆಟ್ಟಿಗರು. 2 ಮಿಲಿಯನ್‌ಗೂ ಹೆಚ್ಚು ವೀಕ್ಷಣೆಯನ್ನು ಈ ವಿಡಿಯೋ ಹೊಂದಿದೆ.

ಮೊದಲು ಮೂರು ನಂತರ ನಾಲ್ಕು, ಆನಂತರ ಆರು ಪೆಂಗ್ವಿನ್​ಗಳು ಒಟ್ಟಾಗಿ ಈ ಚಿಟ್ಟೆಯನ್ನು ಹಿಡಿಯಲು ಪುಟುಪುಟು ಓಡಲಾರಂಭಿಸುತ್ತವೆ. ಆ ಚಿಟ್ಟೆಯೂ ಎಂಥ ಕಿಲಾಡಿ! ಅದಕ್ಕೂ ಗೊತ್ತಿದೆ ತನ್ನನ್ನು ಇವುಗಳೆಲ್ಲ ಹಿಡಿಯಲು ಪ್ರಯತ್ನಿಸುವುದು. ಬೇಕೆಂದರೆ ಆ ಜಾಗದಲ್ಲೇ ಸುತ್ತು ಹೊಡಿಯುತ್ತೆ.

ಮತ್ತಷ್ಟು ಇಂಥ ವೈರಲ್​ ವಿಡಿಯೋಗಾಗಿ ಕ್ಲಿಕ್ ಮಾಡಿ