ಒಂದು ಹನಿ ಇಂಧನವಿಲ್ಲದೆ ಕೇವಲ ನೀರಿನಲ್ಲೇ 900 ಕಿ.ಮೀ. ಓಡುವ ಕಾರು, ವಿಜ್ಞಾನ ಲೋಕದಲ್ಲಿ ಹೊಸ ಚರ್ಚೆ

ಕಾರುಗಳು ಡೀಸೆಲ್​​​​, ಪೆಟ್ರೋಲ್​​​​ ಇಲ್ಲದೆ ಓಡುವುದಿಲ್ಲ, ಈಗ ಸಿಎನ್​​ಜಿ ಕಾರು ಕೂಡ ಬಂದಿದೆ, ಆದರೆ ಒಂದು ಕಾರು ನೀರಿನಲ್ಲಿ (Water Car) ಚಲಿಸುತ್ತದೆ ಎಂದರೆ ನಂಬಲು ಸಾಧ್ಯವೇ? ಆದರೆ ನಂಬಲೇಬೇಕು, ಏಕೆಂದರೆ ಇಲ್ಲೊಂದು ವಿಡಿಯೋ ವೈರಲ್​​ ಆಗಿದೆ. ಈ ವಿಡಿಯೋವನ್ನು ಎಕ್ಸ್​​ ಖಾತೆಯಲ್ಲಿ ಹಂಚಿಕೊಳ್ಳಲಾಗಿದೆ. ಇರಾನಿನ ವಿಜ್ಞಾನಿ ಅಲಾವುದ್ದೀನ್ ಖಾಸೆಮಿ ಎಂಬುವವರು ಈ ಪ್ರಯೋಗವನ್ನು ಮಾಡಿ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ. ಅಲಾವುದ್ದೀನ್ ಖಾಸೆಮಿ ಹೇಳುವ ಪ್ರಕಾರ ನೀರನ್ನು ಹೈಡ್ರೋಜನ್​​ ಮತ್ತು ಆಮ್ಲಜನಕವಾಗಿ ಬೇರ್ಪಡಿಸುವುದರಿಂದ ಶಕ್ತಿಯನ್ನು ಉತ್ಪಾದಿಸಬಹುದು ಎಂದು ಹೇಳಿದ್ದಾರೆ.

ಈ ವಿಡಿಯೋದಲ್ಲಿ ಅಲಾವುದ್ದೀನ್ ಖಾಸೆಮಿ ಸಾಮಾನ್ಯವಾಗಿ ಉಪಯೋಗಿಸುವ ಪೈಪ್​​​ನ್ನು ಬಳಸಿಕೊಂಡು ಕಾರಿನ ಟ್ಯಾಂಕ್​​​​​​​ನೊಳಗೆ ನೀರು ಹಾಕಿದ್ದಾರೆ. ಅದಕ್ಕೂ ಮೊದಲು ಅವರು ಸ್ವಲ್ಪ ನೀರು ಕುಡಿಯುವುದನ್ನು ಈ ವಿಡಿಯೋದಲ್ಲಿ ನೋಡಬಹುದು. ಕಾರಿನ ಇಂಜಿನ್​​​ ನೀರನ್ನು ಹೈಡ್ರೋಜನ್​​ ಮತ್ತು ಆಮ್ಲಜನಕವಾಗಿ ಪರಿವರ್ತಿಸುತ್ತದೆ. ನಂತರ ಅದರಿಂದ ಬರುವ ಶಕ್ತಿಯಿಂದ ಕಾರು ಮುಂದಕ್ಕೆ ಚಲಿಸುತ್ತದೆ. ಒಂದು ಹನಿ ಇಂಧನ ಹಾಗೂ ಬಾಹ್ಯ ಇಂಧನಗಳು ಮೂಲಗಳಿಲ್ಲದೆ, ಕೇವಲ 60 ಲೀಟರ್ ನೀರಿನಲ್ಲಿ 900 ಕಿಲೋ ಮೀಟರ್​​​​ ಪ್ರಯಾಣಿಸಬಹುದು ಎಂದು ಅಲಾವುದ್ದೀನ್ ಖಾಸೆಮಿ ಹೇಳುತ್ತಾರೆ.

ಇದನ್ನೂ ಓದಿ: ಮಗುವಿಗೆ ‘ಸಿಂಗಾಪುರ್’ ಎಂದು ಹೆಸರಿಟ್ಟು ಕೃತಜ್ಞತೆ ಸಲ್ಲಿಸಿದ ಗಾಜಾ ದಂಪತಿ, ಇಲ್ಲಿದೆ ನೋಡಿ ಕರುಣಾಜನಕ ಕಥೆ

ವೈರಲ್​​ ಪೋಸ್ಟ್​​ ಇಲ್ಲಿದೆ ನೋಡಿ:

ಆದರೆ ಈ ಬಗ್ಗೆ ವಿಜ್ಞಾನ ಲೋಕ ಹೇಳುವಂತೆ ಆ ಪ್ರಯೋಗಕ್ಕೆ ಹೆಚ್ಚಿನ ಶಕ್ತಿಯ ಅಗತ್ಯ ಇದೆ ಎಂದು ಹೇಳಿದೆ. ಇನ್ನು ಈ ವಿಡಿಯೋ ನೋಡಿ, ಇದು ಹೊಸ ಪ್ರಯತ್ನ ಎಂದು ಹೇಳಿದ್ದಾರೆ. ಆದರೆ ಈ ವಿಡಿಯೋದಲ್ಲಿರುವುದು ಎಷ್ಟು ಸತ್ಯ ಎಷ್ಟು ಸುಳ್ಳು ಎಂಬ ಬಗ್ಗೆ ಯಾವುದೇ ವರದಿ ಬಂದಿಲ್ಲ. ಇನ್ನು ಭಾರತದಲ್ಲೂ ಕೂಡ ಇಂಥಹದೇ ಒಂದು ಪ್ರಯತ್ನವನ್ನು ಮಾಡಿತ್ತು, ಒಬ್ಬ ಯೂಟ್ಯೂಬ್ ಕಂಟೆಂಟ್​​ ಕ್ರಿಯೇಟರ್ ಬೈಕ್​​​ನ ಟ್ಯಾಂಕ್​​​ಗೆ ನೀರು ಸುರಿದು ಅದನ್ನು ಸ್ಟಾರ್ಟ್​ ಮಾಡಲು ಪ್ರಯತ್ನ ಮಾಡುತ್ತಾನೆ, ಆದರೆ ಮೊದಲು ಪ್ರಯತ್ನ ವಿಫಲವಾದರೂ, ನಂತರದ ಸ್ಟಾರ್ಟ್ ಆಗುತ್ತದೆ. ಇದರ ಸತ್ಯಾಸತ್ಯತೆ ಬಗ್ಗೆ ಇನ್ನು ತಿಳಿದುಬಂದಿಲ್ಲ

ವೈರಲ್​​ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ