Viral Video: ಅಮ್ಮನಾದ ಆನೆ, ಭುವಿಗೆ ಬಂದ ಮರಿ
Elephant Gives Birth : ನೋವನ್ನು ಎಂದಿಗೂ ನಾವೊಬ್ಬರೇ ಅನುಭವಿಸುವುದು. ಆದರೆ ಖುಷಿಯನ್ನು? ಈಗಿಲ್ಲಿ ಪ್ರಸವಿಸುತ್ತಿರುವ ಆನೆಯೂ ಅಷ್ಟೇ. ಈ ವಿಡಿಯೋವನ್ನು 10 ಮಿಲಿಯನ್ ನೆಟ್ಟಿಗರು ನೋಡಿದ್ದಾರೆ.
Updated on:Aug 18, 2022 | 1:34 PM
Elephant Gives Birth : ಒಂದು ಹೊಸ ಜೀವಕ್ಕೆ ಜನ್ಮ ಕೊಡುವುದು ಎಲ್ಲ ಜೀವಿಗೂ ನೋವಿನ ಪ್ರಕ್ರಿಯೆಯೇ. ಆದರೆ ಆ ಹೊಸ ಜೀವ ಹೊರಬಂದ ಮೇಲೆ ತಾಯಿಗೆ ಮತ್ತು ಸುತ್ತುವರಿದ ಕುಟುಂಬಕ್ಕೆ ಆಗುವ ಖುಷಿ ವರ್ಣಿಸಲಸಾಧ್ಯ. ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿರುವ 59 ಸೆಕೆಂಡುಗಳ ಈ ವಿಡಿಯೋ ಅನೇಕ ನೆಟ್ಟಿಗರನ್ನು ಹಿಡಿದಿಟ್ಟಿದೆ. ಗೇಬ್ರಿಯಲ್ ಕೊರ್ನೊ ಎನ್ನುವ ಟ್ವಿಟರ್ ಖಾತೆದಾರರು ಈ ವಿಡಿಯೋ ಹಂಚಿಕೊಂಡಿದ್ದಾರೆ. ಕೀನ್ಯಾದ ಮಸಾಯಿ ಮಾರಾ ಎಂಬ ಸಂರಕ್ಷಿತ ಪ್ರದೇಶದಲ್ಲಿ ಆನೆಯು ಮರಿಗೆ ಜನ್ಮ ನೀಡಿದೆ. 3.72 ಲಕ್ಷಕ್ಕೂ ಹೆಚ್ಚು ಜನರು ಈ ವಿಡಿಯೋ ಇಷ್ಟಪಟ್ಟಿದ್ದಾರೆ. 10 ಮಿಲಿಯನ್ ಜನರು ಈ ವಿಡಿಯೋ ನೋಡಿದ್ದಾರೆ. ಆನೆ ಏಕಾಂಗಿಯಾಗಿ ಜನ್ಮ ನೀಡುತ್ತದೆ ನಂತರ ಉಳಿದ ಆನೆಗಳು ಮರಿಯನ್ನು ರಕ್ಷಿಸಲು ಧಾವಿಸುತ್ತವೆ.
ಈ ವಿಡಿಯೋ ನೋಡಿ
Elephant gives birth in the Masai Mara reserve in Kenya pic.twitter.com/S2fgl8fm5K
— Gabriele Corno (@Gabriele_Corno) August 15, 2022
ಆನೆಯಂಥ ಶಕ್ತಿಶಾಲಿ ಮತ್ತು ಗಂಭೀರ ಪ್ರಾಣಿಯ ಜಗತ್ತು ನಿಜಕ್ಕೂ ವಿಶಿಷ್ಟ. ಆದರೆ ಜನ್ಮ ನೀಡುವುದು ಯಾರಿಗೂ ಅಷ್ಟೇ ಕಷ್ಟಕರ ವಿಷಯ.
ಮತ್ತಷ್ಟು ವೈರಲ್ ವಿಡಿಯೋಗಾಗಿ ಕ್ಲಿಕ್ ಮಾಡಿ
Published On - 1:28 pm, Thu, 18 August 22
