Viral News: 4 ಮಕ್ಕಳನ್ನು ಹೊಂದಿರುವ 3 ಅಡಿ ಎತ್ತರದ ಪತಿ ಮತ್ತು5 ಅಡಿ ಎತ್ತರದ ಪತ್ನಿ

ಎತ್ತರದ ಅಂತರದಿಂದಲೇ ಇತ್ತೀಚೆಗಷ್ಟೇ ಜೋಡಿಯೊಂದು ವಿಶ್ವ ದಾಖಲೆಯನ್ನು ಪಡೆದುಕೊಂಡಿದೆ. ಅಮೆರಿಕಾದಲ್ಲಿ ನೆಲೆಸಿರುವ ಲ್ಯಾರಿ ಮೆಕ್‌ಡೊನೆಲ್ ಮತ್ತು ಆತನ ಪತ್ನಿ ಜೆಸ್ಸಿಕಾ ಬರ್ನ್ಸ್ ಮೆಕ್‌ಡೊನೆಲ್ ತಮ್ಮ ಎತ್ತರದ ಅಂತರದಿಂದಲೇ ಸಾಮಾಜಿಕ ಜಾಲತಾಣದಲ್ಲಿ ಸಖತ್​​​ ಸುದ್ದಿಯಲ್ಲಿದ್ದಾರೆ. 3 ಅಡಿ ಎತ್ತರದ ಪತಿ ಲ್ಯಾರಿ ಮೆಕ್‌ಡೊನೆಲ್(42) ಮತ್ತು 5 ಅಡಿ ಎತ್ತರದ ಆತನ ಪತ್ನಿ(40) ಪರಸ್ಪರ ಪ್ರೀತಿಸಿ ಮದುವೆಯಾಗಿದ್ದು, 4 ಮಕ್ಕಳನ್ನೂ ಹೊಂದಿದ್ದಾರೆ. ಇವರ ಎತ್ತರದ ಅಂತರ ಕಂಡು ಸಾಕಷ್ಟು ನೆಟ್ಟಿಗರು ಪ್ರೀತಿ ಕುರುಡು ಎಂದು ಕಾಮೆಂಟ್​ ಮಾಡಿದ್ದಾರೆ.

ಲ್ಯಾರಿ ಮತ್ತು ಜೆಸ್ಸಿಕಾ ಬಾಲ್ಯದಿಂದಲೂ ಒಳ್ಳೆಯ ಸ್ನೇಹಿತರಾಗಿದ್ದರು. ಆದರೆ ಜೆಸ್ಸಿಕಾಗೆ ಬೇರೆ ಪ್ರೀತಿಯಲ್ಲಿ ಇದ್ದಿದ್ದರಿಂದ ಇವರಿಬ್ಬರು ದೂರ ಉಳಿದಿದ್ದರು. ಆದರೆ ಜೆಸ್ಸಿಕಾಗೆ ಬ್ರೇಕಪ್​​ ಆದ ಬಳಿಕ ಇವರಿಬ್ಬರ ಸ್ನೇಹ ಮತ್ತೆ ಹಿಂದಿನಂತೆಯೇ ಬೆಳೆದು ಸ್ನೇಹ ಪ್ರೀತಿಯಾಗಿ ಮುಂದುವರಿದಿದೆ. ಬಳಿಕ ಕೆಲ ವರ್ಷಗಳ ಡೇಟಿಂಗ್​ ಬಳಿಕ ಇಬ್ಬರು ಮದುವೆಯಾಗಿದ್ದಾರೆ. ಈಗ ಈ ಜೋಡಿಗೆ 16,15,13 ಮತ್ತು 1 ವರ್ಷದ ನಾಲ್ಕು ಮಕ್ಕಳಿದ್ದಾರೆ.

View this post on Instagram

A post shared by Guinness World Records (@guinnessworldrecords)

ಇದನ್ನೂ ಓದಿ: ಮಗು ಹೀಗೆ ಹುಟ್ಟಲು ಗರ್ಭಿಣಿಯಾಗಿದ್ದಾಗ ನಾನು ಬೆಕ್ಕಿನ ಮಾಂಸ ತಿಂದಿದ್ದೆ ಕಾರಣ ಎಂದ ತಾಯಿ

ಇತ್ತೀಚಿಗಷ್ಟೇ ಸಂದರ್ಶನವೊಂದರಲ್ಲಿ ಈ ಜೋಡಿ ಭಾಗಿಯಾಗಿದ್ದು, ಈ ವಿಡಿಯೋವನ್ನು ಗಿನ್ನಿಸ್ ವಿಶ್ವ ದಾಖಲೆಯ ಅಧಿಕೃತ ಇನ್ಸ್ಟಾಗ್ರಾಮ್​ ಖಾತೆಯಲ್ಲಿ ಹಂಚಿಕೊಳ್ಳಲಾಗಿದೆ. ವಿಡಿಯೋ ಎಲ್ಲೆಡೆ ವೈರಲ್​​ ಆಗುತ್ತಿದ್ದಂತೆ ಸಾಕಷ್ಟು ನೆಟ್ಟಿಗರು ಬಗೆ ಬಗೆಯಾಗಿ ಕಾಮೆಂಟ್​ ಮಾಡಿದ್ದಾರೆ.

ಮತ್ತಷ್ಟು ವೈರಲ್ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ