ಯಾರಿಗೆ ಬೇಕು ರುಚಿರುಚಿ ಗರಿಗರಿಯಾದ ಮಿನಿಯೇಚರ್ ಜಿಲೇಬಿ

Viral Video : ಅಂಗಳದಲ್ಲಿಯೋ ಹಿತ್ತಲಿನಲ್ಲಿಯೋ ಕಲ್ಲು ಮಣ್ಣು ಎಲೆ ಹೂ ಕಟ್ಟಿಗೆ ಉಪಯೋಗಿಸಿ ಆಟ ಆಡುತ್ತಿದ್ದ ದಿನಗಳು ನೆನಪಿರಬೇಕಲ್ಲ? ಹಾಗೆ ಆಡುತ್ತಲೇ ಈ ಆಟದಲ್ಲಿ ನಿಜವಾಗಲೂ ಅಡುಗೆ ಮಾಡಲೇಬೇಕು ಎನ್ನುವ ಆ ಆಸೆ ದಿನದಿಂದ ದಿನಕ್ಕೆ ಮೊಳೆಯುತ್ತಿದ್ದದ್ದು? ಕೊನೆಗೊಮ್ಮೆ ಮನೆಯವರನ್ನೆಲ್ಲ ಕಾಡಿಬೇಡಿ ಒಂದಿಷ್ಟು ಅಡುಗೆ ಸಾಮಗ್ರಿ ಸಂಗ್ರಹಿಸಿಯೋ, ಕದ್ದೋ ಪುಟ್ಟಪುಟ್ಟ ಕಲ್ಲಿಟ್ಟು ಬೆಂಕಿ ಹೊತ್ತಿಸಿ ಅನ್ನ ಬೇಯಿಸಿದ, ಚಹಾ ಮಾಡಿದ ನೆನಪುಗಳೆಲ್ಲ ನಿಮ್ಮ ಬಳಿ ಬೆಚ್ಚಗೆ ಹಾಗೇ ಇರಬಹುದು. ತಲೆಮಾರುಗಳು ಬದಲಾದರೂ ಈ ಅಡುಗೆ ಆಟ ಮಾತ್ರ ಚಾಲ್ತಿಯಲ್ಲಿದೆ. ಆದರೆ ವೇದಿಕೆ ಮಾತ್ರ ಬದಲಾಗಿದೆ!

ಇದೀಗ ವೈರಲ್ ಆಗಿರುವ ಈ ವಿಡಿಯೋ ನೋಡಿ ಏಳು ವರ್ಷದ ಈ ಪೋರ ರಾಜಸ್ತಾನಿ ಪೊಷಾಕು ಧರಿಸಿ ಮಿನಿಯೆಚರ್​ ಜಿಲೇಬಿ ಮಾಡಿದ್ಧಾನೆ. ಬೇಬಿ ಚೆಫ್​ ಸಭ್ಯನ ಈ ಇನ್​ಸ್ಟಾಗ್ರಾಂ ಪುಟದಲ್ಲಿ ಅನೇಕ ಮಿನಿಯೇಚರ್ ಕುಕ್ಕಿಂಗ್ ವಿಡಿಯೋಗಳು ಇವೆ.

ಇದನ್ನೂ ಓದಿ : ಇಂಗ್ಲಿಷ್​ ಅಕ್ಷರಗಳಲ್ಲಿ ತಾಜ್​ಮಹಲ್​ ರಚಿಸಿದ ಯುವಕನ ವಿಡಿಯೋ ವೈರಲ್

ಈತನಕ ಸುಮಾರು 70,000 ಜನರು ಈ ವಿಡಿಯೋ ನೋಡಿದ್ಧಾರೆ. 3,000 ಕ್ಕಿಂತಲೂ ಹೆಚ್ಚು ಜನರು ಈ ವಿಡಿಯೋ ಇಷ್ಟಪಟ್ಟಿದ್ದಾರೆ. ನೂರಾರು ಜನರು ಇವನ ಪಾಕ ಆಸಕ್ತಿಯನ್ನು ಶ್ಲಾಘಿಸಿದ್ದಾರೆ. ಈಗಲೇ ಜಿಲೇಬಿ ರುಚಿ ನೋಡಬೇಕು ಎನ್ನಿಸುತ್ತಿದೆ ಎಂದಿದ್ದಾರೆ. ಶಭಾಷ್​ ಅಡುಗೆಯೂ ಕಲೆ. ಈ ಅಭಿರುಚಿಯನ್ನು ಹೀಗೆಯೇ ಮುಂದುವರಿಸಿಕೊಂಡು ಹೋಗು ಎಂದು ಬೆನ್ನು ತಟ್ಟುತ್ತಿದ್ದಾರೆ.

ಇದನ್ನೂ ಓದಿ : ಬೇಟೆಯಾಡಲು ಪ್ರಯತ್ನಿಸಿದ ಮೊಸಳೆಯನ್ನು ದಡಕ್ಕೆ ಎಳೆದು ತಂದ ಎಮ್ಮೆಯ ವಿಡಿಯೋ ವೈರಲ್

ವಿಪರ್ಯಾಸವೆಂದರೆ ಇಂದು ಆನ್​​ಲೈನ್​ನಲ್ಲಿ ಅಸ್ತಿತ್ವ ಕಂಡುಕೊಂಡರೆ ಮಾತ್ರ ನಾವು ಉಸಿರಾಡುತ್ತಿದ್ದೇವೆ ಎನ್ನುವಂಥ ಪರಿಸ್ಥಿತಿ ತಂದುಕೊಂಡಿದ್ದೇವೆ. ಕೊರೊನಾ ಅವಧಿಯಲ್ಲಿ ಇದಕ್ಕೆ ಹೆಚ್ಚು ಒತ್ತು ಸಿಕ್ಕಿತು. ಬದುಕೇ ಆನ್​ಲೈನ್​ ಆದಾಗ ನಿಮ್ಮ ಆಸಕ್ತಿ, ಪ್ರತಿಭಾ ಪ್ರದರ್ಶನ ಎಲ್ಲದಕ್ಕೂ ಆ ಪರದೆಯೇ ಆಧಾರ ಎಂಬಂತಾದಾಗ ಮಕ್ಕಳಿಂದ ಹಿಡಿದು ಮುದುಕರವರೆಗೂ ಅದೇ ಆಡುಂಬೊಲವಾಯಿತು. ಏನೇ ಆಗಲಿ ಪರದೆಯ ಹೊರತಾಗಿಯೂ ಮಕ್ಕಳು ಇಂಥ ಆಸಕ್ತಿ ಅಭಿರುಚಿ ಬೆಳೆಸಿಕೊಳ್ಳಲಿ.

ಮತ್ತಷ್ಟು ವೈರಲ್ ವಿಡಿಯೋಗಾಗಿ ಕ್ಲಿಕ್ ಮಾಡಿ