ಬೆಕ್ಕಿನಮರಿಗಳಿಗೂ ಹುಚ್ಚು ಹಿಡಿಸಿರುವ ‘ವೆಡ್ನೆಸ್ಡೇ’ ಹಾಡು; ನೋಡಿ ವಿಡಿಯೋ

Viral Video : ಈಗ ಕಿಶೋರಾವ್ಥೆಯಿಂದ ಹಿಡಿದು ಹದಿಹರೆಯದ ಮಕ್ಕಳ ರಾಷ್ಟ್ರಗೀತೆಯಂತೆ ಪ್ರಚಲಿತವಾಗಿ ಈ ವೆಡ್ನೆಸ್ಡೇ ಹಾಡು. ನೆಟ್​ಫ್ಲಿಕ್ಸ್​ನಲ್ಲಿ ಈ ವೆಬ್​ಸೀರೀಸ್ ನೋಡಬಹುದಾಗಿದೆ. ಇದೀಗ ವೈರಲ್ ಆಗಿರುವ ಈ ವಿಡಿಯೋ ನೋಡಿ. ಮೂರು ಬೆಕ್ಕಿನ ಮರಿಗಳಿಗೆ ಈ ಹಾಡಿನ ಲಯಕ್ಕೆ ತಕ್ಕಂತೆ ಡ್ಯಾನ್ಸ್​ ಮಾಡಿಸಿದ್ದಾರೆ ಇವುಗಳನ್ನು ಸಾಕಿದ ಪೋಷಕರು. ನೆಟ್ಟಿಗರಂತೂ ಇವುಗಳಂತೆಯೇ ಕಣ್ಣು ಬಿಟ್ಟುಕೊಂಡ ಬೆರಗಿನಿಂದ ನೋಡುತ್ತಿದ್ದಾರೆ.

View this post on Instagram

A post shared by @lorettabritishcat

ಜನವರಿ 10ರಂದು ಈ ವಿಡಿಯೋ ಅನ್ನು ಇನ್​ಸ್ಟಾಗ್ರಾಂನಲ್ಲಿ ಹಂಚಿಕೊಳ್ಳಲಾಗಿದೆ. ಈತನಕ ಈ ವಿಡಿಯೋ ಅನ್ನು 27 ಮಿಲಿಯನ್​ ಜನರು ನೋಡಿದ್ದಾರೆ. 2 ಮಿಲಿಯನ್​ಗಿಂತಲೂ ಹೆಚ್ಚು ಜನರು ಈ ವಿಡಿಯೋ ಇಷ್ಟಪಟ್ಟಿದ್ದಾರೆ. ಸಾವಿರಾರು ಜನರು ಇದಕ್ಕೆ ಪ್ರತಿಕ್ರಿಯಿಸಿದ್ದಾರೆ.

ಇದನ್ನೂ ಓದಿ : Viral Video : ಈ ಪಕ್ಷಿಗಳೂ ಈ ಬೆಕ್ಕುಗಳೂ, ಹೀಗೊಂದು ಕಾಳಗ

ಅಬ್ಬಾ ನನ್ನಿಷ್ಟದ ಈ ಹಾಡಿಗೆ ಈ ಮರಿಗಳು ಎಷ್ಟು ಚೆಂದ ಕತ್ತು ಅಲ್ಲಾಡಿಸಿವೆ. ನಾನಿನ್ನು ಈ ಹಾಡು ಕೇಳಬೇಕೆನ್ನಿಸಿದಾಗೆಲ್ಲ ಈ ವಿಡಿಯೋ ನೋಡುತ್ತೇನೆ ಎಂದಿದ್ದಾರೆ ಒಬ್ಬರು. ಈ ದಿನ ನಾನು ಇದಕ್ಕಿಂತ ಮುದ್ದಾದ ವಿಡಿಯೋ ನೋಡಿಲ್ಲ ಎಂದಿದ್ದಾರೆ ಇನ್ನೊಬ್ಬರು.

ಇದನ್ನೂ ಓದಿ : ನಿನ್ನನ್ನು ಬಿಟ್ಟುಕೊಡಲೊಲ್ಲೇ ಅಕ್ಕಾ; ವೈರಲ್ ಆಗುತ್ತಿರುವ ನಾಯಿಯ ಈ ವಿಡಿಯೋ

ಒಂದು ಕಡ್ಡಿಯಂಥದ್ದೇನೋ ಅವುಗಳ ಮುಂದೆ ಹಿಡಿದು ಅತ್ತಿಂದಿತ್ತ ಇತ್ತಿಂದಿತ್ತ ಅಲ್ಲಾಡಿಸಿದ ಹಾಗಿದೆ. ಅದಕ್ಕೆ ತಕ್ಕಂತೆ ಇವು ಕತ್ತನ್ನು ಅಲುಗಾಡಿಸಿವೆ. ಆದರೆ ಎಷ್ಟು ಲಯಬದ್ಧವಾಗಿದೆ ಇದು. ಬಹಳ ಇಷ್ಟಪಡುತ್ತಿದ್ದೇನೆ ಎನ್ನುತ್ತಿದ್ದಾರೆ ಮತ್ತೊಬ್ಬರು.

ಇದನ್ನೂ ಓದಿ : ಪುಟ್ಟಾ, ನಾವೇ ಹೀಗೆ ನಿಧಾನಕ್ಕೆ ರಸ್ತೆ ದಾಟಬೇಕು; ಆನೆಯಮ್ಮನ ಪ್ರಾತ್ಯಕ್ಷಿಕೆ ವಿಡಿಯೋ ವೈರಲ್

ಯಾರಾದರೂ ಇದು ಪ್ರಾಣಿಹಿಂಸೆ ಎಂದು ಪ್ರತಿಕ್ರಿಯಿಸುವರೋ ಎಂದು ಕಾಯುತ್ತಿದ್ದೇನೆ ಎಂದು ಮಗದೊಬ್ಬರು ಹೇಳಿದ್ದಾರೆ. ಬೆಕ್ಕಿನ ವಿರೋಧಿಗಳು ಇದು ಎಡಿಟೆಡ್​ ಎಂದು ಹೇಳಬಹುದು ಎಂದು ಮತ್ತೊಬ್ಬರು ಹೇಳಿದ್ದಾರೆ. ಜಗತ್ತಿನಲ್ಲಿ ಬೆಕ್ಕಿಗಿಂತ ಮುದ್ದಾದದ್ದು ಏನೂ ಇಲ್ಲ ಎಂದು ಹಲವಾರು ಜನ ಹೇಳಿದ್ದಾರೆ.

ನೀವೇನಂತೀರಿ?

ಮತ್ತಷ್ಟು ವೈರಲ್​ ವಿಡಿಯೋಗಾಗಿ ಕ್ಲಿಕ್ ಮಾಡಿ

Published On - 5:38 pm, Tue, 7 February 23