Viral Video: ಹೆಲಿಕಾಪ್ಟರ್​​ ಕೆಳಗೆ ನೇತಾಡುತ್ತಾ ಪುಲ್ ಅಪ್ಸ್​ ಮಾಡಿ ದಾಖಲೆ ಬರೆದ ಯುವಕ

Viral Video: ಹೆಲಿಕಾಪ್ಟರ್​​ ಕೆಳಗೆ ನೇತಾಡುತ್ತಾ ಪುಲ್ ಅಪ್ಸ್​ ಮಾಡಿ ದಾಖಲೆ ಬರೆದ ಯುವಕ
ಹೆಲಿಕಾಪ್ಟರ್​​ನಲ್ಲಿ ಪುಲ್ ಅಪ್ಸ್​

ರೋಮನ್ ಸಹೃದ್ಯನ್ ಒಂದು ನಿಮಿಷದಲ್ಲಿ ಹೆಲಿಕಾಪ್ಟರ್​ನಿಂದ ಜೋತು ಬಿದ್ದು 23 ಪುಲ್ ಅಪ್​ಗಳನ್ನು ಮಾಡಿದ್ದಾರೆ ಎಂದು ವೀಡಿಯೊವನ್ನು ಪೋಸ್ಟ್ ಮಾಡಿರುವ ಗಿನ್ನೆಸ್ ರೆಕಾರ್ಡ್​ ಸಂಸ್ಥೆ ತಿಳಿಸಿದೆ.

TV9kannada Web Team

| Edited By: Sushma Chakre

Feb 26, 2022 | 1:33 PM

ನೀವು ಗಿನ್ನೆಸ್ ವರ್ಲ್ಡ್ ರೆಕಾರ್ಡ್ಸ್ (GWR)ನ ಇನ್​ಸ್ಟಾಗ್ರಾಂ (Instagram) ಪೇಜ್ ಫಾಲೋ ಮಾಡುತ್ತೀರಾ? ಈ ಪೇಜ್​ನಲ್ಲಿ ನಾನಾ ವಿಧದ ದಾಖಲೆಗಳನ್ನು ಮಾಡಿರುವ ಜನರ ವಿಡಿಯೋ, ಮಾಹಿತಿಯನ್ನು ಶೇರ್ ಮಾಡಲಾಗುತ್ತದೆ. ಇತ್ತೀಚೆಗೆ ಈ ಪೇಜ್​ನಲ್ಲಿ ಪೋಸ್ಟ್ ಮಾಡಿದ ವಿಡಿಯೋವೊಂದರಲ್ಲಿ ವ್ಯಕ್ತಿಯೊಬ್ಬರು ಹೆಲಿಕಾಪ್ಟರ್‌ನಿಂದ ನೇತಾಡುತ್ತಲೇ ಪುಲ್ ಅಪ್ಸ್ (pull ups) ಮಾಡುತ್ತಿರುವುದನ್ನು ನೋಡಬಹುದು.

ಒಂದು ನಿಮಿಷದ ಈ ವಿಡಿಯೋದಲ್ಲಿ ಬಹುತೇಕ ಪುಲ್​ ಅಪ್​ಗಳನ್ನು ಹೆಲಿಕಾಪ್ಟರ್‌ನಿಂದಲೇ ಮಾಡಲಾಗಿದೆ. ರೋಮನ್ ಸಹೃದ್ಯನ್ ಒಂದು ನಿಮಿಷದಲ್ಲಿ ಹೆಲಿಕಾಪ್ಟರ್​ನಿಂದ ಜೋತು ಬಿದ್ದು 23 ಪುಲ್ ಅಪ್​ಗಳನ್ನು ಮಾಡಿದ್ದಾರೆ ಎಂದು ವೀಡಿಯೊವನ್ನು ಪೋಸ್ಟ್ ಮಾಡಿರುವ ಗಿನ್ನೆಸ್ ರೆಕಾರ್ಡ್​ ಸಂಸ್ಥೆ ತಿಳಿಸಿದೆ. ವ್ಯಕ್ತಿ ಹೆಲಿಕಾಪ್ಟರ್​​ ಕೆಳಗೆ ನೇತಾಡುವುದನ್ನು ಈ ವಿಡಿಯೋದಲ್ಲಿ ನೋಡಬಹುದು. ಅದಾಗಿ ಕೆಲವೇ ಕ್ಷಣಗಳಲ್ಲಿ ವಿಮಾನವು ನಿಧಾನವಾಗಿ ಹಾರಲು ಪ್ರಾರಂಭಿಸಿದಾಗ ಅದರ ಲ್ಯಾಂಡಿಂಗ್ ಸ್ಲೈಡ್‌ಗಳಲ್ಲಿ ಒಂದನ್ನು ಆ ವ್ಯಕ್ತಿ ಹಿಡಿದಿಟ್ಟುಕೊಳ್ಳುತ್ತಾರೆ. ನಂತರ ಆ ವ್ಯಕ್ತಿ ಗಾಳಿಯಲ್ಲಿ ಹೆಲಿಕಾಪ್ಟರ್‌ನಿಂದ ನೇತಾಡುತ್ತಾ ಪುಲ್ ಅಪ್ಸ್ ಮಾಡುತ್ತಿರುವುದನ್ನು ನೋಡಬಹುದು.

ಸುಮಾರು 8 ಗಂಟೆಗಳ ಹಿಂದೆ ಈ ವೀಡಿಯೊವನ್ನು ಪೋಸ್ಟ್ ಮಾಡಲಾಗಿದೆ. ಈಗಾಗಲೇ ಈ ವಿಡಿಯೋ ಕ್ಲಿಪ್ 65,000ಕ್ಕೂ ಹೆಚ್ಚು ಲೈಕ್​ಗಳನ್ನು ಪಡೆದಿದೆ ಮತ್ತು ಸಂಖ್ಯೆಗಳು ಹೆಚ್ಚುತ್ತಲೇ ಇದೆ. ರೋಮನ್ ಸಹೃದ್ಯನ್ ಅರ್ಮೇನಿಯಾದಿಂದ ಬಂದವರು ಎಂದು GWR ಬ್ಲಾಗ್ ವರದಿ ಮಾಡಿದೆ. ಅವರು ಅಕ್ಟೋಬರ್ 2, 2021 ರಂದು ಈ ಗಿನ್ನೆಸ್ ದಾಖಲೆಯನ್ನು ಪೂರ್ಣಗೊಳಿಸಿದರು.

ಇದನ್ನೂ ಓದಿ: Viral Video: ತಿಂಡಿ ತಿನ್ನುವಾಗ ನೀವೂ ಮೊಬೈಲ್ ನೋಡುತ್ತೀರಾ?; ಈ ವಿಡಿಯೋ ನೋಡಿದರೆ ನಿಮಗೂ ನಗು ಬರಬಹುದು

Viral Video: 7 ದಿನಗಳ ಹಿಂದೆ ನಾಪತ್ತೆಯಾಗಿದ್ದ ಬೀದಿ ನಾಯಿಗೆ ಆರತಿ ಎತ್ತಿ ಸ್ವಾಗತ!; ನೀವೂ ಈ ವಿಡಿಯೋ ಕಣ್ತುಂಬಿಕೊಳ್ಳಿ

Follow us on

Related Stories

Most Read Stories

Click on your DTH Provider to Add TV9 Kannada